Заменик претседателот на Владата и министер за транспорт, Александар Николовски, по средбата со раководството на ЗЕЛС, изјави дека со измени во Законот за урбанистичко планирање и Законот за градење, во поедноставна постапка и ослободени од комуналии, ќе може да се градат училишта, градинки, амбуланти, болници и катни гаражи кои се во 100 проценти сопственост на општините и државата.

Според Николовски, ова ќе придонесе развој на општините, како и решавање на бројни проблеми на граѓаните во делот на згрижување, образование, здравствената заштита, како и проблемите со градскиот паркинг.

Нашата цел е да има рaзвој на општините, да имаат подобри услуги за граѓаните, да се насочени кон граѓаните и да бидат во подобра финансиска кондиција. Постојат и други предизвици во следниот период што ќе ги решаваме, пред сѐ во закони што се поврзани со директното функционирање со општините, затоа како министер и како потпрестедател на Влада сум на располагање да имаме добра соработка, рече Николовски.

На средбата со раководството на ЗЕЛС било разговарано за средствата што Владата ги има обезбедено за капитални проекти во општините, бидејќи како што рече, преку 80 отсто се преку Министерството за транспорт. За следната година, како што посочи, ќе има дополнителни 250 милиони евра исто така за инфраструктурни проекти за општините.

Претседателот на ЗЕЛС, Орце Ѓорѓиевски, посочи дека скопските општини со месеци чекале да бидат ослободени од комуналии за објекти од јавен карактер.

Практично со овие измени решаваме повеќедецениски проблеми на општините, кои досега не можеа да ги реализираат и да бидат ефективни бројни проекти. Го надминавме моментот од ослободување од комуналии, од причина што скопските општини со месеци наназад имавме проблем, чекавме објектите од јавен карактер да ни бидат ослободени од комуналии. Сега тоа е минато и сега сме целосно функционални, посочи Ѓорѓиевски.

На средбата било договорено да се формираат работни групи со цел да се направат измени и во Законот за експропријација, за да им се овозможи на општините поефикасна реализација на капиталните проекти.

Се надевам дека и во наредниот период, особено Законот за експропријација, ќе го разгледаме заеднички, тој е еден закон којшто доста долго не претрпел измени, а сѐ уште има простор да се доработи истиот. За тоа денеска се договоривме, ќе има составен тим од страна на Министерството, претставници од страна на ЗЕЛС, сѐ со цел да го надминеме и она што е проблем за општините години наназад, а тоа ќе значи одблокирување на процеси при реализација на значајни проекти, како што е моментално состајбата во Скопје. Знаете, имаме булевари, мостови и тн. кои што немаат завршница, посочи Ѓорѓиевски.

Прашан кога треба да легнат средствата на општинските сметки, тој рече дека во текот на денот треба да биде официјално објавено која општина кои проекти ги добива, додека префрлањето на парите зависи од динамиката на реализацијата на проектите.

На 15. ќе има официјална објава, која општина кои проекти ги добива и тоа ќе биде јавно достапно, тоа е денеска. Мислам дека во текот на денот ќе ги добиеме сите информации од јавен карактер, поврзани со сите проекти и во наредниот период на начин како што ќе се одвива динамиката на реализацијата, така ќе легнуваат и парите за исплата према оние оператори кои што би работеле на реализацијата на проектите, така што верувам дека динамиката ќе биде поврзана и со начинот на реализација, вели Ѓорѓиевски.

Тој нагласи дека средствата нема да бидат наменети за непродуктивни трошоци и раздолжување на општините, туку за како што рече, решавање на повеќедецениски проблеми на граѓаните.

Распределбата на средствата одат наменски за реализација на капитални проекти. Ова не се средства за раздолжување на општините, ова не се средства што ќе завршат за набавка на нови возила за градоначалниците и за непродуктивни трошоци, туку ова се средства за реализација на проекти кои што се повеќедецениски проблеми за нашите граѓани, подвлече Ѓорѓиевски.

The post Во поедноставна постапка и ослободени од комуналии ќе се градат училишта, болници и катни гаражи кои се 100 отсто во државна сопственост appeared first on Република.

Општина Кисела Вода ќе добие 600.000 евра, за реализација на капиталниот проект за изградба на водовод во Каменик-Стаклара, кој жителите го чекаат половина век. Средствата се обезбедуваат од страна на Владата на Република Македонија, која по мерката од 250 милиони евра, сега прави нова голема инвестиција во општините, наменета за управување со води. Заложбите утврдени со Меморандумот потпишан со ЗЕЛС кој сите претходните власти го игнорираа, веќе даваат конкретни резултати, а граѓаните се на прво место, истакна претседателот на ЗЕЛС, градоначалникот Орце Ѓорѓиевски по денешната средба со премиерот Христијан Мицкоски.

-Кога се работи чесно и посветено за народот, резултатите се гледаат. А за тоа најмногу зборуваат делата. Денес, на средбата со Премиерот Христијан Мицкоски бевме информирани дека се ставаат на располагање нови над 50 милиони евра кои ќе се слеат во општините, а ќе бидат наменети за управување со води.Чест ми е да напоменам дека, после мерката од 250 милиони евра, ова е втората најголема инвестиција во локалните самоуправи благодарение на посветеноста на Владата и меморандумот потпишан со ЗЕЛС кој сите претходните власти го игнорираа.

Општина Кисела Вода ќе добие 600.000 евра, пари за остварување на долгогодишното барање на мојот народ од Каменик-Стаклара, после 50 години да добијат чиста вода за пиење. Ова исто така ќе значи и дека после завршување на градежните активности, го затвораме поглавјето со подземна инфраструктура и Стаклара конечно, ќе биде последното населено место без соодветно водоснабдување.

Сакам да се заблагодарам на Премиерот Мицкоски и Владата на Република Македонија за нивните заложби за единиците на локалната самоуправа и за нивниот напор за поразвиени општини.Како никогаш во минатото, оваа Влада покажа и докажа дека граѓаните се на прво место.Посебно ме радува фактот што сега навистина постои еднаквост помеѓу општините и што нема апсолутно никакви поделби. Само така, ова наше парче земја ќе стане уште поубаво место за живеење. Продолжуваме!-изјави градоначалникот Орце Ѓорѓиевски.

The post Ѓорѓиевски: Благодарение на Владата, мега проектот за водоснабдување во Стаклара-Каменик станува реалност appeared first on Република.

Како претседател на ЗЕЛС, недвосмислено стојам на ставот дека нема да дозволам никакви политички злоупотреби во оваа институција. ЗЕЛС отсекогаш била платформа каде што политиката се држи настрана, бидејќи единствениот фокус треба да биде на локалните самоуправи, на граѓаните и нивните интереси, вели во претседателот на ЗЕЛС и градоначалник на Кисела Вода Орце Ѓорѓиевски во интервју за мкд.мк.

Ѓорѓиевски порачува дека политичките манипулации можат да имаат единствено негативен ефект врз граѓаните и нивниот квалитет на живот.

Во ЗЕЛС, најважно е единството. Јас лично, како претседател, сум бил во ситуација кога немав добра соработка со одредени министри од претходната власт, но никогаш не ја злоупотребив позицијата ниту пак помислив на бојкот или на напуштање на оваа асоцијација.Верувам дека само преку отворен дијалог и конструктивна комуникација можеме да ги надминеме сите предизвици, а овие последни политички турбуленции го потврдија токму тоа. И двајцата градоначалници кои најавија напуштање на ЗЕЛС изјавија дека немаат проблем со институцијата ниту со мене лично, и по остварените средби кажаа дека остануваат дел од нашата заедница. Единството е темелот на ЗЕЛС и не смее да биде нарушено. Секој градоначалник, кога ја добива таа позиција од граѓаните, има обврска да работи и да решава проблеми, а не да се користи со закани, бојкоти или да хибернира, нешто што за жал, токму сега го гледаме во Скопје. Затоа, се залагам за законско решение кое ќе овозможи предвремено отповикување на секој градоначалник кој не си ја врши својата работа, бидејќи интересите на граѓаните мора да се стават на прво место, вели Ѓорѓиевски.

Говорејќи за соработката на ЗЕЛС со новата Влада истакнува дека со потпишаниот Mеморандум за соработка се дефинирани заедничките насоки за работа и се овозможува вистински партнерски однос.

Според мене, тоа е сериозен сигнал дека и централната власт е подготвена за реално партнерство. Во таа насока, активно се работи на измени во предлог-законот за државни службеници. Претходната верзија беше камен на сопнување бидејќи беше многу нерамноправна во однос на државните службеници од централната и локалната власт. Во моментот, работни групи од Министерството за администрација, претставници од ЗЕЛС и од општинските администрации седнуваат на заедничка маса за да најдат соодветно решение кое ќе ги задоволи сите засегнати страни, наведува претседателот на ЗЕЛС.

Дополнително, Ѓорѓиевски најавува дека ќе бидат формирани финансиски работни групи со претставници од локалните финансиски сектори, кои ќе работат заедно со централните институции при креирањето на Буџетот за 2025 година.

Веќе почна реализацијата и на директната финансиска помош за проектите, при што првпат на локално ниво се распределуваат 100 милиони евра, односно 250 милиони евра за четирите години, што овозможува решавање на децениски проблеми на граѓаните во, буквално сите општини. Овие средства се распределуваат правично, а со нив значително ќе се подобри животот на нашите сограѓани, вели претседателот на ЗЕЛС.

The post Ѓорѓиевски: Единството е темелот на ЗЕЛС и не смее да биде нарушено appeared first on Република.

ЗЕЛС не е тој што предизвикува кризи, ЗЕЛС ги надминува кризите, изјави претседателот на Заедницата на единиците на локална самоуправа (ЗЕЛС) и градоначалник на Општина Кисела Вода Орце Ѓорѓиевски по средбата со градоначалникот на Карпош, Стевчо Јакимовски.

Како што соопшти ЗЕЛС, градоначалникот на општина Струмица Костадин Костадинов не дошол на состанокот на кој бил поканет.

На средбата, Ѓорѓиевски истакнал дека секогаш имало несогласувања меѓу одреден градоначалник и министер и додал дека тоа е логично кога се работи да постојат и такви несогласувања.

Ние сме тие кои влегуваме во директна медијација на процесот и верувам дека ќе ги надминеме какви и да се разликите и колку и длабоки да се истите. ЗЕЛС останува обединет и понатаму. Во наредниот период ќе продолжиме со интензивна комуникација и со Струмица. Колегата Перо Костадинов, кој е мој потпретседател и доаѓа од редовите на Социјалдемократскиот сојуз, ќе се потруди во тој дел како колега, како припадници на иста политичка партија со Костадин Костадинов да седнеме заеднички на маса и верувам дека, како и Стевче што кажа дека нема да излезе од ЗЕЛС и остава простор на процесот да ги надминеме проблемите, истото ќе се случи и со општина Струмица, изјавил претседателот на ЗЕЛС Ѓорѓиевски, додавајќи дека ќе застанат зад секој градоначалник без разлика од која било политичка партија да доаѓа.

Од ЗЕЛС информираат дека во текот на наредните дена ќе направат обиди за организирање средби меѓу градоначалниците и претставниците на централната власт.

Претседателот на ЗЕЛС и градоначалник на општина Кисела Вода Орце Ѓорѓиевски пред неколку дена во гостување на МТВ оцени дека се прави вештачко креирање на проблеми и дека има политика во најавите на градоначалниците на Струмица и Карпош за излегување од ЗЕЛС. Ѓорѓиевски посочи дека струмичкиот градоначалник одбива комуникација и подадена рака од другите колеги, ставајќи ги во заложништво своите граѓани заради свои политички цели.

The post Ѓорѓиевски на средба со Јакимовски: ЗЕЛС е обединет, ќе посредуваме меѓу Карпош, Струмица и централната власт appeared first on Република.

Градоначалникот на општина Кисела Вода, Орце Ѓорѓиевски, заедно со Здружението на пензионери од Кисела Вода го одбележа денот на пензионерите.

Тој им се заблагодари за нивната жртва и истрајност во градењето на татковината и им порача дека тој и Владата на Република Македонија секогаш ќе бидат нивни партнер, а тоа го докажуваат и со дела.

Нека е честит Денот на оние на кои им должиме сѐ - нашите родители, баби и дедовци, нека е среќен денот на пензионерите!

На 20 септември се одбележува Светскиот ден на пензионерите, а на мое задоволство, присуствував на пригодната прослава на З.П. од Кисела Вода.

Помеѓу нив се чувствувам најпријатно.

Се чувствувам како дома и секоја мајчинска прегратка, секоја силно стисната рака за поддршка за мене е највозвишено чувство.

На овој ден, сакам од срце да ви се заблагодарам за вашата пожртвуваност, истрајна желба и посветеност во градењето на нашата Република Македонија.

Со вашата мудрост и знаење кое ни го пренесувате на нас помладите генерации, вие сте трајно врежани во темелите на татковината.

Велат, во младите е силата но во повозрасните е мудроста и искуството и затоа јас ви се поклонувам.

Мојата поддршка пак, драги пензионери, ќе ја имате постојано бидејќи вие го заслужувате тоа.

Така беше изминатиот период преку воведување мерки за директна помош и олеснување на секојдневието, така ќе е и понатаму.

Ваш искрен партнер и рака за поддршка е и новата влада предводена од Премиерот Христијан Мицкоски која на дело покажува вистинска грижа и почит за вас.

До следното видување кое ќе биде за скоро, да сте ми живи и здрави! – рече Ѓорѓиевски.

The post Градоначалникот на Кисела Вода на одбележувањето на Денот на пензионерите appeared first on Република.

Продолжува да се менува ликот на Кисела Вода. За првпат досега се реконструира „Христо Татарчев” крак 1, 7, 9 и 11. Се работи за обемен потег на околу 3200 квадратни метри површина. Сообраќајници кои никогаш досега не биле обновени, а таков зафат бил потребен уште пред децении, велат од Општина Кисела Вода.

Оттаму додаваат дека се работи на целосна реконструкција на краците 1, 7, 9 и 11 од улицата „Христо Татарчев” од околу 3200 метри квадратни кои имаат видни оштетувања и не биле санирани повеќе од 20 години.

-Дел од овие улици, како што слушнав од разговор со жителите се правени со самопридонес и освен мали интервенции, никогаш досега не се целосно обновени. Тоа од сега е само минато. Како што му дадов збор на чичко Раде, на неговите соседи, на сите кои живеат тука дека нема да има неасфалтирана улица во Кисела Вода, така продолжуваме кон нашата цел. За кратко време од сега, тука ќе има комплетно нови улици кои ќе го олеснат секојдневието на мојот народ. Продолжуваме понатаму, изјавил градоначалникот на општина Кисела Вода Орце Ѓорѓиевски при денешниот увид во градежните активности за реконструкција на краците 1, 7, 9 и 11 на „Христо Татарчев“.

Тој потенцира дека ќе се интервенира на сите улици и, како што вели, со посветена работа ќе се овозможат современи услови за живеење.

The post Ѓорѓиевски: Првпат досега целосна реконструкција на „Христо Татарчев” крак 1, 7, 9 и 11 appeared first on Република.

Градоначалникотна општина Кисела Вода и претседател на ЗЕЛС, Орце Ѓорѓиевски, присуствуваше на презентација и дискусија за системот за финансирање на дејноста за заштита на деца со средства од блок дотации, организирана од страна на Министерството за труд и социјална политика, информираат од Општина Кисела Вода.

На средбата, на која покрај заменик-министерот за труд и социјална политика Ѓоко Велковски присуствувале и други претставници на ЗЕЛС, на Министерството и од Светска Банка, биле отворени повеќе значајни теми во насока на усвојување на методологијата за креирање на буџет за фискалната 2025 година.

Денеска присуствував на значајна средба која ја иницираше Министерството за труд и социјална политика. Со заменик министерот Ѓоко Велковски, но и со други мои колеги претставници од ЗЕЛС и претставници од Светска Банка, заеднички дискутиравме на повеќе теми кои треба да бидат база за воведување на нов поефикасен систем за распределба на средства за финансирање на дејноста. Во фокусот на нашите разговори покрај висината на блок дотациите, беше и проблемот со чекање на нови согласности за вработувања, како и полагањето за добивање на лиценци, како би можело да се овозможи поголема ефикасност на целокупниот систем, истакнал Ѓорѓиевски.

Предложената методологија, која верува, ќе ги содржи нивните забелешки, ќе биде доставена до управниот одбор на ЗЕЛС, но и до сите општини со цел тие да е произнесат и креирањето на Буџетот за 2025 за оваа дејност да биде точно по мерка на граѓаните и нивните потреби.

The post Претседателот на ЗЕЛС на дискусија во МТСП за системот за финансирање на дејноста за заштита на деца со средства од блок-дотации appeared first on Република.

Двајца советници од советничката група на СДСМ во Советот на Општина Кисела Вода, преминаа во ВМРО-ДПМНЕ.

Станува збор за советници од политичките партии ЛДП и ДС кои беа во советничка група со СДСМ. Тие сега ја напуштија советничката група на СДСМ.

-Благодарност до Јане Петковски и Елизабета Стефковска што ги препознаа победничките политики кои носат подобра иднина за нашите жители. Да живее Македонија, порача градоначалникот на Кисела Вода, Орце Ѓорѓиевски.

The post Советници од советничката група на СДСМ во Кисела Вода преминаа во ВМРО-ДПМНЕ appeared first on Република.

Градоначалникот на Кисела Вода Орце Ѓоргиевски објави фотографии од митингот на СДСМ во Кисела Вода.На нив се гледа дека има едвај стотина присутни жители.

Дечки ова е изгубена битка, не знам зошто се трудите.

The post Tрчај трчај па човек: Вака изгледа митингот на СДСМ во Кисела Вода appeared first on Република.

По веста дека Благојчо Георгиев одлучи својот електричен скутер вреден најмалку 75.000 денари да го продаде 30.000 само  да помогне во собирањето на средствата потребни за опоравувањето на Леонид Индов, градоначалникот на Кисела Вода Орце Ѓорѓиевски објави дека веднаш ги уплатил пари за младиот скопјанец, за да може скутерот да остане кај хуманиот Георгиев.

https://republika.mk/zivot/servisi/blagojcho-odluchi-da-go-prodade-svojot-invaliden-skuter-za-30-000-denari-za-lekuvane-na-leonid/

Инвалидниот скутер кој Благојчо го продава ќе остане кај него – уплатив 30.000 денари за лекувањето на Лео! На почеток, морам да кажам дека Благојчо е еден од многуте херои кои ги има Македонија, човек со големо срце на кој му се поклонувам. Вчера ја видов неговата објава каде што го продава својот инвалиден скутер кој му е неопходен, само за малиот Лео Индов да стане на нозе. Го продава, бидејќи државата е глува и се лечиме со смс пораки. Народот е оставен сам на себе. Но, секогаш се сплотуваме и испишавме многу успешни приказни досега. Објавата на Благојче ме трогна, вели дека тој има сила да се турка и на раце само Лео да оздрави. Не Бажо, нема да се туркаш на раце. Скутерот ќе остане за тебе, а ќе го станеме и Лео на нозе. Сплотени! Ги повикувам сите мои колеги, сите добронамерници да донираат за Лео, онолку колку што можат. Немаме време за чекање. Лео мора да оздрави! Бог да е со нас!, соопшти тој.

The post Орце Ѓорѓиевски уплати 30.000 денари за Леонид за Благојчо да не мора да го продаде својот инвалиден скутер appeared first on Република.

Градоначалникот на општина Кисела Вода Орце Ѓорѓиевски ѝ одговори на обвинувањата на скопската градоначалничка Данела Арсовска во коментар на нејзина објава на социјалната мрежа на Фејсбук, при што Арсовска истиoт го избриша а исто така и го блокирала.

Драга Данела, во однос на писменоста и познавањето на работата поврзана со градоначалничката функција, јас за тебе сум благоречено „Блаже Конески“, пишува Ѓорѓиевски во својот коментар оставен како реакција на Фејсбук објавата на градоначалничката Арсовска.

The post За тебе сум Блаже Конески, ѝ одговори Ѓорѓиевски на Арсовска appeared first on Република.

Во пресрет на големиот христијански празник, Велигден, градоначалникот Орце Ѓорѓиевски посети повеќе социјално загрозени семејства од општина Кисела Вода на кои им донираше пакети со прехранбени производи.

Истакна дека токму во овие денови кога се празнува христијанството чија суштина е добрината и љубовта, сите луѓе треба да почувствуваат радост и сплотеност.

Честитајќи го Велигден, тој им се заблагодари и на сите кои преку дело ја покажаа својата поддршка, на тој начин овозможувајќи помошта да стигне онаму каде што е најмногу потребна.

„Да се стремиме да бидеме подобри луѓе, да си помагаме и подаваме рака, да пристапиме со добрина и љубов – тоа е највозвишената човечка особина! Големи денови се пред нас, го чекаме Воскресението Христово. Ова се денови на радост и сплотеност, денови кога треба да покажеме дека сме луѓе помеѓу луѓето.И токму затоа – секој заслужува да ги помине како што доликува! Денес поделивме прехранбени пакети на семејствата од социјален ризик во Кисела Вода.

Се потрудивме со мало внимание да им ги разубавиме празниците, да знаат дека не се сами и дека секогаш има некој кој ќе стои како столб во поддршка дури и во најтешките времиња. Јас можам само да се заблагодарам за силно стиснатата рака, да се заблагодарам и на оние кои помогнаа да изнудиме некоја искрена насмевка денес. Тоа за мене е најголема награда! Нека се среќни Велигденските празници, здравје, љубов и слога кај сите“ -изјави Ѓорѓиевски.

The post Градоначалникот Ѓорѓиевски подели хуманитарни пакети на социјално загрозени семејства во Кисела Вода appeared first on Република.

Општина Кисела Вода соопшти дека продолжува со инвестицискиот процес за унапредување на условите за децата во градинките. Потенцираат дека за неколку месеци вложиле 7.245.000 денари во објектите на ЈДГ „8 Март".

Градоначалникот Орце Ѓорѓиевски, придружуван од директорката на ЈДГ „8 Март“, го посетиле објектот „Пеперутка 2“ во Драчево, каде се извршија градежни зафати за преадаптација на кујната и пералната, промена на електричната инсталација, подобрена е и енергетската моќност на објектот.

Од општината посочуваат дека во моментов се врши набавка на современа кујнска опрема. Во клоновите „Расадник“ и „Пржино“ извршена е промена на врати и прозорци.

Го продоложуваме континуитетот на унапредување на условите за децата од предучилишна возраст, со инвестирање во градинките каде најмладите го поминуваат поголемиот дел од секојдневието. Со задоволство сакам да истакнам дека во изминатиот период вложивме 7.245.000,00 денари во објектите на ЈДГ „8 Март“, каде согласно потребите, се интервенираше со повеќе различни градежни зафати. Денес сме во објектот „Пеперутка 2“ во Драчево, каде се одвиваа голем дел дел од активностите, како, на пример, промена на електричната инсталација и целосно подобрување на енергетската моќност на објектот, извршивме преадаптација на пералната и кујната која сега ја опремуваме и со современа кујнска опрема. Со цел подобрување на енергетска ефикасност, во објектите „Расадник“ и „Пржино“ ги заменивме вратите и прозорците, а претходно вакви и слични зафати изведовме и во објектите на другата јавна детска градинка „Весели Цветови“, исракна Ѓорѓиевски.

Од општинската прес-служба информираат дека анализите за потребата од дополнителни инфраструктурни зафати, во сите останати градинки на територија на општина Кисела Вода се дел од еден континуитет кој ќе продолжи.

The post Општина Кисела Вода инвестира 7,2 милиони денари во градинките „8 Март“ appeared first on Република.

Денес беше направен увид на градежни активности во село Драчево, место традиционално викано Оксиген, добро познато култно место за Драчево кое што до пред два и пол месеци беше една голема депонија која ја исчистивме како општина и можете да видите зад нас дека веќе прераснува во еден модерен ултра современ спортско рекреативен центар кој што на иницијатива на моите сограѓани од Драчево ќе го носи името на еден од загинатите бранители во конфликтот во 2001 година, Теодор Стојановски-Тоше, што е вака мое големо задоволство, истакна градоначалникот на општина Кисела Вода, Орце Ѓорѓиевски.

Овој парк ги нуди можностите за сите генерации, од најмладите до највозрасните. Имаме две игралишта за баскет, за фудбал на истото, имаме детски катчиња, имаме летниковци за повозрасните категории за наши сограѓани, имаме патеки. Ќе биде целиот опелеменет со зеленило и со дрвја, така да се на се ќе биде еден многу убав, еден нов центар спортски-рекреативен во Драчево, нешто што недостасуваше и беше ветувано 30-тина години наназад. Конечно ние како гарнитура сега што ја предводиме општината дојде редот да го реализираме и верувам дека за 2 месеци од денес ќе се види и крајот на сето ова и ќе кулуминира со завршување на овој преубав проект – порача тој.

The post Ѓорѓиевски: Во Драчево ќе се гради современ рекреативен спортски центар кој ќе нуди можности за сите генерации appeared first on Република.

Годината која што помина беше турбулентна, но сепак ги исполнивме вашите очекувања. Оваа година покажавме дека може поинаку и дека можеме да наметнеме ново темпо и нова динамика во исполнување на сето она кое што беше ветено во кампањата. Покажавме дека можело поинаку, без да се крадат парите на граѓаните и без да се ставаат под тепих проблемите. Заеднички со вас испишуваме нови стандарди во работењето и во креирањето на новиот буџет и проекти за идната година, истакна градоначалникот на општина Кисела Вода, Орце Ѓорѓиевски при неговото обраќање во кампањата „Промените на дело“ .

Градоначалникот Ѓорѓиевски во текот на своето обраќање најави и проекти кои што се планирани за следната година.

– Дадовме приоритет на граѓаните и на нивните проблеми. Преку отворениот повик за проектирање на буџетот, добивме одлични предлози од кој што голем дел се вклучени во буџетот за оваа година. Оливер Стојановски побара решавање на проблемот со водоснабдување во Стаклара. Со огромно задоволство можам да соопштам  дека овој проект е дел од новиот буџет и оваа година ќе почне со реализација на ова барање. Жителите на Припор побараа асфалтирање  на 7 улици и ова исто така ќе биде реализирано во наредната година. Оваа година ќе направиме и многу други проекти. Целосна реконструкција на мостот  Киро Фетак во Драчево, реконструкција на патната инфраструктура во 11 Октомври бараки. Реконструкција на  улици и во другите населени места, но и уште една нова, трета по ред градинка во Кисела Вода во Расадник, како и уште над 120 нови проекти за наредната година во нашата општина, рече Ѓорѓиевски.

Градоначалникот Ѓорѓиевски им порача на граѓаните дека промените се случуваат и дека општина Кисела Вода ќе оди напред.

– Општина Кисела Вода ќе оди напред. Не ги забораваме проблемите на народот и со сите сили се бориме да создадеме заедничка иднина. Покажуваме разлика и решаваме децениски барања на нашите сограѓани. Промените се случуваат во Кисела Вода и вие го забележувате тоа, Промените на дело, додаде тој.

The post Ѓорѓиевски: Кисела Вода со над 120 нови проекти за 2023 година appeared first on Република.

Градоначалникот на Општина Кисела Вода, Орце Ѓорѓиевски вели дека до него не допираат заканите и дека нема намера да се повлече од решавање на деценискиот проблем на жителите од улица „Банско“ во Црниче. Вели дека е одлучен и дека ќе оди до крај.

Имено, откако пред околу една недела го расчисти узурпираниот дел од улицата, денеска повторно истиот проблем, по што градоначалникот се огласи и преку социјалните мрежи.

-Иако сѐ уште се слушаат последните крици на бандитизмот и заштитените од системот, повторно блокирајќи со возила и мислејќи дека како во минатото и овојпат исто ќе поминат! За разлика од минатото, овојпат правда ќе има, одиме до крај и нема повлекување по ниедна цена! Иако пред неколку дена на улицата ,,Банско” го исчистивме целиот потег, го припремивме за поставување на бекатон плочи и возилата беа отстранети, лицето заштитено од системот повторно го узурпира државниот имот и попречува фирмите да си ја завршат својата работа, односно тука да има улица како што впрочем е по ДУП. За да не дојде до инцидент, бидејќи заштитениот од властите е видно вознемирен поради тоа што знае дека ерата на бесправно владеење, узурпурање и изживување со недолжното население заврши, ние повторно поднесовме уредно барање до СВР Скопје во кое што бараме нивна асистенција за фирмата да може нормално да работи, односно да го заврши потегот за проектирање на улицата. Асистенција побаравме и поради фактот што, како што напоменав, повластениот видно вознемирен упатуваше и закани повикувајќи се на високи функционери во МВР, за кои нормално очекуваме институциите да реагираат и да докажат дека нешто се променило, во спротивно ќе знаеме дека живееме во полициска држава во која владеат само ,,избраните”, вели Ѓорѓиевски.

Тој ги повика МВР, обвинителството и сите надлежни интитуции за оваа проблематика да постапат, за како што рече, да престане ова самоволие и конечно да се излезе од стегите на корумпираниот систем.

Системот мора да функционира. Ние, мора да имаме правна држава. Јас одам до крај, јас не се повлекувам. Кај мене закани НЕ ПАЛАТ и токму поради тоа на ова место улица наскоро ќе има! Градежните активности ќе продолжат во наредните денови. Улица ќе има и жителите на ,,Банско” ќе можат слободно да се движат, го имаат мојот збор, објави Ѓорѓиевски.

The post Ѓорѓиевски: Системот мора да функционира, кај мене закани не палат, граѓаните ќе си ја добијат улицата appeared first on Република.

Нов рекреативен парк со самонаводнување никнува на местото од дивата депонија во селото Драчево. Во месноста Оскиген, на површина од 7500 м2, Општина Кисела Вода гради рекреативен центар каде во своето слободно време ќе можат да уживаат граѓани од сите возрасти.

Покрај голема површина на зеленило кое ќе се одржува преку систем за самонаводнување, просторот ќе нуди и детски катчиња, сквер, патеки, летниковци како и фитнес справи. Љубителите на фудбалот и баскетот пак, ќе имаат прилика да спортуваат на комплетно нови целосно освтлени игралишта.

Градежните работи се во полн ек и наскоро, ова ќе биде новото собиралиште за одмор и рекреација на сите жители од овој дел на градот.

По повеќе од три децении празни ветувања, дивата депонија во местото викано Оксиген ја претвораме во огромен рекреативен парк со самонаводнување од 7500m2! Во селото Драчево, огромната површина во Оксиген во изминативе триесеттина години служеше како депонија која во еколошка и естетска смисла го нарушуваше животот и здравјето на моите сограѓани.

 

Тоа не би било така доколку властите во изминатите неколку децении го сределе ова место. Напротив, беше уште едно лажно ветување дека оваа депонија ќе прерасне во парк, особено пред секои избори.

 

На тоа решивме да му ставиме крај и конечно ова место да стане современ рекреативен центар каде во своето слободно време ќе можат да уживаат сите возрасти, изјави Ѓорѓиевски.

Рекреативниот парк ќе се простира на површина од 7500 м2 и ќе нуди детски катчиња, сквер, патеки, летниковци како и фитнес справи.

Љубителите на фудбалот и баскетот пак, ќе имаат прилика да спортуваат на комплетно новите игралишта, но и да уживаат во фудбалските натпревари од трибини во денот, но и навечер бидејќи целиот парк ќе биде осветлен.

Паркот ќе има има и голема површина на зеленило за сето ова убаво да изгледа и зеленило кое ќе содржи систем за самонаводнување преку атмосферски бунар.

Местото веќе почнува да го добива својот лик, работите се одвиваат со полна пареа за овие мои сограѓани да го имаат тоа што го заслужуваат.

 

Убеден сум дека ова ќе биде ново место на кое сите ќе се собираме, ќе се дружиме и ќе остане да сведочи за новата иднина која ја испишуваме за нашата Кисела Вода.

 

Продолжуваме да креираме иднина, преку дела кои мојот народ ги препознава“, изјави градоначалникот Орце Ѓорѓиевски при увидот во градежните активности.

The post Наместо депонија, современ парк од 7500 м2 во село Драчево appeared first on Република.

Разговаравме со Орце Ѓорѓиевски пред неколку дена за реализација на проектите ветени во кампањата за локалните избори, ми вели со реализација сме на 80%, а следната година ќе бидеме околу 100%, две години пред крајот на мандатот. Честитки за Орце и целиот тим на општина Кисела Вода 👏👏👏. Нема заборавени места, не се сите исти. Има надеж, потребна е промена за Македонија да почне да победува…, напиша на Фејсбук, лидерот на ВМРО ДПМНЕ, Христијан Мицкоски.

The post Мицкоски: Две години пред крајот на мандатот, Орце и целиот тим на Кисела Вода, ќе реализира 100 насто од ветеното appeared first on Република.

Во изминатите 365 дена, со домаќинско раководење со буџетот на граѓаните и намалување на непродуктивните трошоци дојдовме до голема заштеда, која ја насочивме во капитални проекти.

Па така, споредбено со претходното раководство во 2021, во 2022 година се заштедија средства во висина од:

-Консултантски услуги – 100%
-Репрезентација – 100%
-Огласи и други објави – 77,46%
-Изнајмување фотокопири – 73,16%
-Одржување на опрема – 56,24%
-Службени телефони – 26,73%

Или во просек, непродуктивните трошоци се намалија за високи 68, 46% и истата таа заштеда се искористи за капитални инвестиции, односно парите кои претходно се трошеле за непотребни работи, денес се насочуваат во граѓаните.

Дополнително, лично како градоначалник имам 0 денари трошоци за гориво, 0 денари за репрезентација и 0 денари за службено возило.

ВКУПНАТА ЗАШТЕДА Е 1.407.000 ДЕНАРИ!, пишува во својата објава на Фејсбук градоначалникот на општина Кисела Вода Орце Ѓорѓиевски.

The post Ѓорѓиевски: Со кратење на непродуктивните трошоци, заштедивме над 1 милион денари кои ги насочивме кон капитални проекти appeared first on Република.

Имаме голем општински проблем.
Градоначалникот постави знак, со срце со сѐ, во Кисела Вода.
Пред неколку дена, знакот ни го срушија. На пладне некаде.
Вечерта, знакот го вратија.
Денеска сабајле, знакот мистериозно го снема.
Сега, пак го има.
Тоа уствари Данела тврди дека знакот е дивоградба, а Орце вели "не е". Она го вади, он го враќа.
Возбудливо е да се живее во Кисела Вода!
#знакотнегодаваме

The post Место ѓубре, Данела собира срциња appeared first on Република.