Премиерот Христијан Мицкоски денеска присустуваше на поставување на камен-темелник на нова спортска сала во Општината Петровец.

Честитки до градоначалникот, советниците, до Министерството и министерката, до пратениците од овој регион од овде од Изборна единица 3 што се залагаат, што континуирано предлагаат проекти кои што како Влада ќе ги поддржуваме и во иднина. Така треба да се продолжи, тоа го очекуваат граѓаните од нас да создаваме, да градиме, а не да рушиме, изјави премиерот Мицкоски.

Според Мицкоски, разликата е евидентна, за нешто помалку од два месеци нова Влада предводена од ВМРО-ДПМНЕ и коалицијата Твоја Македонија многу од проектите кои во минатото чекаа стануваат реалност.

Уште еднаш честитки до сите и посакувам што повеќе дечиња да ја користат оваа сала, овој спортски објект затоа што со спортот практично се создава убав дух кај секое едно дете, и на тој начин потоа се создаваат би рекол чесни и правилни возрасни личности, изјави Мицкоски.

The post Мицкоски: Почна изградба на нова спортска сала, ќе продолжиме да градиме и во иднина, тоа го очекуваат граѓаните од нас appeared first on Република.

Се отпочнува еден објект кој што значително ќе го подобри квалитетот на животот овде во општина Петровец, на брачните парови кои што ќе можат дечињата да ги згрижат во овој објект, кој што набргу од денеска ќе биде реалност, рече денеска претседателот на ВМРО-ДПМНЕ Христијан Мицкоски на денешното означување на почетокот на изградба на детска градинка.

Благодарност до градоначалникот, благодарност до Скопскиот Плански регион кој што со заеднички сили во оваа прва фаза, благодарност и до Советот и советниците кои што заедно овде со градоначалникот успеваат и покрај сите предизвици со кои што се соочува општина Петровец да изнајдат начин и средства, да смогнат сили за да можат да реализираат што е можно повеќе проекти. Му честитам на градоначалникот и за тоа што од прилика од 2 недели од денеска и новата општинска зграда ќе ја пушти во употреба, чии што камен темелник пред неколку месеци го отпочнавме. Така што може да се види една значајна разлика помеѓу тоа како оваа влада на ДУИ поддржана од помалиот партнер на СДСМ работи, и како работата градоначалниците на ВМРО-ДПМНЕ и коалицијата, додека владата само краде, имаме локална самоуправа каде што имаме градоначалници од ВМРО-ДПМНЕ и коалицијата кои што градат капитални објекти, кои што значат додадена вредност во животите на луѓето кои се дел од тие општини. Уште еднаш честитки до градоначалникот Борче, до советниците, до општината, до Јане како директор на Скопски Плански регион кои што со заеднички сили успеваат ова да го направат и им посакувам уште многу вакви објекти во иднина и уште многу капитални проекти кои ќе значат додадена вредност во квалитетот на животот на сите граѓани, рече Мицкоски.

Додаде и дека како идна влада ВМРО-ДПМНЕ планира во општина Петровец годишно да инвестира до 1.250.000 евра капитално објекти кои се надвор од буџетот кој што го има општината, или во еден четири годишен мандат тоа се до 5 милиони евра за капитални проекти.

Така што нека биде и ова мотив за градоначалникот, но и за самата општина, за администрацијата да изработат проекти и веднаш да почнеме такви капитални проекти да реализираме. За неколку месеци од денес ќе имаме влада која што ќе ја предводи ВМРО-ДПМНЕ и тогаш ќе можат граѓаните да видат и дополнителна додадена вредност и дополнителна разлика споредено со владата на ДУИ поддржана од помалиот коалиционен партнер СДСМ, рече Мицкоски.

The post Мицкоски: Почна изградбата на нова градинка, а идната влада на ВМРО-ДПМНЕ ќе вложи 5 милиони евра за капитални проекти во Петровец appeared first on Република.

Општина Петровец по 75 години ќе добие нова општинска зграда. На камен-темелникот денеска присуствуваше и делегација на ВМРО-ДПМНЕ предводена од претседателот Христијан Мицкоски.

Повеќе од 70 години не е направено ништо, но еве затоа сега конечно се прави нешто кое што во рок од 6 месеци ќе ја разубави општината но и ќе има пристојни услови за работа општинската администрација. И јас се надевам дека ќе има уште многу нови проекти во самата општина, но и многу инвеститори нови домашни и странски кои што со задоволство во изминатиов период својот бизнис го преселија овдека или пак го формираа овдека во општина Петровец, рече Мицкоски.

Тој потсети дека општините се оставени без поддршка на Буџетот, и иако е очигледно дека владата ги опструира градоначалниците на ВМРО-ДПМНЕ, тие успеваат да ги реализираат ветените проекти во рокот.

Оттука и задоволството е уште поголемо што без поддршка од Буџетот со сопствени средства самата Општина успева да најде начин да реализира една ваква голема стратешка инвестиција. А, како дополнение на тоа и оваа велосипедско пешачка патека во должина од 2 ипол километри која што исто така со сопствени средства Општината сама ја гради. Значи некои си 45-46 милиони денари инвестиции кои што би требало од тоа што успеав да прочитам на таблата велосипедско пешачката патека да биде готова некаде крајот на септември месец, почетокот на октомври, а како што кажа градоначалникот општинската зграда да биде до крајот на оваа година евентуално почетокот на следната година, рече Мицкоски.

The post Мицкоски: По 70 години општина Петровец ќе добие нова општинска зграда која ќе ја изгради со сопствени средства appeared first on Република.

Градоначалникот на општина Петровец Борче Митевски го удри камен-темелникот на новата општинска зграда. Со големина од 860 метри квадратни оваа општинска зграда ќе ја замени старата изградена уште во 1946 година.

Финансиските средства во висина од 29 милиони и 600 илјади денари, се обезбедени од буџетот на Општина Петровец. Заедно со мештаните денеска и со претседателот, Христијан Мицкоски ја посетивме пешачко-велосипедската патека, која е во должина од 2.500 метри и ширина од три метри, која се гради од центарот на Петровец до излезот на ‘Ржаничино, рече Митевски.

Тој објасни дека значењето на оваа патека е големо бидејќи избегнувајќи ја патарината, многу возила поминуваат низ најголемите населени места, Петровец и ‘Ржаничино и со тоа ни ја загрозуваат безбедноста на сите жители на Општина Петровец, а пред се на децата кои учат Основното училиште „Кочо Рацин“ – Петровец.

Со изградба на оваа пешачката патека од 16 и пол милиони денари, кои се исто средства обезбедени од буџетот на Општина Петровец, ќе ја зголемиме безбедноста на нашите деца.

Ќе продолжиме и понатаму да работиме. Ова се два капитални објекти, проекти кои ги ветивме на нашите жители и еве само за година дена од овој мандат, веќе започнавме со реализација на истите.

The post Митевски: Општинска зграда и пешачка патека – ветено сторено appeared first on Република.

Лидерот на ВМРО-ДПМНЕ, Христијан Мицкоски денеска во 12 часот, заедно со градоначалникот на општина Петровец, Борче Митевски во рамките на активноста „Промените се случуваат, секогаш со народот“, ќе направат увид на градежни активности на два големи проекти во општината.

По завршувањето на настанот изјава за медиуми пред зградата на Општината ќе даде Мицкоски.

The post ВО ЖИВО: Мицкоски на увид на два големи проекти во општина Петровец appeared first on Република.

„Граѓаните кај мене препознаа пред се човек кој што е близок со народот, човек она што го ветува го исполнува, што кога ќе станеш градоначалник не полетуваш и ги забораваш своите пријатели. Гледаат дека јас како градоначалник заедно со моите вработени од Општината, со советниците се грижиме пред се за најмладите при што изградивме градинки и училишта за нив“, истакна Борче Митевски, градоначалник на општина Петровец во гостување во утринска емисија на Алфа телевизија.

Митевски додаде дека училиштата добија комплетна реконструкција со цел децата да имаат соодветни услови за образование.

„Направивме и најубаво училиште во Република Македонија. Нашето училиште е прогласено за најубаво. И сега нормално како последно некаде март, средина на март ќе поставуваме камен темелник на нова општинска зграда. И тоа граѓаните го гледаат и наградуваат“, појасни Митевски.

Митевски посочи дека Петровец е една од водечките општини во државата, дури и една од најбогатите.

„Како станавме најбогати? Имавме и претходно градоначалници кои што викаа дека местоположбата го прави своето. И местоположбата но и работата на градоначалникот тоа го прави. Значи јас кога дојдов немавме никаков урбанистички план за индустриски зони. Јас за две години направив урбанистички план на најголема индустриска зона во Република Македонија. Значи први беше 200 хектари, односно поточно 196 хектари, па ја проширив за уште 30 хектари што значи дека некаде околу 230 хектари. И целата е продадена на инвеститори и таму се гради. Таму изникнува еден индустриски град“, рече Митевски.

The post Петровец е една од најбогатите општини, вели градоначалникот Митевски appeared first on Република.