Општина Куманово поднесе кривична пријава против дел од членови на управен одбор на jавна општинска установа, бидејќи истите како службени лица, членови на управен одбор на јавна општинска установа во постапка во распишан јавен оглас за избор на директор на таа општинска установа, со искористување на на својата службена положба, со пречекорување на границите на своето службено овластување и со неизвршување на својата службена должност, прибавиле за трето лице корист, така што со умисла истото го предложиле за директор со втор повторен предлог, иако од градоначалникот биле претходно известени и знаеле дека постапуваат спротивно на чл. 37 став 3 од Статутот на јавната установа, бидејќи предложениот кандидат не ги исполнувал условите по распишаниот јавен оглас за избор на директор.

The post Кривична за членови на УО, фаворизирале свој човек за директор appeared first on Република.

Општина Куманово поднесе кривична пријава против поранешно вработено лице во Општината со иницијали В.Б. за злоупотреба на службена должност.

Посоченото лице се сомничи дека ја оштетило општина Куманово на начин што од работната позиција, која што ја вршело во постапка за легализација по предметниот имот се откажало од корисничко право за земјиште на кое бил построен објект, кој требал да биде легализиран на име на општина Куманово, а со крајна цел да му овозможи на трето лице да се стекне со имотна корист, така што ќе го легализира објектот на сопствено име.

Со ова лицето В.Б. ги пречекорило своите законски овластувања и ја оштетило Општината за износ од 2.152.192 денари, при тоа со наведеното постапување се јавува како оштетена страна и Здружението за слепи лица од Куманово, на кое општина Куманово му го дала на употреба објектот за свои потреби.

Од страна на Општината незаконското решение е поништено.

The post Решението поништено, општинарот од Куманово ќе одговара: Работел во корист на трето лице а на штета на општината appeared first on Република.