Почнувајќи од утре, први јуни, отпадот од домаќинствата и контејнерите ќе се собира од 5 часот наутро. ЈП „Комуна“ Крушево бара од граѓаните корпите да ги постават на видно место до нивното живеалиште и автомобилите да бидат прописно паркирани за да може возилата на „Комуна“ да ја завршат работата брзо и ефикасно.

Во однос на собирањето на отпадот во сабота дополнително ќе ги информираме граѓаните затоа што постои опцијата отпадот да се собира во попладневните часови со оглед на тоа дека недела е неработен ден.

Втората важна информација е следната. По косењето на гробиштата од денес, 31.05.2022г., ќе се коси во централното градско подрачје. На оние места на кои поради паркирани автомобили ќе бидеме оневозможени да работиме тревата нема да биде искосена.

Доколку постои соработка меѓу претпријатието и граѓаните може и нашата работа да се подобри и градот да биде почист. Постојано апелираме на соработка, а овие новости, условно кажано, во собирањето на отпадот се нешто што се обидуваме да го воведеме во пракса, но се ќе зависи од резултатите на терен, изјави ВД директорката на „Комуна“ Станка Ефремова Трајкоска.

The post Важни информации за крушевчани од комуналното претпријатие appeared first on Република.

На Ставре Јада кој е еден од тројцата македонски спортисти кои ќе ја претставуваат Македонија на Зимските олимписки игри (ЗОИ) во Пекинг Општина Крушево, од каде што тој потекнува му додели срамни 10 илјади денари за учество на Игрите.

Поради мојот втор настап на зимски олимписки игри овојпат во Пекинг, доставив барање за финансиска помош до Општина Крушево.

На денешната седница на Советот на Општина Крушево ми беа доделени срамни 10.000 денари, пари со кои не можам да ги покријам основните трошоци.
Пред еден месец, Општина Крушево обезбеди финансиска помош и службено возило до Босна и Херцеговина за целосно новата биатлон федерација.
Сакам да поставам неколку прашања до Општина Крушево
1. Дали овај е начинот на кој се поддржуваат младите спортисти од градот?
2. Зошто Општината има двојни аршини при финансирање на спортистите?
И со оваа сума на пари, јас гордо и достоинствено ќе го претставувам Крушево и Македонија на Зимските олимписки игри во Пекинг“, пишува Јада на социјалните мрежи.

Тој во Пекинг ќе настапи во две дисциплина, спринт на 1,4 километри и маратон на 50 километри.

The post На Ставре Јада Општина Крушево му даде срамни 10.000 денари за учество на Олимписките игри! appeared first on Република.