Ве известуваме дека утре 25.11.2024 година (понеделник) со почеток во 11:00 часот претседателот на Владата на Република Македонија Христијан Мицкоски ќе присуствува на поставување на камен темелник за изградба на детска градинка во рамките на постојната ЈДГ ,,8 Март” во Општина Кисела Вода, информираат од прес службата на Владата.

Вкупната површина на детската градинка која ќе има капаците за згрижување на 120 дечиња е 795 метри квадратни. Објектот опфаќа 6 занимални од кои 2 се јасли.

Проектот е во вредност од 29.582.242 без ДДВ, или 34.907.046 со вклучен ДДВ.

Со ова целосно се решава проблемот со листите за чекање во детските градинки во Општина Кисела Вода.

Предвидено е изјава за медиуми да даде претседателот на Владата Мицкоски.

The post Мицкоски утре ќе присуствува на поставување на камен темелник за изградба на детска градинка во Општина Кисела Вода appeared first on Република.

Општина Кисела Вода ќе добие 600.000 евра, за реализација на капиталниот проект за изградба на водовод во Каменик-Стаклара, кој жителите го чекаат половина век. Средствата се обезбедуваат од страна на Владата на Република Македонија, која по мерката од 250 милиони евра, сега прави нова голема инвестиција во општините, наменета за управување со води. Заложбите утврдени со Меморандумот потпишан со ЗЕЛС кој сите претходните власти го игнорираа, веќе даваат конкретни резултати, а граѓаните се на прво место, истакна претседателот на ЗЕЛС, градоначалникот Орце Ѓорѓиевски по денешната средба со премиерот Христијан Мицкоски.

-Кога се работи чесно и посветено за народот, резултатите се гледаат. А за тоа најмногу зборуваат делата. Денес, на средбата со Премиерот Христијан Мицкоски бевме информирани дека се ставаат на располагање нови над 50 милиони евра кои ќе се слеат во општините, а ќе бидат наменети за управување со води.Чест ми е да напоменам дека, после мерката од 250 милиони евра, ова е втората најголема инвестиција во локалните самоуправи благодарение на посветеноста на Владата и меморандумот потпишан со ЗЕЛС кој сите претходните власти го игнорираа.

Општина Кисела Вода ќе добие 600.000 евра, пари за остварување на долгогодишното барање на мојот народ од Каменик-Стаклара, после 50 години да добијат чиста вода за пиење. Ова исто така ќе значи и дека после завршување на градежните активности, го затвораме поглавјето со подземна инфраструктура и Стаклара конечно, ќе биде последното населено место без соодветно водоснабдување.

Сакам да се заблагодарам на Премиерот Мицкоски и Владата на Република Македонија за нивните заложби за единиците на локалната самоуправа и за нивниот напор за поразвиени општини.Како никогаш во минатото, оваа Влада покажа и докажа дека граѓаните се на прво место.Посебно ме радува фактот што сега навистина постои еднаквост помеѓу општините и што нема апсолутно никакви поделби. Само така, ова наше парче земја ќе стане уште поубаво место за живеење. Продолжуваме!-изјави градоначалникот Орце Ѓорѓиевски.

The post Ѓорѓиевски: Благодарение на Владата, мега проектот за водоснабдување во Стаклара-Каменик станува реалност appeared first on Република.

Продолжува да се менува ликот на Кисела Вода. За првпат досега се реконструира „Христо Татарчев” крак 1, 7, 9 и 11. Се работи за обемен потег на околу 3200 квадратни метри површина. Сообраќајници кои никогаш досега не биле обновени, а таков зафат бил потребен уште пред децении, велат од Општина Кисела Вода.

Оттаму додаваат дека се работи на целосна реконструкција на краците 1, 7, 9 и 11 од улицата „Христо Татарчев” од околу 3200 метри квадратни кои имаат видни оштетувања и не биле санирани повеќе од 20 години.

-Дел од овие улици, како што слушнав од разговор со жителите се правени со самопридонес и освен мали интервенции, никогаш досега не се целосно обновени. Тоа од сега е само минато. Како што му дадов збор на чичко Раде, на неговите соседи, на сите кои живеат тука дека нема да има неасфалтирана улица во Кисела Вода, така продолжуваме кон нашата цел. За кратко време од сега, тука ќе има комплетно нови улици кои ќе го олеснат секојдневието на мојот народ. Продолжуваме понатаму, изјавил градоначалникот на општина Кисела Вода Орце Ѓорѓиевски при денешниот увид во градежните активности за реконструкција на краците 1, 7, 9 и 11 на „Христо Татарчев“.

Тој потенцира дека ќе се интервенира на сите улици и, како што вели, со посветена работа ќе се овозможат современи услови за живеење.

The post Ѓорѓиевски: Првпат досега целосна реконструкција на „Христо Татарчев” крак 1, 7, 9 и 11 appeared first on Република.

Двајца советници од советничката група на СДСМ во Советот на Општина Кисела Вода, преминаа во ВМРО-ДПМНЕ.

Станува збор за советници од политичките партии ЛДП и ДС кои беа во советничка група со СДСМ. Тие сега ја напуштија советничката група на СДСМ.

-Благодарност до Јане Петковски и Елизабета Стефковска што ги препознаа победничките политики кои носат подобра иднина за нашите жители. Да живее Македонија, порача градоначалникот на Кисела Вода, Орце Ѓорѓиевски.

The post Советници од советничката група на СДСМ во Кисела Вода преминаа во ВМРО-ДПМНЕ appeared first on Република.

Од раните утрински часови, екипите на Општина Кисела Вода се на терен и работат на целосно расчистување на улиците од снежните наноси. Најголема потреба за интервенција имаше во Припор и Пржино, каде со неколку специјализирани машини се расчистуваа улиците и се фрлаше сол, со цел жителите непречено да ги извршуваат своите потреби, информираат попладнево од локалната самоуправа.

Според градоначалникот Орце Ѓорѓиевски, граѓаните можат да сметаат на брза интервенција доколку има потреба, за што во служба се ставени сите материјални и човечки ресурси од општината.

[caption id="attachment_734984" align="alignnone" width="640"] (фото: Кисела Вода)[/caption]

- За сите неопходни потреби, доколку заврне повеќе снег во вечерните часови како што се прогнозира, на располагање на граѓаните се ставени сите службени возила. Исто така, службите на општината се достапни 24 часа. Контакт може да се оствари на телефонскиот број 078/207-687 - Далибор, на contact@kiselavoda.gov.mk или на Фејсбук - страницата на општина Кисела Вода. Граѓаните да бидат спокојни, во Кисела Вода нема да има непроодни улици, се наведува во писмената изјава на градоначалникот.

The post Најмногу работа во Припор и Пржино appeared first on Република.

Задоволство е да се присуствува секогаш кога нешто ново се создава. Овде во Кисела Вода континуирано гледаме прогрес, гледаме како нешто ново се создава и ја користам оваа прилика да му честитам на Орце, градоначалникот, да им честитам на советниците, администрацијата, пратениците во македонското Собрание за напорите кои ги вложуваат Кисела Вода да добие навистина еден европски лик, рече на прес-конференција претседателот на ВМРО-ДПМНЕ, Христијан Мицкоски.

Сето она кое со години, би рекол и децении било запоставувано сега гледаме оди напред, се асфалтира, се работи, улици се асфалтираат, пазари се отвораат, се започнува со градба, спортски игралишта, детски игралишта. Навистина имајќи ја предвид целокупната ситуација во државата и односот на владата на ДУИ поддржана од помалиот партнер СДСМ кон општините каде имаме градоначалници од ВМРО-ДПМНЕ, имајќи го предвид нивниот насилнички однос, сепак храбриот и чесниот пристап на градоначалниците, мотивираноста, само дава одговор на сето она кое го прави централната власт кон нив, односно на тој начин ги демантира сите неуспешни обиди да ги кочи во нивниот развој, да ги кочи проектите, да не реализираат проектите во општините каде имаме градоначалници од ВМРО-ДПМНЕ и коалицијата. Затоа ја користам секоја прилика да им честитам бидејќи овие година и половина покажаа дека со ваква ненародна влада на ДУИ поддржана од помалиот партнер СДСМ сепак доколку се сака и доколку се има мотив може да се постигне и она, кое на почеток делува невозможно, истакна Мицкоски.

Уште еднаш му честитам на Орце, градоначалникот за она што го прави во Кисела Вода, на советниците, пратениците во македонскиот Парламент и само сакам така во иднина да продолжат мотивиран, храбро одлучно до целта. А целта е да ја ослободиме Македонија од оваа ненародна влада на ДУИ поддржана од помалиот партнер СДСМ, додава Мицкоски.

The post Мицкоски: Кисела Вода добива европски лик, градоначалниците од ВМРО-ДПМНЕ мотивирано со работа ги демантираат обидите на централната власт да ги кочи општините appeared first on Република.

Со забавни и разновидни содржини за сите генерации, Општина Кисела Вода денеска го празнува својот патронен празник Ѓурѓовден.

Децата ги забавува најпознатиот детски лик Биби од платформата „Светот на Биби“, се пеат хитовите од детскиот фестивал „Поточиња“, кој годинава слави 20 години постоење. На сцената дечињата се забавуваат со танчерите од Студиотo за танц „Данса Латина Стефи”.

Настанот го отвори градоначалникот Орце Ѓорѓиевски, кој утрото присуствуваше на света литургија по повод празникот посветен на Свети Ѓорѓи Победоносец, во истоимената црква во Кисела Вода. Ѓорѓиевски истакна дека чествувањето на патронот е важен чин кој говори за еден континуитет на постоење, на историја и култура, на традициите, на нераскинливата врска на минатото со идината преку сегашноста на која ние сме автори.

Затоа е многу важно ние како генерација да дадеме свој печат и да оставиме нешто што ќе биде вредно за паметење за оние што доаѓаат по нас. Во овој миг, говорам за сплотеноста, за тоа што и денеска ве има во огромен број, за партнерството кое го имаме преку укажаната доверба за реализација на сите досегашни проекти, но и на планираните, како и на оние проекти што допрва следат. Нашата општина Кисела Вода, се развива и расте во сите сфери на делувањето. Културата и општествените случувања како денешниов настан се само еден од чекорите во траекторијата на развој која заеднички ја исцртуваме. Само така можеме да гарантираме една подобра и светла иднина за нашето општество, рече тој.

Тој најави дека како градоначалник ќе продолжи да ги унапреди условите за нивен развој, да создаваат опкружување каде што секое дете ќе може да расте, да учи и да ги развива своите таленти и способности.

Од Општина Кисела Вода информираат дека забавата по повод патрониот празник во Паркот „Македонија“, веднаш до домот на култура ”Билјана Беличанец” ќе продолжи од 20 часот со стенд ап шоуто на актерите Атанас и Тино, и диџеј сетот на дизеј Напстер.

The post Општина Кисела Вода го празнува патрониот празник Ѓурѓовден appeared first on Република.

До крајот на април, жителите на населбата „Градинар“ во Општина Кисела Вода ќе добијат фекална канализациона мрежа долга 2.4 километри. Градоначалникот Орце Ѓорѓиевски денеска изврши увид во работата на градежната компанија која во моментот ги изведува последните 250 метри од основниот проект долг 1380 метри, по што се продолжува со изградба на секундарна фекална мрежа долга еден километар.

Со ова, како што информираат од Општина Кисела Вода, околу 900 граѓани добиваат современи услови за живот, кои им се ветувани децении наназад. По завршувањето на активностите за изградба на фекалната канализација, Општина Кисела Вода ќе изврши асфалтирање на теренот. Се работи за улици на површина од околу 12 000 квадратни метри.

Реализацијата на денешниот проект во населбата „Градинар“ е вистинска дефиниција за тоа што значи нешто да неопходно и што треба да бидат приоритетите на една локална самоуправа. Околу 900 жители на населбата „Градинар“ декади наназад бараа и не добиваа современи услови за живот, бараа нешто што го имаат сите во 21-виот век, фекална канализација. Со задоволство можам да истакнам дека до крајот на април, ќе завршиме со изградбата на фекалната мрежа која е во вкупна должина од околу 2.4 километри и конечно, фекалните води ќе завршуваат во изведените колектори по булеварот „Србија“ и покрај „Усјанскиот Канал“, рече Ѓорѓиевски.

Тој најави дека по ова ќе следи градежен зафат за асфалтирање на улиците, на површина од околу 12 000 квадратни метри, со што целиот проект ќе биде финализиран и жителите од овој дел на Кисела Вода ќе имаат многу подобро секојдневие.

Ова е проект кој им го ветив, како итен и неопходен, и претставува доказ дека мојот даден збор вреди. Сите инфраструктурните зафати за надминување на проблеми чие постоење е недозволиво за денешницата, се поставени многу високо на листата на приоритети на моето делување како градоначалник и се надевам дека многу скоро ќе ги надминеме. Кисела Вода ќе продолжиме да ја градиме како модерно и урбано место за живеење, изјави градоначалникот Ѓорѓиевски при денешниот увид во градежните зафати во населбата „Градинар“.

The post Жителите на „Градинар“ во Кисела Вода добиваат фекална канализација долга 2,4 километри appeared first on Република.

Градоначалникот на Кисела Вода, Орце Ѓорѓиевски, денеска потпиша договор за вработување со Стефан Трпковски, кој е првото лице со Даунов синдром што ќе работи во оваа Општина.

Стефан му раскажа на градоначалникот за своите таленти, за кошарката која била негова прва љубов, за модерните танци и освоеното второ место на Специјалната олимпијада за танцови игри, за пливањето кое веќе 10 години е негово хоби. Кажа дека се подготвува да плива на Параолимпијада во Берлин, каде задно со уште три други деца ќе ги брани боите на Македонија. Посака и во својата земја да постојат такви натпревари, стои во соопштението на Општина Кисела Вода.

Оттаму информираат дека Општината денеска се отворила и за други лица со Даунов синдром, каде што десетина од нив кои се дела од здружението „Трисомија 21“ помагале на вработените на шалтерот, издавале документи, го следеле процесот со архивирање предметите и разговарале со странки.

За жал, Дауновиот синдром, кој Светот го одбележува денеска, во Македонија сѐ уште е табу тема. На овие простори, преовладуваат стереотипи, кои овие лица ги држат на маргините на општеството. Интересно и крајно полезно е да ги запознаеме, да видиме каква е желбата кај нив, со каква трудољубивост настапуваат кога треба да совладаат некаква вештина, истакна градоначалникот на Општина Кисела Вода, Орце Ѓорѓиевски.

Тој апелира до сите останати единици на локалната самоуправа, но и до институциите од централната власт, да го следат чекорот на Општина Кисела Вода и да овозможат вработување на лица со Даунов синдром.

The post Стефан Трпковски, лице со Даунов синдром се вработи во Општина Кисела Вода appeared first on Република.

Само Кисела Вода оваа година со капитални инвестиции од 150 милиони денари и над 120 нови проекти!

Градоначалникот на општина Кисела Вода, Орце Ѓорѓиевски во своето обраќање на отчетот за сработеното на политичкиот саем, „Саем на промени што носат иднина”, истакна дека општина Кисела Вода ја затекнал во хаотична состојба и администрација која што била целосно индиферентна на барањата на граѓаните.

Да водите тимски општина тоа подразбира и не преспиени ноќи, подразбира и повеќе од десет дванаесет часа во денот макотрпна работа, им се заблагодарувам од срце, благодарам што ме следат во чекор изминатиот период. Како и останатите општини така и Кисела Вода беше затекната од моја страна во една апатична состојба, односно администрација која што беше целосно индиферентна на барањата на граѓаните, неуслужлива и не насочена спрема граѓаните од една страна и од друга страна долг од 3 милиони евра кој што не подразбираше во минатото задоволување на основните хумани услови за живот на моите сограѓани, туку подразбираше од една страна долг а од друга да Кисела Вода е општина која ја наследив е без основни хумани услови за живот што подразбира водоводни мрежи, атмосферска канализација патна инфраструктура, списоци по 500 дечиња во градинките на чекање. Што значи затекнавме руинирана девастирана општина во која што за жал 30 години наназад никој сериозно не се зафатил со тоа да од нејзе направиме едно поубаво место за живеење. Јас сум исклучително горд на она што го постигнавме изминативе година дена. За само една година ние 70 проценти од нашата програма имаме реализација, или отпочнати проекти кои што се во финална фаза на завршување“ истакна Ѓорѓиевски.

Ѓорѓиевски истакна и неколку проекти кои ги опфаќаат инфраструктурата, образование, и справувањето со урбанистичкиот хаос.

Од самото преземање на нашата локална самоуправа така беше и составена програмата да ние ги поделивме во неколку столбови, кои што опфаќаат инфраструктура, образование, справување со урбанистичкиот хаос каде што Кисела Вода беше доста атрактивна по скандалите кои што произлегуваат од урбанистичкиот хаос и криминалот таму така да од тој аспект во тие неколку столба сериозно се зафативме со работа. Пред се се зафативме со општината да ја направиме јавна и транспарентна при секоја наша постапка граѓаните да се чувствуваат дека се еднакви. Секој има право да гради секој има право на надомест од општината, секој има право на еднакви права и привилегии. Тоа е многу важно и суштинско за да ја отвориме општината. Изминатава година, имаме како никогаш до сега 30 години наназад вложено во патната инфраструктура што подразбира асфалтирање на улици и реконструкција во должина од 25 километри тоа е некаде од Скопје до Велес повеќе од половина пат да го реконструирате толку имаме изминатава година. Во однос на подземната инфраструктура беа нарачани проекти кои што се во финална фаза за водоводната мрежа во „Стаклара“, и фекална канализација во „Пинтија“ и „Стаклара“ кои што од пролет ги започнуваме. Во подземна инфраструктура имаме над 3650 метри вложено фекална канализација над километар и 800 имаме вложено во водоводна мрежа, 3,5 километри во атмосферска канализација. Во Урбанизмот како никогаш до сега сите планови и плански документации се прават јавно и транспарентно. Во образованието се гордеам со основното училиште „Кузман Јосифовски Питу“ кој што е многу значаен, кое е прво инклузивно училиште, кај градинките имаме отворено една градинка во Драчево, во финална фаза сме на нова градинка во „Усје“, и две доградби на постоечки градинки. Исто така сметам дека до истекот на втората година од мојот мандат она што сме се обврзале во програмата ќе биде целосно завршено.“ нагласи Ѓорѓиевски.

The post Само Кисела Вода оваа година со капитални инвестиции од 150 милиони денари и над 120 нови проекти appeared first on Република.

Од понеделник Општина Кисела Вoда започнува со исплата на субвенциите за печки на пелети. Финансискиот надоместок за кој во изминатиот период аплицираа граѓаните што набавија вакви печки e во рамки на Програмата за енегетска ефикасност на општината.

Проектот има за цел стимулирање на домаќинствата за користење на обновливи извори на енергија за затоплување, кои минимално ги загадуваат воздухот и почвата и не влијаат врз климатските промени. Воедно, во овој период кога поскапувањата, посебно на енергенсите се на највисоко ниво досега, субвенцијата од Општина Кисела Вода претставува солидна финансиска помош. Истата може да се искористи и за набавка на пелети, чија цена во последниот период е сериозно покачена.

За потсетување, јавниот повик беше објавен во средината на јули и на него можеа да аплицираат сите жители на општината кои од почетокот на годината купиле печка на пелети и до тој момент немаа искористено друга субвенција од ваков карактер. За оваа финансиска поддршка од Буџетот на Општина Кисела Вода се обезбедени финансиски средства во износ од 1.000.000,00 денари, кои се доделуваа по принципот прв дојден, прв услужен.

Ова е само една од многуте мерки кои Општина Кисела Вода ги презема со цел да им помогне на своите жители полесно да го пребродат овој период на финасиска криза. Реализиран е проектот “Ранче за секое прваче” со кој се обезбедени чанта, тетратки и училишен прибор за сите првоодделенци, обезбедена е донација за субвенционирање на сметките за електрична енергија на социјално загрозените семејства, а веќе во наредните денови Кисела Вода излегува и со нов сет мерки за намалување или ублажување на сиромаштијата со која живеат се поголем број на семејства во Македонија, велат од општината.

The post Општина Кисела Вода започнува со исплата на субвенциите за печки на пелети appeared first on Република.

Од денеска, 29 јуни до втори јули, започнува богатата и забавна програма на Културно лето 2022, кое ќе се оддржи во склоп на неколкудневното одбележување на роденденот на општината, - „67 години Моја Кисела Вода“. На манифестацијата ќе настапат голем број на македонски музички ѕвезди, a влезот за сите настани е бесплатен.

Со почеток од 18 часот во Паркот Шопен со Хуманитарна Коријада, официјално ќе започне овогодинешното Културно лето 2022. Традицонално, голем број на пензионери од оваа општина со подготовка на домашни пецива собираат средства, наменети за хуманитарни цели, а за време на целиот настан секако ќе се пеат познати македонски народни песни, коишто ќе ја збогатат роденденската атмосфера. За време на Хуманитарната Коријада, во организација на Црвен Крст Кисела Вода, ќе има и лекарски тим, кој бесплатно ќе мери притисиок и ќе мери шеќер во крв.

Вечерва со почеток во 20:10 часот забавата продолжува во Парк Македонија, лоциран непосредно до Домот на Култура „Билјана Беличанец“ (старото кино), каде ќе започне првиот музички настап во склоп на Културно лето 2022, - концерт на чалгиска музика со Филип Шурбевски и Езгија Квартет. Кулминацијата на македонскатата фолк музика ќе се долови со еден од најголемите синоними на македонската народна музика, - Ефто Пупиноски. Првата вечер ќе заврши со познатите хитови на македонската поп ѕвезда Влатко Лозаноски - Лозано.

Втората вечер (30.06.2022, четврток) манифестацијата ќе започне во 20 часот, во Парк Македонија, со сет на ДиЏеј Оги, пропратен со концерт на Теа Трајковска. Свој концерт ќе има и познатата група ДНК, која годинава воедно одбележуваат 20 години на музичкaта сцена, со кои ќе заврши втората вечер од Културното лето 2022.

Во петок (01.07.2022) во Три Круши со почеток во 20 часот, повторно одговорни за незаборавната забава ќе бидат звуците на нашите познати изведувачи на народната музика. Вечерта ќе ја започнат Културното уметничко друштво Китка, по чиј настап ќе следува концерт на Миле Кузмановски, додека вечерта ќе ја затворат македонските великани на народната музика Наум Петрески, Зуица Лазова, и Владимир Поповски, со бенд.

Последниот ден (02.07.2022, сабота) од Културното лето 2022 ќе започне во 11:00 часот со концерт на „Златно славејче“ за најмалите посетители, кои ги очекуваат и неколку слатки изненадувања. По настапот на славејчињата, ќе се вклучи и студио Данса Латина Стефи, професионално студио за танц, кое веќе 8 години успешно работи во општина Кисела Вода. Во ова танцово студио танцуваат деца и млади над 4 години на латино и хип хоп музика, во различни категории и различни возрасни групи, кои зад себе имаат многубројни настапи, фестивали, хуманитарни настани и натпревари, како во државата, така и надвор од неа, како и Европски и Светски првенства. Посветеноста, оригиналноста и љубовта кон танцот на едуцираните инструктори и кореографи, се главниот водич и поттик за успехот на овие млади танчери. Наредната недела дел од хип хоп групите ќе се натпреваруваат и на Европското првенство во хип хоп, коешто ќе се одржи во Скопје.

За прв пат во историјата на општината ќе се организира и „Битка на бендови“, која ќе започне во 18 часот, каде победникот ќе освои концерт организиран од страна на општината.
По „Битката на бендовите“ ќе настапи Боби Павловски, а целата манифестација ќе заврши со концерт на познатата балканска ѕвезда, Жељко Самарџиќ.

Општина Кисела Вода, по повод 67 години од своето постоење, покрај организацијата на Културно лето 2022, од 27.06.2022, па сè до недела, 03.07.2022, секојдневно претставува по еден нов капитален проект. По отворањето на Парк Иднина во понеделникот и санацијата на трите клучни сообраќајници во Драчево вчера, денес беше промовирана изградбата на фекална канализација во 11ти Октомври - бараки.

The post Вечерва започнува Културно лето 2022 во Општина Кисела Вода appeared first on Република.

Сите основни училишта во кои се изведува воспитно образовниот процес на територија на Општина Кисела Вода се опремени со смарт табли, информираат од оваа скопска општина.

Заедно со директорот на Центарот за скопски плански регион Љупчо Кец Мицковски го посетивме училиштето ,,Круме Кепески“. Тоа е едно од училиштата што доби смарт табли преку проектот „Поддршка на образовниот процес и стимулирање на дигиталните вештини на учениците во основните училишта во Општините Аеродром, Карпош и Кисела Вода - вели градоначалникот на Општина Кисела Вода Орце Ѓорѓиевски.

Од Општината велат дека, со обезбедените 16 кои веќе се користат во наставниот процес, сега веќе сите основни училишта во Кисела Вода се опремени со дигитални табли.

Осовременувањето на училиштата, преку стимулирање на дигиталните вештини е поставено високо во приоритетите на општина Кисела Вода. Затоа, сакам да се заблагодарам на Центарот за развој на Скопскиот плански регион и на директорот на оваа институција, Љупчо Кец Мицковски кои го овозможија проектот за обезбедување на дополнителен број на дигитални табли во општинските училишта. Истиот, започна токму во Кисела Вода и значи унапредување на наставниот процес во сите училишни објекти во општина Кисела Вода. Со оваа донација од16 смарт табли, сега истите се опремени со 43 дигитални табли и 75 смарт телевизори – додава Ѓорѓиевски.

Проектот „Поддршка на образовниот процес и стимулирање на дигиталните вештини на учениците во основните училишта во општините Аеродром, Карпош и Кисела Вода“ се спроведуваше во изминатите два месеци. Носител на проектот е Центар за развој на Скопски плански регион, кој со финасиски поддршка од Владата, преку Министерство за локална самоуправа и Бирото за регионален развој, овозможи снабдувањето со 54 дигитални табли во вкупно 27 училишта во трите споменати општини.

The post Сите основни училишта во Кисела Вода се опремени со смарт табли appeared first on Република.

Градот Скопје заедно со градските јавни претпријатија и во координација со Oпштина Кисела Вода денеска почнаа голема пролетна работна акција на подрачјето на општина Кисела Вода. Заеднички екипи до крајот на неделата спроведуваат активности за темелно чистење на булеварите и улиците, рачно и машинско миење на улиците, собирање на кабаст отпад, санирање на оштетувања на коловозите, поставување и обновување на сообраќајната сигнализација, садење нови садници и уредување на зеленилото, санации на пријавени дефекти и проблеми од страна на граѓаните, заловување на бездомни кучиња, каде по нивен хуман третман ќе биде овозможено да бидат вдомени, целосно чистење на атмосферските и фекалните линии,  како и прочистување на дождовните сливници на булеварите и градските улици.

Во рамките на оваа голема акција, ЈП „Комунална Хигиена” постави специјални садови за кабаст отпад на неколку локации, каде што граѓаните ќе можат да го остават, по што тој бесплатно ќе биде подигнат и транспортиран на соодветна локација од страна на ова градско претпријатие.

Локациите на кои од денеска до недела може да се остава кабастиот отпад се следните:

УЗ Населба Драчево - ул. “Бранко Заревски” бр.17, Парк на бранители;

УЗ Кисела Вода - ул. “Христо Татарчев" (главна улица - наспроти ЈГД „8 Март“);

УЗ Цветан Димов - ул. “Георги Димитров” (заден влез на СГУ Васил Антевски-Дрен);

УЗ Црниче - ул. “Наум Охридски” бб (пред УЗ Црниче);

Во големата пролетна работна акција во Кисела Вода на терен координирано работат екипи на градските јавни претпријатија: Паркови и зеленило, Комунална хигиена, Водовод и канализација, Улици и патишта и Лајка.

Пролетната акција во општина Кисела Вода ќе трае од 21 до 27 март, а потоа теренските екипи на Јавните претпријатија ќе продолжат со работа во наредната општина.

The post Пролетна работна акција во Кисела Вода: Одложете кабаст отпад на овие локации appeared first on Република.

Инвестиција вредна преку 400.000 евра започна со реализација во индустриската зона во општина Кисела Вода.

Извршивме увид во градежните активности кои започнаа во ноември преку кои компанијата ,,Еликсир Дистрибуција” отвора капацитет на околу 1500 квадратни метри.

Се работи за добро позната компанија со триесетгодишно искуство, која во моментов има 50-тина вработени.
Новите простории во кои ќе биде сместена административна зграда и магацини, ќе овозможат дополнителни 30 вработувања.

И покрај тоа што го поседувале имотот во Пинтија, сопствениците, досега изнајмувале простор на други локации и не се одлучиле да инвестираат во сопствен објект.
Велат дека и самите се изненадени од брзината со која ја обезбедиле целокупната потребна документација за градење и дека очекуваат изградбата да ја завршат во октомври, што ќе се совпадне со нивниот триесетгодишен јубилеј.

Денес, со големо задоволство можам да констатирам дека добро напредува изградбата на оваа домашна инвестиција во општина Кисела Вода која ќе донесе нови вработувања и претставува чекор во напред во локалниот економски равој на овој дел од Скопје.
Ваквите инвестиции, за кои сакам да најавам дека ќе ги има во периодот што доаѓа пред нас, значат целосна промена на имиџот на општина Кисела Вода.

Од моја страна, како градоначалник и говорејќи во име на локалната самоуправа, ги охрабрувам сите компании, домашни и странски, да немаат страв да инвестираат и дека секој оној кој сака да гради и притоа да ги почитува законски предвидените процедури, ќе има целосна поддршка. Воедно, предвидените инвестиции на општина Кисела Вода во подобрување на инфраструктурата, ќе им овозможат на компаниите подобри услови за работа.

На овој начин, заеднички, ќе дадеме значаен влог во унапредувањето на општината, во подобрување на деловната клима, во нејзиниот економски раст и намалување на невработеноста, како една од најголемите болки во Македонија.

Објектот што го гради компанијата „Еликсир Дистрибуција”, ќе биде целосно енергетски ефикасен.
На покривот се планира да бидат поставени фотоволтаични ќелии, фасадата ќе биде термоизолациона, а за греење и ладење ќе се користат еколошки воздушни пумпи.

The post Ѓорѓиевски најави домашна инвестиција од 400.000 евра во општина Кисела Вода appeared first on Република.

Градоначалникот на општина Кисела Вода Орце Ѓорѓиевски најави финансиска поддршка од општината за младиот репрезентативец во далечинско пливање, Кристијан Стојановски.

Најавата за поддршката Ѓорѓиевски ја соопштил денеска на средба со Стојановски.

Градоначалникот Ѓорѓиевски потенцираше дека грижата за младите спортски таленти е во неговата приоритетна листа и оти отсега младиот Кристијан, може да смета на финасиска поддршка од Општина Кисела Вода, која треба да му го олесни патот кон спортските успеси, соопшти Општина Кисела Вода.

Младиот пливач Кристијан од друга страна, според соопштението, ветил дека дека ќе даде се од себе да донесе за себе, за својата Кисела Вода и за својата Македонија што повеќе медали. Нешто што ќе има можност наскоро да го докаже, бидејќи во наредниот период му претстојат повеќе интернационални пливачки натпреварувања во Турција, Италија, Шпанија, Србија, како и на Сејшелите.

Стојановски со своите 17 години досега ги претставувал боите на Македонија на Европското јуниорско првенство во Париз, каде бил во дваесетте најдобри. Од државното првенство во Србија во јули, се вратил со освоено второ место на 7.5 км, со прво место на 5 км во Бачка Топола, како и со поставен рекорд на стаза во Костовац, Србија на 3.3 км. Летово пливал и на Светскиот Куп во Охрид на 10 км, од државното првенство во Косово се вратил со второ место, а посебно истакнува дека е горд за учеството на Европскиот куп одржан на 14 август во Охрид, каде имал можност да плива заедно со олимпијците.

The post Општина Кисела Вода најави финансиска поддршка за пливачот Кристијан Стојановски appeared first on Република.

Со денешната посета, учениците од СЕПУГС “Васил Антевски Дрен” започнаа со пракса во Општина Кисела Вода. До крајот на второто полугодие, еднаш во неделата, тие на практичен начин ќе можат да го видат и работат она што го учат во училишните клупи. Во Општината има широк спектар на дејности кои можат да им помогнат да ги совладаат практичните вештини и да ги направат поконкурентни на пазарот на трудот.

– Драго ми е што можеме да излеземе во пресрет на идните правници и економисти, кои тука имаат можност да се здобијат со конкретни знаења и компетенции како подготовка на акти, архивирање на предмети, да почувствуваат како во стварност може да се примени она што го учат во училиште. Наша конечна цел е подигнување на вредностите, стандардите, квалитетот и ефикасноста на образованието, како и создавање на работници кои на пазарот на трудот ќе учествуваат не само со теоретско, туку и практично знаење. Ова пак, ќе значи и придонес кон намалување на младинската невработеност, која е голема болка на нашето општество – истакна градоначалникот Орце Ѓорѓиевски по средбата.

The post Општина Кисела Вода обезбеди пракса за учениците од „Васил Антевски Дрен“ appeared first on Република.