Девојка од скопската населба Илинден e исчезната, а апел за нејзиното пронаоѓање е објавен преку социјалните мрежи. Апелот е објавен од Ивана Тасевска, која ги повикува сите што можат да ја забележат да се јават во најблиската полициска станица.

Според информациите, таа излегла вчера во 18:00 часот и со себе носела црни кратки панталони, црна блуза со натписи и црно-сиви патики. Нејзината висина е 165см, тежина 56кг, а очите се кафено-зелени.

The post Се трага по Клара од Илинден, последен пат видена вчера во 18 часот appeared first on Република.

Општина Илинден на 14, 15 и 16 мај 2024 година, ќе ги реализира традиционалните Денови на културата, во чии рамки во Домот на култура „Илинден“ ќе се одржи јубилејната 25-та Литературна манифестација „Илинден 2024“, а во соработка со Друштвото на писателите на Македонија.

Новина оваа година во програмата на Деновите на култура е прикажување на кино проекција на игран филм. За љубителите на филмот, на 14 мај со почеток во 19:00 часот, во кино салата на Дом на култура „Илинден“ ќе се прикажува игран филм „Стела“ во режија на Стојан Вујичиќ

На 15 мај ќе се одржи, Трибина: „Современа македонска литература и нејзината перцепција, читањето, критиката, медиумите“, со учество на еминентни писатели и литературни критичари, потоа креативна работилница „Гатанките, поговорките и пословиците во македонската литература за деца“ со учество на писатели на ДПМ и ученици од основните општински училишта од општина Илинден, како и традиционалното Литературно матине за деца ,,Пролетно поетско будење на Илинден” со учество на повеќемина истакнати македонски писатели за деца и млади. По повод Меѓународната Литературна манифестација Општина Илинден распиша литературен награден конкурс на тема „Татковина“ за учениците од општинските основни училишта, при што на Литературното матине за деца ќе бидат прочитани и наградените песни, а на учениците ќе им бидат доделени пригодни награди. Дел од манифестацијата е ликовна изложба на ликовниот уметник Владимир Темков, како и културно уметничката програма со настап на АМПИ „Илинден“, КУД „Гоце Маркоски“ како и музички настап на ученици од општина Илинден.

Централен настан на манифестацијата што се реализира во соработка со Друштвото на писателите на Македонија е поетска вечер „Интимно соѕвездие“ посветена на современата македонска љубовна поезија што ќе се одржи на 16 мај (четврток) со почеток во 19.00 часот, на кој ќе настапат повеќемина реномирани македонски поети. Новина оваа вечер ќе биде промоцијата на посебно издание-книга со текстовите на учениците од минатата година, како и музички настап на Trinity Strings.

The post Од денеска „Денови на културата“ во општина Илинден appeared first on Република.

Деновите на културата во Општина Илинден што ќе се одржат во Домот на културата „Илинден“ на 16 и 17 мај ќе бидат тематски со фокус на родољубиви песни за татковината и идентитетот во книжевноста. Покрај централната манифестација, на програмата, што се организира од страна на Општина Илинден во соработка со Друштвото на писателите на Македонија, ќе се одржат и трибина за книжевноста, работилница за деца и млади, литературно матине за деца, промоција на книга....

Претседателот на ДПМ, Христо Петрески денеска на прес-конференција истакна дека со нивното вклучување се потрудиле да внесат еден нов квалитет во манифестацијата со неколку програмски содржини задржувајќи се повеќе на тоа дека овој пат нема да има само читање туку и креативна работилница за деца и млади.

- Завршниот митинг којшто е централната содржина на оваа манифестација годинава ќе биде тематски. Наместо авторите да читаат разнородни и хетерогени песни на многу теми и на многу мотиви, ние ќе се обидеме да ги систематизираме тие творби, да направиме една целина, и тоа ќе биде со родољубиви песни, патриотски песни, песни посветени на татковината, рече Петрески.

Според претседателката  на Собранието на ДПМ, Кристина Николовска, на манифестацијата ќе се стави посебен акцент на идентитетот во книжевноста.

- Ќе привлечеме еминентни писатели и ќе проговориме за една многу важна тема, за идентитетот во книжевноста, односно како идентитетот како тема се разработува во книжевноста кај нашите автори, но може и пошироко во светското искуство, а исто така како книжевноста е знак за идентитет, рече Николовска.

Градоначалникот на Општина Илинден, Александар Георгиевски се надева дека овој настан ќе биде поттик и за другите општини за развивање на културата.

- Да се поддржат вакви манифестации со цел да се подигне нивото за да можат таргет да ни бидат младите уметници кои се застапени во оваа програма, а исто така да дадеме простор и да ни бидат гости еминентни писатели од областа на прозата и поезијата, за да ги покажат сите нови композиции и лични творештва, рече Георгиевски.

Централниот настан на манифестацијата е поетската вечер „Нашинска, татковинска“ посветена на македонската родољубива поезија што ќе се одржи на 17 мај на која ќе настапат познати македонски поети. Најавена е и промоција на книгата „Македонски песни“ од Ернесто Ередеро дел Кампо и Марио де Роза, како и културна уметничка програма со настап на Ансамблот на народни инструменти и песни „Стефче Стојковски“.

The post Денови на култура во Општина Илинден во соработка со ДПМ: Во фокусот родољубивите песни и идентитетот во книжевноста appeared first on Република.

Градоначалникот на Општина Илинден Александар Георгиевски, заедно со претседателот на ВМРО-ДПМНЕ Христијан Мицкоски и претставници од партијата денеска извршија увид на изградбата на кружниот тек во Илинден. Како што објасни градоначалникот, кружниот тек ќе ги спојува трите најглавни артерии во населеното место Илинден и на општината, и уште една четврта ново планирана улица.

Овој кружен тек и те како ќе биде подобрување за безбедноста во сообраќајот и ќе го среди сообраќајниот хаос во населеното место Илинден. Паралелно со изградбата на овој кружен тек се работат и пешачки патеки околу него, ќе следи комплетно осветлување, партерно и хортикултурно уредување. Во овој момент исто така денеска ја завршуваме и пешачката патека која ја реконстуиравме на улица 2 од 620 метри. Овој период и следниот период се работи и на други проекти, само ќе спомена веќе во завршна фаза и во пуштање во употреба на колекторскиот систем во должина о д 4 и пол метри меѓу населените места Илинден и Марино веќе се работи на приклучоци. Во месноста Јака фекалната канализација во должина од 6300 метри е изграден, и таму може приклучоци да се поставуваат, објасни Георгиевски.

Додаде дека годинава ќе започне и реализација на дел од планот за фекална канализација во населба Илинден, месноста Плац.

Се работи на нов проект на канализација во населено место Кадино, а исто така ќе ги реконструираме патот Миладиновци - Бујковци во должина од 1500 метри, патот Хиподром Илинден во должина од 700 метри, ќе започне втора фаза на реконструкција 532 во населено место Марино што го поврзува со Кадино и ќе градиме ново мултифункционално игралиште во населено место Илинден, а ќе се реконструираат и постоечки спортски игралишта во Кадино, Миладиновци и други населени места, ќе се градат детски паркови, ќе ја пробиеме новата трим патека, ќе работиме на доградба на градинката за проширување, нови 300 квадрати градинка и тоа е планирано оваа година, и многу други проекти кои што периодот ќе ги реализираме, рече тој.

Тој изрази задоволство од посетата на Мицкоски, за кој рече е голем поддржувач и поткрепа за сите активности кои што ги работи Илинден, но останатите општини.

The post Во тек е изградба на кружен тек во Илинден кој ќе ги спојува трите најглавни артерии во општината appeared first on Република.

На предлог на Градоначалникот на Општина Илинден Александар Георгиевски Советот на Општина Илинден на 18 седница ја усвои програмата за енергетска ефикасност. Главната цел на оваа програма е намалување на трошоците за енергија во општината, пред се во општинските објекти, осигурување на стандардно комфорни услови за престој и работа во сите простории, намалување на емисиите на штетни материи во воздухот и околината и поголема примена на обновливи извори на енергија.
Со реализација на Програмата ќе се овозможи обновени енергетски системи и објекти, подобрени санитарни услови, зголемена продуктивност и свест за енергетска заштеда и подигнување на јавната свест за рационално користење на енергијата.
Според градоначалникот Александар Георгиевски со изработка на Програмата за енергетска ефикасност, Општината има за цел рационално и ефикасно да ги користи сите видови на енергија и на тој начин да оствари заштеда во буџетот, при што ќе се придонесе за подобрување на услугите и квалитетот на живеење на жителите во општина Илинден.
На овој начин општината се грижи за подобрување и унапредување на животната средина и условите за живот на нејзините граѓани и развој на локалната економија.

The post Фотопанели на општинската зграда во Илинден за промоција на енергетската ефикасност во општината appeared first on Република.

Традиционално со закројување виновата лоза во дворот на црквата „Свети Трифун“ во населеното место Ајватовци, Општина Илинден го одбележа Празникот на лозарите.

Како што соопшти Општина Илинден, празнувањето на православниот празник Свети Трифун почна со Божествена литургија, што се одржа пред голем број верници.

Во рамки на манифестацијата „Саем на домашно вино“, во организација на црковниот одбор на црквата „Свети Трифун“, а под покровителство на градоначалникот на Илинден, Александар Георгиевски, годинава се одржа избор на најдобро произведено домашно вино во Општината.

На своевидниот вински фестивал, кој прераснува во традиција, учествуваа осум производители на вино. Според одлуката на жири-комисијата, составена од членови на „Вински витези“, здружение за промоција на македонското вино и на македонската култура, градоначалникот на општина Илинден, Александар Георгиевски му додели Плакета за најдобро домашно произведено вино на првонаградениот Борче Божиновски.

Второто место го освои Страшко Ангеловски, а третото Љупчо Димитриевски. Благодарници за учество на манифестацијата „Саем на домашно вино“ им беа доделени на сите учесници.

The post Одбележан празникот на лозарите во Општина Илинден appeared first on Република.

Градоначалникот на Општина Илинден Александар Георгиевски и директорот на ЈКП ,,Водовод” од Илинден Ивица Трипуновски денеска направија увид во пумпната станица Јурумлери, каде беа заменети старите вакуум пумпи за гасно хлорирање на водата во оваа пумпната станица.

Како што истакна градоначалникот Георгиевски, старите дотраени пумпи беа заменети со нови енергетско ефикасни, со кои се постигна поголем квалитет во водоснабдувањето. Беше заменета целокупната опрема за хлорирање и реновирање на хлорната станица.

Со поставување на новите пумпи се создадоа услови за комплетно поврзување на сите извори на вода во пумпната станица Јурумлери со системот за дезинфекција на водата со гасен хлор.

Замената на старите и дотраени пумпи е во рамки на проектот ,,Модернизирање и проширување на водоводниот систем” со цел обезбедување на стабилен и оптимален проток на чиста, квалитетна и здрава вода за пиење за сите жители.

The post Општина Илинден изврши замена на старите вакуум пумпи во пумпната станица Јурумлери appeared first on Република.

Претседателот на ВМРО-ДПМНЕ Христијан Мицкоски заедно со градоначалникот на општина Илинден, Александар Георгиевски денеска ќе присуствуваат на увид во градежни активност за реконструкција на улица во населено место Мралино, Илинден.

Настанот е во рамките на активноста „Промените се случуваат, секогаш со народот“.

По завршувањето на настанот предвидена е изјава на Мицкоски.

The post Мицкоски во посета на општина Илинден appeared first on Република.

Општина Илинден за своите граѓани обезбеди бесплатен интернет пристап во комплетна должина на пешачката и велосипедска патека Марино-Кадино.

Определбата на Општина Илинден е да им овозможи бесплатни услуги на своите граѓани неопходни во секојдневното функционирање за лична употреба. Претходно, Општината овозможи бесплатен интернет во културните домови во Илинден, Марино, Кадино и Миладиновци, како и на фудбалското игралиште во Кадино – информираат од Илинден.

Оттаму најавуваат дека во следниот период ќе се воведат нови бесплатни интернет зони и на други на локации на територијата во општината.

The post Бесплатна интернет зона на патеката од Марино до Кадино appeared first on Република.

Во присуство на поголем број верници, во населеното место Бучинци на свечен начин беше осветен возобновениот храм „Света Троица“.

Чинот на осветувањето на храмот, на кој присуствуваше и градоначалникот на општина Илинден Александар Георгиевски, го изврши митропиолитот Кумановско-осоговски Григориј.

Осветувањето беше проследено со богата културно-уметничка програма.

The post Осветен возобновениот храм „Света Троица“ во Бучинци appeared first on Република.

Во рамките на реализацијата на капиталниот проект за изградба на фекална канализација за зафаќање и третман на отпадните води и пречистителни станици, во населба Илинден почна изградба на канализациски систем со кој ќе бидат опфатени стопанските објекти од  економската зона Ограѓа.

Според зборовите на градоначалникот Александар Георгиевски, кој присуствуваше на почетокот на градежните активности, со овој проект е предвидена изградба на канализациска линија во должина од околу 700 метри, којашто ќе биде поврзана со пречистителната станица од припадна површина 8 населба Илинден.

-На оваа канализациска мрежа ќе бидат приклучени сите правни субјекти во економската зона Ограѓа и новото основно училиште во кое треба да учат 450 ученици, додаде градоначалникот  Георгиевски.

Со изградба на овој канализациски систем значително ќе се подобри животната средина и квалитетот на живот на граѓаните од овој дел од Општината.

The post Почна изградба на канализациски систем во економската зона Ограѓа   appeared first on Република.

Вчера во Домот на култура „Илинден“ се одржа Втората работилница во рамките на Стратегијата за локален економски развој, со цел изработка на Стратешки план за развој на општина Илинден 2022-2026 година.
Учество зедоа претставници од бизнис секторот, членови на Советот на Општина Илинден, претставници на администрацијата и јавните институции, како и градоначалници на соседните општини, на која беа запознаени со методологијата и процесот на изработка на Стратешкиот план.

Убеден сум дека преку вакви работилници со заедничко залагање и лично вложување ќе дадеме свој придонес во дефинирањето на конкретни цели и проекти коишто ќе бидат од суштинско значење како за граѓаните на општина Илинден така и за развој на локалната бизнис клима и претприемништвото.

Токму со дефинирањето на конкретните цели и проекти и нивно интегрирање во новиот Стратешки план за развој на општина Илинден 2022-2026, ќе ги дефинираме насоките и ќе се воспостави патоказ за развој на нашата локална заедница во наредните 5 години.

The post Втора работилница за развој на општина Илинден  appeared first on Република.

Општина Илинден изминативе месеци почна овде еден голем капитален проекти, а тоа е изградба на фекална канализација, која што е во вредност од над 20 милиони денари, и која што ќе овозможи приклучување на фекална канализација за над 300 домаќинства кои што живеат на овој простор и кој што во иднина исто така би граделе и би имале можност да се приклучат на истата, изјави градоначалникот Александар Георгиевски.

Понатаму ќе следи и изградба и на пречистителна станица во перспектива кога ќе биде завршена фекалната канализација. Исто така сакам да кажам дека проектот е 7.700 метри должина и 330 приклучоци поточно.

Во моментов сакам да кажам дека заедно со претседателот Мицкоски ќе направиме обиколка и на други места во населба Илинден каде што исто така моментално имаме градежна офанзива. Се реконструира улицата 532, остануваат уште 300 метри да се заврши целата во должина од 2.000 метри. Се реконструира и главна водоводна линија која што снабдува седум населени места, во должина од 700 метри, со комплетни нови цевки, полиетенски цевки. Се гради нова улица која што е донација од општествено одговорни компании во должина од 350 метри. Моментално работиме на изградба на нова пречистителна станица во населено место Илинден која што ќе има капацитет за 1.500 жители, односно 350 домаќинства.

Деновиве започнуваме со екстериерното уредување односно на паркинг плац, двор, комплетно новото училиште во вредност од 3 милиони денари кои што исто така ќе го работат општествено одговорни компании како донација за општината.

Се работи на изградба на колекторски систем за поврзување на населените места Илинден и Марино во должина од 1.000 метри, досега се изградени само последниве неколку месеци каде што ќе овозоможат приклучок за над 500 домаќинства во колекторски систем кој што понатаму ќе биде приклучен на нови пречистителни станици.

Во наредниов период ни следува интензивно работење на инфраструктурата, реконструкција на нови улици, патишта, градба на нови места каде што ќе продолжиме со градба на нови канализации. Во Миладиновци исто така ќе се пушти нова пречистителна станица, работиме на пуштање на пречистителна станица и во Кадино. Изградба на нов колекторски систем во населено место Миладиновци, пешачки патеки во наредниов период ќе почнеме да реконструираме. Така да и во моментов се работи и идниот период ќе имаме една силна градежна офанзива во општина Илинден.

The post Георгиевски: Во ек сме на градежна офанзива во општина Илинден appeared first on Република.

Во првите 100 дена раководење со општината, спроведовме низа мерки, активности и проекти кои значат директен бенефит за жителите на Општина Илинден. Иако наследивме исклучително тешка финансиска состојба како резултат на недомаќинско работење во минатото, со долг од над 4.300.000 милиони евра од страна на Општината и општинските претпријатија, во изминативе три месеци Општина Илинден и новиот тим започнаа енергична и исклучително активна општинска политика, секогаш имајќи ги предвид потребите на граѓаните за подобар и поквалитетен живот, истакна градоначалникот на Општина Илинден, Александар Георгиевски на денешниот регионален отчет „Промени што носат иднина - 100 дена локална власт отчет на ВМРО-ДПМНЕ“

Започнавме со капитален проект за изградба на фекална канализација во локалитет „Јака“ во вредност од речиси 20 милиони денари со кој се опфаќаат околу 300 домаќинства, Продолживме со реконструкцијата на главната улица 532 која ги поврзува населените места Марино и Кадино во должина од 2 километри, посочи Георгиевски.

Тој кажа дека дека следува изградба на ново основно училиште во Илинден каде ќе се воведе и целодневна настава, а ќе има и сензорска соба за децата со попреченост.

Георгиевски кажа дека со цел подобра комуникација со централното градско подрачје во вечерните часови и по барање на жителите е воведена ноќна автобуска линија во Општина Илинден во соработка со ЈСП Скопје. За прв пат се воведува еднократна парична помош од 5.000 ден. за секое новороденче во Општина Илинден.

Тој додаде дека се исчистени над 13,000 метри канали со цел заштита од поплави во сите населени места. Исчистени се и многу диви депонии на територија на општина Илинден во соработка со ЈКП Илинден и со општествено одговорни фирми.

Во рамки на проектот „Светла Општина Илинден” во соработка со јавното претпријатие Илинден сменети се над 300 парчиња ЛЕД светилки како и нови со поставување на нови столбови во сите населени места, рече Георгиевски.

Георгиевски изјави дека силно се вложува во образованието и училиштата преку низа активности кои ќе го подобрат секојдневието на учениците, како опремување на кабинетите со соодветен инвентар, уредување на школските дворови, замена на старата компјутерска инсталација со нова, донирани се нови електронски уреди-таблети за реализација на наставната програма по Новата концепција за четврто одделение.

Изготвена и доставена апликација до МОН за изградба на училишна спортска сала во населба Илинден. Изготвена е и проект за проширување на просторни капацитети на постоечката детска градинка Гоце Делчев во населба Илинден. Изготвена и доставена апликација до Јапонската амбасада во Република Македонија за промена на кровната конструкција на Основното општинско училиште Ристо Крле во Кадино, посочи Георгиевски.

Градоначалникот потенцираше дека е потпишан и меморадум помеѓу Општина Илинден и општествено одговорни компании од бизнис заедницата во Илинден за подобрување на образовниот процес, како една од најзначајните области за развој, подобрување на квалитетот и ефикасноста на стручното образование во СОСУ Илинден.

Општина Илинден и нејзините жители заслушуваат многу повеќе од она што досега го добивале. Затоа Ви ветувам дека заедно со Вас и мојот тим ќе се вложиме максимално за реализација на нашата заедничка програма, која Вие ја верификувавте на последните локални избори.Ова нема да е лесна задача, но Ве уверувам дека со голема посветеност и многу работа истата ќе ја реализираме, кажа Георгиевски пред присутните.

https://youtu.be/XapsFo9YdFc

The post Георгиевски: Се гради ново основно училиште, се инвестира во фекална канализација, се чистата одводни канали и се инвестира во развој на општина Илинден appeared first on Република.

Општина Илинден за прв пат воведува доделување на еднократна парична помош на семејства со новороденче, кои се со живеалиште на подрачјето на Општината.

Од Буџетот на Општина Илинден ќе бидат издвоени по 5000 денари за секое семејство со новороденче кое е родено од 01.01.2022 година. Целта на овој проект е стимулирање на наталитетот и подршка на младите родители, a  со оваа мерка ќе се влијае и на зголемување на природниот прираст на населението.

Потребните документи за аплицирање ќе бидат наведени во Барањето за доделување на еднократна парична помош за семејства со новороденче, кое ќе биде прикачено на официјалната веб-страна на Општината (www.ilinden.gov.mk) и ќе може да се подигне од Архивата на Општина Илинден.

The post Oпштина Илинден дава еднократна парична помош за секое новороденче appeared first on Република.

The post Георгиевски: На терен делуваат екипите на ЈКП „Илинден“ кои го чистат снегот appeared first on Република.