На 6-ти мај (понеделник) со почеток во 18.00 часот пред паркот во Ѓорче Петров на платото до маркетот „Тинекс“ ќе се одржи голем „Велигденски хепенинг“. Манифестација која е замислена да ги собере и сплоти сите граѓани на општината и пошироко, за заеднички да ја почувствуваат магијата на Велигденските празници, но и заедничкото дружење меѓу себе на соседите, роднините, другарите, пријателите, за убав муабет, размена на позитивна енергија, насмевки… но и одлична забава со дел од најпознатите музички ѕвезди од македонската естрада.

За оние повозрасните кои ги паметат старите добри времиња ќе настапи легендата на македонската забавна песна, единствениот Драган Мијалковски со избор од своите незборавни евергрини.

За помладата публика, тнејџерите, но и нивните млади родители забавата ќе ја продолжат предводниците на македонската трап сцена. Младите ѕвезди Таско и Пајак кои важат едни од најпопуларните изведувачи на македонската поп естрада последниве години воопшто.

Најголемата и најпозната ар ен би атракција во Македонија, дуото ДНК исто така ќе имаат свој музички перформанс, каде Панчо и Андреј со своите ултрапопуларни хитови ќе ги забавуваат присутните граѓани, кои се очекува да дојдат во голем број на овој прв „Велигденски хепенинг“ во општина Ѓорче Петров, манифестација кој се очекува во иднина да прерасне во традиционална.

За крај забавата ќе продолжи со изведба на најпознатите македонски, странски и регионални хитови и евергрини, со кои присутните со својата жива изведба ќе ги забавува една од најдобрите македонски групи, познатите кралеви на ноќните клубски свирки, „Либеро бенд“.

Така во повеќе од два часа присутните граѓани на општина Ѓорче Петров, од најмладите до највозрасните, но и сите останати што ќе дојдат на првиот „Велигденски хепенинг 2024“ ги очекува незаборавна забава и искрено меѓусебно дружење.

The post Голем „Велигденски хепенинг 2024“ пред паркот во Ѓорче Петров appeared first on Република.

Градоначалникот на општината Ѓорче Петров, Александар Стојкоски вели дека со новиот ДУП дадена е согласност од Министерството за труд и социјална политика за изградба на новата предвидена градинка која со последната измена на планот била вцртана и за која е дадена маркица која претходно не постоела.

Една маркица за зграда избришавме, за да добиеме парцела за нова детска градинка. Од Министерството за труд и социјална политика имаме добиено согласност дека можеме да градиме во иднина - рече Стојкоски на денешната прес-конференција.

Тој нагласи дека е добиено и одобрени за изградба на училиште.

-Добивме и одобрение од Министерството за образование за изградба на училиште. Со тоа делот на јавни дејности и делот којшто вклучува образование, предшколска и воспитна дејност се исполнети. Ова ќе биде првиот урбанистички план во Ѓорче Петров кој што се прави на неизградена површина и каде што ќе има можност да се псотават темелите со правилна подземна и надземна инфраструктура и истиот е со функција да ги опслужи и жителите на соседните зони на живеење во Ѓорче Петров, рече Стојкоски на прес-конференцијата во Општина Ѓорче Петров.

Стојкоски нагласи дека со носење на овој ДУП општината Ѓорче Петров финансиски е обезбедена една декада во иднина.

The post Стојкоски: Со носењето на ДУП-от во Ѓорче Петров финансиски е обезбедена една декада во иднина appeared first on Република.

На денешната седница на Советот на Општина Ѓорче Петров, донесена е одлука за изградба на неколку важни објекти и реализација на капитални проекти, кои што ќе бидат од огромно значење на сите жители на Ѓорче Петров.

- Ќе се гради нова детска градинка во Стопански Двор.

- Во текот на изминатите години, граѓаните на Ѓорче Петров се соочуваа со навистина реален проблем во однос на запишувањето на дечињата во детските градинки низ нашата општина. Со отварањето на новата детска градинка ,,Сонце” надминавме дел од проблемите и згриживме голем број на дечиња, но потребни се и нови капацитети. За таа цел, отпочнуваме со изградба на новата детска градинка во Стопански Двор, којашто ќе има капацитет да прими околу 120 дечиња и ќе ги има сите услови кои што се потребни за пријатен престој на најмладите наши жители во градинката. Наша интенција останува изградбата на нови детски градинки насекаде во нашата населба каде што ќе имаме можност тоа да го реализираме, се со цел овој проблем да биде надминат во целост, информираше градоначалникот Александар Стојкоски кој рече дека за овој проект се одвоени 60 милиони денари.

- Ќе се изградат и реконструираат четири спортски игралишта и тоа:

Нова подлога на мултифункционалното игралиште нас. Даме Груев (поранешна последна 22-ка)

Ново спортско катче на ул. Македонска Војска

Нов терен за мал фудбал во ООУ „Димитар Поп Георгиев – Беровски”

Нова подлога на фудбалското игралиште во ООУ „Мирче Ацев”

Вредноста на изградбата и реконструкцијата на сите четири игралишта ќе изнесува 9 милиони денари.

- Доградба на две нови училници во ООУ ,,Мирче Ацев”.

Во изминатиот период активно работевме на подобрување на условите и зголемување на капацитетите во повеќе училишта во нашата општина, се со цел учениците и наставниот кадар да ги имаат сите потребни услови кои што се важни при одржувањето на наставата. За таа цел, работевме на доградба на нови две училни во ООУ „Mирче Ацев”, кои што се направени по сите стандарди и ги задоволуваат сите услови кои што се потребни за непречена настава и поголем комфор на учениците и наставниците, рече Стојкоски.

За реализација на овој проект беа одвоени 6 милиони денари.

- Прв сензорен центар во градинката „Росица“. 

За прв пат во нашата општина ќе се направи еден сензорен центар кој ќе биде лоциран во објектот ,,Пампурче”, a истиот ќе го сочинуваат три училни и сите потребни сензорни алатки кои ќе помогнат при образовните потешкотии на дечињата кои што се соочуваат со тој проблем. Сензорниот центар ќе биде од голема помош како за дечињата, така и за вработените, бидејќи ќе можат преку најразлични модели на едукација да пристапат до најмладите и да им помогнат во совладувањето на одредена материја којашто е потребна да се спознае во најмладите години. Инклузијата е важен сегмент од општеството и ние ќе се трудиме и во иднина да ја практикуваме и вклучуваме секаде каде што ќе се укаже можност за тоа.

Сумата којашто е издвоена за реализација на овој проект изнесува 1.700.000 денари.

- Општина Ѓорче Петров мора рамномерно да се развива и да се подобруваат условите за живот на сите категории на граѓани. Наш императив како општинска администрација останува реализацијата на бројни капитални и важни проекти за нашите сограѓани, бидејќи само со чесна и напорна работа можеме да придонесеме за подобар живот во нашата општина, порача првиот човек на општината.

The post Нови проекти во Општина Ѓорче Петров: Нова детска градинка во Стопански Двор, училници и спортски игралишта appeared first on Република.

Општина Ѓорче Петров во соработка со Армијата денеска со положување цвеќе на три спомени одбележа 22 години од загинувањето на бранителите кај Љуботенски Бачила во конфликтот од 2001 година.

Како што соопштија од Општината, централниот настан се одржа на споменикот на бранителите од Ѓорче Петров во Волково каде цвеќе положија бројни високи државни, партиски и делегации на здруженија, а обраќање имаше и градоначалникот на Општината Александар Стојкоски.

Нивната жртва е испишана во историјата, а нашите поколенија учат за нивното дело, рече Стојкоски истакнувајќи дека сите се гордеат со херојствата на овие македонски синови.

Тој информираше дека Општина Ѓорче Петров му предложила на Советот на Град Скопје пет улици во општината да бидат именувани со имињата на овие македонски херои, во најголем дел улиците на кои се наоѓаат нивните семејни куќи.

Ова е само дел од нашите заложби во нивна чест. Жалам и секогаш ќе жалам. Сите заедно изгубивме едно брдо херојство. Тажно за нашата Македонија. Вечна слава на Ивица Златевски, Раде Јанковски, Томе Димоски, Томислав Настевски, Ацо Ангеловски, Томе Бадаровски, Гоце Чанкуловски, Бранко Јанев и Марјанчо Бошковски и на сите македонски бранители кои одлучно застанаа во одбрана на својата земја и го положија животот за Република Македонија, додаде Стојкоски.

Во своето обраќање, Стојкоски истакна дека нивното херојство и жртва со сопствениот живот е љубов кон татковината за почит и заслужува поклон до земја за јунаштвото.

Во рамки на одбележување на годишнината од загинувањето, денеска беа посетени и спомен-чешмата во чест на Томислав Настевски-Бумбар, како и споменикот на сите бранители во реонскиот парк, каде исто така, беше положено цвеќе во чест на бранителите.

The post Општина Ѓорче Петров со иницијатива за именување пет улици по бранителите кои загинаа кај Љуботенски Бачила appeared first on Република.

300.000 денари финансиска помош од Општина Ѓорче Петров за Општина Делчево за санирање на последиците од синоќешното силно невреме, се вели во Фејсбук статусот на градоначалникот на општина Ѓорче Петров, Александар Стојкоски.

Солидарност со нашиот народ! Советниците на денешната седница донесоа итна одлука за помош на делчевскиот регион кој беше зафатен од силни врнежни што донесе поплавени подрачја. Општина Ѓорче Петров е првата скопска општина која експресно донесе одлука за помош на погоденото подрачје. Солидарноста е синоним за Ѓорче Петров, а покажувањето хуманост во вакви тешки моменти е големина на големите. Ние сме секогаш на страна на најголемата човечка особина и доблеста на еден поединец или колектив. Без разлика на партиска, верска или било каква друга разлика, во моменти на вакви непогоди, наша морална должност е на било каков начин да им помогнеме на нашите колеги. Благодарност до сите градоначалници и тимови од други општини кои на било каков начин учествуваат во помош на погоденото подрачје, истакна Стојкоски.

Нашата парола е „модерно, урбано и хумано“ и тоа никогаш не смееме да го заборавиме! Додава Стојкоски.

The post 300 илјади денари помош од Општина Ѓорче Петров за Делчево за санирање на последиците од невремето appeared first on Република.

Износ од 300.000 денари ќе биде префрлен од општина Ѓорче Петров како солидарна помош за санирање на последиците од земјотресите што ги погодија Република Турција и Сирија, соопшти денеска градоначалникот Александар Стојкоски, додавајќи дека средствата ќе се спроведат преку Црвениот крст, односно преку посебен Фонд за солидарност.

Им благодарам на претседателот на Советот, Ленче Нелоска и на советниците што покажаа емпатија и хуманост и веднаш излегоа во пресрет на мојот предлог.
Ѓорче Петров е синоним за солидарност и така и ќе остане.
Уште еднаш изразувам сочувство до семејствата на жртвите, а на преживеаните им посакувам побрзо закрепнување.
Никогаш да не се повтори..., вели Стојкоски.

The post Ѓорче Петров е синоним за солидарност и така и ќе остане: Општината испрати помош за Турција и Сирија appeared first on Република.

Oпштина Ѓорче Петров во наредните денови ќе обезбеди парични средства за семејствата на настраданите од земјотресот во Турција и Сирија, информираат од Општината.

На иницијатива на градоначалникот Александар Стојкоски, а во координација со претседателот на советот Ленче Нелоска, во текот на оваа седмица ќе се одржи вонредна седница на Советот на Општина Ѓорче Петров на која на дневен ред ќе биде одлука за обезбедување средства од буџетот.

Општина Ѓорче Петров упатува искрено сочувство до турскиот и сиријскиот народ за загубата на човечките животи.

The post Помош од Општина Ѓорче Петров за Турција и Сирија appeared first on Република.

Петар Бошковски беше среќлија и го фати крстот во Лепенец, а Игор Георгиевски - Ачка ќе го следи среќата во новата годоина откако го фати крстот во осветените води на реката Вардар кај мостот во Хром.

На двата настани им претходеа литургии и литии предводени од свештените лица од црквите од Ѓорче Петров.

Општина Ѓорче Петров по долга пауза учествува и е покровител на големите собири по повод осветување на водите на реките Лепенец и Вардар. Голема благодарност до ZEGIN за нивното учество во организација на настаните.
Да продолжиме да ги негуваме вековните христијански традиции. Денешниот ден кога Господ Исус Христос е крстен во реката Јордан нека донесе здравје, благосостојба и радости во секое семејство, им посака градоначалникот на Ѓорче Петров Александар Стојкоски на жителите од општината.

The post Петар Бошковски го фати крстот во Лепенец, а Игор Георгиевски Ачка во Вардар кај Хром appeared first on Република.

Советниците на Општина Ѓорче Петров го изгласаа Буџетот на општината во вредност од 359.182.303 денари. Буџетот е изработен тргнувајќи од основните цели за фискална стабилизација, економичност, рационалност во трошењето на буџетските средства и намалување на сите непродуктивни трошоци, информираат денеска од општината.

– Најголем процент од вкупните расходи припаѓаат на следниве категории на расходи: капитални расходи – 39,16 проценти од вкупните расходи, потоа следуваат расходите за набавка на стоки и услуги – 38,09 проценти и плати и надоместоци во износ од 16,60 проценти. Во буџетот на општината за следната година предвидени се средства и за реконструкција на улици, изработка на проекти за изградба на градинки и улици, изградба на игралишта, спортски терени, детски катчиња и пречистителни станици, се наведува во соопштението.

Во 2023 година со средства од буџетската каса, како што посочуваат од општината, предвидени се и дигитализација на услугите за граѓаните, изработка на урбанистички планови, нови капацитети за водоснабдување, еднократна парична помош за ранливи категории и новороденчиња, поддршка за спортисти и спортските клубови, заштита на животна средина, јавна чистота и култура.

При изработка на буџетот, како што се појаснува во соопштението, земени се предвид и идеите и потребите на граѓаните, што општината ги доби по пат на јавна анкета и отворен ден со граѓани.

The post Изгласан Буџетот за Општина Ѓорче Петров appeared first on Република.

Општина Ѓорче Петров го донесе буџетот за 2023 година. Следната година општината ќе рсполага со 359.182.303,00 денари, од кои најголем дел се предвидени за капитални проекти.

Донесен е Буџетот на општина Ѓорче Петров за 2023 година!
Тргнувајќи од основните цели за фискална стабилизација на буџетот, економичност, рационалност во трошењето на буџетските средства и намалување на сите непродуктивни трошоци, изработивме буџет во вредност од 359.182.303,00 денари.
Најголем процент од вкупните расходи припаѓаат на следниве категории на расходи:
капитални расходи -
39,16 проценти од вкупните расходи,
потоа следуваат расходите за набавка на стоки и услуги - 38,09 проценти
и плати и надоместоци во износ од 16,60 проценти.
Во буџетот има место и за:
реконструкција на улици,
изработка на проекти за изградба на градинки и улици,
изградба на игралишта,
спортски терени,
детски катчиња,
пречистителни станици,
дигитализација на услугите за граѓаните,
изработка на урбанистички планови,
нови капацитети за водоснабдување,
еднократна парична помош за ранливи категории и новороденчиња,
поддршка на спортисти и спортските клубови
заштита на животна средина и јавна чистота
и култура
При изработка на буџетот ги земавме во предвид и идеите и потребите на граѓаните кои ги добивме по пат на јавна анкета и отворен ден на општината наменет за креирање на буџетската каса. Им благодарам на граѓаните за учеството во креирањето на Буџетот за 2023 година.
И во годината што доаѓа продолжуваме во насока на развој на Ѓорче Петров, водејќи се исклучиво по потребите на жителите на нашата општина, објави градоналачникот Александар Стојкоски на Фејсбук.

The post Општина Ѓорче Петров го донесе буџетот за 2023 година appeared first on Република.

Полицијата ја приведе мистериозната Ивана која јадеше и пиеше на сметка на Општината. Според МВР 36 годишната Скопјанка нарачувала храна на име н фирми со кои соработувала општината.

На 16.12.2022 во Полициската станица Ѓорче Петров бил извршен службен разговор со И.А.(36) од Скопје. Таа се сомничи дека лажно се претставувала како вработена во општина Ѓорче Петров и од повеќе угостителски објекти нарачувала храна во име на фирми со кои наводно соработувала општината. Во разговорот таа го признала делото. По целосно документирање на случајот против неа ќе биде поднесена соодветна пријава, информираат од МВР.

Претходно Општина Ѓорче Петров објави дека извесна Ивана во име на Општината и градоначалникот Александар Стојкоски во изминатиот период се јавувала и појавувала во угостителски објекти при што нарачува храна и пијалаци, наводно за општината и градоначалникот. Лицето по извршената нарачка барало фактурите за испорачаната услуга да гласат и да им бидат доставени на фирми кои соработуваат со Ѓорче Петров. За фирмите доставува потребни податоци за изготвување на фактура.

https://republika.mk/vesti/skopje/izvesna-ivana-vo-ime-na-opshtinata-i-gradonachalnikot-jade-i-pie-po-restorani-informiraat-od-gjorche-petrov/

The post МВР ја приведе мистериозната Ивана која пиеше и јадеше на сметка на Општина Ѓорче Петров appeared first on Република.

Со цел да се „слушне гласот“ на вработените во однос на нивните права, првпат во општина Ѓорче Петров е формирана синдикална организација во рамки на Синдикатот за администрација и Државна управа на Македонија и првпат е потпишан колективен договор на ниво на работодавец, соопшти градоначалникот Александар Стојкоски.

Со потпишување на овој колективен договор, покрај останатите права кои им се гарантираат на вработените, предвидено е и зголемување на платите, почнувајќи од платата за месец ноември за 3.000 денари.
Со овие мерки правиме напори за подобрување на условите за работа на администрацијата. Во време на економска криза, високи сметки за електрична енергија и покачени цени во маркетите, ова е еден вид стимул за моите вработени.
Очекувам и натаму ефикасно и ефективно да ја извршуваат својата работа, исклучиво во насока на интересите на граѓаните, порача тој.

The post Повисоки плати од месецов во Ѓорче Петров, за првпат формирана и синдикална организација за вработените во општината appeared first on Република.

Премиерот Димитар Ковачевски беше со граѓаните на скопската општина Ѓорче Петров.

На пазарот во Ѓорче, Ковачевски директно им се заблагодари на пазарџиите и македонските земјоделци кои секојдневно работат неуморно за граѓаните да имаат свежи и убаво домашно овошје и зеленчук.

Годинава голем фокус ставаме на зголемувањето на домашното производство на храна. Нашите јаболки се највкусни, од нашите пиперки се прави најубавиот ајвар, убавата и вкусна македонска храна е наше богатство. Нашата татковина има сонце, вода, плодна почва, ги има сите потребни ресурси, а ние, даваме целосна поддршка на земјоделците за најпрво да им помогнеме работата да им се развива по нагорна линија, но и за да обезбедиме доволно храна за целата држава во оваа голема криза во која живееме, рече Ковачевски.

Претседателот Ковачевски рече дека има голема почит за трудот на земјоделците и дека Владата веќе воведе нов модел за финансиска поддршка на земјоделството со кој ги мотивираме да произведуваат повеќе храна. Од модел на субвенции, капитални инвестиции, советодавни услуги, па се до европски фондови и вложување во човечки ресурси.

Претседателот на СДСМ и премиер, Димитар Ковачевски, додаде дека владата којашто ја предводи навреме презеде соодветни мерки за обезбедување храна, струја и енергенси и за заштита на стандардот на граѓаните, на ранливите и на компаниите.

Го максимализиравме производството на струја од домашните капацитети, постојано го зголемуваме домашното производство и вклучуваме нови капацитети. Реализираме два пакети антикризни мерки од 700 милиони евра. Струјата за граѓаните ја субвенционира, ја плаќа државата, во висина од 80%, како и за 72.000 компании. Подготвени сме за соочување со сите предизвици никој нема да биде оставен сам, заедно ќе успееме, рече Ковачевски.

По средбите со граѓаните на скопската општина Ѓорче Петров претседателот на СДСМ ќе одржи и работен состанок со членовите и симпатизерите на СДСМ од оваа населба во локалното седиште на партијата.

The post Ковачевски пазареше во најлон кеси: Обезбедивме храна, струја и енергенси appeared first on Република.

Со серија настани под мотото „Наша приказна, наша традиција“ општина Ѓорче Петров утре стартува со „Звуци на културата 2022“ и одбележување на 20 септември – Ден на општина Ѓорче Петров.

-Почнувајќи од утре до 25 септември, Општината ќе биде центар на културно-уметнички и спортски настани. Во текот на утрешниот ден во реонскот парк со почеток од 10 часот посетителите првпат ќе имаат можност во Ѓорче Петров да присуствуваат на Ден на органско производство каде ќе има изложувачи од целата земја. Попладнето во 17:30 стартува Меѓународниот детски фолклорен фестивал „Златен вез“ на истата локација, известуваат од општина Ѓорче Петров,

Недела е резервирана за Детскиот фестивал „Соната“ во 12 часот во реонскиот парк.

Во понеделник на 19 септември во 11 часот под мотото „Спортуваме со првачињата“ на стадионот „Македонски лавови“ ќе се одржи спортски настан.

-Ова е одлична можност да ги насочиме нашите најмлади жители на спортски активности од најмлада возраст и да им го доближиме спортот како опција за здрав живот, истакнуваат од општината.

Денот на општина Ѓорче Петров – 20 септември, ќе биде одбележен со целодневен свечен настан и свечена седница на Советот, но и со концерт кој ќе стартува во 18 часот.

-Програмата е наменета за сите возрасти. Настап на дечињата од градинката „Росица“, танцовото студио „Бранимир и Бранкица“ и КУД „Глигор Прличев“. Стојне Николова, Даниел Дан, Мијата и диџеј Горан, пак, се само дел од имињата кои ќе ги забавуваат ѓорчепетровци во вторник во реонскиот парк, велат од локалната самоуправа.

Манифетацијата „Од Бистра преку Дервен до Ханриево“-ЕФЗ Седум осмини и Ансамбл Ѓорче Петров е предвидена да се одржи во сабота на 24 септември во 12 часот во паркот. На овој настан ќе му претходи крводарителска акција во Центарот за култура во 10 часот, а денот ќе биде затворен со кинолошката изложба на стадионот „Македонски лавови“ во 18 часот.

-Одбележувањето на општинскиот празник ќе се заврши со настанот „Сите во Кучково“ на 25 септември во 12 часот со старт кај крстот во Кучково. Со велосипеди и пеш ќе ги промовираме новите велосипедски и пешачки патеки на оваа локација, известуваат од општината.

Општина Ѓорче Петров ги повикува сите граѓани заедно да го одбележиме општинскиот празник, но и сите настани кои следуваат.

The post Утре во Ѓорче Петров почнува манифестацијата „Звуци на културата“ appeared first on Република.

Градоначалникот на општина Ѓорче Петров информира дека повторно е исчистена дивата депонија на последна 4.

Реакциите за расфрланиот отпад се оправдани. Но не и неодговорноста на поединци, вели тој.

Ова е локација, која жителите на Ѓорче Петров често ја посочуваат поради нехигиена, е десетици пати чистена.

Но, по десетина дена, тука повторно е полно со отпад, од домашно ѓубре до кабаст отпад.

Со ова, не само што се оптоварува општината и комуналната служба, туку се гази по жителите. Тие секојдневно живеат во смрдеа и отпад. Катастрофа. Се повеќе се размислува во насока на формирање на страници на социјалните мрежи, каде секое лице кое ќе биде фатено и снимено како нелегално депонира отпад и ја загадува околината, со тоа, загрозува здравјето, јавно да биде објавено. Се прават консултации како тоа би се регулирало од правен аспект. До тогаш, би било добро секој од нас, секогаш кога ќе затече лице кое нелегално депонира отпад, да го сними, фотографира, да испрати податоци и да алармира, апелира градоначалникот.

The post Градоначалникот бесен: Повторно е исчистена дивата депонија на последна 4 appeared first on Република.

Општина Ѓорче Петров денеска беше домаќин на јавната презентација на проектот „Пилот интервенции за третман на отпадни води и управување со цврст отпад во прекуграничниот регион“.

Преку овој проект, с.Орман добива колектор и станица за третман на отпадни води кој ќе стартува со реализација во ноември, а се очекува да биде готов во август 2023 година. Ова е најзначајна инфраструктурна инвестиција во овој дел на општина Ѓорче Петров.

Станува збор за прекуграничен проект во соработка со партнерската општина Ново Брдо од Косово, локална самоуправа во која преку проектот ќе се воведе нова услуга за организирано собирање и управување со цврст отпад со набавка на нова опрема.

Општина Ѓорче Петров особено внимание насочува кон сочувување на животната средина, преку конкретни активности за управување со отпадните води. Ова е уште еден доказ дека се движиме во вистински правец кога станува збор за прашања од интерес на граѓаните. Остануваме фокусирани на справување со сите идентификувани ризици по животната средина и здравјето на луѓето – рече градоначалникот на општина Ѓорче Петров, Александар Стојкоски.

На презентацијата се обратија и заменик-министерот за локална самоуправа Зоран Димитровски, заменик-градоначалникот на Ново Брдо Светислав Ивановиќ, Самире Јаха-координатор на Програмата за прекугранична соработка во Министерството за локална самоуправа и администрација на Косово и Амаја Оливарес Запианин, програмски менаџер на ЦБЦ-Канцеларија на ЕУ. Едногласно го поздравија проектот во двете општини и нагласија дека сите страни и во иднина преку вакви активности активно ќе работат на подобрување на состојбите во екологијата.

Проектот е финансиран од Програмата за прекугранична соработка ИПА 2 2017 и 2018 на Европската унија, преку Европската комисија. Вкупниот износ на проектот е 466.590 евра од кои со 85 проценти учествува ЕУ, а 15 отсто се средства кофинансирани од Министерството за локална самоуправа на Република Македонија и буџет на општина Ново Брдо.

The post Ќе се гради колектор за отпадни води во с.Орман – општина Ѓорче Петров appeared first on Република.

Повеќе од дваесет години жителите на ул. 77 во Волково чекаа за асфалт до своите домови.
🦺Благодарение на Град Скопје и екипите на ЈП „Улици и патишта“ - Скопје од денес ќе газат по нов коловоз.
🤝 Со градоначалничката Danela Arsovska ветивме дека во нашиот мандат нема да има заборавени места и на тоа посветено работиме од првиот ден.

The post По 20 години ветувања – асфалт за улицата 77 во Волково appeared first on Република.

Екипи на ЈП „Паркови и зеленило“ деновиве започнаа со хортикултурно уредување на нова зелена површина на булеварот Партизански одреди во општина Ѓорче Петров.

На неуредената јавна површина на овој потег се реализираат активности за формирање нов зелен коридор на вкупна површина од 500 квадратни метри.

Во текот на активностите на оваа локација ќе се изврши прекопување на површинскиот слој на земја, рамнење на површината и нанесување на нова квалитетна почва. На површината се поставува систем за полевање, а ќе се формира и тревник по што планирано е засадување садници, веднаш штом се создадат поволни временски услови.

Градот Скопје, заедно со ЈП „Паркови и зеленило“, продолжува со активности за уредување на нови зелени површини и формирање на зелени коридори низ населените места во Скопје.

The post Зелен коридор на Партизанска во општина Ѓорче Петров appeared first on Република.

Ѓорче Петров добива нови рекреативни зони, соопшти градоначалникот на општината, Александар Стојкоски.
Тој ги информира жителите на општината дека е завршено мапирањето на велосипедската и пешачката патека во Кучково.

Жителите на општината и градот Скопје добиваат одлично урбанизирано место за спорт и рекреација во најубавиот туристичко-планински предел во општина Ѓорче Петров, се пофали гордиот градоначалник.

Инвестицијата е на Бирото за регионален развој при Министерството за локална самоуправа и на општина Ѓорче Петров, а постапката ја спроведуваше Центарот за развој на скопскиот плански регион.

The post Кучково е подготвено, ваше е да го истражите appeared first on Република.

Уставниот суд на денешната седница одлучи да укине дел од членот 3 став 1 од Одлуката за доделување еднократна парична помош на семејствата со новороденче на подрачјето на Општина Ѓорче Петров во 2022 година („Службен гласник на Општина Ѓорче Петров“ бр.18/2021), донесена од Советот на Општина Ѓорче Петров, со кој се условува оваа парична помош со брачната состојба на родителите.

„Оваа Одлука е оспорена меѓу другото поради постоење на дискриминирачки услов за добивање на еднократна парична помош, односно уверение од матичната книга на венчаните при поднесување на барањето.

Уставниот суд оцени дека  со оваа одлука се повредува уставното право на еднаквост на граѓаните, предвидено во членот 9 од Уставот.

Подносител на иницијативата: Денис Димовски од Скопје“, стои во писменото соопштение на Уставен суд, испратено пред малку до медиумите.

The post Уставниот суд укина дел од одлуката за доделување еднократна парична помош за новороденче appeared first on Република.