Иницијативниот одбор на родители на ученици од ООУ „Његош“ од Јурумлери во знак на незадоволство од одлуката на министерот за образование и наука Јетон Шакири за одземање на надлежностите на Општина Газа Баба за училиштето, денеска одржа граѓански протест со блокирање на регионалниот пат на раскрсницата во населено место Јурумлери кон Драчево (кај бензинската пумпа).

Градоначалникот на Гази Баба, Бобан Стефковски кога министерот Шаќири ја донесе одлуката рече дека „не постои ниту еден законски основ за одземање на ингеренциите, односно општина Гази Баба и директорката на ООУ Његош ги исполнуваат законските обврски и немаат прекршено ниту една утврдена процедура“.

Жалам што министерот Шакири не го прифати мојот апел да не подлегнува на вештачки креирани состојби кои поединци ги создаваат со цел да создадат меѓуетнички тензии.
За мене учениците се ученици, без разлика на етничка или верска припадност, а за тоа најдобро зборуваат реализираните проекти.
Одлуката за одземање на ингеренциите не е решение на проблемот, туку единствено прикривање на неспособноста на власта да го реализира ветувањето дадено пред граѓаните на Идризово уште пред неколку години за изградба на ново основно училиште за сите ученици од Идризово.
Владата на ДУИ и СДСМ наместо да го продолжи процесот на децентрализација, отпочна процес на централизација, односно веќе законски дадените надлежности на локалната самоуправа ги одзема.
Мојот став како градоначалник на општина Гази Баба е јасен, услови за образование треба да имаат сите деца и затоа отпочнавме иницијатива до надлежните институции за изградба на ново училиште во Идризово, напиша тогаш на својот фејсбук профил Стефковски.

The post Владата на ДУИ и СДСМ наместо да го продолжи процесот на децентрализација, отпочна процес на централизација, веќе законски дадените надлежности на локалната самоуправа ги одзема appeared first on Република.

Градоначалникот на општина Гази Баба Бобан Стефковски оддржа прес-конференција на која информираше за новонастанатата состојба со детската градинка Детска радост.

Откако не успеаја да направат политички притисок врз мене за да ја поништам одлуката за разрешување на директорката на детската градинка „Детска радост“, Министерството за труд и социјална политика ѝ ги одзеде надлежносите на општината. Оваа одлука донесена од страна на Министерката за труд и социјална политика Јованка Тренчевска е незаконита и политички мотивирана, рече Стефковски.

Тој нагласи дека има информации дека во Министерството за труд и социјална политика бил вршен притисок врз вработените за носење на незаконита одлука за одземање на надлежноста на општината.

Со одлукатада ја врати разрешената директорка за директор на детската градинка Детска радост министерката Јованка Тренчевска се става во директна заштита на незаконското работење утврдено со ревизорски извештај направен од страна на независна лиценцирана ревизорска куќа.

Загрижен сум поради тоа што нашите деца од понеделник ќе посетуваат градинка со која ќе управува директорка за која постојат докази за утврдени злоупотреби и законски прекршувања.

За мене е скандалозна одлуката на министерката Тренчевска, да ја врати разрешената директорка, без притоа Основното јавно обвинителство и Државната комисија за спречување на корупција да се произнесат по наодите за прекршување на Законот, рече Стефковски и потсети дека Тренчевска не го зема предвид и фактот што СОНК и вработените во градинката и родители дале поддршка на одлуката за разрешување на директорката.

The post Стефковски: Тренчевска донесе скандалозна одлука да ја врати разрешената директорка на „Детска радост“ appeared first on Република.

Советот на општина Гази Баба на предлог на градоначалникот Бобан Стефковски донесе Одлука за ослободување од плаќање месечен надомест за престој на деца во градинка на социјалните и многудетните семејства.

Одлуката за ослободување од плаќање месечен надомест за престој на деца во градинка важи за следните категории родители:

-Родители на три деца запишани во градинка, се ослободуваат од плаќање месечен надоместок за престој за едно дете;
-Самохран родител со примања до една минимална плата или со останати приходи во износ до една минимална плата се ослободува од плаќање месечен надоместок за престој на детето/децата;
-Двајца родители без приходи или самохран родител без приход (невработени лица) се одлободуваат од плаќање месечен надоместок за престој на детето/децата;
-Двајца родители од кои еден е без приходи (невработено лице), а другиот родител со примања до една минимална плата или со останати приходи во износ до една минимална плата се ослободуваат од плаќање месечен надомест за престој на детето/децата;
-Родител на деца со категоризација за потешкотии во развојот на детето/децата, се ослободуваат од плаќање надомест за престој на детето/децата.

Во услови на сериозна економска криза како одговорна општина ја имплементираме оваа мерка за поддршка на социјално загрозените и многудетните семејства. Дополнително преку оваа мерка создаваме услови на еднаквост на децата и се овозможуваме секое дете да има можност да помине период во градинка во својата предучилишна возраст. Ги повикувам граѓаните да ја искористат оваа можност, напиша градоначалникот на Гази Стефковски

The post Бесплатна градинка за социјалните и многудетните семејства во Гази Баба appeared first on Република.

Општина Гази Баба ќе испрати финансиска помош за настраданото население од земјотресот во Турција и Сирија. Градоначалникот Бобан Стефковски очекувасоветниците а ја прифатат неговата иницијатива на итна седница на Советот на општина Гази Баба.

Општина Гази Баба е збратимена со општина Газиантеп, Република Турција која е најпогодена од земјотресот во Турција.

Во ова тешко време за турскиот народ со кои општина Гази Баба има одлична соработка уште од 2013 година, солидарноста и хуманоста се оние кои ме водеа при покренување на оваа иницијатива. Не е далеку 2016та година, кога токму нашата општина беше погодена од силно невреме кое зад себе остави човечки жртви и голема материјална штета. Тогаш за нас се обединија во хуманоста многу општини, градови и држави. Гази Баба не заборава! Гази Баба помага, напиша Стефковски на Фејсбук.

The post Гази Баба ќе испрати финансиска помош за настраданото население во Турција и Сирија appeared first on Република.

Локалната власт на ВМРО-ДПМНЕ наместо да ги решава проблемите на граѓаните, расипнички ги троши народните пари и ги задолжува општините.

Градоначалникот на општина Гази Баба Бобан Стефковски ја задолжува една од најбогатите општини во државата за цели 5 милиони евра.

Иако пред 15 месеци наследи полна општинска каса со 3,2 милиони евра сега ја задолжи општината со предлог, во кој не е наведено дали има подготвено проекти и проектна документација.

Градоначалникот на Гази Баба не кажа ниту колкав ќе биде периодот на отплата, колкава е каматната стапка, ни дали потенцијалните купувачи можат да дојдат во спрега со инвестициските проекти.

Стефковски ги изигра и потцени граѓаните на општина Гази Баба. Тој никаде во предизборната кампања не им вети на граѓаните вакво задолжување.

Стефковски наместо за граѓаните, работи за лични и за интересите на неговиот шеф Христијан Мицкоски, Гази Баба од општина со полна буџетска каса, од општина со план за развој, благодарение на Стефковски за помалку од година и половина, стана задолжена општина, потоната во безидејност и стагнација.

The post СДСМ обвинува за милионски задолжувања во Гази Баба appeared first on Република.

Поставени куќички за бездомни кучиња на повеќе локации низ општина Гази Баба, објави на својот Фејсбук профил градоначалникот на општина Гази Баба, Бобан Стефковски.

Општина Гази Баба во соработка со ЈКП Гази Баба изработи и на повеќе локации низ општината постави куќички за бездомните кучиња. Оваа акција ја спроведуваме на предлог на повеќе граѓани со цел хуман однос кон мирните бездомни кучиња. Изминатиот период како општина во неколку наврати инициравме до ЈП Лајка организирање на акции за собирање на агресивните бездомни кучиња со цел заштита на граѓаните. Сите бездомни кучиња не се агресивни, истакна Стефковски.

The post Општината Гази Баба постави куќички за бездомни кучиња appeared first on Република.

Во објава на својата официјална страна на фејсбук, градоначалникот на општина Гази Баба Бобан Стефковски ги информираше граѓаните дека на вчерашната седница на Советот, на предлог на градоначалникот е донесена одлука за доделување на директна финансиска помош за над 3000 семејства на територија на општина Гази Баба.

– Добра вест за жителите на Гази Баба: Над 3000 семејства ќе добијат директна финансиска помош од општината. До Советот на општина Гази Баба предложив Одлука за исплата на финансиски средства како парична помош за загрозени граѓани погодени од енергетската и финансиската криза. И на вчерашната седница, Советот ја донесе оваа одлука. Во овие тешки времиња кога инфлацијата секојдневно расте, сметките за електрична енергија се двојно зголемени, а нашиот народ е на работ на егзистенцијата, без двоумење направив реорганизација на општинската каса и преку ребаланс на буџетот, определив 4.000.000 денари. Со оваа одлука се предвидува: Субвенционирање на дел од трошоците за потрошената електрична енергија за социјално ранливи категории на граѓани; и Надомест за пензионери со ниски примања. Ова е прв пат во историјата на постоењето на општина Гази Баба, општината да исплаќа директна финансиска помош на граѓаните во време на кризa – напиша Стефковски.

The post Над 3.000 семејства ќе добијат финансиски средства од општина Гази Баба appeared first on Република.

Општина Гази Баба распиша Конкурс за доделување стипендии на талентирани ученици и ученици спортисти од територија на општината за учебната 2022/2023 година. Ќе бидат доделени 21 стипендија на талентирани ученици и 21 стипендија на ученици спортисти. Рокот за поднесување пријави од заинтересираните кандидати е до 15 октомври 2022.

Стипендијата изнесува 3.000 денари месечно без пресметан персонален данок. Персоналниот данок на стипендијата го пресметува и плаќа општина Гази Баба. Стипендијата се исплаќа од 1 до 5 во текот на месецот за претходниот месец, девет месеци непрекинато во текот на учебната година, почнувајќи од септември од тековната календарска година заклучно со мај од наредната календарска година, е наведено во Конкурсот.

Како што соопшти градоначалникот Бобан Стефковски, целта на стипендиите е финансиска поддршка на талентираните ученици и учениците спортисти од територија на општина Гази Баба.

Како градоначалник, изминатиот период имав можност да сретнам повеќе талентирани ученици и ученици спортисти кои бележат бројни успеси, што за мене беше показател дека општината треба да преземе чекор на стипедирање на овие ученици. Ги повикувам сите оние кои ги исполнуваат условите да аплицираат, напиша Стефковски на Фејсбук.

The post Општина Гази Баба ќе доделува стипендии на талентирани ученици и ученици спортисти appeared first on Република.

Вечерва заедно со Бобан Стефковски бев во посета на Општинскиот Комитет на ВМРО-ДПМНЕ Гази Баба. Од вечерва почнувам со акција на посета на општинските комитети кои се базата на партијата, точката од која почнува секоја победа на ВМРО ДПМНЕ, пишува на социјалната мрежа на Фејсбук лидерот на ВМРО-ДПМНЕ Христијан Мицкоски.

Ќе го чујам гласот на секој еден член и подготвен сум да разговарам на секоја тема, ќе бидам меѓу членството и народот, затоа што тој е нашата главна движечка сила. Нема затворање по канцеларии затоа што ВМРО ДПМНЕ отсекогаш била народна партија.

Нашите противници дезертираат од војска, дезертираат од решавање на проблемите, единиците на АРМ ги прават партиски штабови, и немаат план за излез од кризата, освен тендери и криминална матрица.

Промените мора да се случат и заедно да се избориме до една голема заедничка победа и за иднина во нашата Македонија!, пишува Мицкоски во својата објава.

The post Мицкоски: Започнувам со акција на посета на општинските комитети, ќе го чујам гласот на секој член, ќе разговараме за секоја тема и ќе бидам меѓу членството и народот appeared first on Република.

The post Гази Баба организира хип-хоп фестивал appeared first on Република.

Градоначалникот на општина Гази Баба Бобан Стефковски, утрово со објава на својата официјална страна на фејсбук ги информираше граѓаните за реализацијата на проектот: Нула трошоци за учество на екскурзии за ученици од социјално загрозени семејства.

Овој проект се реализира за прв пат во општина Гази Баба и доаѓа како реализација на ветување дадено од градоначалникот Стефковски за време на изборната кампања.

Во објавата на фејсбук, Стефковски пишува:

НУЛА трошоци за учество на екскурзии за ученици од социјално загрозени семејства.
Со почетокот на новата учебна година, започнува со реализација и проектот НУЛА трошоци за учество на екскурзии за ученици од социјално загрозени семејства.
Сите општински основни училишта добија задолжение за реализација на овој проект согласно Правилник за начинот на изведување на екскурзиите, излетите и другите вонучилишни активности на учениците од основните училишта.
Уште еден проект од изборната програма е реализиран! - напиша Стефковски.

The post Бесплатни екскурзии за учениците од социјални семејства во Гази Баба appeared first on Република.

Градоначалничката на Град Скопје, Данела Арсовска, заедно со градоначалникот на општина Гази Баба, Бобан Стефковски и директорот на ЈП „Паркови и зеленило“, Ангеле Сотировски, извршија увид во започнувањето на изградбата на нов зелен плоштад и парк во населбата Ченто во општина Гази Баба.

Градоначалничката на Град Скопје, Данела Арсовска истакна дека согласно програмата за модерно Скопје воспоставувањето на нови зелени површини и нови паркови е еден од приоритетите во работата на Градот Скопје, а граѓаните на овој дел од општината за прв пат ќе добијат модерен парк и нови уредени зелени површини.

– Согласно програмата за модерно Скопје и воспоставување на нови зелени површини на територија на градот Скопје, денеска започнуваме со хортикултурно уредување на јавна површина, нов зелен плоштад на улицата Јужноморавски бригади, во населбата Ченто, нов парк за над 20.000 жителите на овој дел од општината, кој ќе биде уреден на површина од 5000 квадратни метри – истакна Арсовска.

Директорот на ЈП „Паркови и зеленило“, Ангеле Сотировски истакна дека на иницијатива на градоначалничката екипите на јавното претпријатие веќе се започнати со целосно расчистување на теренот.

– Екипите на ЈП „Паркови и зеленило“ веќе започнаа со целосно расчистување на теренот, а во следниот период ќе се пристапи кон рамнење на почвата како и пополнување на површината со квалитетна почва, спроведување на систем за полевање и подготовка на почвата за садење на дрвја и вегетација, а се предвидува и флористичко збогатување на просторот – вели Сотировски.

Градоначалникот на Општина Гази Баба, Бобан Стефковски истакна дека жителите на Ченто за прв пат ќе добијат ваков нов зелен простор.

– Ова место кое претходно беше неуредно и полно со шут и ѓубре, сега жителите на населбата Ченто со овој проект за прв пат откако е населена оваа населба ќе добијат нов зелен плоштад и уреден простор за одмор, спорт и рекреација – истакна Стефковски.

The post Нов зелен плоштад и парк од 5.000 квадратни метри во населбата Ченто appeared first on Република.

3000 денари за секое првоодделенче. Денес ги потпишав првите решенија со кои ќе исплатиме 3000 денари на семејства кои имаат првоодделенче. Оваа мерка се спроведува за прв пат во општина Гази Баба оваа година, информираше преку Фејсбук објава градоначалникот на Општина Гази Баба, Бобан Стефковски.

Тој ги повикува сите семејства од територија на општина Гази Баба кои имаат првоодделенче да дојдат во просториите на општината и да поднесат барање за исплата.

Потребни документи:
Потврда од основно училиште
Извод од матична книга на родени
Копија од лична карта на еден од родителите
Копија од трансакциска сметка.

– Сите семејства кои имаат првоодделенче ќе добијат по 3000 денари еднократна парична помош, додава Стефковски.

The post Гази Баба доделува 3000 денари за секое прваче, родителите да поднесат барање appeared first on Република.

Детските градинки ќе ги направиме. Тоа не се проекти ниту на ВМРО-ДПМНЕ, ниту на СДСМ, тоа се проекти на граѓаните на Гази Баба. Но, не сум сигурен дека Министерството ќе даде одобрение за вработување на кадар кој ќе ги воспитува нашите деца, се заложи денеска од Гази Баба претседателот на ВМРО-ДПМНЕ Христијан Мицкоски.

Убеден сум и доколку оваа корумпирана и криминална власт не се издигне над партиските интереси дека Општината од сопствени средства ќе обезбеди вработувања на соодветен и лиценциран воспитувачки и образовен кадар во градинките. И повеќе нема да има деца на листите за чекање во Гази Баба, рече Мицкоски.

Мицкоски зборуваше и за партизираните институции, една од главните причини заради кои опозицијата инсистира на предвремени избори.

Проблемот е што имаме партизирани институции, партизирани министерства и многу лоши министри и членови на кабинетот на Ковачевски. И затоа ние бараме да има предвремени парламентарни избори за да може Владата и локалната самоуправа да ги реализираат проектите непречено наместо да договараат тендери во четири очи и да го крадат народот како што тоа го прави оваа Влада.

Освен градинки, Мицкоски најави уште проекти во Гази Баба. Улиците, комунална инфраструктура, фекална и атмосферска канализација, водоводи, спортски сали итн.

Се работи насекаде во Македонија, промените се чувствуваат. ВМРО-ДПМНЕ е помеѓу народот и така ќе продолжи, ние сме народна партија и нашето место е овдека помеѓу народот. А, јас сум тука заедно со градоопштина газначалниците секогаш кога е тоа потребно и секогаш кога ќе треба поддршка и од мене но и од структурата на партијата.

The post Мицкоски: Ќе ги изградиме градинките и повеќе нема да има листи за чекање во Гази Баба appeared first on Република.

Град Скопје заедно со јавните претпријатија и во координација со Општина  Гази Баба успешно  ја  спроведуваат работната пролетна акција на територија на оваа општина.

Во рамките на големата акција за генерално чистење на општината Гази Баба, ЈП Комунална хигиена ја исчисти обемната дива депонија лоцирана во дворот на поранешната управна зграда на Јавната установа за згрижување деца со социјално-воспитни проблеми „Ранка Милановиќ“, сместена на улицата Перо Наков. Од оваа локација, отстранети се 40 кубни метри отпад.

Од почетокот на акцијата за чистење на општината Гази Баба, во специјалните садови што ЈП Комунална хигиена ги постави на пет локации во оваа скопска општина беа одложени приближно 50 кубни метри кабаст отпад коишто се подигнати и транспортирани од страна на екипите на претпријатието. Екипите на ЈП „Комунална хигиена“ рачно и машински ги исчистија булеварите и улиците, а направија и дезинфекција на контејнерите на јавните површини.

Екипите на ЈП „Улици и патишта“ ги санираа ударните дупки на 5 булевари и улици. На булеварите Александар Македонски и Киро Глигоров и на улиците Методија Андонов Ченто, Маџари и Перо Наков санирани се ударни дупки со вкупна површина од 210 квадратни метри.

Со цел зголемување на безбедноста во сообраќајот во овој дел од градот, екипите на ЈП „Улици и патишта“ на улицата Благоја Стефковски поставија две платоа за намалување на брзината на движење на возилата и ја обновија вертикалната сигнализација на булеварите Александар Македонски и Киро Глигоров, а на улицата Перо Наков со поставени нови сообраќајни знаци и исправени се оштетените. Во рамките на акцијата е извршена контрола и обиколка на светлосната сигнализација на семафоризираните крстосници во општината и заменети се оштететените сенила на пешачките и возачки лантерни на семафорите 4 крстосници.

Екипи на ЈП „Паркови и зеленило“ реализираа голем број активности за уредување на зеленилото долж булеварите и улиците: Александар Македонски, Киро Глигоров, Благоја Стефковски, Коце Металец, Методија Андонов Ченто, како и на улицата 808. На двата булевара и четирите улици се искосени тревните површини и уредени дрворедите, а беа собрани лисја, хартии и отпадоци. Во рамките на оваа акција на ЈП „Паркови и зеленило“ собраа 10 полни камиони со отпадоци.

Град Скопје заедно со јавните претпријатија и во координација со Општина Гази Баба пролетната акција ја спроведува од 11-ти април до 17-ти април на територијата на целата општина.

The post Расчистена голема дива депонија во општина Гази Баба – отстранети 40 кубни метри отпад appeared first on Република.

Градоначалникот на општина Гази Баба Бобан Стефковски денес ја објави Платформата „Нулта толеранција за корупцијата во општина Гази Баба“, во рамки на која од денес се спроведува кампањата „Не молчи пријави! Заедно против корупцијата!“.

Од денес секој граѓанин има можност да пријави корупција во рамките на општина Гази Баба на следните начини:

Со повик, смс или на „вибер“ 24 часа на 075 346 938

На емаил: prijavikorupcija@gazibaba.gov.mk

Директно кај определен службеник во кабинетот на градоначалникот.

Во општина Гази Баба нема да се толерира коруптивно однесување, вели Стефковски, додавајќи дека нема да се толерира која било друга форма на неетичко, казниво или друго незаконито однесување.

Општина Гази Баба се стреми кон развој на силна организациска структура и кохерентен систем за управување со интегритет. Во изминатиот период по моето доаѓање во општината поаѓајќи од заложбите за владеење на правото, обезбедување на одржлив економски и општествен развој, поттикнување на јавната доверба во локалните власти, целосно и непречено остварување на правата и слободите на граѓаните ја воведов Политиката на интегритет во која се утврдени начелата за идната работа на администрацијата и истата ја доставив до Државната комисија за спречување на корупцијата како надлежен орган во Република Македонија, напиша Стефковски

The post Стефковски: Објавувам платформа за борба со корупцијата во Гази Баба appeared first on Република.

Градоначалникот на општина Гази Баба Бобан Стефковски заедно со преставници од сите сектори на општинската администрација, денес во текот на целиот ден вршеа прием на граѓани.

Овој начин на прием на граѓаните го воведе градоначалникот Стефковски и се оддржува по трет пат во општината.

За отворениот ден градоначалникот Стефковски објави на својата официјална страна на која напиша:

Денешниот ден го поминав заедно со граѓаните. Со преставници од сите сектори во општинската администрација оддржавме приемен ден за граѓаните на општина Гази Баба. Со едно доаѓање во општината, граѓанинот има можност да се сретне со градоначалникот и со преставник од сектор со цел решавање на својот проблем. Градоначалникот е избран за да му служи на народот и среќен сум кога на крајот од денот ќе можеме да наброиме неколку проблеми и барања од граѓаните кои сме ги решиле во текот на денот. Сите граѓани кои сакаат средба со градоначалникот имаат можност да се најават телефонски на 02/3226-655, со пополнување на формулар на едношалтерскиот систем или електронски на емаил gradonacalnik@gazibaba.gov.mk

До денес нема граѓанин кој побарал, а не добил средба со мене. Тоа ќе биде така и во иднина, напиша Стефковски.

The post Стефковски: Нема граѓанин кој побарал, а не добил средба со мене appeared first on Република.

Социјалдемократскиот сојуз денеска го обвини градоначалникот на општина Гази Баба, Бобан Стефковски, дека работел незаконски.

Повикувајќи се на документи и докази објавени од „свиркачи“, портпаролката на СДСМ, Богданка Кузеска, рече дека спротивно на законот, градоначалникот на општина Гази Баба, го назначил Добри Петров, лице без лиценца за ревизор и без положен испит.

„Станува збор за Добри Петров, назначен за вд директор на Јавното комунално претпријатие Гази Баба. Листата на овластени ревизори е лесно достапна на веб страната на Институтот за овластени ревизори, и јасно е дека Добри Петров нема положен испит за внатрешен ревизор и нема лиценца. Со ова прекршен е Член 36 од Законот за јавна внатрешна финансиска контрола. Но, не и последено. Неовластеното лице кое било незаконски избрано за ревизор, бил исто така незаконски задолжен да изврши ревизија на работата на детската градинка „Детска Радост“, рече Кузеска.

Таа вели дека со оглед на тоа што документот го правело неовластено лице, по налог на градоначалникот, злоупотребена е службената положба и овластување.

„Понатаму, лицето кое без лиценца ја вршело ревизијата, ревизорскиот извештај, наместо согласно Законот да го достави прво кај директорката на градинката го доставил кај градоначалникот. Врз основа на овој незаконски Извештај директорката на градинката е разрешена. Очигледно целта на целата оваа незаконска операција била заради разрешување на директорката на градинката „Детска Радост““, додаде портпаролката на СДСМ.

И по 120 дена ниту еден градоначалник на СДСМ и ДУИ не излегоа со отчет за сработеното, вели ВМРО-ДПМНЕ во реакцијата на прес конференцијата на Богданка Кузеска.

„Наместо тоа СДСМ денес најави скандал, а во реалноста не видовме ниту жижалица, а не пак петарда или бомба. Видовме како СДСМ жали што на законит начин е сменет некадарен партиски директор на градинка од овластен ревизор.

По теркот на тоа што сме навикнати од СДСМ денес не видовме како некој договара бизнис од 200 илјади евра како што тоа пред камера го правеше лидерот на СДСМ Зоран Заев, евро за него евро за вицето. Не видовме ниту грабање на туце пари како што тоа го направи директорот на власта Ден Дончев кој го пуштија да избега. Не видовме ниту договарање и продажба на софтвер сам на себе како тоа што го правеше Рашкоски.

Видовме бајат случај, каде СДСМ се жали што е сменет директор нивен партиски кадар кој несовесно си ја работел работата. Истиот тој ревизор за кој СДСМ вели дека е спорен бил претходно ангажиран од нивниот градоначалник Борче Горгиевски за кого исто така правел ревизија. Притоа СДСМ жали за тоа што е сменет нивен партиски кадар од позицијата директор, а не ги кажува прекршувањата на правилата, престапите и злоупотребите што биле правени од истиот тој директор.

Ова не е ништо другу туку дефокус од актуелните скандали за претходниот кадар на СДСМ и градоначалник на Гази Баба, Борче Горгиевски против кого има повеќе активни истраги и кривични пријави, и за кого и државната Антикорупциска комисија побара да се поведе кривична одговорност за изградбата на парцелата на Електроелемент.

Главната болка е што за само 100 дена општината Гази Баба и градоначалникот Боби Стефковски отпочна низа капитални проекти, и реализира значајни градежни зафати со кои решава децениски проблеми за граѓаните на Гази Баба. Тоа нема да ги поколеба градоначалниците на ВМРО-ДПМНЕ и покрај силните опструкции од Централната власт да престанат да работат. Промените започнаа, и тие ќе донесат иднина“, се додава во реакцијата.

The post СДСМ и ВМРО-ДПМНЕ ги вкрстија копјата околу разрешувањето на директорката на градинката „Детска радост“ appeared first on Република.

Со наближувњето на пресудата за случајот „ТНТ“ излегуваат на виделина намерите на власта на СДСМ и на бизнисменот Фијат Цановски поврзани со случајот „ТНТ“.

Како што анализира „Инфомакс“ намерата е Цановски и луѓето околу него да поделат од 20 до 40 милиони евра како оштета.

Во 2011 година беше срушена дивоградбата во тек на градба на фирмата “Фине” зад која стоеше тогашниот пратеник Фијат Цановски. Дивоградбата беше срушена со одлука на општината но и на судовите во сите истанци во време кога градоначалник на општината Гази Баба беше Тони Трајковски.

Иако фирмата на Фијат Цановски при рушењето  имаше обврска да ги сруши темелите тоа не се случи.

Наместо тоа , тој одлучил на истите  изградени и несрушени темели и подземно изграден гаражен простор од два нивоа од објектот кој се сруши само во делот над земјата, да почне нова градба и со тоа можеби да заработи дополнителни десетици милиони евра.

На потег е општина Гази Баба дали ќе ја спречи натамошната изградба на овој овој објект.

Извор: Инфомакс.мк

The post Колку ќе заработи Цановски и луѓето околку него од новиот „Космос“? appeared first on Република.

Комисијата за теренска проверка на договорите за уличното осветлување го достави извештајот за спроведената проверка во кој се утврдува дека постојат разлики меѓу изведените работи и прикажаните работи во фактурите од страна на економскиот оператор, односно истите не се совпаѓаат, објави во вторникот прадоначалникот на скопската општина Гази Баба, Бобан Стефковски.

По ваквиот извештај од комисијата, евидентно е дека е направена штета врз буџетот на општина Гази Баба. Поради тоа за утре 26.01.2022 година во 11:30 часот закажав прес конференција на која на јавноста ќе ги преставиме утврдените разлики. Парите во буџетот на општината се пари на граѓаните и никој нема право да ги злоупотребува. Од мене граѓаните ќе имаат транспарентно и отчетно работење, бидејќи граѓаните имаат право да ја знаат вистината, вели Стефковски.

The post Стефковски: Извештајот од комисијата за теренска проверка на договорите за уличното осветлување утврди дека е направена штета врз буџетот на општина Гази Баба appeared first on Република.