Полицијата денеска привела 35-годишен маж од Вландово кој запалил возило на сограѓанин.

На 14.09.2024 во 22.20 часот во Валандово полициски службеници од СВР Струмица-ОВР Валандово го лишиле од слобода З.К.(40) од Валандово поради сомнение дека околу 21.40 часот во Валандово подметнал пожар на патничко возило „опел“ со валандовски регистарски ознаки, сопственост на Д.Б. (35) од Валандово.

З.К. претходно и телефонски му упатувал закани на Д.Б.. З.К. е задржан во Полициската станица Валандово, извршен е претрес во неговиот дом и по документирање на случајот ќе биде поднесена соодветна пријава до ОЈО Гевгелија.

The post Приведен маж од Валандово кој запалил возило на сограѓанин appeared first on Република.

Во општина Ѓорче Петров било опожарено едно патничко моторно возило „мерцедес а“ со скопски регистарски таблички, сопственост на правно лице од Скопје. Случајот утрово, во 3:05 часот, бил пријавен во СВР Скопје од Бригадата за противпожарна заштита Скопје.

Во денешниот МВР-билтен се наведува дека од пожарот биле зафатени и патничко моторно возило „хјундаи“ и „сузуки свифт“ во делот на браниците и ретровизор. Полицијата презема мерки за расчистување на случајот.

Опожареното возило, како што објавија дел од медиумите, е на Драган Митковски, кој на последните парламентарни избори беше носител на листа од партијата на скопската градоначалничка Арсовска, Нова алтернатива.

Митковски, во телефонски разговор за Сител, изјави дека очекува институциите да откријат што го предизвикало пожарот, но не ја отфрла можноста да бил и немерно подметнат.

The post Опожарено едно возило во Ѓорче Петров, две делумно оштетени appeared first on Република.

чера во скопската населба Ѓорче Петров бил запален автомобилот на Драган Митковски, еден од најблиските соработници на Данела Арсовски и носител на листа на „Нова алтернатива“ во Изборна единица 2 на парламентарните избори.

„На 09.08.2024 во 03.05 часот од Бригадата за противпожарна заштита – Скопје во СВР Скопје е пријавено дека на територија на Општина Ѓорче Петров било опожарено патничко моторно возило ‘мерцедес а класа’ со скопски регистерски таблички, сопственост на правно лице од Скопје. Од пожарот зафатени се и патничко моторно возило ‘хјундаи’ и ‘сузуки свифт’ во делот на браниците и ретровизор. Се преземаат мерки за расчистување на случајот”, велат од Министерството за внатрешни работи (МВР).

 

 

The post Опожарен мерцедесот на Драган Митковски, најблискиот соработник на Арсовска appeared first on Република.

Синоќа во 1 часот по полноќ на местото Двата пата кај Струмица изгорел автомобил, информираа од ТППЕ Струмица.

Според информацијата од пожарникарите, во гаснењето на автомобилот учествувале едно противпожарно возило и четворица пожарникари.

Пожарот беше во разгорена и поодмината фаза и беше зафатена и блиската вегетација на ридот, при што беше запрено неговото натамошно ширење, соопштија од ТППЕ Струмица.

ОД СВР Струмица го потврдија настанот и повеќе детали најавуваат за подоцна, откако ќе заврши увидот.

The post Некој потпалил автомобил кај Струмица, избегнат поголем пожар на ридот appeared first on Република.

Триесет и тригодишен скопјанец утрово, во 1:15 часот, пријавил во СВР Скопје дека претходниот ден од телефонски број на лице кое го познавал му биле испраќани пораки со заканувачка содржина и му биле барани 80.000 евра.

Како што информира денеска МВР, утрово, во 00:40 часот неговиот сосед го известил дека било опожарено неговото возило „форд фиеста“ со скопски регистарски ознаки, кое било паркирано пред неговата куќа.

Пожарот бил изгаснат, а повредени лица нема.

Полицијата презема мерки за расчистување на случајот.

The post На скопјанец му го запалиле возилото откако претходно го принудувале да плати 80.000 евра appeared first on Република.

Ноќеска во 3 часот и 15 минути во СВР Тетово е пријавено дека на патот што ги поврзува гостиварските села Неготино и Калиште настанал пожар во патничко возило „бмв“ со гостиварски регистарски ознаки во движење, кое го управувал 39-годишниот И.Ќ. од Неготино.

Од тетовската полиција велат дека нема повредени лица, а со интервенција на гостиварската Територијална противпожарна единица пожарот е изгаснат.

Сслучајот се расчистува.

The post Се запали „бмв“ во движење appeared first on Република.

По преземени мерки и активности полицијата вчера ги лиши од слобода В.Б.(34) и Д.М.(22) од Прилеп поради основи на сомнение за сторено кривично дело „предизвикување општа опасност“.

Како што соопшти денеска МВР, на 19 декември 2023 година на улица „Кире Базерко“ во Прилеп, на барање на В.Б., Д.М. со запалива течност предизвикал пожар на патничко моторно возило „мерцедес“ со прилепски регистарски ознаки, сопственост на Б.М.(50) од Прилеп. За делото добил пари од В.Б..

Со двајцата лишени од слобода биле извршени службени разговори во полициска станица, при што тие го признале делото.

Од МВР информираат дека денеска до ОЈО Прилеп е поднесена кривична пријава за сторено кривично дело по член 288 „предизвикување општа опасност“ од Кривичниот законик.

The post Прилепчанец му платил на друг да запали возило appeared first on Република.

Денеска (09.12.2023) во 04.35 часот во СВР Скопје А.С.(41) од Скопје пријавил дека на подрачјето на Аеродром било опожарено неговото патничко возило „форд фиеста“ со скопски регистарски ознаки.

Од пожарот биле зафатени и уште две возила со скопски регистарски ознаки, и тоа „форд“ сопственост на Г.М.(42) и „ауди“ сопственост на Т.К.(49), двајцата од Скопје.

Пожарот бил изгаснат од Бригадата за противпожарна заштита, а повредени лица нема.

Извршен бил увид од увидна екипа од СВР Скопје и се преземаат мерки за расчистување на настанот.

The post Запалено возило во Аеродром, од пожарот зафатени други две возила! appeared first on Република.

Вчера било пријавено дека во 15.40 часот во село Бразда, скопско, полициски службеници од Полициското одделение Мирковци пронашле целосно опожарено патничко возило, извести МВР.

„До возилото била пронајдена регистарска табличка со велешка ознака, за која, по извршени проверки, било констатирано дека припаѓа на патничко возило „цитроен“, сопственост на П.Ж. од Велес, за кој на 24.11.2023 во СВР Велес беше пријавено дека се оддалечил од домот“, соопшти МВР.

Се преземаат мерки за расчистување на случајот.

The post Детали за исчезнатиот велешанец – покрај опожарено возило, пронајдена регистарска табличка од автомобилот appeared first on Република.

На улица „Васил Главинов“ во Струмица утрово во 02:15 часот, изгоре автомобил. Како што информираа од ТППЕ Струмица, пожарот бил во разгорена фаза, а со интервенција со едно против пожарно возило и четири пожарникари е спречено натамошно ширење.

Според првичните информации од пожарникарите, причинета е значителна материјална штета.

ОД ТППЕ Струмица додаваат дека приодот до местото на пожарот бил отежнат заради паркирани автомобили на пристапните улици и затоа било изгубено драгоцено време за навремена и брза интервенција.

Инаку, во текот на вчерашниот ден струмичките пожарникари интервенирале четири пати. Во атарите на селата Градашорци и Василево гаснеле запалена сува трева, во селото Костурино бил запален покрив на куќа, а во атарот на село Дукатино гаснеле запалена нискостеблеста шума.

The post Изгоре автомобил во Струмица appeared first on Република.

Од Основното јавно обвинителство за ТВ21 велат дека јавен обвинител веднаш по опожарувањето на возилото издал наредби и насоки за расчистување на настанот и за прибирање на доказите.

Тие додаваат дека меѓу преземените дејствија, издадена е наредба да се обезбеди и документацијата за начинот и времето на стекнување, сопственоста и користењето на возилото.

Надлежен орган да ја евидентира и следи имотната состојба на избраните и именуваните лица, како и да врши проверка на податоците во изјавите за имотната состојба е Државната комисија за спречување на корупцијата. Доколку проверките упатуваат на елементи на кривично дело кое се гони по службена должност, обвинителството ќе постапи согласно своите законски надлежности, велат од ОЈО.

The post ОЈО врши проверка на документацијата на опожареното возило, велат се следи имотната состојба на функционерите! appeared first on Република.

Вчера во 20.30 часот во СВР Скопје е пријавено дека на ул.„2“ во с.Сарај, скопско, настанал пожар во патничко возило „тојота“, сопственост на Љ.Ѓ.(58) од с.Сарај и патничко возило „фиат пунто“, сопственост на Ј.Ѓ. од с.Сарај, двете со скопски регистарски ознаки.

Пожарот е изгаснат од противпожарната единица Скопје, а повредени лица нема. Увид извршила екипа од СВР Скопје, известен е јавен обвинител и се преземаат мерки за расчистување на случајот.

The post Изгореа две возила во Сарај appeared first on Република.

Петте лица облечени во црна облека со фантомки од огнено оружје пукале кон Ј.К.(37) и Е.И.(28) во локал во Старата чаршија, потоа избегале со автомобил. Како што соопшти денеска МВР, околу 20.30 часот, односно 20-тина минути по нападот, било опожарено возило „ауди а6“ на патот кон Горно Оризари.

Екипата на Клан М денеска го снимаше местото каде целосно изгоре автомобилот „ауди“:

Јавен обвинител вчера излегол на лице место на местото на злосторот и по негова наредба телата се дадени на обдукција. Од МВР велат дека со насоки од јавен обвинител, извршени се службени разговори со повеќе лица и се преземаат соодветни мерки и активности за расчистување на убиството.

Изгорениот автомобил ќе се даде на вештачење.

The post Видео од опожареното „ауди“ во кое вчера избегаа убијците од Стара чаршија appeared first on Република.

Вчера во СВР Скопје било пријавено дека околу 19:40 часот на бензинска пумпа во село Марино, општина Илинден, настанал пожар во патничко возило „фиат“ со скопски регистарски ознаки, сопственост на Љ.В.(59) од нас.Илинден.

Имено, според пријавеното, додека вработениот М.К.(20) од с.Јурумлери, скопско, точел плин во возилото, настанал пожар при што тој се здобил со повреди. Од пожарот било оштетено и возило „алфа ромео“ со скопски регистарски ознаки, сопственост на К.Н.(68) од село Бујковци, скопско.

Пожарот бил изгаснат од вработените, а увид извршила екипа од СВР Скопје.

The post Изгоре возило на бензинска пумпа во Марино, млад работник повреден appeared first on Република.

Синоќа се запалило возило на булевар во близина на Соборниот храм, соопштија од Министерството за внатрешни работи.

Според полицискиот билтен, вчера околу 20:20 часот во полициска станица Центар е пријавено дека на бул.Св. Климент Охридски во Скопје настанал пожар во патничко моторно возило „форд фокус” со скопски регистарски ознаки,управувано од Љ.Д.(72) од Скопје.

-Пожарот е изгаснат од противпожарната единица Скопје. Увид на местото на настанот извршила екипа од СВР Скопје, додаваат од полицијата.

https://republika.mk/vesti/crna-hronika/otvorena-hauba-i-peplosana-prednica-eve-shto-ostana-od-izgoreniot-avtomobil-kaj-vlada/

The post Познато кој го возел форд фокусот што изгоре кај Црква appeared first on Република.

Отворена хауба и пеплосана предница. Toa e сè што остана од изгорениот автомобил кој попладнево се запали на булеварот „Климент Охридски“ спроти бензинската на „Макпетрол“ во близина на зградата на владата. Огнот беше локализиран од скопските противпожарни служби.

Засега нема информации како настанал пожарот.

На само десетина метри од оваа несреќа, ден по големото невреме во Скопје беше уништен уште еден автомобил кога исушено дрво падна врз него.

https://republika.mk/vesti/crna-hronika/izgore-avtomobil-kaj-vlada/

The post Отворена хауба и пеплосана предница: Еве што остана од изгорениот автомобил кај Влада appeared first on Република.

Возило се запали попладнево на булеварот „Климент Охридски“ спроти бензинската на „Макпетрол“ во близина на зградата на владата. Огнот беше локализиран од скопските противпожарни служби.

Засега нема информации како настанал пожарот.

The post Изгоре автомобил кај Влада appeared first on Република.

Возило на Министерството за внатрешни работи горело во движење, соопштија од полицијата.

Немилиот настан се случил вчера, кога во 16:03 часот во СВР Куманово било пријавено дека во с.Слупчане, липковско, настанал пожар во возило во движење „опел фронтера“, сопственост на МВР.

Пожарот бил изгаснат од Територијалната противпожарна единица Куманово, а повредени лица нема. Екипа од СВР Куманово извршила увид на местото на настанот.

The post Гореше полициско возило во движење appeared first on Република.

Благодарение на централната власт и МВР предводено од Оливер Спасовски, Прилеп е претворен во град на мафијата, насилството и безредието, обвинуваат од ВМРО-ДПМНЕ, откако неполни 24 часа од палењето на автомобилот на пратеникот Петар Ристески, беше опожарен уште еден автомобил.

https://republika.mk/vesti/crna-hronika/nov-sluchaj-na-opozaren-avtomobil-vo-prilep/

Криминалниот хаос во Прилеп продолжува! Не помина ниту еден ден од палењето на автомобилот на пратеникот Петар Ристески, за прилепчани повторно да посведочат за ново опожарување на автомобил. Ова е петто опожарување на автомобил во само еден месец, нешто кое не е запаметено во минатото!
Очигледно присуството на полициските службеници од Скопје и припадниците на неколкуте полициски единици во текот на вчерашниот ден, не ги одврати сторителите од своите најлоши намери. Тоа е уште еден доказ дека криминалот е навлезен толку длабоко, во секоја општествена пора, што за негово искоренување е потребна сериозна и макотрпна работа.
Прилеп благодарение на централната власт и МВР предводено од Оливер Спасовски, е претворен во град на мафијата, насилството и безредието. Што ли уште треба да се случи во нашиот град, за Оливер Спасовски да покаже лидерски способности и да се охрабри да постави вистински луѓе на вистинско место кои успешно ќе се носат со предизвиците?
Полицијата и обвинителството мора да бидат вистински сервис на граѓаните кои ќе реагираат брзо, навремено и со сите свои механизми ќе ја штитат безбедноста и сигурноста. За жал, нивните заложби во овој момент се покажуваат како неуспешни.
Затоа е потребна итна смена на централната власт и поставување луѓе со искуство и знаење на позиции, кои ќе помогнат во надминување на оваа хаотична состојба во која е доведен нашиот град. Борбата со криминалот мора да биде бескомпромисна, без исклучоци!, велат од ОК ВМРО-ДПМНЕ Прилеп.

The post Прилеп е претворен во град на мафијата, насилството и безредието благодарение на Спасовски и власта appeared first on Република.

Очигледно е дека се работи за некоја спрега на криминал и политика и очигледно е дека јас како пратеник во Собранието на Република Македонија, моите ставови, моите активности му пречат. Нема никој ниту да ме поколеба, ниту да ме уплаши во она што сум го зацртал, во моментот гледате се зборува за отворање на Уставот, кажав јасно и гласно и тогаш и по цена на мојот живот нема да го сменувам мојот став, сега уште помалку, рече прилепскиот пратеник од редовите на ВМРО-ДПМНЕ, Петар Ристески, на кому ноќеска, околу два часот по полноќ, пред семејниот дом му е опожарено возилото, а делумно и возилото на неговиот татко.

Како што изјави Ристески, настанот се случил околу 1:45 часот по полноќ кога целото седумчлено семјество било дома. Истрчале по дојава од соседите и се слушнала експлозија.

Кога излегов, возилото, „шкода кодиак“ беше во пламен. Веднаш ја повикавме противпожарната екипа. Зафатено беше и возилото на мојот татко, двете се непосредно пред семејната куќа. Брзата интервенција на противпожарната екипа не дозволи пожарот да ја зафати куќата. А имаше реална можност, зашто од пожарот зафатено беше дрвото. За мене ова е атак на мојот живот, на моето семејство. Сличен случај се случува вторпат. Пред четири години ми беше опожарена викенд куќата. Очигледно, по мојот впечатлив говор во Парламентот во петокот, некому му пречи тоа и доколку во текот на денот не се расчисти случајот, ќе сметам дека е директен напад кон мене и моето семејство, изјави Ристески.

Ристески вели дека немал досега никакви закани од никого, ниту пак со некого бил замерен. Смета дека на некого му пречи неговата политичка активност, а особено во оваа ситуација и го повика министерот за внатрешни Оливер Спасовски и премиерот Димитар Ковачевски итно да реагирале и да бил пронајден сторителот.

The post Ристески: Пред четири години ми ја запалија и викендицата, ама по цена на мојот живот нема да гласам appeared first on Република.