На сцената на Националната опера и балет вечер ќе се изведе современата балетска бајка за сите возрасти „Пепелашка“ од Сергеј Прокофјев.

Приказната за „Пепелашка“ е во кореографија на гостинот од Србија, Александар Илиќ. Костимографијата е на Катерина Радошевиќ Галиќ од Хрватска, а сценограф е Филип Коруновски. Дизајн на звук е на Георг Драушник од Хрватска, дизајн на светло на Милчо Александров, асистент-кореографи се Саша Евтимова и Мојца Мајцен од Словенија, репетитори се Саша Евтимова и Дафина Данилоска-Кочевска. Асистент-костимограф е Ангела Богеска.

Приказната за „Пепелашка“ на нашата сцена ќе ја пренесат Наташа Трендафилова Гицев (Христина Наќевска), Игор Веланоски, Саша Евтимова, Ангела Богатинова, Ендру Кук (Англија) , Кристијан Јангос, Драган Кочоски, Гала Кочевска, солисти и балетскиот ансамбл на Националната опера и балет.

Александар Илиќ, кореографот на балетот „Пепелашка“ вели дека оваа поставка на „Пепелашка“ не е класична верзија, туку е создадена во еден посовремен контекст.

Нашата „Пепелашка“ ја сместивме во една потполно поинаква временска рамка, во 70-тите години на минатиот век. Поточно, во време на популарноста на филмот „Брилијантин“, со најпознатата улога на Џон Траволта, и со самото тоа се поигравме со нашата „Пепелашка“ во тоа време“, се вели во соопштението на НОБ.

The post „Пепелашка“ од Сергеј Прокофјев вечер во Националната опера и балет appeared first on Република.

На 20 март со почеток во 20.00  часот на сцената на Националната опера и балет ќе се изведе раскошната  и драматична балетска претстава „Дамата со камелии“ работена по музиката на Џузепе Верди, а драматуршката подлошка е земена од неговата популарна „Травијата“.

Диригент е Иван Еминовиќ, кореографијата е на еден од водечките руски кореографи Василиј Медведев, кој работи со големите театри „Бољшој“ од Москва и „Марински“ од Санкт Петербург, а раскошната сценографија и костимографија се на Павол Јураш од Словачка.

Во главните улоги ќе настапат нашите балетските првенци: Мими Поп Алексова Атанасовска и Бобан Ковачевски заедно со солистите, балетскиот ансамбл и оркестарот на Националната опера и балет.

The post „Дамата со камелии“ вечерва на сцената на Националната опера и балет appeared first on Република.

На 16 март со почеток во 20.00 часот на сцената на Националната опера и балет ќе се изведе ремек-делото „Боеми“ од Џакомо Пучини.

Приказната за животот на љубовниците Родолфо и Мими ќе се изведе под диригентската палка на Бисера Чадловска, во режија на Дејан Прошев, претставата е доловена преку масивната сценографија на Зоран Николовски и колоритната костимографија на Марија Пупучевска, концерт-мајстор е Верица Ламбевска, хор-мајстор Јасмина Ѓорѓеска и Ѓурѓица Дашиќ.

Настапува домашна солистичка екипа: Ѓорѓи Цуцковски, Благица Поп Томова, Марјан Јованоски, Драган Ампов, Александар Стефаноски, Биљана Јосифов, Невен Силјановски,
Борко Биџовски, Јане Дунимаглоски, Тихомир Јакимовски, Диме Петров, во придружба на хорот и оркестарот на Национална опера и балет.

„Боеми“ од Џакомо Пучини e опера во четири чина, дејството се одвива во Париз, либрето се базира на „Сцени од животот на боемите”од Хенри Мургер. Публиката за миг ќе биде пренесена во париските поткровја каде неколку млади уметници и покрај сиромаштија и борејќи се за основните потреби на секојдневието (храна, огрев) живеат крепејќи се од идеалите и љубовта, без скршена пара во џебот претендираат да живеат боемски.

The post Ремек-делото „Боеми“ од Џакомо Пучини на 16 март на сцената на Националната опера и балет appeared first on Република.

Двојна изведба на безвременската, волшебна балетска бајка „Заспаната убавица“ преточена во прекрасната музика на Петар Илич Чајковски на 7 и 8 март со почеток во 20 часот ќе се изведе на сцената на Националната опера и Балет.

Диригент на претставите е Бисера Чадловска, кореограф е Виктор Јаременко (Украина), асистент-кореограф е Тетјана Белецка од Украина, сценограф и костимограф е Миодраг Табачки од Србија, светло-дизајн е Милчо Александров, концерт-мајстор е Јане Бакевски, соло виолина е Климент Тодороски, а соло виолончело – Кирил Јосифов.

Во главните улоги на 7 март ќе настапат: Марија Кичевска-Шокаровска и гостинот од Бугарија – Емил Јорданов.

Првпат во главните улоги на 8 март ќе настапат: Христина Наќевска и Балаж Лочеи од Унгарија.

Настапуваат солистите, балетскиот ансамбл и оркестарот на Националната опера и Балет.

Вечната борба помеѓу доброто и злото, класичната балетска бајка „Заспаната убавица“ од Петар Илич Чајковски ја воодушевува публиката на најголемите светски сцени повеќе од 100 години. Сложените варијации, брилијантната изведба и чистата класична техника го прават овој балет од бајките врвен балетски бисер.

The post И вечерва „Заспаната убавица“ од П. И. Чајковски на сцената на Националната опера и Балет appeared first on Република.

Операта „Турандот“ од Џакомо Пучини ќе биде изведена на 13 октомври 2023 со почеток 20.00 часот во Националната опера и балет. Спектакуларната продукција на епската бајка на еден од најславните и најбарани оперски режисери на денешницата, Џанкарло дел Монако, повторно на сцената на Националната опера и балет. Македонската публика повеќе од десет години неуморно го исполнува гледалиштето при секоја најава на овој наслов.

Диригент е Иван Еминовиќ, режијата, сценографијата и костимографијата се на Џанкарло дел Монако, додека под кореографијата се потпишува Саша Евтимова, концерт мајстор: Верица Ламбевска, Хор-мајстор: Јасмина Ѓорѓеска.

Настапува врвна домашна солистичка екипа: Весна Ѓиновска Илкова, Ѓорѓи Цуцковски, Сандра Митровска, Владимир Саздовски, Драган Ампов, Јане Дунимаглоски,  Дејан Стоев, Диме Петров, Марјан Николовски, хорот, оркестарот и балетскиот ансамбл на Националната опера и балет.

„Турандот“ е опера во три чина од Џакомо Пучини. Напишана е по либретото на Џузепе Адами и Ренато Симони, а базирана на адаптацијата на Фридрих Шилер на драмата „Турандот“ од Карло Гоци. Пучини умира недовршувајќи ја операта, која што подоцна е завршена од Франко Алфано. Одликувајќи се со „невообичаен“ музички материјал, во кој предничи иновативната употреба на хорот и оркестарот, стилот на Пучини во ова оперско дело е особено препознатлив во широките, експресивни мелодии.  „Турандот“ изобилува со моменти на восхитувачка мелодиска убавина, која особено доаѓа до израз во незаборавната тенорска арија, една од најубавите во оперската литература, „Никој не спие“(Nessun dorma).

The post Операта „Турандот“ од Џакомо Пучини на 13 октомври во Националната опера и балет appeared first on Република.

The post Националната опера и балет се вклучува во хуманитарната акција: Приходот од продадените билети за „Дон Кихот“ ќе бидат донирани за настраданите во Турција и Сирија appeared first on Република.

В петок (10.2.2023) со почеток во 20 часот, во салонот на Националната опера и балет ќе се одржи популарната opera buffa, „Севилскиот бербер“ од Џоакино Росини. Приказна за победата на младоста и љубовта, комична опера во два чина.

Диригент е Андреја Наунов. Режисер е Урсула Хорнер (Австрија), сценограф  Марија Ветероска, костимограф Марија Пупучевска.

Изведувачката екипа ја сочинуваат: Фигаро: Васко Здравков, Розина: Билјана Јосифов, Гроф Алмавива: Благој Нацоски, Дон Базилио: Владимир Саздовски, Дон Бартоло: Невен Силјановски,Берта: Соња Пендовска Мадевска, Фиорело: Драган Ампов, Амброзио: Јане Дунимаглоски, Камениот човек: Борко Биџовски. Хорот и оркестарот на Национална опера и балет.

Операта „Севилскиот бербер“ на Џоакино Росино изобилува со извонредни и возбудливи вокални и оркестарски делници и комична елеганција со кои ретко кое друго оперско дело може да се спореди.

The post „Севилскиот бербер“ од Џоакино Росини утре на сцената на Националната опера и балет appeared first on Република.

Комичната опера во еден чин „Рита“ од Гаетано Доницети ќе биде изведена на малата сцена во Националната опера и балет, в среда на 1 февруари 2023 со почеток во 20.00 часот.

„Рита“ е приказна за младата и убава Рита, вплеткана во сплетките и интригите на брачните недоразбирања со комичен и среќен завршеток.

Диригент е Ѓурѓица Дашиќ, режисер е Трајко Јордановски, сценографијата и костимите се на Марија Ветероска, а концерт мајстор е Игор Тодоров.

Солистичка екипа ја сочинуваат: Ана Ројдева, Јане Дунимаглоски, Ернес Ибраимовски и Борко Биџовски.

The post Комичната опера во еден чин „Рита“ од Гаетано Доницети на малата сцена во Опера и балет appeared first on Република.

Драматичната опера „ПАЛЈАЧИ“ од  италијанскиот композитор Руџеро Леонкавало, ќе се изведе на сцената на Националната опера и балет на 23 ноември 2022 со почеток во 20.00 часот.

Ремек-делото на веризмот, опера за љубов, неверство, убиство...  ќе се изведе под диригентската палка на Бисера Чадловска, во режија на Дејан Прошев, сценографијата е на Илина Ангеловска, костимограф е Никола Булески, кореограф: Олга Панго, концерт - мајстор: Верица Ламбевска, хор - мајстор: Ѓурѓица Дашиќ.

Настапуваат: Ѓорѓи Цуцковски, Дешира Амети - Крлиу, Марјан  Јованоски, Јане Дунимаглоски, Драган Ампов. Балетските солисти: Ендру Кук (Англија), Агим Бафтии и Меланија Гоцевска.

Хорот и оркестарот на Националната опера и балет.

The post Премиера на „Паљачи“ од италијанскиот композитор Руџеро Леонкавало appeared first on Република.

Економската и енергетската криза многу брзо по летните одмори покажаа каков импакт ќе имаат и врз културата која секогаш е прва на удар и прв таргет за рационализација во секое општество. Вчерашната шокантна вест од областа на културата која ги стави во сенка сите актуелни случувања е дека националната установа Македонска опера и балет, еден од двата столба на музичко-сценската уметност во Македонија, потона во темница, реагираат од ВМРО-ДПМНЕ.

Актуелната министерка за култура Бисера Костадиновска Стојчевска кога го презентираше ребалансот на буџетот на Министерството за култура, вети дека средствата за комунални услуги по дејности ќе бидат зголемени за седумдесет и седум милиони денари (77.740.000), и дека предложениот ребаланс воопшто нема да влијае врз културните настани и нивото на културна понуда. Исто така, таа потенцираше дека ќе се води континуирана грижа за објектите на културата каде треба да се работи и функционира.

 

Но, токму кога требаше да започнат подготовките за новата оперска и балетска сезона, во мрак и без струја е една од најзначајните национални институции, Македонската опера и балет.

 

Комисијата за култура на ВМРО-ДПМНЕ апелира до Министерката за култура дека крајно време е за сериозен пристап при креирањето на стратегиите во културата. Хаосот во културата продолжува со се’ позасилено темпо на партизација, културниот сектор и неговите активни чинители продолжуваат да бидат маргинализирани, а до сега ниту еден од петте министри на коалицијата СДСМ-ДУИ не понуди реална визија за креирање на одржливи културни политики.

 

Напротив, во континуитет сме сведоци на задоцнети реакции и ад хок решавање на последиците, а не на причините за состојбите во културата. Крајно време е коалицијата СДСМ-ДУИ да понуди професионално менаџирање и етаблиран раководен кадар во институциите од културата - се наведува во ракцијата на комисијата за култура на ВМРО - ДПМНЕ.

The post Македонската опера и балет во мрак поради лошото менаџирање на кадрите на СДСМ и ДУИ appeared first on Република.

Романтичниот балет во два чина „ЖИЗЕЛ“ ќе се изведе на сцената на Националната опера и балет на 15 април 2022, со почеток во 20.00 ч.

Магичната и безвременска приказна за несреќната љубов, преточена во музиката на францускиот композитор Адолф Адам, а во кореографија на Жан Корали, Жил Перо, Мариус Петипа, Леонид Лавровски. Адаптацијата на кореографијата е на Ирена Пасариќ од Хрватска. Диригент на претставата е  Иван Еминовиќ. Костимографијата е на Александар Ношпал, сценографијата на Александар Ношпал и Михајло Стојановски, светло дизајн: Милчо Александров.

Во насловната улога ќе настапи примабалерината, Мими Поп Алексова Атанасовска, во улогата на Алберт ќе настапи првенецот Васил Чичиашвили (Грузија), во улогата на Мирта: Ивана Коцевска, Хиларион: Игор Веланоски , селско па де де: Христина Наќевска и Ендру Кук (Англија).

Настапува оркестарот и балетскиот ансамбл на Националната опера и балет.

The post Романтичниот балет во два чина „Жизел“ вечерва на сцената на Националната опера и балет appeared first on Република.

Една од водечките белканто опери во светската оперска литература „Лучија од Ламермур“ од Гаетано Доницети, на сцената на Националната опера и балет ќе се изведе на 12 март 2022, со почеток во 20.00 ч. Лучија од Ламермур е трагична опера напишана во два чина. Салваторе Камарано го пишува либретото според новелата на Сер Волтер Скот „Невестата од Ламермур“.

Диригент на оваа психолошки фасцинантна опера е Иван Еминовиќ, режисер и сценограф е Лев Пулиезе од Италија, а костимограф Марија Пупучевска, концерт мајстор: Верица Ламбевска.

Во насловната улога ќе настапи Наде Талевска, во улогата на Енрико: Ристе Велков,
Едгардо: Благој Нацоски, Артуро: Никола Стојчески, Рајмондо: Алесандро Абис (Италија),
Ализа: Соња Пендовска Мадевска, Нормано: Дејан Стоев

Настапуваат хорот и оркестарот на Националната опера и балет.

Настанот ќе се одржи според протоколите предвидени со моменталната состојба предизвикана од пандемијата Ковид-19 за одржување настани, одобрени од Комисијата за заразни болести.

Влезот е дозволен само со потврда за извршена вакцинација против КОВИД-19  или потврда за прележан КОВИД-19 со важност од 180 дена, односно 6 месеци, сметано од датумот на позитивен ПЦР тест.

Задолжително е носење на заштитна маска, информираат организаторите.

The post „Лучија од Ламермур“ викендов на сцената на Националната опера и балет appeared first on Република.

На 18.2.2022 (петок), со почеток во 20.00 часот на сцената на Националната опера и балет ќе се одржи гала оперски концерт насловен како „ARIGATO“, што во превод од јапонски јазик значи „благодарам“.

Концертот се организира во знак на благодарност кон пријателска Јапонија, по повод реализацијата на проектот од јапонската програма за развој на културата – „Проект за подобрување на музички инструменти, опрема за озвучување и осветлување на Национална опера и балет”.

Проектот се реализираше во соработка со Јапонската организација за меѓународна соработка (ЏАЈКА – Балкан) во рамки на програмата за културни грантови. Проектот започна во август 2018 година, а заврши во август 2021 година.

Диригенти ќе бидат Бисера Чадловска и Иван Еминовиќ, режисер: Дејан Прошев, светло дизајн: Милчо Александров, концерт мајстор: Климент Тодороски, хор мајстор: Јасмина Ѓорѓеска

На Гала оперскиот концерт ќе настапат нашите солисти: Сандра Митровска – сопран, Наде Талевска – сопран, Катерина Стојановска – сопран, Елена Голомеова – сопран, Соња Пендовска Мадевска – мецосопран, Благој Нацоски – тенор, Зоран Сотиров – тенор, Никола Стојчески – тенор, Ристе Велков – баритон, Игор Дурловски – бас, хорот и оркестарот на Национална опера и балет.

На програмата ќе бидат изведени арии, дуети и хорски делници од опери и оперети од композиторите: В. А. Моцарт, Ш. Гуно, Џ. Пучини, Џ. Верди, Л. Делиб, Р. Штраус, Г. Доницети, Р. Леонкавало, Ф. Лехар и др.

The post Гала оперски концерт „ARIGATO“ на сцената на Националната опера и балет appeared first on Република.

Во просториите на НУ Национална опера и балет беше потпишан Меморандум за соработка помеѓу СОКОМ, застапуван од Претседателката проф. д-р Валентина Велковска - Трајановска и НУ Националната опера и балет, застапувана од Директорот проф. м-р Васо Ристов. Активностите во рамките на соработката помеѓу двете институции ќе се одвиваат во насока на изведба и промоција на македонското музичко културно наследство, македонската уметничка музика, музичко-сценското творештво кое како наследство го оставија генерациите македонски композитори. Освен изведби на музичко-сценските дела, опери, балети, ораториуми, кантати и др., особено значајно за градење на музичката култура и историја е создавањето на ново музичко-сценско творештво. НУ Националната опера и балет е еден од најзначајните столбови на музичката култура, а во контекст на меѓународната соработка и концерти македонското музичко творештво е единствениот репрезент што може да не претстави најсоодветно и автентично.

The post Потпишан Меморандум за соработка помеѓу СОКОМ и НУ Национална опера и балет appeared first on Република.