Компанијата „Опен АИ“ ги потврди наводите дека размислува да воведе алатка чија задача е да открие есеи напишани од „ЧетГПТ“ со висок процент на точност.

Станува збор за воден печат, кој би означувал содржина создадена од вештачка интелигенција. Засега нема таква алатка и метод бидејќи наводно се уште се дебатира дали треба да „здогледа светло на денот“ иако веќе е готова.

Нашите тимови развија метод за водена ознака на текстот и продолжуваме да ја разгледуваме оваа можност додека истражуваме алтернативи“, се вели во соопштението на компанијата.

Сепак, водениот печат е само едно од неколкуте можни решенија, вклучително и класификатори и метаподатоци, кои таа ги сметаше како дел од „обемното истражување за потеклото на текстот“. Овој метод е „многу прецизен“ во одредени ситуации, но не е многу ефикасен во случај на одредени форми на неовластени манипулации како што се користење системи за превод, преформулирање со друг генеративен модел или барање од моделот да вметне посебен знак помеѓу секој збор и потоа „да го избрише тој знак“.

Ова би можело да ја стигматизира употребата на технологијата за вештачка интелигенција како корисна алатка за пишување за кои не зборуваат мајчин англиски јазик. Затоа, „Опен АИ“ ги „мери“ овие ризици“, велат од компанијата.

Компанијата има приоритет на алатката за автентикација на аудиовизуелна содржина. Посебен акцент е ставен на потеклото на текстот поради неговата „сложеност и неговото веројатно влијание врз поширокиот екосистем надвор од компанијата Опен АИ“.

The post Компанијата „Опен АИ“ има намера да воведе воден печат за „ЧетГПТ“ за да ги спречи учениците да мамат appeared first on Република.

Компанијата „Опен АИ“ неодамна сподели лекции од мал преглед на „Војс енџин“ (Voice Engine), модел за креирање сопствени гласови.

Со примерок од 15 секунди од човечки глас, тој може да внесува обичен текст и да генерира говор со природен звук во тонот и гласот на оригиналниот звук.

Иако има голем потенцијал за едукација и превод, оваа моќна нова карактеристика има потенцијал да ги доведе во заблуда слушателите доколку се користи несоодветно.

https://vimeo.com/932990207/6a984e8dd1?share=copy

The post Новиот „Војс енџин“ на „Опен АИ“ го клонира вашиот глас за само 15 секунди appeared first on Република.

Американскиот весник „Њујорк тајмс“ (НТ) поднел тужба против технолошкиот гигант „Мајкрософт“ и „ОпенАи“ (OpenAI), компанијата која стои зад популарниот чет-бот за вештачка интелигенција „ЧетГПТ“ (ChatGPT), тврдејќи дека се прекршуваат авторските права. Од весникот обвинуват дека имало неовластено користење на нивни објавени трудови и текстови за целите на обуката за вештачката интелигенција.

„Њујорк тајмс“ ја поднел тужбата во Њујорк, тврдејќи дека двете споменати компании незаконски ги користеле написите и истражувањата на весникот за да создадат производи со вештачка интелигенција кои сега му конкурираат.

Преку „Бинг чет“ на „Мајкрсофт“ (неодамна преименуван во „Копајлот“ (Copilot) и „ЧетГПТ“ на „ОпенАи“, обвинетите се обидуваат да ја искористат огромната инвестиција на „Тајмс“ во своето новинарство користејќи ја за создавање заменски производи без дозвола или плаќање. Оваа тужба има за цел да ги принуди (обвинетите) да одговараат за милијардите долари законски и стварни штети коишто ги должат за незаконско копирање и користење на единствените вредни дела на „Тајмс“, се вели во тужбата на издавачот.

Веб-страницата за технолошки вести „Д Верџ“ (The Verge) ја цитираше портпаролката на „ОпенАи“, Линдзи Хелд, која, во изјава испратена по електронска пошта, вели дека „тековните разговори со „Њујорк тајмс“ биле продуктивни и напредуваат конструктивно, па затоа „се изненадени и разочарани од ваквиот развој на настаните“.

Калифорнискиот старт-ап „ОпенАи“ го привлече вниманието на глобално ниво со својот текстуален робот „Чет ГПТ“, развиен со поддршка од „Мајкрософт“, кој може да одговори на прашања со есеи, поезија, компјутерски код и друга содржина. Неговото објавување во 2022 година го привлече вниманието на напредокот во вештачката интелигенција и поттикна дебати за можните последици.

The post „Њујорк тајмс“ ги тужи „Опен Аи“ и „Мајкрософт“ за кршење на авторските права: Неовластено користеле текстови и трудови на весникот appeared first on Република.

Компанијата „Опен-АИ“ одлучи да им го олесни пристапот до „Чет-ГПТ“ на сопствениците на уредите на „Епл“ и најави лансирање апликација преку којашто вештачката интелигенција ќе може да се користи на многу поедноставен начин.

Новата „Чет-ГПТ“ апликација ги има истите можности како и мрежната верзија и помага во зголемувањето на нејзината популарност. На апликацијата, корисниците ќе може да испраќаат гласовни барања преку микрофонот на нивниот телефон, наместо само да ги пишуваат. Корисниците исто така ќе може да ја синхронизираат својата историја на уредите. Оние кои плаќаат 20 долари месечно за да се претплатат на „Чет-ГПТ плус“ ќе добијат дополнителни бенефиции во употребата на апликацијата, вклучително и пристап до можностите за „ГПТ-4“.

Бесплатната апликација е наменета за уреди со „ИОС“ оперативен систем, првично во САД, со навестувања наскоро да се појави и во други земји. Новата програма се појавува шест месеци откако „Опен-АИ“ првпат го објави проектот за јавноста на интернет. Тоа објавување брзо предизвика нова трка во технолошката индустрија за развој на алатки што можат да генерираат разни написи и слики како одговор на барањата на корисниците.

Исто така, оваа вест доаѓа истата недела кога извршниот директор на „Опен-АИ“, Сем Алтман сведочеше пред Конгресот околу опасностите што вештачката интелигенција може да ги претставува за општеството, опишувајќи го тековниот технолошки „бум“ како потенцијален „миг еднакво значаен колку и појавувањето на машината за печатење“, но оти требаат и заштитни мерки.

„Опен-АИ“ наскоро ќе има и верзија за „Андроид“, како што најави компанијата.

The post „Опен-АИ“ најави „Чет-ГПТ“ апликација за „Епл“ уредите со „ИОС“ оперативен систем appeared first on Република.

Сопственикот на компаниите „Тесла“ и „Твитер“, Илон Маск, планира да лансира стартап со вештачка интелигенција што ќе се натпреварува со „Опен АИ“, компанијата која го произведе напредниот систем „ЧетГП“.

Според „Фајнешел тајмс“, Маск веќе составува тим од експерти и инженери кои ќе работат на новиот проект. Тој се здобил со илјадници „Нвидиа“ процесори за овој стартап.

Во 2015 година, Маск помогна во почнувањето на проектот Отворена вештачка интелигенција („Опен АИ“) и служеше како копретседател на компанијата, заедно со сегашниот сопственик Сем Алтман.

Шефот на „Тесла“ ја напушти „Опен АИ“ во 2018 година и оттогаш почна да го критикува проектот, изразувајќи загриженост дека „експертите ја учат оваа програма да биде свесна (разбудена – woke)“ и дека „Мајкрософт“ „суштински ја контролира“ „Опен АИ“.

Алтман претходно изјави дека Маск „чувствува голема загриженост за иднината на човештвото“.

https://republika.mk/zivot/tehnologija/go-sozdadoa-chet-gpt-a-sega-najavuvaat-kreirane-veshtachka-superinteligentsija/

The post Илон Маск подготвува нов стартап за вештачка интелигенција appeared first on Република.