Оливера Наковска Бикова го освои 8-то место во дисциплината П2-Воздушен пиштол-жени 10м. на параолимписките игри во Париз.

Претходно, во квалификациите на оваа дисциплина, Оливера го освои петтото место со резултат од 558 кругови и се пласира меѓу најдобрите 8 спортистки кои борбите ги продолжуваат во финале. Таа всушност квалификациите ги заврши како шестопласирана, меѓутоа иранката Шахи беше дисквалификувана од судиите по извршена контрола на оружје, нејзиниот пиштол не држеше минимум пропишана тежина на опалување (>500 грама).

За жал, во финалето, работите не течеа според планираното и очекуваното и на крај таа после 12 истрели прва го напушти финалето освојувајќи го 8-то место во конечен пласман во оваа дисциплина.

Ова се шести по ред параолимписки игри на кои настапува Наковска Бикова (од Атина 2004 до денес), и на секоја од нив таа влегуваше во финале.

За два дена, на 02.09.2024 година, Наковска Бикова ќе настапи во квалификациите на дисциплината П3- Спорт пиштол 25м.

The post Наковска-Бикова го освои осмото место во Париз во воздушен пиштол appeared first on Република.

Македонската параолимпијка, Оливера Наковска Бикова, ќе биде единствениот македонски спортист на претстојните Параолимписки игри во Париз, кои ќе се одржат од 28 август до 9 септември.

Наковска Бикова успешно ги заврши подготовките и нејзините резултати се во нагорна линија. Следат завршни подготовки пред заминување за Париз заради темпирање на формата. Оливера ќе настапи во три стрелачки дисциплини: на 31 август, 2 и 4 септември.

49-годишната битолчанка е параолимписки победник од Лондон 2012 година.

Иако нашиот Параолимписки комитет аплицираше за бипартитна карта за Александар Јовановски, комисијата не му ја додели.

The post Македонската параолимпијка Оливера Наковска Бикова ќе биде единствениот македонски спортист на претстојните Параолимписки игри во Париз appeared first on Република.

Премиерот Димитар Ковачевски, упати честитки до нашата параолимпијка Оливера Наковска Бикова од Битола која го освои златниот медал на Светското првенство во стрелаштво во Ал Аин и титулата светски шампион во дисциплината „П4-пиштол слободен избор” кое се одржува во Обединетите Арапски Емирати.

Во продолжение честитката на премиерот Ковачевски:

„Искрени честитки за македонската параолимпијка Оливера Наковска Бикова за освоениот златен медал на Светското првенство во стрелаштво во Ал Аин и титулата светски шампион. На Оливера и на сите параолимпијци им посакувам успеси и во иднина. Вие сте нашата гордост, пример како се бранат македонските бои  и најголем промотор на Република Македонија во светот”, истакна Ковачевски во честитката на социјалните медиуми.

The post Ковачевски ѝ честита на Оливера Наковска Бикова за освоениот златен медал appeared first on Република.

Најдобрата македонска параолимпијка, Оливера Наковска-Бикова, оствари нов голем успех, откако дојде до златниот медал на Светското првенство (СП) во стрелаштво во Ал Аин (Обединети Арапски Емирати).

Таа беше најдобра во дисциплината П4-пиштол во слободен избор со резултат 216,5 кругови, односно 1,2 круга повеќе од второпласираниот.

Наковска-Бикова беше фантастична во квалификациите со оглед што испука 538 круга, што е нејзин најдобар резултат во кариерата.

The post Параолимпијката Наковска-Бикова е светска шампионка во стрелаштво со пиштол во слободен избор appeared first on Република.

По повод Денот на независноста на Република Македонија – 8 Септември, претседателот Стево Пендаровски денеска на свечена церемонија ги одликуваше со Орден „8 Септември“ македонските спортисти Оливера Наковска-Бикова, Бранимир Јовановски, Шабан Трстена и Дејан Георгиевски.

Оливера Наковска-Бикова е одликувана со Орден „8 Септември“ за својата извонредна, богата и успешна спортска кариера во параолимпиското и во спортското стрелаштво. Наковска-Бикова постигнува бројни успеси на натпревари во стрелачки спортови. Таа е повеќекратна државна шампионка и апсолутна рекордерка на Република Македонија во дисциплината воздушен пиштол. Во оваа дисциплина го освојува златниот медал на Летните параолимписки игри во Лондон, со што придонесе за меѓународна афирмација и за угледот на државата.

Бранимир Јовановски, за извонредните резултати во својата 20-годишна спортска кариера. Тој е првиот македонски параолимпиец кој освоил златен медал на една параолимпијада. Во текот на својата кариера, покрај златниот параолимписки медал, освоил и други сребрени, златни и бронзени медали на разни европски првенства и на меѓународни натпревари. Значаен е неговиот огромен успех како тренер и како селектор, а избран е и за најдобар тренер на македонската репрезентација во стрелаштво за лица со попреченост. Неговиот придонес за меѓународна афирмација и за угледот на државата е огромен.

Шабан Трстена доби Орден за освојувањето златен медал во борење на Летните олимписки игри во 1984 година, запишувајќи се со златни букви во историјата на македонскиот и на светскиот спорт како најмлад олимписки шампион, како и за освојувањето на сребрениот медал на Олимпијадата во Сеул во 1988 година и на бронзениот медал на Светскиот шампионат во борење во 1982 година. Трстена е повеќекратен младински и сениорски првак на Југославија. Тој е прогласен за спортист на XX век на Република Македонија. Шабан Трстена е пример како со извонреден успех може да се стане симбол на својата земја и на таков начин да се придонесе за нејзина меѓународна афирмација.

Дејан Георгиевски, за постигнување историски најголем и повеќекратен успех во сферата на спортот од независноста на нашата држава. Со освојувањето на сребрениот медал на Олимписките игри во Токио во теквондо, е прогласен за најдобар спортист на Република Македонија за 2021 година. Воедно, тој е добитник и на неколку сребрени и бронзени медали, со што придонесува за меѓународна афирмација и за угледот на државата.

На доделувањето на наградите присуствуваа премиерот Димитар Ковачевски, претседателот на Собранието Талат Џафери, вицепремиерот задолжен за економски прашања, координација на економските ресори и инвестиции Фатмир Битиќи, министрите Олвер Спасовски, Љупчо Николовски и други претставници од Владата.

Пред присутните беше прикажан видеоматеријал за биографијата и заслугите на Оливера Наковска – Бикова, Бранимир Јовановски, Шабан Трстена и Дејан Георгиевски.

Оваа награда е повод за понатамошни успеси, рече Наковска-Бикова.

Бранимир Јовановски рече дека со полно срце е на врачувањето на наградата и посочи дека утре се навршуваат 30 години откако го освоил златниот медал во Барселона во 1992 година. Во тоа време, како што рече, бевме млада држава и тој успех беше проследен со многу интересни натписи…

Сите медали прават чест и предизвикуваат наплив на емоции, нагласи Јовановски.

Посочи дека спортистите се водат со неколку девизи во животот, меѓу кои и „Не е важно колку пати ќе паднеш, туку колку ќе станеш и што ќе научиш од тоа паѓање“.

Шабан Трстена ги поздрави двајцата тренери без кои, како што рече, јас немаше да бидам денес тука. Тоа се Насе Насев, кој не е присутен од здравствени причини и клупскиот тренер Ајру Синали, кој е сега починат.

Јас сум еден од тие спортисти што сум добил многу признанија од пет континенти. Земав признанија и од поранешна Југославија. Сум зел многу признанија и за мојата држава, но ова признание е нешто посебно затоа што го добив од мојата татковина, од мојот народ кој се радуваше за нашите успеси. Затоа овој орден ќе биде посебен во мојата спортска душа бидејќи го добив од името на народот. Горд сум за тоа што дадов се од себе, 20 години да се борам со најелитни спортисти од големите држави и покажав дека може и една мала нација, една мала држава може да ги победи и големите држави. Нека ни е со среќа нашата независност, рече Трстена.

Дејан Георгиевски им го честиташе празникот 8 Септември на сите граѓани и соопшти дека сребрениот медал од Олимписките игри во Токио покрај негова, е и заслуга и на неговите тренери Борче и Дарко Костовски, на неговите клупски другари, на семејството и на Господ.

Сепак, овој медал припаѓа на целиот македонски народ кој ме дочека гордо на плоштадот. И верувајте јас и мојот тим даваме се од себе да го повториме тој магичен миг од Олимписките игри во Париз во 2024 година, рече Георгиевски.

The post Спортистите Наковска-Бикова, Јовановски, Трстена и Георгиевски одликувани со Орден „8 Септември“ appeared first on Република.

Претседателот Стево Пендаровски утре по повод Денот на независноста – 8 Септември, на свечена церемонија ќе одликува со oрден „8 Септември“ четворица македонски спортисти.

Оваа година со орден „8 Септември“ ќе бидат одликувани:

Оливера Наковска-Бикова, за својата извонредна, богата и успешна спортска кариера во параолимпиското и во спортското стрелаштво. Наковска-Бикова постигнува многубројни успеси на натпревари во стрелачки спортови. Таа е повеќекратна државна шампионка и апсолутна рекордерка на Република Македонија во дисциплината воздушен пиштол. Во оваа дисциплина го освојува златниот медал на Летните параолимписки игри во Лондон, со што придонесе за меѓународна афирмација и за угледот на државата.

Бранимир Јовановски, за извонредните резултати во својата 20-годишна спортска кариера. Тој е првиот македонски параолимпиец кој освоил златен медал на една параолимпијада. Во текот на својата кариера, покрај златниот параолимписки медал, освоил и други сребрени, златни и бронзени медали на разни европски првенства и на меѓународни натпревари. Значаен е неговиот огромен успех како тренер и како селектор, а избран е и за најдобар тренер на македонската репрезентација во стрелаштво за лица со попреченост. Неговиот придонес за меѓународна афирмација и за угледот на државата е огромен.

Шабан Трстена, за освојувањето златен медал во борење на Летните олимписки игри во 1984 година, запишувајќи се со златни букви во историјата на македонскиот и на светскиот спорт како најмлад олимписки шампион, како и за освојувањето на сребрениот медал на Олимпијадата во Сеул во 1988 година и на бронзениот медал на Светскиот шампионат во борење во 1982 година. Трстена е повеќекратен младински и сениорски првак на Југославија. Тој е прогласен за спортист на XX век на Република Македонија. Шабан Трстена е пример како со извонреден успех може да се стане симбол на својата земја и на таков начин да се придонесе за нејзина меѓународна афирмација.

Дејан Георгиевски, за постигнување историски најголем и повеќекратен успех во сферата на спортот од независноста на нашата држава. Со освојувањето на сребрениот медал на Олимписките игри во Токио во теквондо, е прогласен за најдобар спортист на Република Македонија за 2021 година. Воедно, тој е добитник и на неколку сребрени и бронзени медали, со што придонесува за меѓународна афирмација и за угледот на државата.

По повод одбележувањето на Денот на независноста, делегација од Кабинетот на претседателот ќе положи цвеќе на вечните почивалишта на поранешните претседатели на државата, Киро Глигоров и Борис Трајковски, во Алејата на великаните на Градските гробишта Бутел во Скопје.

The post Геогриевски, Трстена, Бикова и Јовановски ќе бидат одликувани со орденот „8 Септември“ appeared first on Република.

Претседателот Стево Пендаровски денеска ја прими македонската параолимпијка Оливера Наковска –Бикова, која го освои златниот медал на Европското првенство во стрелаштво во Хамар, Норвешка.

Честитајќи и за постигнатиот успех, претседателот Пендаровски на средбата со Наковска – Бикова истакна дека нејзиното постигнување е гордост за целата нација и инспирација за сите млади спортисти во нашата држава.

Според претседателот Пендаровски, особено радува фактот што Наковска – Бикова го повтори својот успех, 21 година по освојувањето на златниот медал на Европското првенство во Данска во 2001 година и ја надополни импресивната листа на своите спортски достигнувања на државно и на меѓународно ниво, меѓу кои е и освоениот златен медал на Параолимписките игри 2012 година во Лондон.

На средбата Наковска – Бикова ги престави и плановите за своите идни настапи.

The post Пендаровски ја прими Оливера Наковска-Бикова, европската шампионка во стрелаштво appeared first on Република.

Претседателот Стево Пендаровски упати честитка до македонската параолимпијка, Оливера Наковска-Бикова, која на Европското првенство во норвешкиот град Хамар, го освои златниот медал во дисциплината 10 метри воздушен пиштол.

Пендаровски на својот фејсбук профил истакна дека македонската параолимпијка претставува инспирација за идните спортисти.

Златниот медал на Европското првенство во Норвешка на нашата најуспешна параолимпијка е огромен успех и инспирација за младите луѓе и идни спортисти во нашата татковина - се наведува во објавата.

The post Пендаровски упати честитка до македонската параолимпијка која освои златен медал на Европското првенство appeared first on Република.

Македонската параолимпијка Оливера Наковска-Бикова, го освои златниот медал на Европското парапрвенство (ЕП) во стрелаштво, во норвешкиот град Хамар, во дисциплината воздушен пиштол од 10 метри.

Ова е уште еден голем успех за битолчанката, која во својата колекција има и олимписко злато.

Наковска-Бикова беше единствена македонска натпреварувачка на Параолимписките игри во Токио, и го освои шестото место во финалето во дисциплината воздушен пиштол од 10 метри.

The post Оливера Наковска-Бикова е европски шампион во стрелаштво со воздушен пиштол appeared first on Република.