Вдовицата на хрватскиот кантавтор Оливер Драгоевиќ отворено зборувала за тоа за хрватските медиуми, а меѓу другото нагласила дека ѝ биле потребни 10 години да го преболи неверството на пејачот, пишува „Б92“.

Весна и Оливер Драгоевиќ се запознале во 1973 година, набрзо се венчале и останале заедно до неговата смрт, а помалку е познато дека пејачот кој ја освојуваше публиката со своите романтични далматински шансони водел живот со контроверзии.

Медиумите од регионот на големо пишуваат стории за неговиот живот, а една од нив е и за неговото семејство и љубовната афера.

Имено, Оливер, кој се трудеше максимално да го одржи имиџот на семеен човек, во 2006 година го погоди скандал, поради што неговиот брак за малку ќе се распаднеше. Протекоа информации дека водел паралелен живот, а имал афера со поранешната манекенка Бранка Мариќ Мути, која изјавила дека таа е најголемата љубов на пејачот.

Тие двајца биле во интимни односи во текот меѓу 70-тите и 80-тите години. За тоа колку оваа афера била сериозна говори и фактот што Оливер поради Бранка сакал да ја остави сопругата Весна.

-Во текот на тие години често поради голем стрес и нервози завршував во Итна помош. Долго време се обидував да сфатам зошто Оливер толку се заврте по таа жена. На крај сфатив дека било само прашање на неговата незрелост и несигурност, рече своевремено Весна.

Потоа следуваше турбулентен период. Меѓусебни судски тужби и огромни скандали.

Бранка тврдеше дека брачниот пар ја држи под закани и уцени, а Драгоевиќ тврдеа дека таа измислува, па ја тужеа за претрпена душевна болка.

-Никогаш не сакав да зборувам за својот живот зад сцената, но под сплет на неморални околности се најдов среде скандали кои други ги исценираа. Мојата интима е моја работа, рече тогаш Оливер и стави крај на оваа приказна.

Оливер беше во брак со Весна 44 години, а ги имаа 42-годишниот син Дино и близнаците Дамир и Давор (39).

The post Оваа жена правеше пекол од животот на Весна: Двете големи љубови на Оливер Драгоевиќ appeared first on Република.