Третото коло на 45. шаховска Олимпијада во Будимпешта беше успешно за македонските селекции кои забележаа победи во машка и женска конкуренција.

Македонските шахисти извојуваа максимална победа над Зеленортските острови од 4-0 и со 9.5 поени се на делба на 48 место со Парагвај.

Во четвртото коло шахистите на Македонија ќе играат против Холандија.

Во женска конкуренција македонската репрезентација беше убедлива во дуелот со Хондурас и забележа победа од 3.5 – 0.5.

Македонските шахистки се на делба на 57 место со Луксембург со осум освоени поени, а во четвртото коло за противник ќе ја имаат Италија.

The post Македонските шахисти и шахистки извојуваа победи на 45. Олимпијада во Будимпешта appeared first on Република.

Македонскиот национален тим освои еден сребрен и три бронзени медали на 17. Светска олимпијада по геонауки IESO2024 која се одржа во Пекинг, Кина.

Ивана Атанасовска од Прилеп и Милена Ангелова од Делчево освоија бронзени медали во категоријата на индивидуален тест на знаења и тоа помеѓу 140 ученици од 35 држави од сите континенти. Михаела Павловска од Македонска Каменица освои сребрен медал, а Атанас Ташковски од Крушево бронза во категоријата за интернационална тимска презентација.

Честитки за учениците, нивните родители, наставници, а секако и до Македонското географско друштво (МГД) и неговиот претседател кој придонесе во организација на целиот национален процес од државните натпревари, преку соодветната логистика, помош околу спонзорства и др. Јас, како главен ментор, заедно заедно со колегата ментор Свемир Горин, се потрудивме за тие кратки 2 месеци да ги подготвиме децата најдобро што може, да ги организираме до овде (Кина) и соодветно да ја претставиме нашата Македонија пред 300 ученици, ментори, наставници, професори, истражувачи. Одиме понатаму, изјави проф. д-р Ивина Милевски, еден од водачите на тимот.

The post Еден сребрен и три бронзени медали за македонскиот тим кој учестуваше на Светската олимпијада по геонауки во Кина appeared first on Република.

Откако ја режираше церемонијата на отворање со ѕвезди, на која на голема врата на сцената се врати Селин Дион, уметничкиот директор на Олимпијадата во Париз, Томас Жоли, ангажира едно од најголемите имиња во Холивуд за церемонијата на затворање на Игрите на 11 август.

 

 

Том Круз, кој моментално го снима „Mission: Impossible 8“ во Европа и присуствуваше на церемонијата на отворање покрај натпреварите во женска гимнастика и пливање, ќе биде еден од главните моменти на церемонијата на затворање, потврди извор близок до организацискиот комитет на Олимпијадата.

Како што објави францускиот блог Sortir à Paris во мај, Круз бил фатен како снима сцена додека возел мотоцикл со големо знаме. Потоа замина од Триумфалната капија и возеше по иконската авенија Шанзелизе. Актерот, кој минатата недела ја доби титулата витез во престижната француска Легија на честа , ќе го предаде знамето на Лос Анџелес за Игрите во 2028 година.

 

 

Претставниците на Круз не одговорија веднаш на барањето на Variety за коментар.

Насловена „Рекорди“ и домаќин на затворен простор на сцената од 2.800 квадратни метри на Стад де Франс, церемонијата на затворање ветува „нови толкувања“ и „ќе ги одведе гледачите на патување низ времето, и минатото и иднината“, изјавија организаторите. Шоуто ќе направи пресвртници низ историјата на Олимписките игри, за кои се верува дека датира од Античка Грција.

Шоуто – за кое организаторите ветуваат дека ќе ги собере „светски познатите изведувачи“ и „над сто изведувачи, акробати, танчери и циркуски уметници“ – ќе вклучува и перформанс поставен во дистописка средина, како дополнение на кореографија со петте на Олимпијадата испреплетени прстени кои ги претставуваат петте светски континенти.

Најтешката задача на организаторите за церемонијата на затворање ќе биде да се совпадне со возбудата и емоциите на изведбата на Селин Дион на основата на Ајфеловата кула и музичкиот чин на Лејди Гага инспириран од кабаре покрај реката Сена. Од друга страна, бидејќи церемонијата на затворање се одржува во затворен простор, организаторите веројатно заштедуваат многу време обидувајќи се да го предвидат времето. Церемонијата на отворањето, која го одбележа првиот пат во модерната историја настанот да се одржи целосно на отворено, на крајот се одржа под пороен дожд и ја принуди Гага однапред да го сними својот настап.

И покрај тоа што церемонијата на отварање предизвика контраверзи, главно меѓу конзервативните христијани, таа исто така беше широко прославена. Креативниот тим зад шоуто е меѓу финалистите за годинешните награди за иновации на IBC кои ги почитуваат заедничките иницијативи во медиумите, забавата и технологијата.

The post Од грчка митологија до Том Круз – Франција најавува спектакуларно затворање на Олимпијадата appeared first on Република.

Дарио Ивановски е првиот Македонец кој истрча маратон на Олимписки игри, но јасно е дека постигнатото време е далеку под неговите најдобри вредности.

Ивановски е свесен дека освоеното 69-то место и постигнатиот резултат (2:28.15 часа) не е тоа на што се надеваше пред трката, но откри дека се борел со повреда уште од шестиот километар на маратонската трка.

Почитувани Македонци, пред сѐ сакам да ви се заблагодарам за огромната поддршка која ја имав во текот на овој маратон, но и пред оваа трка. Кога еден маратон ќе се заврши, тогаш се вели дека се завршил успешно. Да му се заблагодарам на Бог што влегов во маратонот жив и здрав, но сепак имав мала повреда на стапалото и коленото која ја влечев од шестиот километар.

Тоа ме оневозможи да го одржам темпото кое го наметнавме на стартот. Од петтиот кон шестиот километар почнав да ја влечам ногата и почнав да се мачам, но тоа е што е. Го дадов максимумот, сега следи перид на опоравување и фокус кон следните цели. Можеби сите, вклучувајќи ме и мене, имавме поголеми очекувања. Јас верував дека можам подобро и се уште верувам во тоа. По времето 2:08 кое е мое најдобро и 2:28 денеска ќе се заклучи дека ми се случувало нешто на трката, а можам да кажам дека бев и подобро подготвен според тренинзите кои ги имав пред Париз. Се надевам дека на следната трка и на следните предизвици ќе го видите стариот Дарио, дури и подобар од тоа што бев. Се гледаме во наредни предизвици, ве сакам сите, вели Дарио Ивановски.

The post Дарио Ивановски е првиот Македонец кој истрча маратон на Олимписки игри, откри дека се борел со повреда уште од шестиот километар appeared first on Република.

Бугаринот Карлос Насар го освои златото во кревање тегови во категоријата до 89 килограми на Игрите во Париз.

Неговиот вкупен резултат по беше 404 килограми. 20-годишниот спортист постави нов светски рекорд.

Сребрениот медал го освои Колумбиецот Јеисон Лопез со 390 килограми.

Бронза е за Антонино Пицолато од Италија со вкупно подигнати 384 кг.

The post Бугарскиот кревач на тегови Насар постави светски рекорд на Олимпијадата appeared first on Република.

Американскиот рапер Снуп Дог е своевидно „заштитно лице“ на годинашните Олимписки игри во Париз. Според тамошните медиуми, Снуп Дог само дошол како турист, но протекоа информации дека тој „се појавил на Олимпијадата за хонорар од 500.000 долари дневно“, пренесува „Н-1 Сараево“.

Извршниот директор на „Ен-би-си“ (NBC) наводно ја открил тајната. Тој раскажал како познатиот музичар заработува околу 500.000 долари на ден само за да биде присутен во француската престолнина, и со тоа да го популаризира настанот.

Еден час покрај извршниот директор на ‘Ен-би-си’ на вечерата беше доволен за да дознаам дека Снуп добива 500.000 долари дневно, плус неговите трошоци се платени за да биде тука за промоција на Олимпијадата, изјави инвеститорот Хенри Мекнамара.

Снуп Дог досега следеше натпревари во кошарка, фудбал, атлетика и мечување.

The post Снуп Дог добро се опарил за присуствувото на Олимпијадата appeared first on Република.

Националниот олимписки комитет на Грција објави суспензија на неименуван учесник на Олимписките игри во Париз поради кршење на правилата за антидопинг.

Грчкиот олимписки комитет соопшти дека е информиран за позитивен допинг тест од еден од членовите на Олимпискиот тим во Париз. Грчката Национална антидопинг агенција наведува дека на ова лице веднаш му била изречена привремена забрана и затоа е побарано негово отстранување од Олимпиското село, се вели во соопштението на организацијата.

Претходно грчката атлетичарка Клаудија-Полак, која настапува во скок со стап, извести дека во еден нејзин примерок биле пронајдени траги на допинг, кои можеле да бидат внесени во телото како резултат на јадење месо. Концентрацијата на супстанцијата била во границите на нормалата, па затоа била примена на Олимписките игри.

Клаудија-Полак не успеа да се пласира во финалната фаза од натпреварувањето.

The post Грчки учесник на Олимпијадата 2024 година суспендиран поради кршење на антидопинг правилата appeared first on Република.

Српскиот тенисер Новак Ѓоковиќ, кој ја освои олимписката титула во тенис на Игрите во Париз, најави дека сака да учествува на следната Олимпијада, која ќе се одржи во 2028 година во Лос Анџелес.

Ѓоковиќ во олимпиското финале го совлада Шпанецот Карлос Алкараз со 7:6, 7:6 и на 37-годишна возраст стана највозрасниот победник на олимпискиот тениски турнир.

Сè уште сакам да одам во Лос Анџелес. Сакам да ја претставувам мојата земја на Олимпијадата и Дејвис купот. Да бидам искрен, не знам што ќе се случи во иднина, сакам да уживам во сегашниот момент“, изјави Ѓоковиќ.

Српската Влада донесе одлука да го награди Ѓоковиќ и неговиот тренер со 200.000 евра за освоеното олимписко злато.

The post Ѓоковиќ сака да настапи и на Олимписките игри во 2028 во Лос Анџелес appeared first on Република.

Бразилскиот фудбалер Зико бил ограбен во Париз, пренесуваат медиумите.

Зико е во Париз како член на олимписката делегација на Бразил, бил ограбен во четвртокот вечерта додека го напуштал хотелот и влегувал во такси.

Со себе имал часовник „ролекс“, дијамантска огрлица и пари во актовката, кога еден од разбојнците му го одвлекол вниманието на таксистот, а вториот ја украл торба од задното седиште.

Се проценува дека работите во чантата вределе околу половина милион евра.

Официјалните лица веднаш реагирале и започнале истрага за лоцирање на сторителите на кражбата, а истрагата е под раководство на Француската бригада, пренесува „Ле Парисиен“.

Да потсетиме, Зико важи за еден од најголемите фудбалери на сите времиња. Неговата кариера траеше од раните 1970-ти до раните 1990-ти, а најголема трага остави во Фламенго.

The post Бразилскиот фудбалер Зико ограбен во Париз appeared first on Република.

Младиот Јан Стојановски го освои првиот златен медал за Македонија на 8. Европската олимпијада по физика, која од 15 до 19 јули година се одржуваше во Кутаиси, Грузија.

Не се сомневавме дека ќе го донесе првото историско злато од оваа олимпијада, имајќи ги предвид неговото знаење од физика како и досегашните освоени награди на олимпијадите по физика: сребрен медал на 7. Европска олимпијада по физика минатата година во Хановер, Германија, бронзениот медал на 53. Меѓународна олимпијада по физика одржана во Токио, Јапонија во 2023 година и златниот медал на 5. Балканска олимпијада по физика одржана во Никозија, Кипар во 2022 година“, соопштија од Друштвото на физичарите на Република Македонија (ДФРМ).

Оттаму објавија дека Олимпијадата, која заврши вчера, покрај Јан Стојановски кој е ученик во ПСУ „Јахја Кемал“ од Скопје, награди за успешно учество (пофалници) добија и Матеј Гелев, исто така ученик во ПСУ „Јахја Кемал“, потоа Емилија Николовска ученичка во Математичко информатичката гимназија од Скопје и Димитриј Анѓеловски – ученик во скопската гимназија „Јосип Броз Тито“.

Достојно ја престави својата држава и го покажа своето знаење на оваа олимпијада и Дамјан Стојанов ученик во ПСУ „Јахја Кемал“ во Скопје“, соопштуваат од ДФРМ.

Тимот го предводеа проф. д-р Ирина Петреска, редовен професор на ПМФ во Скопје и член на ДФРМ и м-р Христијан Кочанковски, асистент на ПМФ во Скопје и претседател на Комисијата за натпревари при ДФРМ.

Инаку, на Европска олимпијада учествуваа 54 држави и тоа 36 држави од Европа и 18 држави надвор од Европа. Секоја од државите на олимпијадата имаше право да учествува со тим од 5 ученици.

The post Јан Стојановски го освои првиот златен медал за Македонија на Европската олимпијада по физика appeared first on Република.

Францускиот министер за внатрешни работи Жералд Дарманен синоќа изјави дека неколку дена пред почетокот на Олимписките игри во Париз спроведени се еден милион административни истраги и утврдено е оти 4.355 лица би можеле да претставуваат закана.

Безбедносните истражување се спроведени за сите лица кои на каков било начин ќе учествуваат во ОИ од 26 јули до 11 август и на Параолимписките игри од 28 август до 8 септември.

Проверени се спортисти, тренери, новинари, волонтери, приватно обезбедување, дури и граѓаните кои живеат во близина на одржувањето на церемонијата на отворање на ОИ.

Истрагата покажала дека 4.355 луѓе претставуваат закана и тие се исклучени. Осумстотини луѓе се исклучени поради сомневање за странско мешање, 360 поради „обврската да заминат од француска територија, додека за 142 било оценето дека се закана по државната безбедност. Меѓу исклучените 260 лица се регистрирани како радикални исламисти, 186 како ултралевичари и 96 како ултрадесничари.

Околу 35.000 полицајци и жандарми и 18.000 француски војници ќе ги обезбедуваат Олимписките игри

The post 4.355 лица би можеле да претставуваат закана за Олимписките игри appeared first on Република.

Француските безбедносни служби отфрлија повеќе од 4.000 апликации за акредитација за Олимпијадата во Париз во 2024 година, наведувајќи ја, меѓу другото, загриженоста за шпионажа и кибер напади, изјави францускиот министер за внатрешни работи Жералд Дарманен.

Тој рече дека француските власти досега провериле речиси милион апликации за акредитација за Игрите, кои започнуваат на 26 јули, и одбиле 4.340 луѓе, некои поради радикални исламистички врски или осомничени странски шпиони, објавија британските медиуми.

Скоро сто луѓе беа одбиени поради страв од шпионажа или загриженост дека тие се агенти кои се обидуваат да добијат акредитација наведувајќи друга професија.

-Веројатно не се таму за да вршат напади. Но, покрај разузнавањето и традиционалната шпионажа, постои можност за пристап до влезните точки во компјутерските мрежи за извршување на кибер напади, изјави Дарманен за неделникот „Журнал ду Диманш“.

Тој рече дека се пријавиле како новинари или технички персонал и дека нивните земји на потекло се, меѓу другите, Русија и Белорусија.

-На пример, отфрливме голем број „новинари“ кои тврдеа дека ги следат Игрите. Од друга страна, прифативме присуство на Руси кои работат за Меѓународниот олимписки комитет (ИОК). Ние го применуваме принципот на претпазливост, посочи тој.

На руските новинари им е дозволено да бидат акредитирани за Игрите и веќе пристигнаа во француската престолнина.

Париз ќе распореди 45.000 безбедносни лица за да ја гарантира безбедноста на Игрите и уникатна церемонија на отворање покрај реката Сена каде спортистите ќе пловат на бродови покрај стотици илјади гледачи.

Организаторите го намалија бројот на оние кои ќе го следат отворањето од 600.000 на околу 300.000. Според Дарманен, нема закана за безбедноста на Олимписките игри.

-Во изминатите неколку дена со полицијата направив ново извидување со брод на Сена. Потврдувам дека церемонијата ќе се одржи во форматот што го најави претседателот на Републиката, Емануел Макрон, изјави Дарманен.

Тој рече дека освен речниот тек и малиот ризик од лошо време, до денес не се идентификувани закани за Игрите.

-Ниту нашите разузнавачки служби, ниту странските служби со кои соработуваме не открија странска закана. Но, ние мора да останеме многу скромни и фокусирани, нагласи францускиот министер за внатрешни работи.

The post Одбиени повеќе од 4.000 барања за акредитација за Олимпијадата во Париз appeared first on Република.

Околу 45.000 полицајци ќе го обезбедуваат отворањето на Олимписките игри во Париз на 26 јули, на кое ќе присуствуваат над сто шефови на држави и влади.

На церемонијата, која првпат ќе се одржи надвор од стадион, ќе учествуваат околу 80 бродови ќе превезуваат спортисти од целиот свет на речната рута покрај Сена до Ајфеловата кула, изјави шефот за планирање и координација на ОИ, Ламбис Константинидис.

Се очекува 300.000 гледачи да бидат на кејот на Сена, што претставува сериозен безбедносен предизвик, особено во време на војна во Појасот Газа и Украина.

Рутата е долга шест километри, така што тоа е огромна област која мора да биде под безбедносен надзор. Затоа ни требаат толку многу луѓе, истакна Константинидис, додавајќи оти француските безбедносни служби соработуваат со американските безбедносни служби

Во мај годинава во францускиот град Сент Етјен беше уапсен маж осомничен дека планирал напад во име на Исламската држава врз фудбалскиот стадион во градот за време на Олимпијадата.

The post Отворањето на ОИ во Париз ќе го обезбедуваат 45.000 полицајци appeared first on Република.

Репрезентацијата на Порторико ноќеска во Сан Хуан ја победи Литванија и обезбеди учество на кошаркарскиот турнир на Олимписките игри во Париз.

Најуспешни на другите три турнири беа Шпанија, Грција и Бразил и тие изборија настап на ЛОИ 2024.

Четирите одделни квалификациски турнири се одржаа во Шпанија, Летонија, Грција и Порторико.

Резултати на финалните средби:
Бразил – Летонија 94:69
Грција – Хрватска 80:69
Шпанија – Бахами 86:78 и
Литванија – Порторико 68:79.

Претходно виза за Париз обезбедија селекциите на Австралија, Јапонија, Канада, Јужен Судан, Србија, САД, Германија (актуелен светски шампион) и Франција (домаќин на Игрите).

The post Хрватска остана без пласман на Олимпијадата appeared first on Република.

Меѓународниот олимписки комитет (ИОК) им одобри на 14 руски и 11 белоруски спортисти да се натпреваруваат на Олимписките игри идниот месец во Париз, но под неутрален статус.

Во првиот круг инспекциската комисија на ИОК оценуваше во пет спортови - велосипедизам, гимнастика, таеквондо, кревање тегови и борење и одлучи за статусот на спортистите од Русија и Белорусија.

Во наредните денови ќе се решаваат и други олимписки спортови.

Процесот на верификација на неутралниот статус се одвива во два круга низ раководните тела на спортот, а потоа одлуката ја носи МОК. Можни се жалби до Судот за спортска арбитража во Лозана.

Меѓу спортистите кои добија дозвола да се натпреваруваат како неутрални во Париз и актуелниот шампион на трамбулина Иван Литвинович од Белорусија.

The post Меѓународниот олимписки комитет им дозволи на 14 руски и 11 белоруски спортисти да настапат во Париз appeared first on Република.

Членовите на глобалните супербогати ќе трошат дури 500.000 долари на „ултра-ексклузивни“ пакети за Олимпијадата во Париз 2024 година, за кои промотерите тврдат дека вклучуваат средби со спортисти, пристап до селото на спортистите и „шанса да се биде дел од церемонијата на отворањето“.

GR8 Experience, „агенција за меѓународно искуство“ во делумна сопственост на бизнис менаџерот на кошаркарската ѕвезда Леброн Џејмс и ПР менаџерот на тенисерот Рафаел Надал, продава олимписки пакети за кои тврди дека вклучуваат билети за 14 настани, како што е финалето на машката трка на 100 метри и церемонијата на отворање за 381.600 долари.

Покрај таканаречените билети од категоријата А, агенцијата тврди дека може да организира и средба и поздравување со спортисти, обиколки на ограничени области како што се селото на спортистите, приватни по- часа пристап до Лувр и „кралска вечера во Версајската палата“.

Барнабас Карега, главен извршен директор на GR8 Experience, изјави за „Гардијан“ дека неговата компанија нуди супербогат „пристап што не е достапен за јавноста, вклучително и време со спортистите“. Тој одби да именува кои спортисти ги пријавил, но рече дека претходно организирал приватни настани со Надал и колегата тенисер Новак Ѓоковиќ и поранешниот италијански олимписки скијач Џорџо Рока.

„За Олимпијадата има неколку тенисери“, рече тој. „И голем број спортисти во различни спортови, но не можам да наведам конкретни спортисти“.

Запрашан за цената на состаноците, тој рече дека тоа ќе „зависи од структурата на состанокот“, за која рече дека варира од „15 минути фотографирање и брз разговор со другите кои се многу поангажирани … трошење ручек“. Цената, рече тој, се движеше од 25.000 до 500.000 долари „ако зборуваме за еден од најдобрите спортисти кој поминува многу време“.

The post Само за богати: И до 500.000 долари за ексклузивен пакет на Олимпијадата во Париз appeared first on Република.

Во најромантичната река на светот, ова лето многу спортисти ќе се натпреваруваат на Олимписките игри во Париз. На делот од реката до железничката станица Аустерлиц се наоѓа пештера во која се спроведува операцијата за прочистување на Сена, во која ќе може да се плива за прв пат по стотина години, пишува „Телеграф“.

Во пештерата има инженерски проект вреден повеќе од една милијарда евра, бројни цевки и пумпи се поврзани со резервоар со дијаметар од 50 метри и длабочина од 30 метри, кој заедно со тунел од 700 метри собира речиси 50 милиони литри дождовница полна со бактерии. Дождовницата потоа влегува во фабрика за преработка, оставајќи ја Сена чиста.

Годинава се планира испуштањето на отпадните води во реката да се намали од 12 на само два пати годишно. Францускиот претседател Емануел Макрон е толку уверен дека сè ќе оди според планот што вети дека ќе го облече костим за капење и ќе биде првиот што ќе влезе во реката пред парадата на бродовите да исплови за Олимпијадата на 26 јули.

Верувам во амбициозниот план кој чинеше 1,3 милијарди евра и се спроведува веќе три години, изјави министерката за спорт Амели Оудеа-Кастера.

Сепак, на скапиот проект му се закануваат неколку проблеми. Екологистите сè уште наидуваат на опасни нивоа на бактерии Е-коли и цревни ентерококи во водата, поради што редовно се откажуваат дури и предолимписките натпревари. Најлошо од сè, сите вклучени во операцијата „пливање“, како што неформално се нарекуваше, знаат дека не можат да се борат со природата.

Нема гаранција дека системот ќе функционира по преголемо количество дожд. Да, во текот на летото можно е да падне големо количество дожд во Париз, што би можело да ја доведе во опасност целата работа, изјави претставник на градското собрание на Париз.

По обилните врнежи од дожд веќе е предложено одложување на триатлонот. Причината е всушност многу едноставна, прекумерната количина на дождовна вода ќе го преоптовари комплексот Аустерлиц како што се случува со парискиот канализациски систем со години.

Тоа би значело дека еден од најголемите инженерски проекти во поновата историја на Париз можеби нема да биде доволно голем, и покрај тоа што може да собере доволно вода за да наполни 20 базени со олимписка големина.

Друга околност која не им оди во прилог на властите е неодговорното население. Релативно неодамна, мртовечниците фрлаат мртви тела во Сена, а посетителите на забавата сè уште знаат како да ги фрлат своите останки како шишиња со вино или електрични скутери во реката.

Мештаните се уште се против бројните работи кога сакаат да градат нова одводна или инфраструктура. Имено, повеќе од 20.000 сопственици на имот фрлаат вода од тоалетите и кујните директно во Сена или нејзината притока Марна. Ниту мотивацијата од шест илјади евра за работите не е доволна за изградба на нов систем за одводнување.

Водата во моментов не изгледа многу привлечно и се сомневам дека многу ќе се подобри во следните неколку месеци. Сигурно нема да одам на пливање, изјави студентката Нолин Н'овесем.

Луис Ортега (63) е сопственик на една од најпознатите книжарници на брегот на Сена и е нешто поголем оптимист од студентката. Тој вели дека ако ги видат олимписките пливачи, можеби и локалните жители ќе го следат нивниот пример, но се зависи од тоа колку ќе биде ефикасен базенот за прочистување. Во спротивно, милијарди евра ќе бидат фрлени на ветер.

The post Вложија милијарди за да можат да пливаат во најромантичната река на светот, но сега им се заканува голем крах appeared first on Република.

Речиси 3.25 милиони влезници се продадени за натпреварите на Олимписките игри во Париз по првата фаза од продажбата која почна пред повеќе од еден месец што Организацискиот одбор го оцени како голем успех и покрај критиките дека цените на билетите се превисоки.

Оваа прва фаза беше пуштена во продажба во пакети од најмалку три, а најмногу 30 билети, што е речиси третина од вкупниот број од 10.5 милиони влезници за Олимписките игри во 2024 година.

Од оваа бројка од 3.25 милиони влезници, 13 отсто се продадени по цена од 24 евра, 70 отсто по цена пониска од 100 евра и 4.5 отсто по цена повисока од 200 евра, наведоа организаторите.

Две третини од купците се Французи, а меѓу купците се застапени луѓе од вкупно 158 држави.

Набрзо откако на 15 февруари почна првата фаза од продажбата на влезниците се појавија критики, особено на социјалните мрежи, дека дел од влезниците се прескапи, како на пример билетите од 690 евра за вечерната програма во атлетика.

The post Веќе се продадени 3.25 милиони влезници за ОИ 2024 во Париз appeared first on Република.

Германија и семејствата на израелските спортисти убиени во 1972 година на Олимписките игри во Минхен се договорија за отштета од 28 милиони евра, објави портпаролот на германското министерство за внатрешни работи.

Семејствата минатиот месец кажаа дека не се задоволни од последната германска понуда и најавија дека во знак на протест ќе ја бојкотираат комеморацијата во понеделник по повод 50-годишнината од терористичкиот напад.

Сојузната влада ќе даде 22,5 милиони евра, покраината Баварија уште пет милиони, а градот Минхен 500.000 евра, кажа портпаролот.

Вооружени Палестинци од радикалната група Црн септември грабнаа на 5 септември 1972 година членови на израелскиот тим во слабо чуваното олимписко село.

За време на заложничката криза која траеше 24 часа беа убиени 11 Израелци, пет Палестинци и германски полицаец.

The post Германија со 28 милиони евра ќе ги обештети семејствата на Израелците убиени на ОИ во Минхен appeared first on Република.

Бронзен медал доделен првите модерни Олимписки игри, кои се одржаа во Атина во 1896 година, ќе биде ставен на аукција.

Медалот се пренесувал од генерација на генерација додека сопственичката не го пронашла додека ја чистела нејзината куќа во Шропшир (Велика Британија).

На Игрите во 1896 година, медалот му беше доделен на лицето кое го освои второто место. Современиот систем со злато, сребро и бронза се појави во 1904 година. Кој го освои точно медалот е непознато.

Медалот е со дијаметар од два инчи. На аверсот е претставен богот Зевс, а на задната страна има натпис на грчки јазик „први меѓународни олимписки игри, Атина-1896 година“.

Специјалистите на аукциската куќа „Mullock’s Auctioneers“ го процениле предметот во износ од 20 до 25 илјади фунти

The post Oвој медал од првата Олимпијада во Атина може да чини богатство appeared first on Република.