Првиот круг на претседателските избори заврши со над 180 илјади гласови разлика помеѓу Силјановска Давкова и Пендаровски. Разликата е поголема од бројот на гласови кои ги освои Стево Пендаровски. Работата сеуште не е завршена, потребно е на 8-ми мај граѓаните да го кажат последниот збор. Јас се надевам дека овој тренд ќе продолжи и понатаму, затоа што Република Македонија се наоѓа на еден крстопат, од едната страна е изборот „како до сега“ кога граѓаните се осиромашуваат, понижени и потценети и другата алтернатива е да се даде лидерство на луѓе компетентни со свој став што ќе знаат како да ја позиционираат Република Македонија, кои нудат можност да изградиме современа држава која ќе се базира на етички и морални европски вредности, изјави Олга Лозановска, кандидат за пратеник од ВМРО-ДПМНЕ и коалицијата „Твоја Македонија“, а во изборната единица 5 во емисијата „Само вистина“ на Канал 5 телевизија.

Според Лозановска граѓаните во првиот круг јасно кажаа дека им е доста од криминалот, корупцијата и скандалите на оваа власт на ДУИ и СДС и дополни дека ВМРО-ДПМНЕ подаде рака кон сите оние кои ги делат нивните принципи и ја поддржуваат „Платформата 1198“ и на тој начин ДУИ и СДС да завршат во опозиција после сите штети што и ги направија на Македонија

Ако ги анализираме податоците од релевантни европски институции како се движи државата и во која насока, ние можеме да видиме дека најниската оценка од европската комисија ја имаме добиено во последните три години, 1,5. Според Фридом хаус Република Македонија има уназадување во борбата против корупцијата и криминалот, имаме непотизам, еродирано здравство, еродирано образование, значи нема сегмент во општеството каде нешто функционира, заклучи Лозановска.

The post Лозановска: Над 180.000 гласови разлика во првиот круг покажува дека СДС и ДУИ треба да одат во опозиција appeared first on Република.

„Денес зборуваме за предлог на закон за измени и дополнување на Законот за работни односи по скратена постапка во кој закон се менуваат некои членови кои што се однесуваат на местото и начинот на исплата на платата на работниците кои што работат на проекти од национален и стратешки интерес, прекувремената работа, работа во недела. Во изминатите неколку денови сведоци сме на како Владата по брза постапка без дебата во Собранието носи закони спротивни на голем број начела и уставни одредби. Ваквото носење на законски измени по скратена постапка со европско знаменце е насилна, криминал кој Владата го прави“, истакна Олга Лозановска, пратеник од редовите на ВМРО-ДПМНЕ на денешната собраниска седница.

Лозановска додаде дека стратешки и национален интерес е да се зачуваат добрата на државата, шумите, плодното земјиште, езерата, а не да се уништуваат.

„За каков национален интерес зборувате, кога се откажавте од историското наследство на македонскиот народ“, запраша пратеничката.

Таа посочи дека национален и стратешки интерес е и да се слуша гласот на народот, а не гласот на Артан Груби.

„Иако беше потенцирано од претставништвото на ЕУ во Македонија дека државата е должна да го почитува договорот за стабилизација и асоцијација што со други зборови значи овозможување на конкуренција и транспарентност на процесот, Владата тоа не го прави. Законот за работни односи е противуставен, Уставниот суд цитирам донесе одлука за укинување на оспорениот член бидејќи е во спротивност со темелната вредност владеење на правото предвидена во член 8 став 1 алинеја 3 од Уставот како спротивен на членот 9 според кој граѓаните пред Уставот и законите се еднакви. Уставниот суд оцени дека со овој член се повредува правото на дневен и неделен одмор односно дека е во спротивност со членот 32 став 4 од Уставот, се наведува во соопштението на Уставниот суд. Таквата одлука на Уставниот суд е конечна“, потенцираше Лозановска.

Пратеничката запраша дали непочитувањето на одлуката на Уставниот суд не е кривично дело.

The post Лозановска: Национален и стратешки интерес е да се слуша гласот на народот, а не гласот на Артан Груби appeared first on Република.

На денешната собраниска седница наменета за поставување пратенички прашања, пратеничката од редовите на ВМРО-ДПМНЕ Олга Лозановска упати две пратенички прашања. Првото пратеничкото прашање кое таа го упати до премиерот Ковачевски е поставено од група граѓаните од Битола, за тоа што се случи со тој помпезно најавуван проект за замена на филтри во РЕК Битола од повеќе милиони евра и зошто нема никакви активности и реализација на така капитален проект за заштита на животната средина?

До денес приказната за животната средина за Битола и Битолчани остана само одамна пропадната флоскула. Во програмата „Можеме“ на СДСМ се велеше дека нивната цел во наредните години ќе биде ревитализација и модернизација на сите 3 блока во РЕК Битола со редукција на прашина и десулфуризација, но од тоа ништо нема. Ревитализација и модернизација на блок 1 во РЕК Битола за намалување на емисии и јаглен диоксид и отворање на можност за употреба на различни типови гориво, и од тоа нема ништо - рече Лозановска.

Лозановска посочи дека уште пред изборите во 2016-та година СДСМ постојано кажувале дека е неопходно да се заменат филтрите на оџаците на РЕК Битола.

Таа додаде дека сега сведоци сме дека поминаа веќе 6 години, а од филтри за РЕК Битола нема ни трага, ни глас.

Второ прашање кое таа го упати е до Министерот за економија, за тоа колку од доделените дозволи за изградба на фотоволтаични централи се на земјоделско земјиште и од која категорија?

Лозановска ова го прашува поради реакцијата од страна на земјоделците.

Сите бевме сведоци особено од Овчеполието кои имаа барање да не се поставуваат фотоволтаици на обработливо земјиште. Исто така имаше низ медиумите информација дека приватни инвеститори откупувале големи површини земјоделско земјиште и барале пренамена - кажа Лозановска.

Таа додаде дека земјоделците алармирале дека не требало да има купување на квалитетно земјоделско земјиште.

Земјоделците алармираа дека не треба и дека има се почесто купување на квалитетно земјоделско земјиште кое се пренаменува. Значи нивниот став е дека тие не се против поставување на фотоволтаични централи, но треба да се внимава затоа што тоа не треба да се прави на земјиште од 1,2,3 и 4-та категорија - вели Лозановска.

The post Лозановска: Поминаа 6 години од најавата на СДСМ за замена на филтрите на оџаците во РЕК Битола, но од тоа нема ни трага, ни глас appeared first on Република.

Олга Лозановска, пратеничка од ВМРО-ДПМНЕ на денешната собраниска расправа посочи дека со Договорот кој го потпиша Заев за добрососедство ја отвори Пандорината кутија и стави почеток на остварувањето на империјалистичкиот сон на Бугарија. Таа исто така посочи дека Бугарија не признава дека постои македонски народ и македонски јазик, а со тоа целосно ја негира и македонската историја.

Следејќи го политичкиот циркуз и потезите на оваа предавничка и корумпирана власт последните неколку години, слушајќи ги шарените лаги на европските комесари колку пати што се занималавале со македонското прашање, толку пати Македонија и македонскиот народ биле понижени и обесправени и дојдов до следниот заклучок и прашање. Дали македонскиот јазик, историја и идентитет се заштитени? Тука е најголемата замка, Европа вели да, ние ве сакаме, но реалноста е сосема различна бидејќи нобеловецот Заев потпиша договор за пријателство со кој ја отвори Пандорината кутија и стави почеток на остварувањето на империјалистичкиот сон на Бугарија во кој нивната територија која се протега од Охрид до Црно море. Да нема заблуди Бугарија не признава дека постои македонски народ и македонски јазик, а со тоа целосно ја негира и македонската историја и за ова мое тврдење постојат илјадници искази на претседатели, премиери и министри, рече Лозановска.

Лозановска ја потенцираше иронијата што вчера премиерот Ковачевски го цитираше Петре М.Андреевски, а лани оваа влада го исфрли од наставната програма и учебниците. Таа во текот на своето обраќање во врска со францускиот предлог потенцираше дека народот кажа гласно дека не го прифаќа овој предлог.

Ова значи дека билатералниот договор кој е дел од преговарачката рамка, нешто кое се случува за прв пат во историјата на ЕУ, билатерален договор да е услов за влез во унијата, никогаш нема да биде усвоен и реализиран освен ако ние самите не извршиме етноцид и еден ден станеме Бугари кои зборуваат дијалект на Бугарски јазик, дека сите вклучени билатерални договори на оваа ненародна и корумпирана елита на власт се на штета на Македонецот. Не можам да разберам како разобличувањето на државата и народот во неа го доживувате како успех, врз коските на загинатите Македонци во Нивици потпишавте Договор со кој се откажавте од македонското малцинство, станавме малцинство/ и сите институции наместо македонски ги претворивте во национални и не застанавте тука, туку побрзавте да се откажете од малцинството во Бугарија, се откажавте од јазикот. Ве прашувам уште еднаш тоа е успехот со кој се гордеете? Овој француски предлог за кој народот гласно ви кажува дека не го прифаќа е најголема замка во поновата историја на Македонија и неговото прифаќање предизвика целосно негирање на се македонско. Прифаќањето ќе стане велепредавство за кое некој еден ден ќе треба да одговара, додаде.

The post Вчера го цитиравте Петре М. Андреевски, а лани го исфрливте од учебниците appeared first on Република.

Пратеничката Олга Лозаноска со остри критики за хаосот во здравството и ситуацијата во кое е оставено, иако веќе две години живееме во пандемија.

На ден Божиќ, имаш температура. Нема каде да се тестираш. Си купуваш брз тест. Си купуваш на приватно лек препорачан од инфектолози. Си купуваш витамини, аналгетици.
АПЛАУЗ ЗА ВЕНКО!!!!
ПОСЛЕ ДВЕ ГОДИНИ ОД ПАНДЕМИЈА, НИШТО НЕ ФУНКЦИОНИРА.
ЕТЕ ЗАТОА ИМАМЕ 8000 ПОЧИНАТИ. ЗА ЖАЛ.
Ама важно радиодифузна такса не плаќаме.

На крај, додава таа, ќе го прашам ЈО до каде е истрагата за фантом фирмата од Хонг Конг, чии покровители беа ЗЗ и ВФ.

За многу години. Христос се роди!

The post „Имаш температура, нема каде да се тестираш, лекови од 5.000 денари купуваш приватно“: Пратеничката Лозановска остро за хаосот оставен од Венко Филипче appeared first on Република.