Досегашниот фудбалер на англискиот шампион Манчестер сити, Олександр Зинченко (25) ќе ја продолжи кариерата во лондонски Арсенал, објавија британските медиуми.

Украинскиот репрезентативец ќе потпише четиригодишен договор со „Топчиите“, кои за неговите услуги ќе платат 35 милиони евра.

Зинченко ги договори личните услови со Арсенал и преостанува уште да ги заврши медицинските прегледи.

Украинецот во Манчестер сити дојде од Уфа во 2016 година и една сезона мина на позајмица во ПСВ.

Арсенал во Зинченко го добива петтото засилување за новата сезона, откако во премиерлигашот од северен Лондон летово дојдоа напаѓачите Маркињос и Габриел Жезус, играчот за врска Фабио Виера и голманот Мат Тарнер. 

The post Украинецот Зинченко во Арсенал appeared first on Република.

Фудбалерот на Манчестер Сити, Олександр Зинченко не можеше да се воздржи по случувањата во неговата татковина, па се одзва на социјалните мрежи со порака до рускиот претседател Владимир Путин, по што мораа да реагираат од „Инстаграм“ и истата порака да ја повлечат.

„Се надевам дека ќе умреш на најболен можен начин, чудовиште“ гласеше пораката на фудбалерот на Манчестер Сити на социјалната мрежа „Инстаграм“ која потоа беше избришана од самата платформа.

„Целиот цивилизиран свет е загрижен за ситуацијата во мојата земја, не можам само да седам настрана и да гледам што се случува, тоа е мојата земја, земјата каде сум роден, каде растев, земја за чии бои јас настапувам, мојата земја припаѓа на Украинците, никој не смее тоа право да ни го одземе“ потоа реагираше самиот Зинченко во емотивно обраќање на социјалните мрежи.

The post Инстаграм ја избриша пораката која Зинченко ја упати до Путин appeared first on Република.