На социјалните мрежи се појави документ од Агенцијата за национална безбедност во врска со барањето на украинскиот бизнисмен Олександар Онишченко.

Интересно е дека оној што одобрил дека нема безбедносни пречки Онишченко да добие наше државјанство е токму новоизбраниот директор на АНБ Зарко Mилошоски.

The post Новиот директор на АНБ лично и персонално одобрил Онишченко да добие наш пасош appeared first on Република.

Се спроведува истрага за да се констатираат пропустите при носењето на одлуката за давање државјанство на Олесандр Онишченко, изјави денеска портпаролот на Владата Мухамед Хоџа.

Како што веќе нагласив, Владата на својата последна седница која се одржа вчера донесе одлука за поништување на одлуката за прием на Онишченко во државјанство на РМ и истовремено го задолжи МВР да постапи веднаш. Оттука дополнително сакаме да истакнеме дека во рамките на институциите се врши проверка односно истрага за да се констатираат пропустите при носење на таа одлука. Сакаме да нагласиме дека очекуваме во најкус можен рок истрагата да биде завршена и јавноста ќе биде благовремено информирана - рече Хоџа на прес-конференција на Владата.

Владата на вчерашната седница одлучи веднаш да се поништи македонското државјанство на Онишченко, кој е на црната листа на САД и се бара со потерница во Украина.

The post Истрага за пропустите при носењето на одлуката за државјанството на Онишченко appeared first on Република.

Владата на денешната седница одлучи да се поништи одлуката за прием на Олександр Онишченко во државјанство на Република Македонија.

Како што посочува владината прес-служба, Владата ја донесе одлуката откако го разгледа известувањето од Министерството за внатрешни работи, во кое се информира за можноста за одземање на веќе дадено државјанство, што беше побарано од страна на Владата, на претходна владина седница.

– Владата го задолжи МВР да постапи веднаш по донесената одлука за поништување на одлуката за прием на Онишченко во државјанство на Република Македонија, се вели во соопштението

The post Владата го задолжи МВР веднаш да го одземе државјанството на Онишченко appeared first on Република.

Владата на денешната седница одлучи да се поништи одлуката за прием на Олександр Онишченко во државјанство на Република Македонија, соопшти владината прес-служба.

Владата ја донесе одлуката откако го разгледа известувањето од Министерството за внатрешни работи, во кое што се информира за можноста за одземање на веќе дадено државјанство, што беше побарано од страна на Владата, на претходна владина седница.

Денешната одлука на Владата е базирана на Законот за државјанство на Република Македонија.

Владата го задолжи Министерството за внатрешни работи да постапи веднаш по донесената одлука за поништување на одлуката за прием на Онишченко во државјанство на Република Македонија, информира владината прес-служба.

The post Онишченко нема веќе македонско државјанство, Владата го поништи appeared first on Република.

Треба да постои одговорност и таа да се лоцира. Сериозно треба по овој случај, да се размисли и во делот на доделувањето таков вид државјанство, во „Само интервју“ на Канал 5 телевизија, изјави министерот за внатрешни работи Оливер Спасовски во врска со случајот со украинскиот државјанин Олександер Онишченко, кој иако бил на црната листа на САД, сепак, добил македонски пасош.

Спасовски информира дека е готов извештајот на МВР и тој ќе биде доставен до претседателот на Собранието и до надлежното Обвинителство. Според него, има и технички пропуст, што не е од сега, туку е од многу од поодамна.

Се прибираат уште докази и ќе ги видиме насоките што ќе бидат дадени, во делот на Јавното обвинителство. Јас се сомневам дека е можно да биде искористен тој практично технички проблем во системот за да може нешто вакво да се случи. Ние имаме извештај и во извештајот посочуваме одредени работи што треба да бидат превземени, а ќе видиме секако и според насоките на Јавното обвинителство и понатаму да се продолжи во собраниската Комисија во која ќе треба да се дебатира, појасни Спасовски.

Тој прецизира дека МВР нема надлежност да дава позитивно мислење, туку во други постапки во делот на државјанството тоа го прави Одделот за управни работи. Тој додаде дека во ваков случај, одлука носи Владата врз основа на сите мислења што се потребни во овој дел.

Мојот став секогаш на Влада бил многу јасен и концизен дека не смее да се даваат државјанства, иако се има дискреционо право за тоа да се добива државјанство ако имаме негативни мислења без разлика од каков тип. Меѓутоа сериозно сметам дека треба да се разговара на оваа тема и во однос на укинувањето на таква можност за добивање државјанство, изјави Спасовски.

Тој забележа дека не може стратешкото партнерство со САД да се нарушува по ниту една цена, кога оваа земја најмногу не поддржуваа од нашата независност досега.

Најмногу ни помогнаа да ги развиваме капацитетите и најмногу вложија во институциите да бидат функционални, рече Спасовски.

На прашањето дали во овој случај се работи за корупција или можеби за руско влијание во нашите служби, министерот Спасовски одговори дека тоа ќе мора да го покаже внатрешната истрага што ја прави АНБ и тие ќе излезат со свои аргументи и факти.

Целиот овој случај треба да се заврши до крај. Да се расчистат овие состојби, со цел да не се остава ниту една дамка. На крајот од краиштата, секој еден што смета дека некој друг интерес му е поважен од интересот на државата, нему не му е место во безбедносниот сектор, посебно не во АНБ, рече Спасовски.

The post Спасовски: Извештајот на МВР за Онишченко е готов и ќе биде доставен до Собранието и до ЈО appeared first on Република.

По реакцијата на од американската амбасада за доделеното македонско државјанство за украинскиот контроверзен политичар Олександр Онишченко, со реакција се огласи и евроамбасадорот Дејвид Гир.

Тој порача дека одговорните треба да бидат изведени пред лицето на правдата.

Само што отворивме прелиминарни преговори, а во срцето на тие преговори е пред сè да се соочиме со законот, но и да ја спречиме корупцијата. Но, нешто што е од особена важност за овие реформи е што и Владата и опозицијата заеднички работат на спроведување на европската агенда. Секоја институција, ако види дека некој сторил кривично дело, мора да го изведе пред лицето на правдата, мора да биде независна во тој процес, а во крајна линија во овој пристапен процес, тоа е нашиот фокус“, изјави Гир при промоција на проектот „Clean AirDrom – нула цврст отпад во Општина Аеродром“

Потпретседателот на ВМРО-ДПМНЕ, Тимчо Муцунски, изјави дека случајот со Онишченко докажува дека тајните служби не работат како што треба, туку за остварување на нечии лични интереси.

По објавувањето на скандалот со Онишченко, кој се наоѓа и на американската црна листа, Владата покрена постапка за одземање на државјанството.

The post Евроамбасадорот Гир за „Онишченко“: Ако некој сторил кривично дело, мора да одговара пред лицето на правдата appeared first on Република.

Потпретседателот на ВМРО-ДПМНЕ, Александар Николоски за „Тема на денот“ во дневникот на Сител ТВ истакна дека за случајот Онишченко е прекршен законот кој вели мора да се направат безбедносни проверки и да се направи интервју со лицето, а тој само два дена бил претходно во Македонија и како што додаде има и други вакви случаи, затоа потребно е министерот Спасовски да си даде оставка.

Ова воопшто не е наивен случај, ниту е се случајно. Имено за било кое лице да добие државјанство кое не е родено во Македонија мора да се направат безбедносни проверки, но и интервју со лицето, а за да се направи тоа тој мора да е физички присутен во државата. Онишченко вкупно во Македонија пред да добие државјанство, а тоа го добива на 31 мај 2022 година, бил само два дена во Македонија, во декември 2020 година и во април 2022 година, а државјанство добива мај следна година. Во периодот измеѓу не бил присутен што значи прекршен е законот кој вели мора да се направи безбедносна проверка, но исто така и разговор односно интервју, рече Николоски.

Николоски потсети дека и самата влада кажа дека има пропусти заради неточни податоци и тоа е одговорност на МВР.

Потписот е спротивен на неговото име кое е на О, а потписот на А, веројатно свесен дека прави нешто на работ на законот и затоа покрај одговорност на директорот на АНБ одговорност мора да поднесе и министерот за внатрешни работи и премиерот, потенцираше Николоски.

Николоски истакна дека има и уште неколку вакви спорни случаи за кои не е направена безбедносна проверка, во случен период и со слично прескокнување на процедурата.

Според мои сознанија кои се кредибилни има уште неколку други случаи на издавање на државјанство на случен случај како Онишченко кои се исто така спорни за кои исто не е направена безбедносна проверка и само покажува силна ерозија во рамки на безбедносните служби. Се работи за 4 други пасоши дадени на лица со спорно или криминогено минато. Ова е надвор од скандалот за 215 пасоши за нарко босови.

Николоски потсети дека на црна листа на САД не се става никој случајно и тука се навлегло во длабок криминал и основната причина зошто ова се случува е неспособност или криминал

Во врска со директорот на АНБ, Николоски вели дека малце доблест да има Виктор Димовски треба да се повлече од заминување за амбасадор и со кој ум владата и претседателот Пендаровски планираат да го пратат за амбасадор во Франција.

The post Има уште вакви случаи: Онишченко бил во земјава вкупно два дена и му дале државјанство appeared first on Република.

Нема конкретен рок кога Владата ќе му го одземе државјанството на прорускиот олигарх Олександар Онишченко, пренесува „Алсат“. Според премиерот Димитар Ковачевски, истрагата ќе треба да докаже во кои ситуации Онишченко го прекршил членот 14 од Законот за државјанство. На затворената седница на Владата, директорот на АНБ ја објаснил целата процедура, но бидејќи средбата била од затворен карактер, информацијата не може да се сподели со јавноста.

Премиерот ја повика собраниската Комисија за надзор над работата на АНБ и Агенцијата за разузнавање да се вратат на работа, а МВР да истражи како се случи затвореното излагање на Димовски во Комисијата да се пренесува во живо на Јутјуб.

The post Не се знае кога Владата ќе му го одземе државјанството на Онишченко appeared first on Република.

Украинскиот олигарх Олександр Онишченко имал намера да купи банка во Македонија.

Тој за „Слободен печат“ вели дека бизнисот со гас не го интересира, но сега се двоуми дали воопшто да продолжи со отпочнатата постапка за регистрирање фирма, откако Владата одлучи да му го одземе државјанството кое го добил на 31 мај годинава.

Никаков енергетски бизнис не ме интересира. Имав некои планови да купам банка во Македонија, ама нема да купам, ако вака одат работите и понатаму. Јас сега се занимавам само со финансиски бизнис, не се занимавам веќе со енергетскиот – изјави Олександр Онишченко.

The post Сакав да купам банка во Македонија, ама сега не купувам: Онишченко веќе не го интересира енергетскиот бизнис appeared first on Република.

За 20 дена од денеска Агенцијата за национална безбедност ќе има нов директор. Вчера, Владата одржа затворена седница на која директорот информираше за случајот со добивањето на македонско државјанство на Украинецот Олесандар Онишченко. Не сум во можност да ви дадам повеќе информации бидејќи седницата беше затворена. Имаше соопштение од страна Владата во врска со заклучокот за одземање на државјанството, истакна денеска на собраниската седница за поставување пратенички прашања премиерот Димитар Ковачевски.

Ковачевски одговараше на прашање на пратеникот Антонио Милошоски од ВМРО-ДПМНЕ кој го праша дали во овие пет месеци откако е премиер знаел за Онишченко, односно дали директорот на АНБ Димовски го информирал.

Откако премиерот не одговори директно на прашањето, пратеникот Милошоски рече дека Ковачевски морал да биде информиран дека му е доделено државјанство на Онишченко, посочувајќи дека тој е четврти на црната листа на САД, посочен како разузнавач на рускиот претседател Владимир Путин.

Онишченко, според Милошоски, има воспоставено врски во земјава уште кога Зоран Заев беше премиер за да носи гас. Тоа, како што кажа, го знаел Ковачевски, но не смее да каже поинаку.

https://republika.mk/vesti/makedonija/vlasta-barala-onishchenko-da-im-donese-medal-na-olimpijada-sega-e-iznenaden-shto-sakaat-da-mu-go-zemat-pasoshot/

The post Koвачевски не одговори дали врските со Онишченко се од времето на Заев appeared first on Република.

„Нема измама, ниту еден грам“-изјавил украинскот бизнисмен за „Слободен печат“ по најавите дека власта на СДСМ и ДУИ сакаат да му го одзмемат пасоошот и државјанството.

– Не знам што да кажам. Побараа од мене да ја претставувам Македонија и да помогнам во подготовката за Олимписките игри  рекол Онишченко за „Слободен печат“.

Владата најавува дека ќе му го одземе државјанството на украинскиот бизнисмен Онишченко со тврдење дека лажел за своите податоци.

Објаснувењто е дека  дека преку МВР ќе биде покрената постапка со користење на членот 14 од Законот за државјанство кој остава можност во вакви случаи да се поништи државјанството и пасошот.

Сепак, оние најповиканите директорот на АНБ Виктор Димовски и министерот за внатрешни работи Оливер Спасовски не гледаат кај себе никаква вина и не размислуваат за оставки.

The post Власта барала Онишченко да им донесе медал на Олимпијада, сега тој е изненаден што сакаат да му го земат пасошот appeared first on Република.

Владата најавува дека ќе му го одземе државјанството на украинскиот бизнисмен Онишченко со тврдење дека лажел за своите податоци. Објаснувењто е дека  дека преку МВР ќе биде покрената постапка со користење на членот 14 од Законот за државјанство кој остава можност во вакви случаи да се поништи државјанството и пасошот.

Опозицијата пак смета дека овој скандал го подбива целиот безбедносен систем и институциите во државата и го руши кредибилитетот на Агенцијата за национална безбедност, директорување на Виктор Димовски и министерот за внатрешни работи Оливер Спасовски.

Скандалозно е тоа што скоро две недели, институциите во државата не можат да откријат како Онишченко добил македонско државјанство, а премиерот Ковачевски наместо да побара одговорност од Димовски и веднаш да го разреши го испраќа за амбасадор во Франција-велат од ВМРО-ДПМНЕ.

Оттаму напоменуваат дека се потребни се промени и функционални институции кои ќе гарантираат за безбедноста на граѓаните и почитување на уставниот поредок на државата.

The post Власта сака да му го одземе државјанството на Онишченко, но од Спасовски и Димовски не се откажува appeared first on Република.

Согласно членот 14 од Законот за државјанство, Владата денеска побара да започнат активности за поништување на решението за прием во државјанство на Македонија за лицето Олександер Онишченко, информира владината прес-служба.

Владата го иницираше барањето за одземање на државјанство на Онишченко, по одржаната владина седница на којашто Агенцијата за национална безбедност информираше за случајот, се додава во соопштението.

Украинскиот државјанин Онишченко, кој се наоѓа на „црната листа“ на САД поради неговите врски со руските власти, доби македонско државјанство како спортист во еквестријан на предлог на Коњичката федерација. Одлуката за доделување македонско државјанство на Онишченко ја донесе Владата, по добиено позитивно мислење од сите надлежни институции.

Според претходните најави, денеска на затворена владина седница за случајот со доделувањето на македонско државјанство на Онишченко, извештај требаше да поднесе директорот на Агенцијата за национална безбедност, Виктор Димовски.

Премиерот Димитар Ковачевски вчера изјави дека мора да се утврди одговорност за случајот. Тој потсети дека државјанството било издадено врз основа на четири позитивни мислења доставени на седница на Влада од четири различни институции.

Според Ковачевски, одговорност за случајот мора да има и оти тоа е работа на анализата, односно истрагата која што веќе и се спроведува. Во АНБ, според медиумите, се суспендирани двајца службеници поради пропуст во проверката на Онишченко

The post Владата иницира одземање на државјанството на Онишченко appeared first on Република.

Двајца припадници на Агенцијата за национална безбедност, кои се дел од одделот за стратешка соработка, се суспендирани поради случајот со украинскиот бизнисмен Олександр Онишченко, неофицијално дознава „Фокус“. Станува збор за началничката и вработен во секторот. За суспензијата ќе одлучува дисциплинска комисија во АНБ затоа што во агенцијата веќе подолго време нема раководител за внатрешна контрола. Поради овој недостаток никој не може да покрене одговорност и на првите луѓе на АНБ, пишува МКД.мк.

Директорот на АНБ Виктор Димовски реферираше на седница на матичната собраниска комисија дека службеник не ја извршил потребната меѓународна консултација со НАТО-партнерите пред да даде согласност дека нема безбедносен ризик.

https://republika.mk/vesti/makedonija/abe-koj-go-prashuva-nato-pishi-da-vaka-onishchenko-go-pominal-i-posledniot-bezbednosen-filter-na-anb/

The post Суспендирани двајца припадници на АНБ за случајот „Онишченко“ appeared first on Република.

Среде лето Олександр Онишченко, Украинец со богато корупциско досие кое содржи и влијание со дезинфомации врз американските избори, бил во Македонија и ветувал дека ќе донесе олипмиски медал, се открива во новата „КОД“. За емисијата од Македонскиот олимписки комитет велат дека барањето за државјанство е поднесено пред две години кога спортското досие му било чисто, а немало информации за други контроверзи околу него.

Од АНБ вината ја посочија кон еден началник преземен од поранешната УБК, но, КОД во своето вечерашно продолжение укажува на можните грешки на тајната служба и што можеле агентите на АНБ да сторат за да се осигураат во проверката на безбедносниот профил на коњаникот Онишченко.

Во КОД за разузнавачките контроверзи на Онишченко и каква фирма сакал да формира во Македонија.

Видео тука

The post Онишченко ветувал олимписки медал и планирал фирма за трговија со енергенси appeared first on Република.

Нема да отстапам од барањето одговорност за направениот пропуст. Одговорот за причините ќе ги даде истрагата што треба да се спроведе во АНБ и соодветниот извештај. Штом ќе има извештај, мора да има и одговорност за тоа што е направено, изјави премиерот Димитар Ковачевски во врска со случајот „Онишченко“ за доделувањето македонско државјанство на Украинецот Олександар Онишченко, кој е на црната листа на САД.

Одговарајќи на новинарски прашања, Ковачевски истакна дека не е само непријатно изненаден, туку и „огорчен од начинот на којшто лице што е на црната листа на Соединетите Американски Држави, наш стратешки партнер, ги има добиено сите позитивни мислења за добивање државјанство на Македонија“.

Обврска на Агенцијата на национална безбедност е да спроведе сеопфатна истрага, внатре, во своите редови, во однос на тоа како е спроведена постапката и за тоа да ја информира Владата, секако на затворена седница, бидејќи се работи за сензитивни информации, порача Ковачевски.

The post Ковачевски за „Онишченко“: Мора да има одговорност по истрагата во АНБ appeared first on Република.

Министерот за внатрешни работи Оливер Спасовски вечерва во дебатниот магазин „Click Plus“ на ТВ21 го искажа својот став околу скандалот кој ја тресе Агенцијата за национална безбедност.

Спасовски вели дека тоа е настан кој го урива кредибилитетот на државата и на Агенцијата за национална безбедност.

Втора работа нашето стратешко партнерство со САД не ни дозволува да има состојби во кои што ќе се доведеме во една ваква позиција, без разлика на сите други аспекти кои што ги гледаме. Трета работа – не е ниту изјава, ниту тврдење мое дека не станува конкретно за криминал. Јас реков дека не мора да значи дека доколку се наоѓа на нечија црна листа дека е криминалец или за криминал, знаете дека наоѓањето на такви листи се од икс причини, вели Спасовски.

Спасовски ја објасни и процедурата за носење на вакви одлуки, а порача и дека ќе има санкции.

Ќе видиме, треба да ги провериме сите аспекти. Ќе разговараме на седница на Влада. Постои постапка и таа не се носи за еден ден, но постојат механизми кои можат да одговорат на предизвиците, рече министерот за внатрешни работи Оливер Спасовски, одговарајќи на прашањето дали ќе му биде одземено државјанството на Украинецот Олександр Онишченко кој се наоѓа на црната листа на САД.

Спасовски вели дека се случуваат пропусти, но важно е да има одговорност.

„Многу е важно стратешкото партнерство кое го имаме изминатите 30 години, пред се со САД, да биде сочувано. Пред се, САД премногу вложија во безбедноста на Македонија“, додаде Спасовски.

Спасовски уверува дека случајот со доделеното државјанство на контроверзниот Олександр Онишченко нема да ја наруши безбедноста на земјата.

На првиот полицаец не му е јасно зошто контроверзниот Украинец Олександр Онишченко барал македонско државјанство кога живее во Германија со уредни документи.

„Ќе се потврди тоа, не може да остане по страна во овој дел“, вели Спасовски.

Постапката спроведена во Агенцијата за национална безбедност за случајот со контроверзниот олигарх Олександар Онишчеко, засега покажала дека лицето задолжено да го направи последното ниво на проверка со консултација со НАТО не си ја извршило задачата.

Директорот на Агенцијата за национална безбедност Виктор Димовски истакна дека истрагата за ова ќе продолжи за да се утврди дали станува збор за пропуст само на едно лице или не како и тоа дали тој пропуст е случаен или намерен пропуст, за што најавува дека ќе бидат преземени мерки.

За тоа дали случајот со Онишченко ги амнестира другите нивоа во АНБ од одговорност министерот за внатрешни работи вели дека постои процедура и според неа се прават тие проверки.

„Секој на своето ниво на проверка, тој што е за теренско ниво има луѓе кои се одговорни и тие ги ставаат потписите за тоа што тие провериле. Секој еден кој што прави проверка потврдува за таа проверка со неговиот потпис“, додава Спасовски.

The post Спасовски: Случајот Онишченко го урива кредибилитетот на државата и на АНБ appeared first on Република.

Скандалот со пренесување во живо на тајната сесија на Комисијата за надзор на службите за безбедност не е единствената драматична работа која се случила денеска за време обидот да се дознае кој и зошто одобрил македонски пасош за човек на Путин.

https://republika.mk/vesti/makedonija/namesto-zad-zatvoreni-vrati-svedochenjeto-na-dimovski-za-pasoshot-na-onishchenko-odel-vo-zivo-na-jutjub/

Извори во една политичка партија тврдат дека на настапот пред Комисијата директорот на АНБ Виктор Димовски одговорноста за пасошот за Александар Онишченко кој е на црната листа на САД ја префрлал кај министерот за внатрешни работи, пренесува Експрес.мк.

https://republika.mk/vesti/makedonija/abe-koj-go-prashuva-nato-pishi-da-vaka-onishchenko-go-pominal-i-posledniot-bezbednosen-filter-na-anb/

Во СДСМ веќе извесно време се води тивка војна помеѓу две фракции за превласт во АНБ. Ковачевски сака да воспостави целосна контрола, но очигледно од внатре добива отпор. Шпекулациите се дека втората фракција ја раководи Оливер Спасовски.
Штетата од караниците во СДСМ е очигледна.

https://republika.mk/vesti/makedonija/nikoloski-shpionski-igri/

The post АНБ го вперува прстот во МВР: Државјанството на Онишченко е ескалација на судирот меѓу Димовски и Спасовски?! appeared first on Република.

Интерната постапка за евентуален пропуст за случајот „Онишченко“  констатира дека не е испочитувано последното ниво од безбедносната проверка и не била направена консултација со НАТО партнерите пред да се даде позитивно мислење. Лоциран е прстенот и поединецот што го ставил потписот и ќе се преземе одговорноста, информира денеска директорот на Агенцијата за национална безбедност Виктор Димовски.

Димовски, посочи дека чекањето за реферирање за случајот, било поради тоа што требало да се почитуваат и следат институционалните норми и да се истражи ако затаил, каде и зошто затаил системот за национална безбедност.

Безбедносната проверка пред издавање позитивно мислење за издавање на пасош на некое лице, Димовски појасни дека се прави на неколку нивоа и дека се потребни потписи од десет припадници на Агенцијата за национална безбедност.

Констатиравме дека последното ниво кое требало да направи консултација со НАТО партнерите, дало позитивно мислење, но тоа не го направило. Лоциран е прстенот и поединецот што го ставил потписот и ќе се преземе одговорноста, изјави Димовски, по седницата на собраниската Комисија за надзор над работата на Агенцијата за национална безбедност (АНБ) и на Агенцијата за разузнавање (АР).

Тој нагласи дека истрагата ќе продолжи, со цел да се утврди дали станува збор за изолиран случај или не.

Испитуваме дали станува збор за изолиран случај или не. Дали се работи за пропуст или некој намерен или лукративен интерес. Не сакаме заради ваков случај, она што е сторено со макотрпна работа во изминатиот период да пропадне. Во зависност од тоа ќе се утврди дали ќе заврши со дисциплинска или кривична одговорност, изјави Димовски.

Димовски не го откри името на лицето, но посочи дека во сите четири сектори работат лица со безбедносни сертификати.

Прашан дали чувствува лична одговорност како директор на АНБ, Димовски рече тој не оди никаде и останува тука.

Ако се процени дека има пропуст и директна одговорност од моја страна, јас кажав нема да патувам ниту во Будимпешта, ниту во Охрид да менувам место на живеење. Јас ќе бидам тука, изјави Димовски.

Димовски посочи дека ќе инсистира на собраниската Комисија да се разговара и за тоа дека случајот Онишченко, се појави во исто време и со обвинувањата дека Агенцијата ги користи средствата за следење на политичката опозиција.

Се сакаше да се покаже дека Агенцијата влегла во чевлите на поранешниот субјект УБК и дека го прави истото, кога за жал, прислушуваа во подолг временски период повеќе од 20 илјади граѓани на нашата земја, изјави Димовски кој нагласи дека негов интерес е докрај да се расчисти случајот и ќе инсистира тоа да се направи.

Тој посочи дека е интересно зошто денес претставниците на опозицијата не го поставија тоа прашање и дали тоа може да се доведе во корелација со предизвикувањето инцидент да се прекине седницата за, како што вели, да добијат уште неколку дена за евентуално да се види што е тоа што сакал да го каже. 

Јас ќе го кажам сега. Немам намера да чекам затоа што тоа не е точка на Комисијата и излезе во медиумите дека Агенцијата, подолго време излегуваше и се креираше атмосфера дека некој следи политички партии, активности, слика, снима, прислушкува  итн. Јас со нетрпение очекував да излезат со некој комплетен аргумент. Зошто? Затоа што знам дека тоа не се прави. Нема дадено наредба во овие три и пол години предмет на интерес на Агенцијата не е ниту една партија која е дел од политичката опозиција, па ниту поединец, рече Димовски.  

Тој образложи дека било објавено во медиумите дека тројца оперативци на АНБ престојувале во Прилеп во исто време кога таму престојувал лидерот на политичката опозиција. Со објавена фотографија на возилото со делумно прецртан регистарски број и иницијали и малку повеќе од иницијалите на тројцата оперативци, што, како што нагласи, претставува оддавање класифицирана информација.

Тоа е направено од припадник на таа политичка партија, кој долги години бил во безбедносните структури и кој сега е заменик-претседател на оваа комисија. За тоа сме во консултации, во договор, во разговор на надлежните органи закривично гонење и се надевам дека тие ќе завршат и ќе се одлучи за натамошната судбина на овој случај на оддавање на класифициран информации, рече Димовски.  

За конкретниот случај од Агенцијата биле преземени одредени мерки и констатирано е дека станува збор за поранешен припадник на поранешната УБК а сега припадник на МВР, кој го искористил моментот, го фотографирал возилото и најверојатно тоа ќе се потврди, го проследил на некои други нивоа кои тоа го искористиле да го објават. Додаде дека е иницирана соодветна постапка, и дека надлежните органи за кривично гонење – МВР и ЈО, веќе тече постапка и дека многу скоро ќе излезат со информација каков е случајот, какви докази се обезбедени и зошто наведената структура го правела тоа.  

Според него, индикативно е што во медиуми почнало да се актуелизира прашањето за тоа кој треба да сноси одговорност во врска со овој случај и дали е тоа директорот на АНБ, како и дали тоа може да се рефлектира евентуално на неговата идна политичка, дипломатска кариера. Прашањето вели е легитимно, но Димовски го проблематизира човекот кој го актуелизирал ова, за кој вели „излезе дека се работи за поранешен министер во едно од поранешните влади, за сегашен актуелен член на оваа куќа и за човек кој води една од најважните комисии, а откако ја провериле проверката виделе дека има одредени многу важни податоци изоставени, за одредени санкционирања  во една земја членка на ЕУ во поглед на многу интересни кривични прекршоци“.  

Понатаму што ќе се одлучува во однос на тој предмет и на останатите предмети каде што се направени одредени пропусти дополнителен ќе ве информираме. Како и да е зборувам за тоа ако сте спремни да вперите прст во некого дали има морален интегритет  кредибилитет итн. Да обвинувате дека  употребил службена положба затоа што потпишал предмет потпишан од 10 припадници на Агенцијата од кој еден не си ја завршил работата, а во исто време против вас се води судски процес за измама и злоупотреба на службена положба пред надлежните судови, треба да имате малку образ тоа да го направите, рече Димовски.  

Прашан во врска со инцидентот денеска за време на седницата на собраниската Комисија за надзор на работата на АНБ и на АР која иако беше затворена за јавност, неговиот отчет за случајот „Онишченко“ одел тонски во живо на Јутјуб каналот на Собранието, Димовски рече дека е тоа во надлежност на безбедносните служби во Парламентот.

Ние се наоѓаме во  Парламентарниот дом како и вие, јас сум гостин овде. Јас ја почитувам независноста на Паралментарниот дом. Значи одговорноста за безбедносната во Парламентарниот дом си ја носат структурите, раководителите тука и веќе се преземени мерки да се види што се случило, како, и зошто тоа се случило и евентуално да се утврди одредена одговорност. Ќе оставиме Собранието да си ја заврши работата, изјави Димовски.

На барање на претседателот на Собранието Талат Џафери претседателот на Комисијата за надзор над работата на АНБ и на АР, Љупчо Пренџов ја прекина комисиската работа „се додека не се истражи што се случувало на денешната седница на ова собраниско тело“.

The post „Абе, кој го прашува НАТО, пиши ДА“: Вака Онишченко го поминал и последниот безбедносен филтер на АНБ appeared first on Република.

Наместо зад затворени врати, отчетот на директорот на Агенцијата за национална безбедност Виктор Димовски се емитувал во живо на јутјуб на Собранискиот канал.

Димовски побарал неговиот отчет пред собраниската Комисија за надзор над работата на Агенцијата за национална безбедност, свикана за евентуалните пропусти при давањето на македонско државјанство на Украинецот Олександр Онишченко да биде затворена за јавноста поради тоа што материјалите што треба да ги презентира се класифицирани безбедносни документи.

Дека работата на Комисијата оди вио живо забележале и пратениците во пленарната сала, но и новинари кои биле присутни.

На говорницата на Собранието пратеникот Павле Трајанов праша зошто затворената седница, на која Димовски презентираше доверливи документи била емитувана во живо на Јутјуб на Собранискиот канал.

Токму поради тоа спикерот на парламентот Талат Џафери побара да се испита случајот, а дотогаш Комисијата за надзор на работата на АНБ и на АР да не продолжува со работа.

Симптоматично е што салата во која Димовски даваше отчет важи дека нема технички услови за пренос на состаноците, пишува Независен.

По излегувањето од салата, Виктор Димовски коментираше дека ако имало пренос во живо тоа не е во негова надлежност, бидејќи тој е само гостин во Собранието и организацијата е во надлежност на самите собраниски служби.

https://republika.mk/vesti/makedonija/viktor-dimovski-kje-bara-odgovornost-za-pasoshot-na-onishenko/

The post Наместо зад затворени врати, сведочењето на Димовски за пасошот на Онишченко одел во живо на Јутјуб appeared first on Република.