Претседателот на Украина, Володимир Зеленски потпиша указ за замрзнување на имотот на поранешниот претседател Виктор Јанукович и рускиот бизнисмен Олег Дерипаска.

Во документот објавен на веб-страницата на Зеленски, се прецизира дека се работи за привремено блокирање на имотот на 10 години.

Се наведува дека со оваа мерка се опфатени и членот на Комитетот на рускиот сојуз на индустријалци и претприемачи Павел Лебедев и сопственикот на групацијата компании Гас Украина Сергеј Курченко.

Украинските медиуми претходно овој месец објавија дека Советот за национална безбедност и одбрана на Украина одобрил список на санкции, на кој, меѓу другите, се вклучени бизнисмените Евгениј Пригожин, Олег Дерипаска, Роман Абрамович, украинскиот опозициски политичар Виктор Медведчук и неговата сопруга Оксана Марченко, поранешна украински претседател Виктор Јанукович и неговиот син Александар, како и патријархот Московски и на цела Русија Кирил.

The post Блокиран имотот на Дерипаска и Јанукович во Украина appeared first on Република.

Се поголем број руски тајкуни се вртат против претседатателот Путин поради војната во Украина.Тие не сакаат да губат секојдневно милиони долари поради војната во Украина и бараат начин да го убедат да ја прекине.

Владимир Лишин, лидерот на еден од четирите најголеми производители на челик во Русија, го критикуваше предлогот да се принудат странците да плаќаат исклучиво во рубљи преку суровини.

 Владимир Потанин, сопственик на компанијата за ископување никел и паладиум Норникел и еден од архитектите на приватизацијата во 1990 година во Русија, предупреди дека предлозите за запленување на имотот на компаниите кои ја напуштиле Русија поради војната ќе ја уништат довербата на инвеститорите

Бизнис магнатот Олег Дерипаска ја нарече војната во Украина луда и предвиде дека економската криза што ја погоди Русија поради санкциите ќе биде полоша од онаа што ја погоди земјата во 1998 година. Покрај тоа, тој тврди дека економската политика на Путин не резултирала со раст на руската економија и платите. Тој исто така рече дека Русија уште долго ќе се срами од војната во Украина, но додаде дека за тоа е подеднакво виновен и Западот.

Милијардерот Михаил Фридман, основачот на најголемата руска приватна банка Алфа банка, со богатство од 12,2 милијарди долари, на почетокот на војната излезе со реченицата дека предизвикувањето конфликт во Украина е трагедија и крвопролевање

Олег Тинков, основач на Tinkoff Bank, со богатство од 8,2 милијарди долари, го опиша конфликтот во Украина како незамислив и неприфатлив.

The post Oвие руски милијардери му вртат грб на Путин appeared first on Република.

Вила во Лондон, наводно во сопственост на членови на семејството на рускиот милијардер Олег Дерипаска, е окупирана од демонстранти кои се противат на војната во Украина.

Како што пишува „Блумберг“, групата демонстранти влегле во домот на Белгрејв Сквер - една од најбогатите области во градот - во 1 часот по полноќ.

Планираме да останеме во имотот додека не заврши војната и додека бегалците кои излегуваат од Украина не бидат сместени - вели член на групата, кој одбил да го каже своето име.

На прозорците на зградата се закачени украинско знаме и транспаренти, меѓу кои има и еден со натпис „Овој имот е ослободен“. Демонстрантите велат дека биле инспирирани од Нестор Махно, кој ја предводел украинската анархистичка армија во 1917 година.

https://twitter.com/BloombergUK/status/1503348457557344259?ref_src=twsrc%5Etfw%7Ctwcamp%5Etweetembed%7Ctwterm%5E1503348457557344259%7Ctwgr%5E%7Ctwcon%5Es1_&ref_url=https%3A%2F%2Fwww.slobodenpecat.mk%2Fvila-na-ruski-milijarder-vo-london-okupirana-od-ukrainski-poddrzhuvachi%2F

Министерот Мајкл Гоув ја изнесе идејата за користење на домовите на санкционираните Руси за сместување на украинските бегалци. Дерипаска беше санкциониран од Велика Британија минатата недела, откако земјата ги заостри ограничувањата за Русите од висок профил.

Полицијата го опколи имотот, а повеќе од 30 полицајци се на местото на настанот.

https://twitter.com/nexta_tv/status/1503318710907506689?ref_src=twsrc%5Etfw%7Ctwcamp%5Etweetembed%7Ctwterm%5E1503318710907506689%7Ctwgr%5E%7Ctwcon%5Es1_&ref_url=https%3A%2F%2Fwww.slobodenpecat.mk%2Fvila-na-ruski-milijarder-vo-london-okupirana-od-ukrainski-poddrzhuvachi%2F

The post Поддржувачи на Украина окупираа вила на руски милијардер во Лондон appeared first on Република.

Рускиот тајкун Олег Дерипаска денеска рече дека е време да се стави крај на „сиот овој државен капитализам“ и да се сменат политиките, бидејќи економијата на земјата се повлекува од ефектите на западните санкции поради нападот на Москва врз Украина.

-Неопходно е да се промени економската политика, неопходно е да се стави крај на овој државен капитализам, рече Дерипаска на апликацијата за пораки Телеграм. Тоj побара „објаснувања“ од официјалните лица за тоа што ќе се случи со економијата во следните три месеци.

Дерипаска е најпозатиот руски олигарх Тој е основач на Основниот елемент, една од најголемите индустриски групи во Русија и Волоне Дело, најголемата добротворна фондација во Русија. До 2018 година тој беше претседател на Ен+ Груп, руска енергетска компанија, и до 2018 година беше на чело на Јунајтед Компанија Русал, втората по големина алуминиумска компанија во светот.

Тој беше во брак со Полина Јумашева, внука на поранешниот руски претседател Борис Елцин и ќерка на Валентин Јумашев, зет и близок советник на Елцин. Тие се разведоа во 2017 година. Има 53 години и тежи четири милијарди долари.

The post Рускиот тајкун Дерипаска кој тежи четири милијарди долари прашува што ќе се случува со економијата appeared first on Република.