Во Делчево се поголем е бројот на млади вљубеници во олдтајмерите. Еден од оние кои ја наследиле љубовта кон олдтајмерите е гимназијалецот Никола Тодоровски кој веќе две години инвестира во реставрација на својата „Застава 101“, која му останала како спомен од неговиот дедо.

Автомобилот е од 1977 година, мојот дедо е прв сопственик. Ја зедов од него пред три години, а лани ја реставрирав. Има добро возење, со италијански мотор е, има уште некои поправки што треба да се завршат, вели младиот Никола, кој додава дека му претставува задоволство повременото дружење со членовите на олдтајмер клубот од Делчево.

Клубот ,,Kings of the roads" во кој членува Никола, брои околу 60-тина членови, а според претседателот на делчевското здружение Лоренцо Трајановски, радува фактот што се повеќе млади се приклучуваат кон клубот.

И нас не радува што има се повеќе млади вљубеници во старите автомобили кои сакаат да ни се приклучат. Од наша страна им даваме совети за она што им е важно. Со младите можеме да кажеме дека броиме околу шеесетина членови иако бројката дополнително ќе биде регулирана по потпишувањето на пристапници, вели Трајановски.

За делчевските вљубеници во олдтајмерите најголем проблем се регистерските таблички. Најавениот закон за менување на табличките не им оди во прилог, бидејки како што додават на запад олдтајмерите имаат посебен третман, а овде доколку те затекнат со нерегистирани кола казните се големи. Не одбиваат да платат одредена сума на пари, но потенцираат дека потребно е олеснување при регистрирањето на ваквиот вид возила.

Трајановски на дружење со своите членови информираше дека традиционалната изложба на олдтајмери во Делчево наречена „Ретро кар шоу“, кое секоја година се организира околу Велигденските празници, годинава е презакажана за август.

Поради дождот многу пати во април имавме проблеми со временските услови, што беше причина многу учесници да не можат да дојдат. Оваа година одлучивме тоа да биде август,  а друга причина е инсистирањето на нашите иселеници кои сакаат да го направиме настанот кога тие се тука. Затоа денес пред велигденски сме собрани да се видиме после подолго време и да го дефинираме точниот датум на одржување на изложбата на олдтајмери, подвлече Трајановски.

The post Популарноста им расте: „Стокецови“ шибаат низ Делчево appeared first on Република.

Поранешниот словенечки претседател Борут Пахор го продава својот автомобил Рено 4 стар 32 години и сите пари да ги подари на децата што се борат со ракот.

„„Катра“ за добра цел“ е слоганот под кој Пахор објавува како тече ауцијата. Засега највисоката понудела цена за олдтајмерот од 1991 година, кој е во одлична состојба, понудил извесен Миха Пишкур, кој на децата болни од рак сака да им помогне со 40.000 евра. Сепак, до 15 февруари, додека трае аукцијата, се очекува „Катра“ да достигне и повисока цена со оглед на тоа дека има заинтересирани, а и парите одат во хумани цели.

Катра е стара 32 години. Моја љубов беше повеќе од 20 години. Сега ќе се разделиме, но нашата разделба нема да биде тешка. Парите што ќе ги добијам ќе им ги дадам на децата кои се борат со рак, порачал Пахор кога објавил дека го продава возилото.

 

View this post on Instagram

 

A post shared by Borut Pahor (@borutpahor)

Автомобилот има сертификат дека е олдтајмер и дека успешно го минал техничкиот преглед.

 

View this post on Instagram

 

A post shared by Borut Pahor (@borutpahor)

Како тече аукцијата и колкава цена ќе достигне „Катра“ можете да следите на Инстаграм профилот на поранешниот словенечки претседател.

The post Поранешниот словенечки претседател го продава олдтајмерот на аукција, парите ќе ги донира за децата болни од рак appeared first on Република.