Повеќе од 500 оклопни возила на израелските одбранбени сили (ИДФ) се оштетени за време на операциите во Појасот Газа од почетокот на војната минатиот октомври, објави израелскиот весник „Маарив“. Според весникот на хебрејски јазик, десетици од овие возила се целосно повлечени од употреба.

За да се справи со загубите, ИДФ формираше два логистички центри во Газа за поправка на возилата оштетени во борбите со движењето Хамас и другите палестински вооружени фракции во Појасот Газа.

Израел ја нападна Газа по ненадејниот напад предводен од Хамас на 7 октомври, во кој загинаа околу 1.200 Израелци и беа заробени повеќе од 200 други. Оттогаш, повеќе од 37.000 Палестинци се убиени, а речиси 90.000 се ранети во палестинската енклава.

За израелските војници одговорни за транспортот на возилата се вели дека се физички и психички уморни. Ако бидат повикани да го окупираат јужен Либан, тие ќе бидат таму, но не во најдобра состојба, вели „Маарив“ во својот извештај.

Војната во Газа, наводно, потрошила многу повеќе оружје и муниција отколку што ИДФ првично очекуваше, а употребата останува висока.

Во текстот се вели дека премиерот Бенјамин Нетанјаху и другите членови на израелската влада добиваат неделни ажурирања за статусот на воените резерви.

Неодамна, Нетанјаху се пожали на бројот на воени пратки што САД ги испратија до ИДФ, велејќи дека ова прашање треба да се реши. Тој исто така објасни дека израелските власти ќе работат на тоа да се здобијат со оружје на поразновиден начин.

Материјалните загуби на ИДФ не се изненадувачки со оглед на тоа што Хамас и другите фракции во Газа се силно вооружени со противоклопно оружје, вклучувајќи ја локално произведената ракетна граната Ал-Јасин 105, а имаат и широк опсег на противтенковски наведувани проектили, вклучувајќи го и советскиот „Малјутка“, противтенковски ракети од руско производство „Корнет“, „Буласае-2“ од севернокорејско, како и ХЏ-8Л од кинеско производство .

Локално произведените експлозивни направи, исто така, предизвикуваат голема штета на израелскиот оклоп во појасот.

Покрај ваквите материјални загуби, ИДФ досега загубила 316 војници за време на копнените операции во Газа и долж нејзината граница со повеќе од 1.900 ранети.

И покрај големите загуби, Нетанјаху сè уште не покажува вистински интерес за траен прекин на огнот што би можел да стави крај на крвавата војна и да ги врати израелските заложници во Газа.

The post Над 500 израелски оклопни возила се оштетени во борбите во Газа appeared first on Република.

Украина нарачала 100 полски повеќенаменски оклопни возила „Росомак“, што се произведени под финска лиценца, а ќе ги платат Европската унија и САД, изјави денеска полскиот премиер Матеуш Моравјецки.

Добиваме нарачка од украинскиот премиер Денис Шмигал за 100 оклопни возила „Росомак“ што ќе се произведуваат овде, рече Моравјецки во Сјемјановице Слонскје, јужно од Полска, каде што се произведуваат возилата.

Плаќањето ќе се врши од фондовите на ЕУ дадени на Полска и од американските фондови што ги доби Украина, изјави полскиот премиер.

Полскиот премиер не наведе колку е вкупната сума на договорот.

„Росомак“ е повеќенаменско оклопно возило што се произведува под лиценца на финската фирма „Патрија“ (Patria AMV).

The post Украина нарачала од Полска 100 оклопни возила „Патрија“ , фактурата ќе ја платат САД и ЕУ appeared first on Република.

Грчките опозициски партии СИРИЗА и ПАСОК - Движење на промена реагираат за изјавата на премиерот на Грција Кирјакос Мицотакис дека оклопните возила Мардер кои земјата ги доби од Германија во замена за старите ΒΜΡ-1 што ги испрати во Украина, ќе се упатат на Еврос, а не на островите, јави дописничката на МИА од Атина.

Од СИРИЗА велат дека оклопните возила BMP-1 се повлекуваат од островите без замена, а „Мицотакис изјавува дека е многу пооптимист“, додека пак од ПАСОК коментираат дека со повлекувањето на старите тенкови од островите во источниот дел на Егејското море се создава празнина, која може да се пополни „само со поставување на оклопни возила со еднаква или подобра огнена моќ од BMP-1“.

Одговорниот за одбрана во ПАСОК - Движење на промена, Василис Кекероглу и секретарот за одбрана во партијата Томас Хаѕитанасиу во соопштението се прашуваат „што се сменило од изјавата на Владата од пред неколку месеци дека отстранувањето на BMP-1 од островите во источниот дел на Егејско Море ќе се случи само по нивна итна замена со ново стекнатите германски Мардер“.

Грчкиот премиер Кирјакос Мицотакис на вчерашната прес конференција со германскиот канцелар Олаф Шолц откри дека тенковите Мардер ќе ќе одат на Еврос, „бидејќи армијата смета дека таму ќе бидат покорисни“.

На крајот на мај, Мицотакис и Шолц, се договорија Грција да ги испрати во Украина старите оклопни борбени возила ΒΜΡ-1 со германско потекло и истите да бидат заменети со 40 тенкови Мардер што Берлин ќе ѝ ги отстапи на Атина, а првите оклопи возила веќе пристигнаа во Грција.

The post СИРИЗА и ПАСОК реагираат на одлуката на Мицотакис германските тенкови да се распоредат на Еврос, а не на островите appeared first on Република.

Канада ќе испрати во Украина 39 оклопни возила на тркала „ЛАВ АЦСВ Супер Бизон“ коишто ќе бидат излезени директно од фабрика.

Првично, овој контингент беше наменет за опремување на еден механизиран баталјон на канадската армија, но поради усложнување на ситуацијата во Украина, одлуката е променета и тие ќе бидат испратени за борба против руските сили.

The post Канада ќе испрати во Украина 39 оклопни возили кои директно од фабрика ќе завршат на фронтот appeared first on Република.

Министерката за одбрана Славјанка Петровска денеска информираше дека најмногу средствата во одбраната се насочени кон купување нова софистицирана опрема, а испораката на првите, како што е најавено, шест американски оклопни возила ќе почне некаде во јуни оваа година.

Таа најави дека медиумите ќе бидат поканети да присуствуваат на нивното примопредавање.

Инаку, најголемиот дел, повеќе од 30 проценти се вложува во модернизација.

– Минатата недела го донесовме и планот за набавки од областа на одбраната и безбедноста, но преку договори Влада со Влада. Таму има опфатени осум проекти кои се однесуваат и на зголемување на капацитетите, на одбранбени капацитети на лесниот пешадиски баталјон. Меѓутоа набавки и во областа на артилерија и други набавки кои се потребни за армијата. Сите тие набавки се прават согласно долгорочниот и среднорочниот план за развој на армијата, нагласи министерката Петровска, која денеска беше на армискиот полигон Криволак каде се реализираше Денот за високи гости на вежбата БЛЕСОК 22.

The post Шесте американски оклопни возила „Страјкер“ ќе стигнат во јуни, потврди Петровска appeared first on Република.