На 02.11.2024 година во 09.05 часот во СВР Охрид било пријавено дека на магистарлниот пат Охрид – село Подмоље, патничко возило „Опел корса” со охридски регистарски ознаки, управувано од Г.С.(48) од село Велмеј, општина Дебрца, откако претекнувал две возила, изгубил контрола над „Опел корсата” и излетал од патот.

Во несреќата Г.С. се здобил со тешки телесни повреди констатирани во Специјалната болница „Св.Еразмо” во Охрид. За настанот бил известен јавен обвинител, а извршен бил увид од увидна екипа од СВР Охрид.

The post Охриѓанец тешко повреден откако со автомобил излетал од патот appeared first on Република.

СВР Охрид поднесе кривична пријава против А.Р.(40) од Охрид поради постоење основи на сомнение за сторено кривично дело „лажно претставување“.

Пријавениот, иако адвокатската функција му била ставена во мирување поради тоа што бил правобранител, сепак во три наврати застапувал странки во постапки пред надлежен суд.

Од 10.11.2020, пријавениот бил именуван за правобранител за подрачјето на Охрид и од тој ден ја ставил во мирување својата адвокатска дејност. Но, и покрај тоа, подоцна тој пред надлежниот Основен суд Охрид во три наврати, и тоа во предмет, лажно се претставил како адвокат и застапувал странки во постапки пред надлежниот суд, прикривајќи го фактот дека адвокатската дејност му е во мирување, а со цел да прибави за себе противправна имотна корист и на тој начин го сторил кривичното дело, појаснуваат од МВР.

The post Се претставувал како адвокат, иако функцијата му била во мирување: Охриѓанец заработи кривична appeared first on Република.

Во СВР Охрид вчера бил извршен службен разговор со Ѓ.Р.(34) од Охрид. Полицијата постапила по претходна пријава од Центарот за социјални работи Охрид дека тој вознемирувал и следел две малолетнички од Охрид, ќерки на неговата партнерка.

Како што информира денеска МВР, како што пријавиле малолетничките во Центарот за социјални работи, тој со уцена принудил една од нив да го бакне, а настанот го снимал со мобилен телефон.

По целосно документирање на случајот ќе биде поднесена соодветна пријава.

The post Малолетнички пријавиле дека охриѓанец ги следел и вознемирувал appeared first on Република.

Вчера во 18.00 часот било пријавено дека на ул.„Марко Нестороски“ во Охрид Д.Г.(21) од Охрид управувајќи моторцикл „пијаџо“ со охридски регистарски ознаки, паднал на коловозот.

Во несреќата со тешки телесни повреди се здобил возачот, констатирани во Општата болница Охрид.

Извршен бил увид од увидна екипа од СВР Охрид.

The post Тешко повреден 21-годишник кој падна од мотор appeared first on Република.

Охридската полиција рано утрово го приведе 19-годишниот М.П. откако неговите родители го пријавиле дека им се заканувал.

„Денеска (03.05.2024) во 01.50 часот, полициски службеници од СВР Охрид го лишија од слобода М.П.(19) од Охрид, постапувајќи по претходна пријава дека околу 01.10 часот во домот агресивно се однесувал кон неговите родители и им упатувал закани“, се вели во соопштението од МВР.

По целосно документирање на случајот ќе следува соодветен поднесок.

The post Уапсен 19-годишен охриѓанец, им се заканувал на родителите и се однесувал агресивно appeared first on Република.

Вчеравечер околу 23.00 часот во СВР Охрид било пријавено дека на паркинг на ул.„Караорман“ во Охрид, две лица физички и со метални предмети го нападнале С.Д. од Охрид.

Како што соопшти МВР, С.Д. бил пренесен во специјална болница „Св.Еразмо“ во Охрид, каде му биле констатирани тешки телесни повреди.

Увид бил извршен и се преземаат мерки за расчистување на случајот.

The post Претепан охриѓанец, со тешки повреди пренесен во болница appeared first on Република.

Вчера во 16.15 часот, полициски службеници од СВР Охрид го лишиле од слобода С.Т.(36) од Охрид.

При претрес во неговиот дом, извршен со судска наредба, биле пронајдени и одземени пиштол „Sigsauer“ калибар 9 милиметри со рамка од осум куршуми, 454 куршуми за пиштол од различен калибар, ловечка пушка „Simson Suhl“, 21 куршум за ловечка пушка и една рачна граната, соопшти МВР.

Тој бил задржан во полициска станица и по целосно документирање на случајот, против него ќе биде поднесена соодветна пријава.

The post Цел арсенал пронајден во дом на охриѓанец appeared first on Република.

Дваесет и едно годишниот Х.П. од Охрид синоќа бил нападнат од тројца охриѓани во угостителски објект на кеј „Македонија“, соопшти утрово СВР Охрид.

Лицето, како што е наведено, било физички нападнато од С.К., С.К. и И.С., сите од Охрид, по што му била укажана лекарска помош во Општа болница Охрид.

Според пријавеното од Х.П., во угостителски објект лоциран на кеј „Македонија“ во Охрид, а потоа и надвор од објектот, физички бил нападнат од С.К., С.К. и И.С., сите од Охрид и притоа се здобил со тешки телесни повреди, констатирани во Општата болница во Охрид, појасни за МИА портпаролот на СВР Охрид Стефан Димоски.

Нападот во полиција бил пријавен околу 22 часот и 30 минути. Известен бил јавен обвинител и СВР Охрид презема мерки за расчистување на случајот, по што ќе следува соодветна пријава.

The post Млад охриѓанец претепан заврши во болница откако вчера го нападнале неколку лица appeared first on Република.