Портпаролот на Европска Унија, Петер Стано денеска изјави дека Белград и Приштина се обврзни да го имплементираат Охридскиот договор.

- Договорот е правно обврзувачки и двете страни се обврзани да го спроведат. Договорот наведува дека тој станува дел од нивниот пат за пристапување во ЕУ, посочи Стано.

Претходно, специјалниот претставник Мирослав Лајчак изјави дека Владата на Србија го повлече писмото за „црвените линии“ кога е во прашање имплементацијата на Охридскиот договор. Поранешната премиерка Ана Брнабиќ минатата година испрати писмо до ЕУ во кое изјави дека Србија не го прифаќа договорот.

Стано истакна дека тоа можат да го коментираат српските власти и повтори оти Охридскиот договор е конечен и обврзувачки според меѓународното право за двете страни.

- Доколку не го направат тоа, нема да бидат во можност да го продолжат својот европски пат, посочи Стано

The post ЕУ ги потсети Србија и Косово да го почитуваат Охридскиот договор appeared first on Република.

Треба да се биде реален и да се каже дека донесувањето на Рамковниот договор во тоа време никоја од страните потписнички не ги направи до крај среќни и задоволни, но сепак го донесоа тоа што во тој момент беше најпотребно и најбарано, а тоа е мирот. Од овој аспект мора да се разбере дека ова е една заедничка татковина за сите и дека заедничкиот патриотизам единствено значи градење на живот под еден ист кров, на права но и обврски и борба за подобар живот под исто небо. Охридскиот рамковен договор е дел од македонските закони и Устав, но она што не е завршено и на што мора да работиме се реалните проблеми на нашите сограѓани. Меѓуетничките односи се столб на нашето заедничко општество.

Ова го истакна премиерот Христијан Мицкоски во обраќањето на свечената седница на Владата по повод 23 години од потпишувањето на Охридскиот рамковен договор, посочувајќи дека 23 години се доволна временска дистанца на работите да се погледне со доза на објективност и да се говори за аспектите и придонесот на овој договор, но и предизвиците кои стојат пред нас.

Тоа што сме различни по етничка можеби и по верска припадност, не не прави различни по потребите и приоритети, а главна потреба и приоритет на сите нас е подобриот живот. Имаме исти заеднички проблеми и затоа треба заеднички да нудиме решенија и да ги решаваме тие проблеми. Не можам да кажам дека сите придонесуваат можеби подеднакво во овој процес. Но вистинското прашање е зошто тоа е така и кои се мотивите, кажа Мицкоски.

Според него, многу долго одредени политички елити Рамковниот договор, но и етничките права воопшто ги користат како прекривка за прикривање на своите лични и најчесто лукративни интереси, но и фактот дека предолго и преинтензивно етничките теми се злоупотребуваат, се градат кареиери во тоа име, додека реалниот живот, животот на оние кои подеднакво го делат секојдевието, како и сите останати граѓани е се потежок и понесреќен.

За одредени политички партии Рамковниот договор е најдобар и се спроведува само под услов кога истите тие се на власт, веднаш потоа откако ќе бидат опозиција смислуваат критики и креативни решенија на негово надополнување, но и различно читање на правата и обврските кои произлегуваат од него. Притоа заборавајќи колку е скапа цената на тој договор и дека тој договор меѓудругото е напишан и со многу страдања и жртви од сите страни и во извесна мера тоа е и непочит кон тие жртви кои ги има од сите страни. Кон темата меѓуетнички односи се однесуваат неодговорно затоа што најмалку внимание посветуваа на ова, колку што беа предадени и фокусирани кон личните интереси, бизниси и тендери. Ова го користат како платформа за себепромоција, градење на кариери и бизнис коалиции, потенцира премиерот Мицкоски. Тие наместо градители на меѓуетничките однсои стануваа профитери од истоте тие прашања и кога зборуваат за еропските вреднбости, знаете дека тогаш ги кршат највеќе. Колку пати овие луѓе сте ги забележале на терен кај реалниот човек да помогнат и да се запознаат со вистинскиот живот, праша Мицкоски.

Според него, вистинското прашање колку е денес задоволен обичниот Македонец, Албанец, Турчин, Ром, Србин, Влав, Бошњак, и сите останати граѓани.

Одбивам да навлегувам во етничките перипетии на поединци,  ајде заедно да се мериме по тоа колку ќе го подобриме животот на граѓаните, и колку ќе понудиме решенија на тие проблеми. Денес патриотизмот не се мери по тоа колку знамиња ќе развиориме или колку често ќе зборите за етнички теми или дилеми ќе наметнете, туку колку проблеми ќе решите на терен и како ќе го подобрите животот. Охридскиот рамковен договор е дел од македонските закони и Устав, но она што не е завршено и на што мора да работиме се реалните проблеми на на нашите сограѓани. Јавноста не треба да паѓа во замката на нови и нови бесконечни етнички барања на партиите кои сега се опозиција. Тие ја имаа својата шанса и времето го потрошија на лично богатење, и наместо да бидат посвети на борбата да се постави за подобар живот, посилно образование, економија, повеќе пари за граѓаните, тие одлучија за себе да градат дворци хациенти, да купуваат трговски центри, да се злоупотребува што се може да се злоупотреби, вели Мицкоски.

Тој подвлeче дека патриотизам денес е кога ќе се донесат за еден месец три нови инвестиции и повеќе од половина милијарда евра за нашите сограѓани, и тука нема, вели, етничка припадност ниту верска ни политичка, кога ќе исплатат повеќе од една милијарда денари од буџетот заборавени субвенции за нашите земјоделци, кога ќе обезбедиме 350 милиони денари за вработените  во водостопанство и обезбеди плата за Mакедонски шуми, обзебездување инвестиции за сите општини каде има градоначланици и од власта и од опозицијата и независни. Ова, рече, е важно затоа што болката на семејствата кога си одат нивните најблиски од државата е голема и ние мора да создаваме услови да остануваат нашите сограѓани тука. Тоа се современите и модерни патриоти кои оваа болка и оваа солза ќе ја намалат, односно таа нема да постои, потенцира Мицкоски.

Изминативе 20 години од некои експерти добивам информации дека повеќе од 100 илјади Албанци се иселени од државата. Ако на тие додадете и 100 - тици илјади други наши сограѓани тогаш ќе дојдете до дефиницијата што се случуваше во изминатите 20 и повеќе години. Од оптимизот во раните 90-ти години ние денеска за жал полека нио зигфирно се претворивме во земја каде граѓаните се разочарани од политичките елити. Нашата Влада и генерација има можност тоа чувство да го измени и сета болка и фрустрација кај нашите сограѓани без разлика на етничката верска припадност. Да се обединиме околу темите и прашањата кои се заеднички и кои обединуваат. Гордоста и среќата е заедничка категорија за сите, нагласи премиерот.

Ова  е, рече, наша заедничка татковина, на сите нас и дом кој заедно треба да го градиме, да работиме на довербата едни кон други и сигурен сум дека ќе успееме да направиме повеќе за секој еден човек, подвлекувајќи го значењето на меѓуетничките односи.

Меѓуетничките односи се столб на нашето заедничко општество. Тие не се само правни обврски или политички договори, тие се жив процес кој постојано бара наша посветеност и ангажираност. Влогот во добрите меѓуетнички односи никогаш нема крај. Тоа е како возење велосипед, ако престанете велосипедот ќе застане и патникот ќе падне. За да продолжиме напред, мораме да продолжиме да ги градиме и зајакнуваме тие односи, секој ден, без прекин. Ова е задача за сите нас. Како што рече Мартин Лутер Кинг: „Неправдата на кое било место е закана за правдата насекаде.“ Ова ни напоменува дека правдата и мирот не можат да бидат остварени само со договори на хартија, туку преку нашата постојана работа за правата и достинството на сите луѓе. Нашата постојана работа за правата и достоинството на сите луѓе. Бог да ја благослови Македонија, рече премиерот Мицкоски повикувајќи заеднички да се фокусираме на иднината.

На седницата се обрати и Изет Меџити, прв заменик-претседател на Владата и министер за животна средина и просторно планирање, кој меѓу другото потенцира дека оваа Влада покажува дека е посветена на унапредување на животот на граѓаните во сите општини со најавата за инвестирање една милијарда евра, како и на фискалната децентрализација која е, вели, дел од Рамковниот договор со што ќе се решат многу есенцијални потреби на локалните самоуправи.

Оваа Влада има добра волја за децентрализацијата, но не треба да остане само на зборови бидејќи може да дојде друга влада која нема да има такви приоритети. Затоа ние треба да направиме системско решение, да имаме финансии и буџет бидејќи тоа е отворање на вратата за граѓанинот. Во минатото ова се заборави што беше многу значаен дел од Договорот и се помеша со други работи и непотребни настани. Ова е добар почеток на добро владеење со цел да имаме праведна држава, без корупција, и развивање на стандардот на сите граѓани, порача Меџити.

https://www.youtube.com/live/BI9E5X00Oks?si=G4j0cbPRHYBZxm8H

The post Мицкоски: Рамковниот договор е дел од македонските закони и Устав, она на што мора да работиме се реалните проблеми на граѓаните appeared first on Република.

На свечената академија во хотелот „Александар Палас“ по повод 23-годишнината од потпишувањето на Рамковниот договор, лидерот на Али Ахмети рече дека Македонците мора да соработуваат со Албанците, бидејќи, во спротивно, нема да постојат.

Тој исто така посочи дека треба конечно да се заборави сопственоста на државата, бидејќи сега сите заедно сме сопственици и заедно сме господари и на доброто и на злото.

Македонците како нација можат да напредуваат само во добра комуникација, хармонија и однос со Албанците. Во спротивно, ќе бидат проголтани од Србите, Бугарите и од Грците. А ова не ви го кажувам само овде, им го кажав на сите политички претставници на македонската заедница. Само со нас, со соработка и заеднички живот можат да си ја зачуваат својата историја, својот национален идентитет, инаку им е судено да не постојат. Така што, нека биде ова комеморација на 23-годишнината од Охридскиот мировен договор кој има посебна заслуга за тоа што оваа земја не беше поделена, не се раздели, затоа што не прифати ОВК, туку прифати целосен договор меѓу двете заедници и малите заедници во нивните области каде што живеат. Затоа, ние го штитиме, се бориме овој договор ниту да биде прекршен ниту загрозен, затоа што е спас и за Албанците и Македонците како две најголеми заедници. Сопственоста за која размислуваа во 1990-тите треба да се заборави затоа што заедно сме сопственици и заедно сме господари и на доброто и на лошото. Во оваа ситуација, какви драматични и опасни случувања има во Европа, недалеку од нас , навистина сите треба да мислиме дека Европа е во пламен и во војна, изјави Ахмети.

The post Ахмети: Македонците мора да соработуваат со Албанците или нема да постојат appeared first on Република.

Не можеме до недоглед да се расправаме, дојде време постигнатите договори да се вратат на основата за модернизација и европеизација на државата, ова денеска го порача вицепремиерот Изет Меџити на панел дискусијата за 23-годишнината од Охридскиот договор.

Меџити вели дека во последниве денови е оживеана темата ОД, за како што вели, инструмент за манипулирање со јавноста.

Охридскиот договор е договор за државата, не е договор за вечно учество на една политичка партија во власта. Периодот пред нас ќе биде период кога ќе отвориме нова етапа на политика и креирањето политики. Македонија од општество со договори ќе напредува кон општество што се разбира, рече меѓу другото Меџити

The post Меџити: Охридскиот договор не е договор за вечно учество на една политичка партија на власт appeared first on Република.

Свечена седница на Владата по повод 23 години од потпишувањето на Охридскиот рамковен договор, на која ќе се обратат премиерот Христијан Мицкоски и Изет Меџити, прв заменик-претседател на Владата и министер за животна средина и просторно планирање.

https://www.youtube.com/live/BI9E5X00Oks?si=iOaHDvn84eyBaZCO

The post Свечена седница на Владата по повод 23 години од потпишувањето на Охридскиот рамковен договор appeared first on Република.

Министерката за надворешни работи и дијаспора на Косово, Доника Гервала вели дека косовската Влада ќе го разгледа нацртот на Европската унија за Заедницата на општини со српско мнозинство во Косово (ЗСО) единствено доколку Србија целосно го спроведе основниот бриселски договор и охридскиот анекс на истиот, јави дописникот на МИА од Приштина.

Во денешното интервју за агенцијата КосоваПрес, Грвала вели дека Косово не може да го испрати нацртот на емисарот на ЕУ за косовско-српскиот дијалог, Мирослав Лајчак за ЗСО до Уставниот суд на Косово како посебен дел од договорот постигнат минатата година, туку само како дел од пакетот што го вклучува планот за детална имплементација.

Како соодветно решение таа ја смета можноста ЕУ да го испрати овој нацрт на евалуација во Венециската комисија. Сепак, вели таа, Владата е подготвена да седне на маса со претставниците на српската заедница во Косово, за да може да изготви нацрт-статут на Заедницата на општини со мнозинско српско население.

– Не ја игнорираме одлуката на Уставниот суд и таа Заедница, со оние силни права што ѝ беа дадени со договорот од 2013-2015, со оваа влада не може да се реализира. Ова беше причина што подоцна добивме нов нацрт изготвен од ЕУ. Меѓутоа, и со новиот нацрт на ЕУ, видовме дека со Србија на билатералните разговори во Брисел немаме успех. Не можеме да примениме нешто што е предвидено во Брисел како дел од договорот во рамките на нормализацијата на односите со Србија, доколку Србија тоа го одбива. Она што денес се нарекува нацрт на Лајчак, исто така е невозможно нашите институции да направат нешто со тој нацрт, тоа е дел од пакет кој го предвидува основниот договор, планот за имплементација и нацртот на Лајчак, вели Грвала.

Според шефицата на косовската дипломатија, сојузниците на Косово никогаш официјално не побарале Приштина да подготви нацрт за ЗСО, туку тоа секогаш било во рамките на постигнувањето договор во Брисел.

- Не е точно дека тоа некогаш било единствената опција за Косово да подготви нацрт и да го поднесе. Секогаш било во рамките на тоа што се случува во Брисел... Ова е нашата понуда, ако видиме дека во Брисел овој досега неуспешен дијалог не може да донесе резултати, тогаш зошто да се одолговлекува и да се разговара на теми. Да бидам искрена, по резултатот што го имавме и целосната неподготвеност на нашите партнери да ја третираат оваа тема, оптимизмот и подготвеноста на нашите институции да се нафатат со ова не е многу голема. Ние ја дадовме нашата понуда, но ако понудата не се земе предвид, таа не може да биде вечна, нагласи Грвала.

Таа бара од ЕУ да го испрати нацртот за асоцијација до Венециската комисија на евалуација.

- Бидејќи им се допаѓа тој нацрт, нека го проследат до Венециската комисија и нека ја добијат пресудата и на Венециската комисија. Но, тоа не е прашање што може да го проследи Владата на Косово. Тоа е нацрт кој не е од Република Косово... Еден таков документ не е здрав за нашата држава ако немаме де-факто признавање, а камоли де-јуре признавање од Србија. Значи, има логика зошто инсистираме на тоа еден документ, кој ни е донесен во рамките на договорот со Србија во февруари минатата година да биде третиран и во рамките на тој договор. Одвојувањето на овој нацрт од тој договор не е позитивно за нашата земја, изјави Грвала во интервјуто за КосоваПрес

The post ЕУ ја уценува Србија дека ќе се формира Заедница на српски општини ако се почитува договорот од Охрид appeared first on Република.

Претседателот на Собранието Африм Гаши одговарајќи на прашање за зачувување на Охридскиот рамковен договор и забелешките дека тој станал прв човек на законодавниот дом со помалку гласови од Европскиот фронт, вели дека „човек кој го знае Рамковниот договор, и Уставот на Р.Македонија јасно му е дека тоа воопшто не е дел од Рамковниот договор“.

Можеби тој заборавил, тоа било „Мајскиот договор“ кој го потпишал со Никола Груевски и кој самиот го прекрши, но таквиот договор никогаш не беше дел од уставот и не стана и не може да има таков договор во Уставот, затоа што се коси со секое демократско право. Владата се прави со 61 пратеници, со мнозинство, а од друга страна албанската коалиција, ВЛЕН доби 107.000 гласови со што потполно го носи легитимитетот на Албанците во ова Собрание, рече Гаши во интервју за Радио Слободна Европа.

Гаши вели дека пратенците од коалицијата Вреди ќе се залага за што побрзо интегрирање на нашата земја во Европската Унија, но, додава, дека тоа е комплексно прашање и ќе работиме сите заедно тоа да се случи што е можно побрзо.

Во однос на тоа кога ќе биде закажана првата собраниска седница вели дека пленарните седници ќе се закажуваат во координација со сите политички партии.

- Ние имавме веќе вчера една неформална средба со претставници на политички партии, чекаме да се формализираат пратеничките групи и координаторите, и веднаш штом ќе имаме согласност од повеќето политички партии, ќе пристапиме кон свикување на нова седница, рече Гаши.

Како коалиција која е веќе на повидок меѓу ВМРО ДПМНЕ, ЗНАМ и ВЛЕН, потенцира тој, е договорено, новата влада да почне со нова организација на државата, организација на министерствата и ресорите.

Сакаме прво да го донесеме тој закон, за да може владата која ќе се бира да биде избрана во рамките на тој закон и таа нова организација. Затоа ќе сакаме и ќе се потрудиме заеднички со сите политички партии во Собранието, да се договориме, тој закон да биде еден од првите кои ќе биде поставен на пленарната седница, вели Гаши.

Потврдува дека во тој пакет ќе бидат вметнати и измени на закони за да сае спречи да има предвремени избори за градоначалници онаму каде што тие станаа пратеници.

The post Гаши: Не е прекршен Рамковниот договор appeared first on Република.

Францускиот претседател Емануел Макрон во пресрет на тет-а-тет средбата со српскиот претседател Александар Вуќиќ во Париз изјави дека „прашањето за Косово е ветување и залог за иднината на регионот“ и дека сето тоа е содржано во договорот што беше склучен пред една година, на кој се обврзаа двете страни, а Вучиќ посочи дека „Приштина не направила ништо и дека не исполнила ниту една точка ни од Охридскиот, ниту од Бриселски договор“, јави дописникот на МИА од Белград.

- Секоја страна мора да придонесе за патот и во таа смисла сакам да го поздравам гестот направен од двете страни, но сега треба да одиме уште подалеку. Знам дека сте подготвени и вие тоа го повторивте за време на нашиот заеднички разговор во Брисел. За мене тој пат е неопходен. Потребно е, од една страна, одговорните за нападот во Бањска минатата есен да бидат изведени пред судовите за да одговараат за своите постапки. Треба се да направите се за да не се повтори таква драма, рече Макрон.

Тој додаде дека е неопходно да се надминат непотребните претензии произлезени од неодамнешните одлуки на Приштина во финансиските трансфери и дека ќе се обиде наскоро да се организираат избори на северот на Косово и да се изберат нови легитимни градоначалници.

Вучиќ рече дека мора да реагира на изјавата на претседателот Макрон дека двете страни направиле нешто, мислејќи на Белград и Приштина, укажувајќи на се она што Приштина не исполнила, а на што се обврзала.

- Велите дека двете страни направиле нешто, и да не го спомнавте, никогаш немаше да зборувам. Двете страни не направија исто, едната не направи ништо. Едната страна не исполни ниту една точка, ниту од Охридскиот, ниту од првиот и вториот Бриселски договор, одржа избори со излезност од 3,4 отсто. Потоа вие ни кажавте и јас послушав потпишете ја петицијата, доволно е за да се распишат изборите. Тие и после тоа не ни даваат избори, вршат експропријација на северот на Косово и тука ги носат своите полицајци и војници, иако немаат право, истакна Вучиќ.

Тој додаде дека „во однос на Охридскиот договор, Србија веќе исполнила три работи, иако не мораше да направи ниту една. Имаше договор и сите разговаравме дека пред сè мора да се исполни Заедницата на српски општини, која не е поместена од мртва точка, а Србија исполни од лични карти, таблички, т.н царински печати … сето тоа го исполни.

На заедничката прес-конференција Макрон рече дека Србија мора да знае дека нејзината иднина е во ЕУ.

- Иднината на Европа се гради во моменти кои се многу предизвикувачки за човечкиот род, не треба да се сомневате во намерата на Европа да ве земе под своја закрила, рече Макрон, додавајќи дека е „сигурен дека Србија може да игра стратешка улога

The post Вучиќ му посочи на Макрон дека Косово не го исполнува Охридскиот договор appeared first on Република.

Европската комисија (ЕК) и Европската служба за надворешни работи поднесоа предлог исполнувањето на обврските преземени во Охрид да се вклучи во преговарачката рамка на Србија за членство во ЕУ.

Со овој предлог, обврските од Договорот за патот кон нормализирање на односите меѓу Белград и Приштина и неговиот анекс за имплементација, кој беше договорен минатиот март во Охрид, формално стануваат составен дел од процесот на преговори за членство на Србија во Европската унија.

Според портпаролот на Европската комисија, предлогот на Комисијата вчера бил проследен до Советот на Европската унија, потврди денеска Радио Слободна Европа (РСЕ).

Министрите во декември минатата година побараа од Комисијата да ги вклучи обврските од Договорот за пат за нормализирање на односите меѓу Србија и Косово во преговорите за членство меѓу Белград и Брисел.

-Советот бара од ЕК и високиот претставник итно да му предложат на Советот, пред крајот на јануари 2024 година, измени и дополнувања на критериумите за Поглавјето 35 од пристапните преговори на Србија, се наведува во заклучоците, кои прво беа усвоени од европските министри, а подоцна и од шефовите на држави и влади на ЕУ.

Поглавјето 35 во преговарачката рамка за членството на Србија во ЕУ, кое се нарекува „други прашања“, во случајот со Србија го вклучува и нормализацијата на односите со Косово.

По поднесувањето на предлогот, на Советот на ЕУ е да ги усвои овие измени, со кои формално ќе се вклучат и обврските на Србија од дијалогот во преговарачкиот процес за членство со Брисел.

Оваа вест треба да биде отрезнувачка за власта на ДУИ и СДСМ како и за претседателот на државата Стево Пендаровски.Тие едногласно велат дека промена на преговарачката рамка за Македонија не е можна и оти мораме да го прифатиме Францускиот предлог и уставните измени.

Ете можело.

https://republika.mk/vesti/balkan/znachi-sepak-mozhelo-eu-bara-promena-na-pregovarachkata-ramka-so-srbija/

The post Додека Османи и Пендаровски нѐ убедуваат дека промени за Македонија не се можни: ЕУ ќе ја менува Преговарачката рамка за Србија appeared first on Република.

Германската амбасадорка Анке Конрад изјави дека е неопходно да се рестартира дијалогот меѓу Белград и Приштина и додаде дека договорот потпишан во Охрид е „обврзувачки за сите“.

„Тоа пишува и во самиот документ. Договорот ќе стане составен дел од процесот на пристапување на Србија во Европската унија и на тој начин документот е обврзувачки. Истото важи и за Косово. Договорите од Охрид и Брисел се добри за двете страни. Тоа не е унилатерален потег во кој тој дава се само на едната страна“, изјави Конрад во интервју за неделникот НИН.

Конрад рече дека целта на договорот е јасно наведена и може да се прочита, бидејќи не е таен документ.

„Нормализацијата на односите бара различни чекори, но, меѓу другото, она што беше договорено во Охрид - немешање на Косово во однос на членството во меѓународните организации. Тоа е само еден аспект во низа точки“.

Германската амбасадорка повтори дека нормализацијата на односите меѓу Косово и Србија е цел на нејзината земја и дека Германија ќе придонесе за тој процес заедно со партнерите за конечно да се постигнат резултати.

„Резултатите имплицираат дека српската страна постојано барала - целосно да се имплементираат договорите од Бриселскиот договор склучен во 2013 година и другите договори“, рече Конрад.

Таа додаде дека локалните избори одржани на северот на Косово „не се основа за долгорочно решение“ и дека е неопходно да се организираат нови избори, со надеж дека косовските Срби ќе се вратат во институциите.

The post Западот повторува Охридскиот договор е обврзувачки за сите, Косово си тера по свое appeared first on Република.

Министерот за надворешни работи на Србија Ивица Дачиќ денеска изјави дека неговата земја е подготвена да го спроведе договорот постигнат во Охрид, но до црвените линии.

- А нашите црвени линии, она со што не се согласуваме, нашата резервираност и на што имаме право и се изземаме од тоа -  е взаемно признавање: без признавање на Косово и без членство на Косово во Обединетите нации, изјави Дачиќ во Брисел, каде што учествува на донаторска конференција за собирање средства за Турција и Сирија.

Шефот на српската дипломатија рече дека во Охрид се зачувани српските национални интереси, јавува Радио Слободна Европа.

Тој додаде дека формирањето на Заедницата на општини со српско мнозинство на Косово ќе биде правно обврзувачко за Приштина.

Процесот на дијалог, според него, е само во насока на нормализирање на односите и ништо повеќе од тоа.

- Мислам дека ова е продолжение на она што го започнавме пред десет години и во овој поглед е многу важно да се знае дека ова е договор за натамошни чекори во нормализацијата на односите, а не за прашањата за статусот, потенцира Дачиќ.

The post Дачиќ: Србија ќе го спроведе Охридскиот договор до своите црвени линии appeared first on Република.