На 28/29.11.2024 година, полициските службеници од Полициската станица за граничен надзор „Охридско езеро“, во водите на Охридското езеро, во соработка со Државниот инспекторат за земјоделие, извршија повеќе контролни патролни активности по Законот за рибарство и аквакултура.

Притоа, на потегот од градското пристаниште во Охрид, до струшкото село Радожда,  пронајдоа и одзедоа 12 рибарски мрежи во должина од 150 метри, 64 парчиња уловена разновидна риба и друг риболовен алат и прибор.

The post Во Охрид одземени 12 рибарски мрежи, 64 парчиња уловена риба и друг риболовен алат и прибор appeared first on Република.

На 26.11.2024 во 11.00 часот во СВР Охрид, 54-годишник од Охрид пријавил дека бил измамен од едно лице за сума од околу 730.000 денари.

Според пријавеното, лицето му се јавило на 15.11.2024 и се претставило како претставник на фирма која работи со биткоини и дека е добитник на 15.000 долари како нивен корисник, а потоа му кажало дека за да ги подигне ќе треба да инсталира апликација преку која ќе се изврши наплатата, но дека прво ќе треба да изврши уплата на одредена сума на пари.

Како што е пријавено, во два наврати тој ги уплатил парите, за што подигнал и брз кредит од финансиско друштво. Исто така, според пријавеното, на 24.11.2024 им пишал на нивната електронска адреса со барање за информација кога ќе ги добие парите, а откако го известиле дека биле заглавени во Народна банка, пишал и на официјалната електронска адреса на банката, од каде што добил известување дека тие не се нивни уплатници и дека најверојатно се работи за измама.

Се преземаат мерки за расчистување на случајот.

The post Му се јавиле дека добил 15.000 долари во биткоини, па платил за да му ги префрлат: Охриѓанец останал и без пари и без биткоини appeared first on Република.

Согласно програмата за развој на туризмот, донесениот Правилник и Kаталог за стандардизација и визуелна унификација на урбаната опрема, Општина Охрид годинава постави 40 унифицирани табли на плоштадот Св. Климент Охридски и низ охридската чаршија.

Проектот започна минатата година со поставување на 74 информативни табли (фирми) на потегот од плоштадот по улицата „Цар Самоил“, црквата Св. Софија и улицата „Коста Абраш“.

За следната година е предвидено со проектот да се опфатат сите објекти во чаршијата на потегот до плоштадот Крушевска Република и кракот до пресекот на улицата „Туристичка“. Станува збор за околу 120 објекти ресторани и кафетерии, трговски и занаетчиски дуќани, со што ќе се заокружи овој дел од старото градско јадро. Понатаму ќе следува старата чаршија за која што исто така ќе биде избрано визуелно решение согласно Правилникот и Каталогот, информираат од Општина Охрид.

Каталогот за стандардизирана урбана опрема содржи типизирани и стандардизирани модели на урбана опрема во повеќе варијанти (иако тие се во суштина од исти или слични материјали и исти нијанси, бои, конзоли, украси и сл).

Огласните табли (фирмите) за прв пат го содржат називот на македонско кирилско писмо, а до него и англиска транскрипција на називот на латинско писмо.

Сите чекори на локалната власт во овој проект претходно беа дискутирани и усогласени со широката заедница на корисници на јавни трибини и меѓусебни консултации. Претставниците, сопствениците и корисниците на деловните простори, дуќанџии, занаетчии, угостители, заеднички ги креираат идните чекори во заедничка координација со општинскиот проектен тим, па дури потоа се спроведуваа процедурите на набавка и поставување на опремата, посочуваат од Општина Охрид.

Проектот се спроведува со одобрение на Управата за заштита на културното наследство. Проектот е во согласност со Стратегискиот план за рехабилитација на светското културно наследство на охридскиот регион и препораките на мониторинг и мисиите на центарот за светско културно наследство на УНЕСКО.

The post Унифицирани информативни табли на сите објекти во чаршијата во Охрид appeared first on Република.

Вчера во 17 часот во Охрид, полициски службеници од Отсекот за недозволена трговија со дрога и оружје при СВР Охрид го лишиле од слобода И.Д.(48) од Охрид.

При претрес во неговиот дом, извршен со судска наредба, биле пронајдени и одземени бела грутчеста материја и пари во различни апоени и валути, велат од МВР, од каде додаваат дека чицето било задржано во полициска станица и по целосно документирање на случајот, против него ќе биде поднесена соодветна пријава.

The post Фатен дилер од Охрид appeared first on Република.

Во Центарот за култура „Григор Прличев“ во Охрид вечер премиерно ќе биде изведена претставата „Земја на штркови“. Работена е по мотиви од текстот „Топлината во ноември“ на Јана Добрева, а во режија на Роберт Ристов, кој се потпишува и зад адаптацијата и сценографијата на „Земја на штркови“.

Од Театар Провокација – Скопје информираат дека „Земја на штркови“ е претстава која предупредува и отворено говори за причините и последиците од енормниот број иселувања на младите луѓе од татковината. Дејствието на претставата се одвива во Охрид и ги следи животните разидувања на два пара во однос на иселувањето од земјава. Едниот - разделен пред 20-тина години, а другиот - го живее моментот на разидување од истите причини.

Ги поставува прашањата: Дали доколку го гледаме само својот пат, можеме да бидеме среќни? И дали доколку остануваме инертни, можеме да промениме нешто? Дали најлесното и наједноставно решение е да се замине таму некаде во туѓина, барајќи подобро место за живеење, или заминувањето е доживотна болка и непополнета празнина која останува цел живот? Дали овие крици од сцената се последните обиди да нѐ разбудат од летаргичноста, но и од заблудите, и да нѐ натераат да се преиспитаме самите себеси, до кое дереџе сме доведени и дали е крајно време да се преземе одговорност за последицата наречена – бела чума!, се вели во соопштението.

Во претставата играат: Мирјана П. Ристов, Роберт Ристов, Изабела Јакимова и Радо Алексовски. Продукцијата е на Театар Провокација – Скопје. Автори на музиката се Оливер Јосифовски и Давор Јордановски. Вокал е Вера Милошевска, а кореографијата е на Кренаре Невзати - Кери. Костимите се креација и спонзорство на Елена Лука.

Претставата е делумно поддржана од Општина Охрид и од неколку општествено одговорни македонски компании и медиумски покровители.

Следните изведби на претставата се на 22 ноември 2024 година во Свети Николе, на 26 декември во Пробиштип, на 6 декември во Велес, на 10 во Охрид (реприза), а на 11 декември премиерно во Скопје, во Младинскиот културен центар. Изведбите почнуваат во 20 часот.

The post Претстава за „белата чума“ во Македонија „Земја на штркови“ вечерва премиерно во Охрид appeared first on Република.

Археолошки локалитет пронајден е во Охрид Волино. Во моментов местото кое е приватен имот е целосно затворен и видни археолози од земјава се на терен, пишува порталот Охрид 1.

Извори за Охрид 1 кажуваат дека е пронајдена златна маска, златници и ред други значајни пронајдоци. Археолозите се сомневаат дека кога ќе се истражи целиот потег ќе се пронајдат многу значајни предмети и се сомневаат дека има „Цел град“ под земјата.

The post Значаен археолошки локалитет откриен во Волино: Пронајдена златна маска на приватен имот во Охрид appeared first on Република.

Со средства обезбедени преку програмата на Министерството за култура за реализација на проекти од заштитата се спроведува реконструкција и адаптација на помошен објект до Магазата што е во склоп на музејскиот комплекс „Куќата на Робевци“ во Охрид.

Отпочнати се зафати за промена на кровот и кровниот покривач, промена на оштетените греди и нивно појачување, а поставен е и нов под од гранитни плочи.

На објектот ќе се работи и наредниот приод односно ќе бидат санирани внатрешните ѕидни платна како и промена на надворешнта столарија и освежување на фасадата во бела боја.

Реконструкцијата е во насока на подобрување на функционалоста на помошниот објект што служи како депо на археолошки наоди. 

The post Се санираат помошни објекти на комплексот „Робевци“ во Охрид appeared first on Република.

На 18.10.2024 година, во 20.55 часот во СВР Охрид било пријавено дека на крстосницата од бул. „Туристичка“ со ул. „Дејан Војвода“ во Охрид, патничко возило марка „фолксваген туарег“ со охридски регистарски ознаки, управувано од З.С.(43) од село Лешани, општина Дебарца удрило во пешак К.С.(43) од Струга.

Во несреќата со тешки телесни повреди се здобила К.С., констатирани во Специјалната болница „Св. Еразмо“ во Охрид.

Извршен бил увид од увидна екипа од СВР Охрид.

The post Жител на Дебрца со џип прегазил стружанка во центарот на Охрид appeared first on Република.

Срцев удар е причината за смртта на поранешниот шкотски премиер Алекс Салмонд кој почина во саботата во хотелот „Инекс Олгица“ во Охрид каде учествуваше на второто издание на Форумот за културна дипломатија. За време на ручекот, Салмонд добил удар при што паднал наназад со столицата, а обидите за негова реанимација биле неуспешни, информираат од неговото семејство.

Во соопштението, тие рекоа дека на „застрашувачкиот политичар“ му се восхитувале ширум светот, но дека бил и „вљубен“ семеен човек чие присуство ги водело во нивните „најтемни моменти“.

Во салата на шкотскиот парламент е отворена книга на жалост.

Салмонд во петокот имаше излагање на второто издание на Форумот за културна дипломатија во коорганизација на кабинетот на поранешниот претседател Ѓорѓе Иванов, Меѓународниот центар „Алијанса на цивилизациите“ и Институтот за културна дипломатија од Берлин, а по неговата смрт остатокот од настанот бил откажан.

The post Поранешниот шкотски премиер Алекс Салмонд починал од срцев удар во Охрид appeared first on Република.

На поранешниот премиер на Шкотска Алекс Саламонд му се слошило и паднал за време на ручекот, а неофицијално починатиот е британски државјанин роден 1954 година односно имал 69 години, пренесува Канал 5.

Според МВР, во СВР Охрид денеска во 15.30 часот било пријавено, а странскиот државјанин починал во хотелот „Инекс Горица“.

Итната медицинска помош, полицијата и основниот јавен обвинител утврдиле смрт, а ќе следи обдукција за утврдување на причините.

Салмонд вчера имаше излагање на второто издание на Форумот за културна дипломатија во коорганизација на кабинетот на поранешниот претседател Ѓорѓе Иванов, Меѓународниот центар „Алијанса на цивилизациите“ и Институтот за културна дипломатија од Берлин.

The post Поранешниот шкотски премиер Салмонд ненадејно почина во Охрид appeared first on Република.

Полициски службеници од СВР Охрид и од Одделот за крим полиција-Сектор за општ и насилен криминал при МВР, по претходно издадена судска наредба, денеска извршија три претреси во Охрид и од слобода лишија едно лице од Охрид.

Претресите се извршени поради постоење основи на сомнение за сторени кривични дела „лихварство“ по член 260 од Кривичниот законик и кривично дело „изнуда“ по член 258 од КЗ. Се преземаат и дополнителни мерки и активности во координација со јавен обвинител, по што ќе бидат поднесени соодветни пријави, соопшти денеска МВР.

The post Падна изнудувач и лихвар од Охрид appeared first on Република.

Македонија има што да понуди. Ја посетивме црквата Св. Богородица Перивлепта во Охрид. Место преполно со историја и духовно наследство, објави на Фејсбук, премиерот Христијан Мицкоски.

The post Македонија има што да понуди: Мицкоски и Орбан ја посетија Св. Богородица Перивлепта во Охрид appeared first on Република.

Вчера во 09.45 часот во СВР Охрид е пријавено дека 29-годишниот С.С., 22-годишниот Д.С. и 20-годишниот Н.К., сите од Непал, го напуштиле хотелот каде биле сместени и биле вработени, извести СВР Охрид.

Се преземаат мерки за пронаоѓање на лицата.

The post Уште тројца Непалци побегнале од хотел во Охрид каде што биле вработени appeared first on Република.

Со цел безбедно и непречено одвивање на предвидените активности, по повод претстојната посета на унгарскиот премиер Виктор Орбан и неговата делегација на Охрид, Секторот за внатрешни работи Охрид ги презема сите неопходни безбедносни мерки и активности.

Полициската станица за безбедност во патниот сообраќај ги известува сопствениците на патнички и други моторни возила дека е потребно да ги дислоцираат возилата од паркинг местата на булеварот „Туристичка“ и улиците „Коста Абраш“, „Цар Самоил“ и кеј „Македонија“. На 26 и 27.09.2024 година (четврток и петок), на улиците „Илинденска“ и „Коста Абраш“ ќе биде забрането запирање и паркирање на патнички и други моторни возила, а во тек на движење на возилата во состав на делегациите, привремено за сообраќај ќе биде затворен дел од магистралниот пат Кичево-Охрид, од аеродромот до клучката кај „Распаќе“, булеварите „Туристичка“ и „Македонски просветители“, улиците „Абас Емин“ и „Кирил и Методиј“ како и регионалниот пат Охрид-Св.Наум. На 27.09.2024 година, безбедносните мерки во сообраќајот ќе бидат преземани и на подрачјето на Пештани и Љубаништа, известува СВР Охрид.

Од СВР Охрид апелираат до граѓаните, да ги почитуваат насоките на полициските службеници кои, на овие сообраќајници, ќе вршат физичко регулирање на сообраќајот.

The post В четврток и петок во Охрид привремено затворени неколку улици, доаѓа Виктор Орбан со делегација од унгарската влада appeared first on Република.

Вчера во 13.40 часот, на крстосница на булеварот „Јане Сандански“ со улицата „Галичица“ во Охрид, З.Ц.(60) од Охрид, управувајќи мопед „пежо“ со охридски регистарски ознаки, во обид да избегне директен судар со патничко возило, кое претекнувало друго возило, изгубил контрола и паднал на коловоз, објави охридската полиција.

Притоа, тој се здобил со тешки телесни повреди констатирани во болницата „Св.Еразмо“ во Охрид.

Полициската станица за безбедност во патниот сообраќај презема мерки за пронаоѓање на возачот на патничкото возило кој не застанал да му пружи помош на моторциклистот, туку веднаш го напуштил местото, по што ќе биде поднесена соодветна пријава.

Увид на местото на несреќата извршија полициски екипи.

The post Бегал од директен судир со претекнувач: Тешко повреден маж, се трага по избеган возач appeared first on Република.

Во вонредни инспекциски надзори во Кичево, Струга и Охрид уништени се 187 килограми небезбедна храна, а изречена е и парична казна од 1,400 евра.

Од Агенцијата за храна и ветеринарство информираат дека во Струга е казнет маркет со 1,400 евра поради пласирање на небезбедни производи на пазарот.

Уништена е храна во количина од 15 килограми, а казната е изречена за утврдените недоследности (немање декларации, нечитки декларации на производите, несоодветно означување на производите, продажба на храна со поминат рок и слично).

Во Струга казнета е и месарница со 500 евра во денарска противвредност поради пласирање на небезбедни производи на пазарот. Уништени се 50 килограми храна од животинско потекло.

Во Охрид со 500 евра казнета е гостилница каде инспекциските служби на АХВ при спроведен вонреден надзор утврдиле недоследности и уништиле 15 килограми небезбедна храна.

Кај некои од операторите утврдени се незадоволителни хигиенски услови, вршење на активност која не е одобрена од АХВ, непоседување на санитарни книшки за вработените и друго.

Покрај вонредните засилени контроли, постапувањето по поднесени претставки и предлози, инспекциските служби на АХВ ги спроведуваат редовните контроли согласно Годишниот план за вршење на инспекциски контроли, велат од АХВ.

Оттаму додаваат дека во првите шест месеци од годинава спроведени се 24. 335 инспекциски контроли при што изречени се 2 433 инспекциски мерки. Уништени се 37,6 тони и 13,654 литри небезбедна храна.

The post Во Кичево, Охрид и Струга уништена небезбедна храна, казнети маркет, гостилница и месарница appeared first on Република.

Се запали угостителски објект во центарот на Охрид, на самиот Градски плоштад. Како што пренесува МИА, пламенот избувнал во оџакот на објектот, а благодарение на брзата интервенција на вработените од околните локали, било спречено ширење на пламенот.

На лице место пристигна и екипа на Територијалната противпожарна единица. Пламенот е изгаснат и избегната е поголема материјална штета. Според првичните информации, нема повредени во пожарот.

The post Се запали угостителски објект во центарот на Охрид appeared first on Република.

Српска блогерка на „Тик ток“ го пренесува нејзиното искуство при посетата на Охрид и кажува што сè може да се купи таму за 10 евра.

Што може да се купи за 10 евра во Охрид? За почеток можете да купите мини крофни кои чинат 1,30 евра, а потоа печена или варена пченка за 1,60 евра. Потоа можете да се качите во такси-чамец и да пловите преку Охридското Езеро за пет евра и магнет за фрижидер кој чини едно евро, а на крајот шолја еспресо за едно евро и десет центи, вели таа.

@milicawoo Šta se može kupiti za 10 evra u Ohridu 🇲🇰 Kako vam deluju cene? 💸 #ohrid #fy #balkantiktok #fyp #traveltok ♬ A Summer Place - Hollywood Strings Orchestra

The post Што може да се купи во Охрид за 10 евра? appeared first on Република.

Денес навршуваат 15 години од трагедијата на Охридското Езеро кога при потонувањето на бродот „Илинден“ животот го загубија 15 лица, туристи од соседна Бугарија.

Несреќата се случи на денешен ден, 2009 година, во 10:30 часот. На „Илинден“ имаше 57 патници кои се превезуваа на релација од Охрид за Свети Наум. Тоа саботно утро времето беше исклучително топло, езерото мирно, ништо не навестуваше дека ќе се случи најголемата бродска несреќа во историјата на пловидбата на Охридското Езеро.

„Илинден“ се преврте и потона на околу 250 метри оддалеченост од брегот на езерото, кај автокампот „Елешец“.

The post Петнаесет години од потонувањето на бродот „Илинден“ во Охридското Езеро appeared first on Република.

25-годишна Непалка се води за исчезната откако вчера не се појавила на работното место.

Вчера во 12.00 часот во СВР Охрид е пријавено дека Д.Д.М.(25) од Непал го напуштила домот во кој престојувала во Охрид и не се појавила на работното место во хотел во Охрид каде претходно остварила договор за вработување. Се преземаат мерки за пронаоѓање на лицето, велат од МВР.

The post Уште една Непалка избегала од Охрид appeared first on Република.