Најмалку едно лице загина, а три други се повредени во пукотница во продавница во Биверкрик, во американската сојузна држава Охајо, јави телевизијата WHIO.

Очевидци изјавија дека мажот отворил оган со автоматска пушка. Тројцата повредени се пренесени во блиската болница.

Полицијата во Биверкрик соопшти дека одговорила на пукањето и дека повеќе нема закана за безбедноста. Биверкрик е град со околу 46.000 жители сместен источно од Дејтон.

The post Пукање во продавница во Охајо, најмалку еден загинат и тројца повредени appeared first on Република.

Над 30 луѓе се повредени при уривање на покривот на гледалиштето за време на студентска забава во близина на Државниот универзитет во Охајо, откако луѓето се качиле на покрив кој не бил дизајниран да издржи толкава тежина, соопштија локалните власти.

Од повредените, 14 лица се пренесени во болница, додека на останатите 20 им е помош на лице место, пренесе „Ен-Би-Си Вашингтон“.

Првите екипи нашле 10 лица, а потоа 14 биле пренесени во болници со „различен степен“ на повреди, но сите се во стабилна состојба, изјавил началникот на пожарникарите во Колумбус, Стив Мартин.

„На покривот веројатно имало меѓу 15 и 45 луѓе, кој не е дизајниран да ја држи тежината на луѓето“, изјавил Мартин.

Салата каде што се урнал покривот не припаѓа на Универзитетот во Охајо.

https://youtu.be/A_kdgwRFyAg

The post Се урна покрив за време на студентска забава, повредени над 30 лица appeared first on Република.

Од Обединетата македонска диајспора објавија превод на документот со кој, по барање на ОМД, Гувернерот на државата Охајо го прогласи 8 септември за ден на Македонската Независност во оваа американска сојузна држава.

Во продолжение го објавуваме документот во целост.

„СО ОГЛЕД НА ТОА ШТО, на 8 септември 1991 година, Македонија ја стекна својата независност од Југославија и стана суверена парламентарна демократија; и

СО ОГЛЕД НА ТОА ШТО,кога се одржа референдумот за македонската независност во 1991 година, учествуваа околу 76% од нејзините граѓани, а повеќе од 96% гласаа за; и

СО ОГЛЕД НА ТОА ШТО, Македонија е единствената југословенска наследничка држава која независноста ја стекна на мирен начин; и

СО ОГЛЕД НА ТОА ШТО, Македонија е млада држава, но стара цивилизација, со археолошки докази кои укажуваат на антички Македонци кои живееле во регионот помеѓу 7000 и 3500 п.н.е.; и

СО ОГЛЕД НА ТОА ШТО, денес, Охајо е дом на повеќе од 100.000 Американци со македонско потекло; и

СО ОГЛЕД НА ТОА ШТО, браќата Кираџиеф го поседуваa и управуваa со Ресторанот „Cincinnati's Empress Chili “, кој беше затворен во 1979 година кога синот на Том, Џо се пензионираше и го продаде ресторанот, и

СО ОГЛЕД НА ТОА ШТО, Денот на Македонската Независност во Охајо ќе се прослави со свеченост во Македонската православна црква Свети Климент Охридски во Авон и со фестивал во Македонската православна катедрала Света Марија во Рејнолдсбург, и

СЕГА, ЗАТОА, ние, Мајк ДеВин и Џон Хастед, гувернер на државата Охајо, со го ова признаваме

ДЕНОТ НА МАКЕДОНСКАТА НЕЗАВИСНОСТ

на овој 8 септември 2022 година“.

The post Гувернерот на Охајо, по барање на ОМД, го прогласи 8 септември за Ден на Македонската Независност во државата Охајо appeared first on Република.

Седум лица се хоспитализирани и се во критична состојба откако биле затруени со јаглерод моноксид во хотел во градот Мерисвил, Охајо, соопштија денеска локалните власти.

Шефот на спасувачката служба Мерисвил, Џеј Рајли за локалните весници изјавил дека изворот на јаглерод моноксид не е познат, но познато е дека сите хоспитализирани биле во делот на хотелот каде се наоѓа базен. Тој рече дека меѓу затруените има и деца и возрасни.

Набрзо по инцидентот хотелот бил евакуиран, а покрај лицата кои биле хоспитализирани, помош на лице место добиле и двајца, додека потоа помош побарале уште седум, па последиците од труењето ги почувствувале вкупно 16 лица.

Градот Мерисвил се наоѓа на 50 километри северно од Колумбус.

The post Десетици затруени со јаглерод моноксид во хотел во Охајо appeared first on Република.