Блерим Беџети, претседателот на општина Сарај и еден од членовите на „Огнената група“ во ДУИ, во врска со објавената вест дека постојат разлики меѓу членовите на оваа група потврдува дека такво нешто постои, додавајќи оти тие тројцата инсистираат за овие прашања да се решава со аргументи преку расправа внатре во Демократската унија за интеграција.

„Има разлики меѓу нас. Ние сме фракција во рамки на ДУИ и треба разликите да ги решаваме внатре во ДУИ.“ – истакнува за „Журнал“, Блерим Беџети.

Запрашан дали ќе формираат некој нов политички субјект, Беџети одговори дека се против ваквата одлука, бидејќи на тој начин ќе се фрагментаризира, ќе се расцепка албанското бирачко тело. “Јас, Муса Џафери и Невзат Бејта сме против формирањето нов политички субјект. Нема потреба да се формира нова политичка партија.“ – нагласува Блерим Беџети.

Зборувајќи за соработката со другите опозициски партии, вклучувајќи ја тука и ВМРО ДПМНЕ, Беџети негира такво нешто: „Не сме имале соработка, бидејќи ние сме фракција.“ Коментирајќи ја политичката состојба во земјава и процесот на уставните измени, Блерим Беџети вели дека тие имаат ист став како и сите во ДУИ. „Мораме да внимаваме да не ги охрабруваме антиевропските сили. Ние во ДУИ сме со став дека ова прашање мора да се реши час поскоро и процесот кон ЕУ да тргне колку е можно побргу.“ – изјави Блерим Беџети за „Журнал“.

The post Сакаат ДУИ да се реформира: Беџети, Џафери и Бејта се против формирање на нова партија appeared first on Република.

Демократската унија за интеграција организираше внатрепартиски избори за консолидација на партиските органи во 14 ограноци, со примена на демократскиот принцип „еден член, еден глас“.

https://republika.mk/vesti/makedonija/medhiti-za-alfa-gi-potvrdi-zakanite-kon-visar-ganiu-i-vo-minatoto-za-izbori-na-ogranotsi-vo-dui-imashe-pukane-i-zaginati/

Во текот на овој изборен процес предводен од партиската изборна комисија на ДУИ се гласаше за избор на претседатели на ограноци, членови на ограноците, претседатели на локални совети и членови на раководството на локални совети во ограноците: Бутел, Чаир, Дебар, Јегуновце, Кичево, Крушево, Куманово, Липково, Битола, Петровец, Пласница, Преспа, Шутка и Велес.

Така, избраните во 14 ограноци на ДУИ се следните:

Во Ликово: Мирсад Ибраими

Во Куманово: Ридван Асани

Во Чаир: Беким Незири

Во Бутел: Мухарем Асани

https://republika.mk/vesti/makedonija/ganiu-vo-dui-vladee-tselosna-anarhija-n-izbrishaa-duri-i-od-grupite-na-viber-i-vatsap/

Во Шутка: Илаз Лесковица

Во Петровец: Насер Халити

Во Јегуновце: Елдин Адеми

Во Кичево: Ардита Дани

Во Дебар: Артин Спахиу

Во Крушево: Абиб Веџиу

Во Битола: Лутфи Амето

Во Пласница: Бајрам Карамалески

Во Велес: Локман Салија

Во Преспа: Арјан Муједини

Примената на овој модел при изборот на партиските органи го докажува демократскиот пристап и капацитет на Демократската унија за интеграција.

The post Мухарем Асани на местото на „одметнатиот“ Висар Ганиу: Ахмети ги објави имињата на новите претседатели на ограноците на ДУИ appeared first on Република.

Внатрепартиските избори на ДУИ, кои се закажани за 2 јули, во некои партиски ограноци се наместени и се спроведуваат спротивно на статутот на партијата – изјави поранешниот претседател на огранокот на ДУИ во Чаир Изет Меџити во интервју за весникот „Лајм“, пренесува +ИНФО.

Меџити додаде дека победниците на овие избори однапред се познати и дека станува збор за група на луѓе лојални на Али Ахмети, но не изнесе поединечни имиња. Тој рече дека овие избори нема да бидат признаени од „фракцијата на ДУИ“, алудирајќи на „Огнената група“, на која тој е еден од предводниците.

https://republika.mk/vesti/makedonija/medhiti-za-alfa-gi-potvrdi-zakanite-kon-visar-ganiu-i-vo-minatoto-za-izbori-na-ogranotsi-vo-dui-imashe-pukane-i-zaginati/

Меџити вели дека не само во Чаир, туку и во сите други ограноци „господин Ахмети со декрет ги поставил луѓето, а сè друго е фарса и театар.

– Се постува прашање, ако се работи за принципот „еден член-еден глас“, тогаш како е можно отсега, однапред да се знае кои ќе бидат идните преседатели на ограноците? Уште сега се знае кои ќе бидат претседатели на ограноците, како што е случајот со ограноците во Полошко, каде што овој принцип создаде поделби, особено во Тетово, каде ДУИ тешко загуби – вели Меџити.

На прашањето штом не учествува во трката за огранокот на ДУИ во Чаир, како ќе се однесува со кандидатите, кои имаат намера да ја преземат функцијата, што ја извршувал досега Изет Меџити одговори: „Не учествуваме во тие внатрешнопартиски избори, бидејќи ќе создадеме забуна кај членството и за да не легитимираме недемократски процес, спротивен на статутот на ДУИ. Нема да ги признаеме тие избори.“

The post Меџити: Изборите во ограноците на ДУИ се наместени, Ахмети со декрет си поставил свои луѓе appeared first on Република.

The post Братот на Бекир Асани – Пајакот му се заканувал на Висар Ганиу appeared first on Република.

Заканите за убиства за кои пријава поднесе градоначалникот на Чаир Висар Ганиу, не се ништо ново во ДУИ и во минатото во оваа партија изборите за локални шефови минувале со пукотници и убиства, вели за Алфа Изет Меџити, еден од главните меѓу фракционерите кај интегративците. Како пример го даде Куманово, велејќи дека не сакаат да дозволат такви сценарија да се прелеат и во скопскиот дел партијата.

https://republika.mk/vesti/makedonija/ganiu-vo-dui-vladee-tselosna-anarhija-n-izbrishaa-duri-i-od-grupite-na-viber-i-vatsap/

И во минатото токму за избори за ограноци, посебно за огранокот Куманово, во два наврати имаше пукање, имаше загинати, имаше ранети, има луѓе што лежат во затвор или чекаат конечна одлука за тоа. Ако сакаат тој филм да го гледаат, ние нема да паднеме на такви провокации, изјави Меџити за Алфа.

https://republika.mk/vesti/makedonija/medhiti-za-republika-dui-gi-brka-i-razreshuva-od-rabota-chlenovite-na-nashata-grupa/

Меџити се жали дека фракционерите трпат вистински терор од страна на партиското крило предводено од Артан Груби. Не верува дека состојбата би можела да се поправи, бидејќи според него во ДУИ главно е самоволието на првиот вицепремиер.

Веќе не функционираат телата, нас не исклучија од централното претседателство, ги разрешија на владини функции, на локално ниво. Одат дури до мобинг таму каде што се вработени и со овој потег сакаат нестатурано и во ограноците да поставуваат луѓе послушни, вели Меџити.

https://republika.mk/vesti/makedonija/fraktsionerite-vo-dui-od-mediumite-doznale-deka-se-samoisklucheni-od-pretsedateltvoto-na-partijata/

Меџити потврдува дека Ганиу добил закани од Муарем Хасани, кој е кандидат за претседател на огранокот на ДУИ во Бутел. Според него главен проблем е што надлежните се уште не реагираат иако постои пријава за овој случај.

Тоа што го кажа господинот Ганиу, можам само да го потврдам и тоа е пријавено во МВР. Тоа што не делува ни јавниот обвинител, ни МВР, тоа значи дека правната држава не функционира или селективно функционира за потребите на тие што се на власт, вели Меџити.

Хасани пак ги демантира тврдењата на Ганиу, бил разочаран, но не и очаен. Според него е ова било обид за валкање на демократските изборни процеси кои се случувале во ДУИ.

https://republika.mk/vesti/makedonija/alfa-fraktsijata-prerasnuva-vo-partija-artan-grubi-mozhe-skapo-da-go-chini-ali-ahmeti/

The post Меџити за Алфа ги потврди заканите кон Висар Ганиу: И во минатото за избори на ограноци во ДУИ имаше пукање и загинати appeared first on Република.

Изет Меџити, предводник на незадоволната група во ДУИ тврди дека нивни  членови и приврзаници трпат притисок од страна на директорите и раководителите во јавната администрација, како и во општините.Меџити за „Република“ вели дека ова се случува подолг период.

-Цело време се случува овој притисок. Наши членови и привразаници се разрешуваат или бркаат од работа. Покрај тоа,  тие се принудени да одат на митинзи на ДУИ каков што беше последниот митинг  во Чаир и да се фотографираат дека биле присутни-открива Меџити за „Република“.

Војната меѓу т.н „Огнена група“ и раководството на ДУИ трае подоголго време. Оваа незадоволна група бара разрешување на Артан Груби кого го сметаат за главен виновник за случувањата во партијата.

The post Meџити за „Република“: ДУИ ги брка и разрешува од работа членовите на нашата група appeared first on Република.

Градоначалниците на Сарај, Блерим Беџети и на Чаир, Висар Ганиу, пратеникот Изет Меџити, поранешниот гостиварски градоначалник Невзат Бејта и Саранда Имери, која ја извршуваше партиската функција секретар за родова рамноправност, веќе не се членови на Претседателството на Демократската унија за интеграција (ДУИ).

По состанокот од петокот вечерта, од Централното претседателство на ДУИ во саботата изразија „жалење за одлуката на петте члена на Претседателството да се самоповлечат“, како што беше наведено во соопштението, одлука која овие пет функционери ја донеле на состанокот 1-ви април, кога одлучија да дејствуваат како фракција во партијата.

https://republika.mk/vesti/makedonija/dui-zhali-shto-nezadovolnite-se-samopovlekle-od-tsentralnoto-pretsedatelstvo/

По соопштението на ДУИ, со писмена реакција во саботата вечерта излегоа и од фракцијата, во која се вели дека од медиумите дознале за состанокот и за одлуките, кои како што велат, биле донесени на тајна средба и се нестатурни.

„Не се ‘самоисклучивме’, туку го напуштивме состанокот на 1 април во знак на протест како резултат на непочитувањето и манипулацијата со партискиот статут. Не бевме поканети на состанокот како членови на Претседателството, што претставува повреда на статутот и законските обврски на органите на партијата. Ваквото раководење со партиското тело е самоволно и недемократско. Членовите на Претседателството ги избира Генералниот совет и само тој може да ги разрешува истите, според законски процедури. Бараме да престане манипулирањето на јавноста преку зборови, сериозно да се внимава на внатрепартиските несогласувања, како резултат на сквернавењето на демократијата, меритократијата и партискиот статут“, се вели во соопштението на „Огнената група“.

The post Фракционерите во ДУИ од медиумите дознале дека се „самоисклучени“ од претседателтвото на партијата appeared first on Република.

Централното претседателство забележува и изразува длабоко жалење за одлуката на пет членови на Претседателството да се самоповлечат од Централното претседателство на Демократската унија за интеграција, одлука која ја донесоа на состанокот на ЦО одржана на 1 април 2023 година.

Во партиското соопштение се вели дека на вчерашната седница е официјализирана одлуката за претстојниот изборен процес во партиските ограноци кој ќе се одржи на 2 јули годинава.

„Овие избори во ограноците на ДУИ, кои ќе се одржат по принципот еден член – еден глас, ќе послужат како платформа за колективно одлучување и дополнително ќе ги зајакнат демократските вредности што ја карактеризираат нашата партија“, соопшти ДУИ.

Демократската унија за интеграција (ДУИ) деновиве тајно одржала состанок на Централното претседателство на кој, од 33 члена, учествувале седум члена на Централното претседателство и два члена на Генералниот совет. На состанокот не биле поканети членовите на фракцијата на ДУИ, кои се дел од т.н. огнена група, а се дискутирало за нивно бркање од партијата, открива во интервју за весникот „Лајм“, Изет Меџити.

https://republika.mk/vesti/makedonija/ahmeti-odrzhal-tajna-sredba-na-dui-za-da-gi-razreshi-fraktsionerite-medhiti-veli-deka-e-dobro-oti-ne-gi-strelale/

The post ДУИ жали што незадоволните се самоповлекле од Централното претседателство appeared first on Република.

Дали група незадоволни во ДУИ која прерасна во фракција може и да се отцепи од партијата и да формира своја нова партија? Откако излегоа во јавност недоразборањата лидерот на ДУИ еден по еден почна да ги менува од партиските функции членовите на групата незадоволни.

Дали тоа што застанува во одбрана на Артан Груби, може скапо да го чини Али Ахмети.

Изет Меџити, Муса Џафери и другите фракционери од ДУИ по бајрамските празници ќе формираат нова партија, дознава Алфа од високи извори кај фракцијата на интегративците. Според информациите веќе се избрани и раководните лица во новата партија, претседател и потпретседател.

Овој нов момент во вечната владејачка партија кај Албанците доаѓа само неколку дена откако дел од подмладокот на ДУИ, најавија дека ќе делуваат заедно со фракционерите, незадоволни од политиките на власта и иселувањето на младите, кои не гледале просперитет и иднина во државата.

Ја повикуваме Владата на игри на среќа да стави прст на глава дека ако под 10 илјади млади луѓе годишно ја напуштиле државата за да одат во странство, оваа бројка ќе биде многу поголема благодарение на вашите политики кои немаат ништо за младите. Ама имате политики како да основате повеќе компании за игри на среќа и тие да се диригираат од ваши блиски луѓе, од кои три члена на новата видео лотарија се токму роднини на министрите од ДУИ - изјави Раниа Сали.

Голем проблем за Ахмети може да биде што дел од фракцијата на ДУИ се најголем број од градоначалниците на оваа партија, а меѓу нив и оние во едни од најголемите општини Чаир и Сарај, Висар Ганиу и Блерим Беџети. Фракцијата и претходно обвинуваше дека она што го прават најблиските соработници на Ахмети, Артан Груби и Бујар Османи е контра се за што се залагала оваа партија.

За жал, три години по ред алармираме дека не се почитуваат Статутот и програмата на ДУИ, што најдобро го докажува неформирањето на партиски тела за овие години. Денеска стоиме пред вас како фракција и се обврзуваме дека ќе бидеме гласот на потребите и барањата, не само на нашиот електорат, туку на сите Албанци и овој глас нема никој да го замолчи. За нас гласот на народот е сè, затоа што ова е гласот на разумот и ќе го покажеме на дело правилното, принципиелното и сеопфатното функционирање - изјави Сандра Имери.

Извор: Алфа

The post Алфа: Фракцијата прераснува во партија, Артан Груби може скапо да го чини Али Ахмети appeared first on Република.

Разрешен е и последниот претставник во актуелната извршна власт од огранокот на ДУИ во Гостивар, поточно државниот секретар во Министерството за труд и социјална политика г. Ресми Ејупи.

Со разрешувањето на Ејупи и претходно на Башким Хасани, еден од најголемите ограноци на ДУИ, како што е гостиварскиот огранок, останува без ниту еден претставник на ниво на трите владини ешалони, што се случува за прв пат од формирањето на ДУИ.

„Почитувани членови и симпатизери на ДУИ Гостивар, во 2020 година бев назначен за државен секретар во Министерството за труд и социјална политика од страна на раководството на Огранокот Гостивар, кога претседател беше Башким Хасани, на кого сакам јавно да му се заблагодарам за укажаната доверба во тоа време, јас како член на ДУИ да бидам политички претставник во оваа институција, каде што се обидов за овие две и пол години да дадам се од себе и да бидам на располагање на општеството и политичката структура.

Во оваа прилика сакам да ве информирам дека од вчера повеќе не ја вршам функцијата државен секретар во Министерството за труд и социјална политика и тука вреди да се нагласи дека единствена причина поради која сум разрешен од оваа функција е ЈАВНАТА ПОДДРШКА ЗА РАЗЛИЧНОТО МИСЛЕЊЕ ВО ПАРТИЈАТА.

Ниту една форма на политички реперкусии нема да ме спречи да го искажам слободното мислење и да поддржувам мислења што мислам дека се во корист на општеството.

Продолжувам да ја поддржувам и да бидам дел од „Огнената група” и дел од тоа мислење кое според мене е во корист на општеството воопшто, и на ДУИ како политичка партија, вели во својата реакција Ресми Ејупи”

The post Огранокот на ДУИ од Гостивар останува без ниту еден претставник во извршната власт appeared first on Република.

ДУИ бара соработка само кога им е тесно, само кога се во критична ситуација. И ова искуство беше во 2016 година, кога можеби не секој ден, но на неделно ниво имав телефонски повик или порака од првиот човек на ДУИ, Али Ахмети. Но, така беше до средбата во Тирана, додека не ги реши сопствените работи. И од тој момент ја прекина комуникацијата“, изјави лидерот на Беса и градоначалник на Тетово Биљал Касами за „Клик плус“ на ТВ21.

Касами напоменува дека, на Ахмети кога му треба соработка, секогаш станува добар комуникатор.

„Се јавува, бара состаноци, праќа посредници. Сега истото го прави и кога му требаат пратениците на Беса, за да го намали влијанието на „Огнените““, додава Касами.

The post Касами: Ахмети е во тесно, се јавува, праќа посредници, му требаат пратеници за да го намали влијанието на „Огнените“ appeared first on Република.

ДУИ е демократска партија која одлучува со мнозинство, и секоја политичка партија која се кажува како демократска, значи треба на таков начин да работи, а мнозинството и одлуките на мнозинството ги пренесе претседателот и портпаролот на партијата господинот Османи, истакна министерот за економија, Крешник Бектеши, на прашањето поврзано со последната изјава на „Огнената група“ дека не се повлекуваат од намерата да делуваат како фракција.

Со оглед на тоа дека станува збор за внатрепартиски проблеми, министерот Бектеши не навлезе во повеќе детали, но појасни дека со одлука на претседателството на партијата може секој член на претседателството да одговори на такви прашања.

„Огнената група“ од Демократската унија за интеграција претходно на прес-конференција информира дека од денеска и официјално ќе настапува како фракција на партијата. Градоначалникот на Чаир, Висар Ганиу на прес-конференцијата рече дека се обврзуваат да бидат гласот на сите Албанци.

https://republika.mk/vesti/makedonija/medhiti-i-ofitsijalno-sme-fraktsija-na-dui/

- За жал, три години по ред алармираме дека не се почитуваат Статутот и програмата на ДУИ, што најдобро го докажува неформирањето на партиски тела за овие години. Денеска стоиме пред вас како фракција и се обврзуваме дека ќе бидеме гласот на потребите и барањата, не само на нашиот електорат, туку на сите Албанци и овој глас нема никој да го замолчи. За нас гласот на народот е сè, затоа што ова е гласот на разумот и ќе го покажеме на дело правилното, принципиелното и сеопфатното функционирање, изјави Ганиу.

The post Бектеши: ДУИ е демократска партија која одлучува со мнозинство appeared first on Република.

Фракциите навистина не се предвидени во статутот на ДУИ, но многу одлуки во Мала Речица биле донесени врз основа на политичка волја, а не врз основа на статутот, ја коментира изјавата на Али Ахмети лидерот на фракционерите Изет Меџити.

https://republika.mk/vesti/makedonija/ahmeti-so-poraka-fraktsii-ne-se-dozvoleni/

И начинот на кој ги постави координаторите во Чаир и Сарај не е во статутот. Изборот на ограноците по принципот: еден член – еден глас, исто така, е нестатутарен, како и многу други работи. Самиот Ахмети во многу наврати има кажано дека е многу поважна политичката волја отколку статутот и во минатото повеќепати инсистираше да има фракција во ДУИ, како што има во повеќето европски партии, вели Меџити.

https://republika.mk/vesti/makedonija/rafis-aliti-e-nov-kordinator-na-dui-vo-saraj/

https://republika.mk/vesti/makedonija/dui-go-imenuvashe-bujar-osmani-za-koordinator-na-ogranokot-chair/

The post Ни функциите на Бујар Османи и Рафиз Алити не се предвидени со статутот на ДУИ, му возвраќа Меџити на Али Ахмети appeared first on Република.

Лидерот на ДУИ, Али Ахмети денеска по средбата во изјава за медиумите истакна дека фракции не се дозволени.

„Фракција врз основа на статутот на ДУИ и одлуките на Конгресот, не се дозволени. Да го почекаме Конгресот, на Конгресот јас повторно ќе предложам, со најдобра цел да победи мојот предлог за непризнавање на фракции во ДУИ. Секоја постапка надвор од Статутот е анархија. А анархијата е најголемиот непријател на демократијата. Начелото е малцинството да се придружи на мислењето на мнозинството, тоа е најдемократското начело. Во спротивно да направиме анархична партија и да работиме кој како сака“, вели Ахмети.

The post Ахмети со порака: Фракции не се дозволени appeared first on Република.

Градоначалникот на општина Сарај и дел од Незадоволните Блерим Беџети денеска во изјава за медиумите, по средбата во ДУИ истакна дека исцрпени се сите можности, односно тие ќе функционираат како фракција.

„Исцрпени се сите можности да дебатираме за реални проблеми. Ќе продолжиме со нашите активности, со партиските бази, со членството и оттука ги повикувам сите членови да не поддржат и да разговараме за разликите што ги наметна оваа власт која ги узурпира органите на одлучување кои се надлежност на партијата. Ќе продолжиме да функционираме како фракција во рамките на ДУИ и отсега ќе имаме свои ставови за сите прашања“, порача Беџети.

На прашањето дали ќе се формира нова политичка партија, тој кратко истакна дека ќе функционираат како фракција.

„Не, ние ќе функционираме како фракција во ДУИ“, вели Беџети.

Инаку, средбата на ДУИ се уште не е завршена, додека пак членовите на „Огнената група“ излегоа.

The post Незадоволните од ДУИ стануваат фракција appeared first on Република.

Демократската унија за интеграција утре во партиското седиште во Мала Речица ќе одржи седница на Централното претседателство, на чиј дневен ред се очекува да биде расправа за „фронтот за Европа“.

Организацискиот секретар на ДУИ и воедно градоначалник на Општина Сарај, Блерим Беџети се надева дека на утрешната седница на Централното претседателство ќе продолжи и дебатата за прашањата „што создаваат разлики меѓу извршната власт и значаен дел од партијата“.

- На последната седница беше донесен заклучок дека треба да се разгледаат двата извештаи и да се продолжи со расправа по извештајот кој се однесува на отчетноста, што е транспарентност, европска вредност и верувам, во најмала рака, очекувам да се продолжи да се дебатира за сите тие прашања кои реално создаваат разлики меѓу извршната власт и значаен дел од Демократската унија за интеграција. Треба да продолжи таа точка од дневниот ред за да се види дали има сработено, дали има резултати и дали тие се исполнети со конкретни ангажмани и реализирање на проекти, согласно изборната програма на ДУИ. Ова ќе биде предложено како точка на дневен ред, рече Беџети денеска по потпишувањето на Договорот за збратимување на скопските општини Сарај и Чаир со малтешката Општина Л-Исла.

Група истакнати членови на ДУИ, кои беа наречени „Огнена група“, кон крајот на септември објавија отворено писмо во кое обвинија дека во партијата речиси две години не постојат и не се формираат статутарните партиски тела и дека политичкото одлучување станало индивидуално. Во писмото, потпишано од 20-тина членови на ДУИ, меѓу кои и Изет Меџити, Муса Џафери, Висар Ганиу, Невзат Бејта, Блерим Беџети, Мерита Коџаџику, се бараше внатрепартиска дебата за да се надмине состојбата и беше упатен повик до лидерот на партијата Ахмети „да го искористи својот политички и  статутарен авторитет за да се најде решение за зачувување на партиското единство“.

The post Незадоволните во ДУИ утре ќе се соочат со групата на Груби appeared first on Република.

Демократската унија за интеграција вечерва одржува митинг во спортската сала „Шабан Трстена“.

На митингот присуствуваат лидерот на партијата Али Ахмети, претседателот на Собранието Талат Џафери и владини министри од редовите на ДУИ.

Вицепремиерот Артан Груби пред почетокот на митингот изјави дека очекува масовно присуство. Кажа дека митингот е продолжение на собирите што ги имаше ДУИ Тетово, Гостивар, Желино, Врапчиште и други општини, и најави дека ќе продлжат и по другите ограноци на партијата низ државата. Груби демантира дека луѓето на митингот се дојдени под притисок. Вели дека собирот се одржува во убава атмосфера, спектакуларно и ќе бидат испратени убави пораки.

- Чаир е на на Али Ахмети и на ДУИ, кажа Груби, негирајќи дека станува збор за реваншизам кон Изет Меџити од „огнената група“. Додаде дека Меџити бил поканет, но, како што наведе, „на крајот на краиштата никој не се кани во својот дом“.

Изет Меџити претходно изјави дека тој како претседател на чаирскиот огранок на партијата не е поканет на вечерашниот митинг.

https://republika.mk/vesti/makedonija/medhiti-nepokanet-slusham-tsela-vlada-se-zanimava-so-kontsertot-na-artan-i-bujar-vo-chair-ke-se-nosat-luge-od-struga-kumanovo/

Вицепремиерот Артан Груби на собирот во Чаир рече дека е потребно помирување и обединување, а не поделба. Порача дека неговата рака останува подадена, бидејќи, како што посочи „нема ни огорчување, ни лутина“.

Овде сме вечерва затоа што ни треба помирување и обединување, а не поделба. Раката ми останува подадена, затоа што немам огорченост или лутина, научени сме да бидеме заедно затоа што така ни налага времето и овој е вистинскиот момент. Сите заедно ги трасираме патиштата на ДУИ за интересите на нацијата, а не на поединецот, затоа што ДУИ е на сите, а не на неколкумина. Само слабите се плашат од конкуренција. Ништо не започнало и нема да заврши ниту со мене, ниту со некој друг, рече Груби на митингот во Чаир.

The post Груби: Чаир е на Али Ахмети и на ДУИ appeared first on Република.

Изет Меџити, кој ги претставува незадоволните членови на ДУИ, денеска изјави дека тој како претседател на чаирскиот огранок на партијата не е поканет на вечерашниот митинг во салата „Шабан Трстена“.

Меџити, кој заедно со градоначалниците на Чаир и Град Скопје, Висар Ганиу и Данела Арсовска, присуствуваше на официјалното започнување на изградбата на Мега паркот, рече дека вечерашниот митинг на ДУИ му наликува повеќе на концерт имајќи предвид, како што наведе, „се носат звучни имиња од естрадата“.

Ќе носат луѓе од Струга, Куманово, Липково, прават многу притисоци со списоци во администрацијата, со закани дека ќе им сменат работни места. Жално е да се види дека ДУИ сето ова месец дена да го подготвуваат да направат реприза на тоа што ние го направивме со граѓани во Чаир. Мислам дека ова ќе биде порака до Ахмети, добро ќе беше да ги оставеше сам Артан и Бујар да видат која им е тежината во Чаир во нивната општина. Но ова е ситуацијата. Денеска слушнав дека и Ковачевски се занимава со митингот во Чаир, значи цела Влада, изјави Меџити.

Прашан дали ќе соработува со новоназначениот партиски координатор на Чаир, Бујар Османи, Меџити категорично одговори дека нема да соработува.

Прво, човекот со што прво да се занимава - дали со ОБСЕ, дали со билатералните односи со Бугарија, со надворешни работи, портпарол на партијата, доктор, значи човекот е изгубен, не знае кај попрво и ова последново координатор со митинзи. Мислам дека државата има други приоритети, рече Меџити.

Како коментар на последните анкети каде тој предничи пред Артан Груби, Меџити рече дека очекува и други партиски членови и симпатизери кои сега се плашат, да се приклучат на „огнената група“, бидејќи, како што навде, тие го слушаат гласот на народот и на гласачите.

The post Меџити непоканет: Слушам цела влада се занимава со „концертот“ на Артан и Бујар во Чаир, ќе се носат луѓе од Струга, Куманово… appeared first on Република.

Со петиција на интернет „Огнената група“ на ДУИ денеска почнува обид за разрешување на Артан Груби и на неколку министри. 

-Денеска е петиција. Утре и задутре сигурно ќе има и други механизми, демократски. Ние сме искусни во политиката, секој ден сме со граѓаните и ќе најдеме начин да победиме и овојпат. Прво рекоа дека само двајца-тројца се незадоволни, после излезе само во Чаир и Сарај. Сега гледаме дека и во Тетово и сегде луѓето, гласачите, структурата се незадоволни од владеењето на Груби и другите, истакна Изет Меџити во изјава за ТВ Телма.

Тие тврдат дека нивните средби со граѓаните се повеќе посетени и затоа сметаат дека, како што велат, во паника раководството ја смислило кампњата „Тој доаѓа“ за да се дефокусира јавноста. 

Меџити и во интервјуто за „Република“  истакна дека не бараат од инает Груби да си оди туку дека е нелегитимен.

Ако Ахмети не не слуша нас треба да го слуша членството. На ДУИ и на државата  и оди подобро без Груби-рече Меџити.

И додека незадоволните во ДУИ се спремаат за смена на Груби , партиското раководство ја почна кампањата „Да тој доаѓа“ за новиот премиер.

The post „Незадоволните“ подготвија петиција за разрешување на Груби, ДУИ се спрема за премиер Албанец appeared first on Република.

За кампањата на ДУИ со слоганот „Тој доаѓа“ Изет Меџити од Тетово порача дека е резултат на паника во партијата, затоа што митинзите на незадоволните се многу посетени, па на тој начин сакаат да ја сензибилизираат јавноста, објави ТВ Телма. Додаде дека со кампањата Груби си поигрува со авторитетот на претседателот на партијата.

Незадоволните членови на ДУИ започнува со онлајн петиција за разрешување на Артан Груби и на владини министри. Изет Меџити вели дека ќе ги искористат сите демократски средства за да се слушне гласот на народот, не потенцирајќи што понатаму со ваквата петиција.

Денеска е петиција. Утре и задутре сигурно ќе има и други механизми, демократски. Ние сме искусни во политиката, секој ден сме со граѓаните и ќе најдеме начин да победиме и овојпат. Прво рекоа дека само двајца-тројца се незадоволни, после излезе само во Чаир и Сарај. Сега гледаме дека и во Тетово и сегде луѓето, гласачите, структурата се незадоволни од владеењето на Груби и другите, изјави изјава Изет Меџити, ДУИ.

The post Kампањата на ДУИ со слоганот „Тој доаѓа“ е резултат на паника во партијата, вели Меџити appeared first on Република.