Дождот, кој со различен интензитет,  врне деновиве, во дебарскиот регион, предизвикува помали одрони на патиштата во ова подрачје, поради што се препорачува внимателно возење.

- Засега има помали но чести одрони од камен и земја. Поради тоа, но и влажните коловози се препорачува внимателно возење и строго почитување на патната сигнализација, порачуваат од дебарската секција на Јавното претпријатие за одржување на магистрални и регионални патишта.

Екипи на секцијата се постојано на терен, со цел навремено расчистување и безбедно одвивање на сообраќајот.

Под надлежност на оваа секција се патишта во должина од над 110 километри: делниците Дебар – Жировница (патен правец Дебар – Маврово), Дебар – Глобочица (патен правец Дебар – Струга), патот кон граничниот премин „Блато“, кракот Бошков Мост кон селата на Мала Река, како и патот Мелнички Мост – Центар Жупа.

Вообичаено на патниот правец Дебар – Маврово најчести се одроните кај селата Рајчица, Косоврасти и Јанче, месноста Ростушки Мост, потоа во близина на Бигорски манастир и месноста „Сенечки ливади“, на патот кон Струга кај месноста „Три чешми“(Манастирец).

Дождот поволно ќе се одрази во зголемувањето на нивото на акумулацијата Дебарско Езеро на ХЕ "Шпиље".

The post Поради влажни коловози и помали одрони се препорачува внимателно возење во дебарскиот регион appeared first on Република.

Доцна попладнево поширокиот дебарски регион беше зафатен со обилни и интензивни врнежи од дожд, грмотевици и град. Улиците во градот се преполни со вода, но, засега нема регистрирана материјална штета.

Обилните врнежи од дожд, кои продолжуваат и вечерва, на патните правци, во поширокиот дебарски регион, предизвикаа чести одрони од камен и земја.

Од дебарската единица на Јавното претпријатие за одржување на магистрални и регионални патишта потврдуваат дека сообраќајот се одвива непречено, но се препорачува многу внимателно возење и строго почитување на патната сигнализација.

Вообичаено на патниот правец Дебар – Маврово најчести се одроните кај селата Рајчица, Косоврасти и Јанче, месноста Ростушки Мост, потоа во близина на Бигорски манастир и месноста „Сенечки ливади“, на патот кон Струга кај месноста „Три чешми“, како и месноста „Кокошкина краста“ на патот Мелнички Мост-Центар Жупа.

Под надлежност на оваа секција се делниците Дебар – Жировница (патен правец Дебар-Маврово), Дебар - Глобочица (патен правец Дебар-Струга), патот кон граничниот премин „Блато“, потоа кракот Бошков Мост кон селата на Мала Река, како и патот Мелнички Мост-Центар Жупа или над 110 километри.

The post Улиците во Дебар преполни со вода, одрони од камен и земја во дебарскиот регион appeared first on Република.

Сообраќајот на државните патишта се одвива непречено, по претежно суви коловози.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево

The post Внимавајте на одрони кај Велес и Маврово-Дебар appeared first on Република.

По неколкучасовните врнежи од дожд во тетовскиот регион проблеми синоќа се појавија на патот Шипковица – Бродец, како и на неколку градски улици кои беа поплавени поради големите количини насобрана вода по коловозните ленти. Делницата Шипковица – Бродец е непроодна поради одрони од земја и камења на патот.

По обилните врнежи од дожд и влошувањето на временските прилики во нашата земја блокирани се многу патишта на Шар Планина. Нашата интервенција беше непосредна, интервенираа вработените во ЈКП и Противпожарната единица за да се овозможи слободно движење на граѓаните. На патниот правец Шипковица – Бродец, кај новиот мост, со голем интензитет се работи на чистење на одрони. За жал, новиот мост кој претходното раководство го пушти во употреба без никакви критериуми, не успеа да го издржи дождот, рече градоначалникот Биљал Касами.

Општина Тетово информираше дека низ улиците во градот успеале навреме да интервенират за слободно движење за граѓаните.

The post Teтовските улици под вода поради одрони, новиот мост не го издржа дождот appeared first on Република.

Најмалку 35 луѓе ги загубија животите во поплавите и одроните предизвикани од обилните врнежи во североисточниот дел на Бразил.

Во бразилската држава Парнамбуко, загинаа најмалку 33 лица во лизгање на земјиштето предизвикано од поројните врнежи во урбаните средини, додека 765 луѓе беа принудени да ги напуштат своите домови. Властите во соседната држава Алагоас соопштија дека две лица го загубиле животот во поплавите.

https://youtu.be/vqh8KKMEsxE

Во декември и почетокот на јануари десетици луѓе загинаа додека десетици илјади луѓе не беа принудени да ги напуштат своите домови поради обилните дождови што ја погодија државата Баија, исто така во североисточниот дел на Бразил.

The post Катастрофа во Бразил, најмалку 35 загинати во поплави и одрони appeared first on Република.

На патниот правец Скопје – ГП Блаце, поради одрони на патот, сообраќајот се одвива со наизменично пропуштање на возилата.

Како што информира АМСМ, сообраќајот на државните патишта се одвива непречено по суви коловози.

Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post Oдроните уште го попречуваат патот Скопје-Блаце appeared first on Република.

Свлечишта, одрони од камења и земја струполени на коловозот, навалени потпорни ѕидови. Ваква е сликата во подножјето на Шар Планина долж сообраќајницата, која води кон рекретивното место Бањиче, објави Телма.

После секои врнежи од дожд и снег, нестабилниот терен го прави овој единствен рекреативен предел во тетовско, ризичен како за пешаците така и за возачите.

Целиот текст овде.

The post Свлечишта, одрони од камења и земја на Шар Планина: Пределот кон Бањиче небезбеден за пешаците и возачите appeared first on Република.