За инцидентите што се случија на Денот на албанското знаме со палењето и сквернавењето на државното и албанското знаме ќе одговараат сите и нема да има компромис спрема ниту едно лицо кој го прекршил законот, истакна денеска во изјава за медиумите првиот заменик претседател на Владата и министер за животна средина и просторно планирање, Изет Меџити.

Меџити нагласи дека во регионот има деструктивни сили кои сакаат да дестабилизираат.

-28 ноември или отпочинувајќи од 22 ноември – Денот на албанската азбука беше прославено како никогаш досега, со свечен седница на Владата и други настани и прослави се до завршување со концертот на плоштадот Скендербег. Евидентно е дека во регионот има деструктивни сили кои сакаат да дестабилизираат како што е случајот во Митровица. За време на прославата се течеше добро, но тоа не годеше на некои и за жал злоупотребија млади луѓе за да не биде се како што треба. Најодговорно како прв заменик премиер тврдам сите тие кои згрешиле по член 393 ќе одговараат. И тие кои запалија и сквернавеа државно знаме, и тие со албанското знаме во Прилеп, ќе добијат кривични пријави. Ќе се покрене дисциплинска постапка за полицаецот од Куманово кој место да држи ред и мир, се бави со знамињата што не е негова одговорност. Тоа е одговорност на општината или на јавното претпријатие кое ги поставува и ги отстранува знамињата, а во овој случај не беше така, рече тој посочувајќи дека Владата повикува да се смири ситуацијата, со ладни глави ќе постапат кон сите тие кои го прекршија законот.

Во однос на најавената иницијатива на ДУИ за интерпелација за министерот за внатрешни работи Панче Тошковски и неговиот заменик Астрит Исени, вицепремиерот рече дека треба да се остават институциите да го расветлат случајот и ситуацијата и на крај, како што кажа, ќе бидат евидентни одговорите зошто баш тие луѓе некако се поврзуваат токму со овие што покренуваат интерпелација.

-Треба да оставиме на органите да го расветлат случајот и ситуацијата и на крај ќе бидат евидентни одговорите зошто баш тие луѓе некако се поврзуваат токму со овие што покренуваат интерпелација, се вработени во нивните претпријатија и ред други работи. Подобро е прво јавноста да се соочи со аргументите, фактите кој и како делувал во текот на прославата. Никој не е казнет зошто има прославено или уважил некое знаме, туку напротив сите ќе бидат казнети кои го прекршиле законот. Ќе оставиме на органите да ги дадат информациите, но случајно или не испаѓа дека се луѓе блиски до ДУИ, работат во нивните јавни претпријатија каде што се нивни директори и се сликани со нив, рече Меџити.

The post Меџити за инцидентите на Денот на албанското знаме: Ќе одговараат сите кои го прекршиле законот appeared first on Република.

Одговорност ќе има и се работи на сите случаи. И јавноста знае за точките на корупција од 14 милиони евра долг отпишани од МЕПСО на синот на Муса Џафери и ним блиски фирми, преку внуците на Ахмети и купувањето на Соравија, криминалот со Лотарија и нелегалните коцкарници, до секој еден криминал, рече Миле Лефков, пратеник и член на ИК на ВМРО-ДПМНЕ одговарајќи на новинарско прашање во врска со најавите дека ќе има одговорност за сите за кои ќе се докаже дека сториле казнени дела.

Лефков јасно укажа дека „прибегнувањето на ДУИ кон насилни методи и заканите со дестабилизација нема да не поколебаат“.

Според Лефков не може да се остават оние за кои сториле криминал без разлика на припадност.

„Доста ги злоупотребуваа и Албанците и Македонците. Додека тие 7 години се богатат и трупаат милиони еднакво се иселуваат и од Тетово и Дебар и од Штип и Кочани. Тоа веќе нема да го дозволиме наместо народот да се иселува, треба да почнат тие да одговараат за криминалот“, кажа Лефков.

The post Лефков: Додека 7 години се богатат и трупаат милиони еднакво се иселуваат и од Тетово и Дебар и од Штип и Кочани, треба да почнат да одговараат за криминалот appeared first on Република.

Иран ќе „сноси одговорност“ за каков било напад врз Израел „што би довело до ескалација на тензиите во регионот“ и што би ја загрозило можноста за постигнување договор за прекин на огнот и ослободување на заложниците од Појасот Газа, се вели во заедничката изјава на Велика Британија, Франција и Германија.

Британскиот премиер Кир Стармер, францускиот претседател Емануел Макрон и германскиот канцелар Олаф Шолц го повикаа Иран „и неговите сателити“ да се воздржат од напади, додавајќи дека се согласуваат со земјите посредници, т.е. САД, Египет и Катар, дека не смее да има повеќе одложувања во преговорите меѓу Хамас и Израел, пренесува Политико.

Претходно порталот Аксиос објави дека израелските безбедносни служби веруваат дека напад од Иран врз таа земја може да се случи во наредните денови. Иран предупреди дека ќе го нападне Иран како одмазда откако лидерот на Хамас Исмаел Ханије беше убиен во Техеран, за што Израел не презеде одговорност.

The post Велика Британија, Франција и Германија предупредија дека Иран ќе сноси последици доколку го нападне Израел appeared first on Република.

„Има надлежни институции кои што ќе го расветлат случајот во два дела. Првиот дел е до моментот додека не доаѓа лицето и вториот дел е откако доаѓа лицето, вели Претседателот на Владата на Република Македонија Христијан Мицкоски денеска на прес конференцијата одговарајќи на новинарско прашање дали ќе побара одговорност од собранискиот спикер Гаши за испраќање на обезбедување на скопскиот аеродром.

Премиерот Мицкоски истакна дека доколку институциите констатираат пречекорување или сторување на кривично дело тогаш за истото лице ќе биде изведено пред лицето на правдата, потенцирајќи дека нема да дозволи никој да е над законите.

Доколку институциите констатираат пречекорување или сторување кривично дело тогаш бидете сигурни дека истото лице ќе биде изведено пред лицето на правдата. Нема никој да биде над законот во оваа земја, не постојат такви луѓе кои ќе бидат над законот додека сум јас премиер. Кога јас нема да сум премиер тогаш може да има такви. Но, додека сум јас не постојат луѓе што ќе бидат над законот. И доколку ова што вие го тврдите се потврди, тогаш бидете сигурни дека за тоа лице ќе има одговорност.“, дециден е премиерот Мицкоски.

The post Мицкоски дециден за случајот на скопскиот аеродром: Додека сум јас премиер, не постојат луѓе кои што ќе бидат над законот, ако се утврди пречекорување во своите надлежности лицето ќе биде изведено пред правдата appeared first on Република.

Селекторот на Италија, Лучано Спалети, беше видно разочаран по мечот со Швајцарија и раната елиминација од Европското првенство.

Стратегот на „азурите“ сепак не бега од одговорност и веќе најави средба со претседателот на италијанската ФА.

Одговорноста за елиминацијата е само моја. Јас го направив овој избор, изјави Спалети по мечот.

Италијанските новинари се интересираа дали Спалети сепак ќе поднесе оставка.

Ќе разговарам со претседателот Гравина. Тој отсекогаш ме третирал како голема личност. Ќе видам што ќе каже, објасни Спалети.

Италијанските медиуми веднаш по натпреварот тргнаа во офанзива против селекторот, пред се поради лошиот избор на играчи кои ги однесе на ЕП.

Велам, сето тоа е дел од процесот. Сите други тренери имаа најмалку 20 натпревари пред ова ЕП, јас имав само 10 и секогаш под притисок - мора да победиш, мора да победиш. Веројатно треба малку подобро да го запознаам мојот тим, за да ги поставам работите подобро. Исто така, имавме голем број повредени играчи на кои нормално би сметал. Пробавме различни работи, но чувствувам дека треба да менувам. Ова не е толку скандалозен резултат како што луѓето ќе го претстават. Поминавме во тешка група, но немавме карактер, заврши Спалети.

The post Спалети ја презеде одговорноста за елиминацијата на Италија од ЕП: Јас го направив изборот на играчи appeared first on Република.

-Од оваа влада не очекувам нешто многу освен одлуката за смена на директорите, овој скандал создаде лоша репутација за Македонија како држава која нема контрола на главната алка на воздушниот сообраќај и дека институциите немаат капацитет да побараат одговорност особено кога се работи за функционери на ДУИ, изјави пратеникот и член на ИК на ВМРО-ДПМНЕ, Антонијо Милошоски во „За или против“ на Алфа телевизија.

Скандалите произлегуваат од самата влада и нивните инсталации во институциите и затоа не може таа да ги решава или да има одговорност, оти таа ги создава скандалите. Гледаме дека има принцип на неказнивност, заштита, релативизирање на сите овие скандали без разлика дали станува за Онкологија, Беса транс, М-НАВ, гледаме дека власта се обидува да купи време и секој еден скандал да се покрие со следниот кој ќе биде подраматичен за претходните да се заборават.

Милошоски истакна дека оваа влада е продуктивна само по број на скандали и висока инфлација, додека за скандалот во М-НАВ не очекува да има некаква одговорност.

Тој нагласи дека имаше упад во во контролна кула од која зависат илјадници животи и авиони, но не верува дека оваа власт ќе оди до кривична и судска одговорност.

Излегува дека кривичниот суд е владин и им суди на другите граѓани кои не се од владата, но кога станува збор за припадници од власта, овој случај заслужува притвор, четворица се во бегство, загрозен е авиосообраќајот, рече тој.

Додаде дека и сознанијата говорат дека нападнатиот контролор, самиот не се чувствуваат сигурни тој и семејството.

Ако во најбезбедната кула која има протоколи не сте безбеден и некој ве нападне, а потоа таа група не е во притвор, а четворица се во бегство, логично е да се заклучи дека не се чувствувате безбеден. Жално е за државава, овие контролори би требало да бидат најобезбедените лица во системот на воздушен сообраќај. Но и овој систем со оваа влада претрпе девалвација. Смена на власт, влада без ДУИ, ВМРО-ДПМНЕ Со голем број на пратеници во тој случај ќе значи еден од предусловите за ресетирање на институциите кои се девалвирани од ДУИ, изјави Милошоски.

The post Милошоски за М-НАВ: Кривичниот суд е владин, а институциите не бараат одговорност кога станува збор за функционер од ДУИ appeared first on Република.

Во Македонија со СДС и ДУИ се губат животи во болница, како на бојно поле во војна, и никој од власта не сноси одговорност, велат од ВМРО-ДПМНЕ.

Последниот немил настан со смртта на новороденче од Прилеп во Клиниката во Скопје за жал е аларм за власта која во наместо да се труди да пружи подобри здравствени услуги на пациентите бара начини како да испумпа милиони евра преку системот за јавни набавки на клиниките.

Одговорност за смртта на бебето од Прилеп мора да има, и таа не смее да се сведе на некој кабел, пинцета или епрувета. Одговорноста мора да биде директна на надлежните во болниците каде е породено и лекувано бебето, но и политичка на министерот за здравство.

Според родителите на детето. Мајката на бебето немала никаква бактерија и требало да се породи со царски рез. Сите испитувања биле добри. А докторите одлучиле сабајлето кога е примена на 27 октомври да ја породат по природен пат.

Одговорноста мора да се персонализира, како кривична така и политичка.

Не може министерот за здравство да се занимава со се, освен со тоа што реално му е работа – грижа за пружање квалитетни здравствени услуги на населението.

Одговорност веднаш, и кривична и политичка. Единствена добра работа која може Меџити да ја направи е да си даде оставка веднаш, стои во партиското соопштение.

The post Во Македонија, со СДС и ДУИ се губат животи во болница како во војна, оставка на Меџити веднаш appeared first on Република.

Претседателот на ВМРО-ДПМНЕ Христијан Мицкоски при вчерашната посета во Велес во рамки на акцијата „Важно е! Од тебе зависат промените“ беше запрашан дали актуелната влада ќе одговора за криминалите кои што ги направи изминатите години.

Едно прашање за криминалиите на оваа власт, дали ќе одговараат, беше прашан претседателот од еден од присутните граѓани.

За секој криминал што ќе го докажеме ќе има одговорност и ќе одговараат. Бидејќи ќе нема пардон, рече Мицкоски.

Значи 10 милијарди евра земаа, а ништо не направија, а парите ги нема, дали ги земаа дали ги украдоа, на што ги потрошија, додаде еден од присутните граѓани, на што претседателот Мицкоски порача дека ќе нема пардон за криминалот и во тоа никој да нема дилема.

Апсолутно, нема дилема за тоа. Ниту пак некој има дилема за тоа. Ќе одговараат за сето она што ќе биде докажано, а има основано сомневање за многу криминали. Ги амнестираат криминалците и мислат дека амнестирајќи ги криминалците, нагласи Мицкоски на што доби одговор од граѓанинот дека власта сака да избегне одговорност за сторениот криминал.

Значи со помали казни, а со поголеми пари да лежат помалку во затвор, додаде граѓанин Тоа е едно и второ сега со новиот закон за амнестија мислат ќе ги амнестираат криминалите и тие ќе им помогнат на изборите со насилство да останат на власт, смета Мицкоси.

Исто како минатиот пат што направија кога ги ослободија криминалците, рече еден граѓанин.

Е тоа им е целта, заклучи Мицкоски.

The post Мицкоски: Да нема дилема, за секој криминал кој ќе се докаже, ќе има одговорност appeared first on Република.

Катастрофални десетина денa за Министерството за култура. Додека Министерството се обидува да најде начин како да го укине или заобиколи Колективниот договор за вработените од културата да не го добијат планираното покачување на платите, медиумите известуваат за намерно и свесно уништување на неолитскиот локалитет Влахо кај Живојно за експоатација на јаглен. Иако оваа информација најпрво ја има Министерството и Управата за заштита на културното наследство, тие одлучуваат да го игнорираат и да го премолчат процесот надевајќи се дека нема таа информација да излезе во јавноста. Но вистината е како шило, реагираат од Комисијата за култура на ВМРО ДПМНЕ.

Неколку дена подоцна, албанска телевизиска куќа обвини за ископување на некропола кај Скупи и за „намерно уништување“ на наоди кои говорат за „Дарданија и дарданството“ на Скупи. Да прецизираме – се кријат и уништуваат наоди кои ги гледаат и ги снимаат. За ова, директорот на Управата за заштита на културното наследство на самото место увидува дека има „невнимание“ при работа и дека „има неправилности во работата, дека има оштетени остатоци, дека има расфрлани коски, скршени саркофази… и дека отсега ќе имало посебна грижа и нема да биде професионално, туку суперпрофесионално“.

Неколку дена подоцна во јавноста излегува информацијата дека кај археолошкиот локалитет „Св. Атанасиј“ кај с. Спанчево ќе се поставуваат фотоволтаици. Заводот за заштита на спомениците на културата и музеј – Штип, први кои треба да го чуваат тамошното културно наследство во тој регион, излегуваат, на увид по што утврдуваат дека инвеститорот ги има сите потребни документи за изградба, меѓу кои и Дозволата од Управата за заштита на културното наследство. Воедно, од прекопувањето на самиот локалитет, Заводот и музејот од Штип констатира на самото место дека „на терен имаше расфрлана керамика, но такви наоди има по цело Кочанско“. Притоа, од надлежната установа изјавуваат дека доколку има археологија, таму тие можат да го стопираат ископувањето, „но такво нешто не увиделе“! Да биде иронијата поголема, кога со багери се ископува на археолошки локалитет излегуваат археолошки наоди. И тоа не е археологија, туку нормална градежна активност. Генијална констатација!

Комисијата за култура на ВМРО-ДПМНЕ укажува дека, истовремено се премолчуваат уште десетици други уништени или оштетени локалитети низ државата. И каде е надлежното Министерство и Управата кои по дејност и основа на постоењето мораат грижливо да го чуваат недвижното културно наследство!? На сето ова, Министерството излегува со само едно бедно соопштение во кое кажува дека ископувањата во Скупи се според сите правила и прописи, односно спротивно од првичното мислење на директорот на Установата, која директно го контролира тоа. Иритира потсетувањето на ланската изјавата од министерката во емисијата „Трилинг“, дека другите го уништуваат културното наследство, па потоа изгледа дека државата не се грижи за него. Ова јасно покажува дека Министерството е „село без кучиња“ и без никаков срам, морал и чувство за одговорност!

Овие скорешни јавни сведочења за трајно уништување на недвижното културно наследство не започнуваат од сега. Тие се резултат на повеќегодишна негрижа која случајно кулминира токму во овој момент. Јавноста и цела Македонија сведочат за разорните случувања во кои никој нема вина и никој не презема одговорност за трајното уништување на заштитеното културно наследство, подложно и на Кривичниот законик!

Дали е ова последниот чекор за бришење на македонскиот идентитет и историја, по политичките договори со Грција и Бугарија? Дали физичкото уништување на локалитетите е дел од ова сценарио?

И кога ќе помислиме дека културата во Македонија стигна до самото дното, тука се д-р Бисера Костадиновска–Стојчевска и нејзината „стручна културна машинерија“ да нѐ разубедат. Тие неуморно продолжуваат да копаат!, велат од Комисијата за култура на ВМРО ДПМНЕ.

The post Никој не презема одговорност за трајното уништување на заштитеното културно наследство, реагираат од Комисијата за култура на ВМРО ДПМНЕ appeared first on Република.

Да престанеме да ја затскриваме личната одговорност зад колективната

Со години градиме систем во кој изостанува личниот интегритет и верувања зад колективната маса која оневозможува личен став и одговорност.
Некако 30 години успеваме да овозможиме средина во која луѓе на високи и одговорни позиции да останат во сенките, без да знаеме кои се, кои се нивните вредности, за што се залагаат, кои се нивните ставови, јавно да ги слушнеме нивните имиња и презимиња за добро или за лошо, а токму тие можат да одлучуваат или поточно да ја имаат моќта да не одлучуваат по прашања кои се важни за сите нас.

Па така читаме наслови како – „Апелацискиот суд донесе одлука…“, „Судот пресуди…“ …
Срамот како и подривањето на довербата, државноста, одговорноста, рушењето на системот и крадењето на иднината мора да имаат име и презиме. Било тоа да се сто или две.

Исто како што чествуваме некого за неговите достигнувања кои не носат кон напредок, мораме да ги знаеме имињата и на оние кои со своите постапки го кочат развојот и не враќаат назад.
Само така ќе можеме да градиме општество на мерит систем во кој секој од нас ќе има одговорност.

Судската, извршната и локалната власт во нашето уставно уредување се одделни и независни, но не и заштитени. Уставот никој од нас не заштитува од одговорност за повредување на правниот ред и поредок. Посебно значајно за оние кои својата кариера ја граделе токму во системот кој треба да го штити и надградува.

Постојано гневот како маса го пренесуваме од една точка до друга во зависност од дневнополитичките теми и актуелни вести. Некој може да рече, чекајте вие сте вицепремиер и потпретседател на партијата на власт, за каков гнев вие зборувате? И нема да греши. Но, одделни се трите власти и има зошто, поради непречено функционирање и спречување на токму вакви злоупотреби кои сите не полнат со гнев и недоверба во целокупниот систем.

Со мојот личен интегритет одговарам за моите постапки и сметам дека така треба да биде за секој еден.

Со личниот интегритет одговара секој судија, пратеник кој гласа или не гласа во собрание, директор на јавно претпријатие кој го унапредува работењето на претпријатието или го продлабочува долгот, градоначалник кој ја развива општината или носи дуп кој одговара на мала маса на клиентелистички бизнис партнери, менаџер или сопственик на фирма кој ги крши работничките права или оној кој се грижи за нивниот напредок и инвестира во развој, професор кој ја надградува програмата по новите текови или предава по скрипти од пред 20 години, министер кој не ги исполнува обврските по мандатното писмо и програмата за работа на Владата, граѓанин кој учествува во општественото живеење или оној кој своето ќесе со ѓубре го фрла од балконот на 5ти спрат, авторите на учебници и рецезенти, кои намерно или не намерно од брзање или немукает, ќе направат грешка…

Сите ние, колективно, очекуваме нашите индивидуални грешки да немаат никакви реперкусии по нашиот живот иако имаат широко ехо во општеството.
Сите ние сме системот. Сите ние сме државата.

Колективното добро ни зависи од личната одговорност.

Затоа, да ги кажеме со име и презиме оние кои ни го рушат колективното добро. Само низ лична одговорност ќе постигнеме колективен напредок.

The post Битиќи: Да ги кажеме со име и презиме оние кои ни го рушат колективното добро appeared first on Република.

Интерната постапка за евентуален пропуст за случајот „Онишченко“ констатира дека не е испочитувано последното ниво од безбедносната проверка и не била направена консултација со НАТО партнерите пред да се даде позитивно мислење. Лоциран е прстенот и поединецот што го ставил потписот и ќе се преземе одговорноста. Претседателот на државата Стево Пендаровски повикува на одговорност за овој случај на доделување македонско државјанство на украинскиот државјанин Олександр Онишченко, кој е ставен на црната листа на САД.

Директорот на Агенцијата за национална безбедност (АНБ) Виктор Димовски вчера по седницата на собраниската Комисија за надзор над работата на АНБ и на Агенцијата за разузнавање (АР), изјави дека чекањето за реферирање за случајот, било поради тоа што требало да се почитуваат и следат институционалните норми и да се истражи ако затаил, каде и зошто затаил системот за национална безбедност.

Безбедносната проверка пред издавање позитивно мислење за издавање пасош на некое лице, Димовски појасни дека се прави на неколку нивоа и дека се потребни потписи од десет припадници на АНБ. Тие констатирале дека последното ниво кое требало да направи консултација со НАТО партнерите, дало позитивно мислење, но тоа не го направило. Тој нагласи дека истрагата ќе продолжи, со цел да се утврди дали станува збор за изолиран случај или не.

Тој не го откри името на лицето, но посочи дека во сите четири сектори работат лица со безбедносни сертификати. Рече дека испитуваат дали станува збор за изолиран случај или не, односно дали се работи за пропуст или некој намерен или лукративен интерес.

– Не сакаме заради ваков случај, она што е сторено со макотрпна работа во изминатиот период да пропадне. Во зависност од тоа ќе се утврди дали ќе заврши со дисциплинска или кривична одговорност, изјави Димовски.

Претседателот Пендаровски во завчерашното гостување во емисијата „24 Анализа“, во врска со случајот „Онишченко“ оцени дека станува збор за сериозен удар врз кредибилитетот на една земја членка на НАТО во очите на другите сојузници.

– Станува збор за човек чија биографија ја знаеме кој е на црната листа, но е поврзан со други индивидуи и групи и не е поврзан само со изборите за претседател во Америка во 2016. Има четири сектори во рамките на Агенцијата за национална безбедност (АНБ). Владата на крајот носи позитивна одлука. Треба да се сконцентрираме на интерната истрага во АНБ. Четвртиот сектор во АНБ  е за соработка со странски служби кои се наши партнери во НАТО. Ако е точно тоа што го знам, вклучително и овој сектор, тоа е голем удар за кредибилитетот за АНБ. Мора да извлечеме одговорност за овој случај. Ако човекот се мешал во нивните избори, со кои очи ќе ги погледнеме Американците. Нема да не гледаат со исти очи. Имаше и реакција од Америка како е можно ова да се случи, рече Пендаровски.

Според него станува збор за прилично голем пропуст, но системски.

– Јас би рекол дека станува за системски пропуст, не станува збор за една индивидуа. Значи некој погрешил, примил мито, шпекулирам, рече претседателот, повотрувајќи дека мора до крај да се истера процесот на одговорност во АНБ.

Претседателот на Собранието Талат Џафери вчера реагираше да се прекине комисиската работа бидејќи според информации во медиумите, она што се зборувало на затворената седница на Комисијата за контрола на АНБ, одело тонски во живо на Јутјуб.

Џафери на почетокот на седницата истакна дека нема да отстапи од своите надлежности за да испита до крај што се случува.

– Одлука има на Комисијата работата да биде затворена. Од каде, како, што, тоа не е моја работа јас тоа да го испитувам. Има државни институции кои се надлежни тоа да го спроведат и сите надлежни институции се информирани и ќе бидат во Собрание тоа да го испитаат. Меѓутоа, тоа не е за телевизија, додека не се утврди што е што, рече Џафери.

Тој нагласи дека нема што да крие од пратениците и од службата, посочувајќи дека сме членки на НАТО, претенденти да бидеме дел од ЕУ и сме цел на кибер напади и не треба да се случи тоа што се случило во соседството.

Координаторот на пратеничката група на ВМРО-ДПМНЕ, Никола Мицевски, пак, истакна дека е очигледно оти вчера имало ситуација што треба да се истражи и за која треба да имаат конкретни информации што се случи.

– Не го оправдувам реагирањето на колегите од власта, затоа што ова е проблем во оваа институција и е голем проблем доколку ова навистина се случило и во државата. Затоа претседателе ве охрабтувам и сигурно согласно вашите надлежности да преземете обврска да се направи целосна истрага за инцидентот, односно скандалот, доколку е случен на Комисијата која што се одржуваше денеска. Таа треба да биде зад затворени врати на која присуствуваат пратеници, кои имаат сертификати од одредено ниво и доколку навистина се случило вакво нешто навистина треба да има одговорност, рече Мицевски.

Украинскиот државјанин Онишченко станал македонски државјанин како спортист во еквестријан по предлог на Коњичката федерација. Одлука за доделување македонско државјанство за него донела Владата по добиено позитивно мислење од сите надлежни институции.

И премиерот Димитар Ковачевски изјави дека упатил барање до институциите, кои биле вклучени во донесувањето на позитивни мислења за доделување на државјанството на Онишченко, да поднесат извештај за тоа дали и како е спроведена процедурата.

The post Не е испочитувано последното ниво од проверката за Онишченко, АНБ уверува дека одговорност ќе има appeared first on Република.

На седницата на претседателството на Демократската унија за интеграција (ДУИ),синоќа меѓу другото, партиските функционери во извршната власт давале отчет за сработеното.

Според информации на ТВ Алсат, на состанокот се продлабочил судирот во кој се бара одговорност од извршната власт на чело со вицепремиерот Артан Груби.

Доколку не успее иницијативата, дел од ДУИ, според некои најави, ќе формира фракција во партијата.

Министерот Бујар Османи, од позиција на портпарол на ДУИ, синоќа соопшти дека останува уште третата точка од дневниот ред, односно презентација на извештајот за работа на министрите, заменик-министрите и државните секретари, за која и тој најави дека може да трае и со часови.

Тој соопшти дека избрани се 16 секретари за ист број на партиски секретаријати и дека Артан Груби останува шеф на кабинет на лидерот Али Ахмети.

Пред првата конститутивна седница на новото Централно претседателство на ДУИ, Изет Меџити, кажа дека очекува вистинска дебата и најави дека ќе бараат смена на Артан Груби од извршната власт.

Ќе згреши било кој што мисли дека ќе има само формална дебата. Мислам дека ова е Демократската унија за интеграција каде што секогаш има жестоки дебати во функција да се исправиме самите ние, пред да не поправи народот. Поради неефикасност, нереализирање на програмата, ќе бараме смена на господинот Груби - рече Меџити.

Груби, пак, во кратката изјава за медиумите го прокоментира вчерашниот ден како прекрасен и за ДУИ и за сите граѓани.

Реорганизацијата на партијата почна откако во септември се бараа реформи во ДУИ. По неколку средби на претседателот Али Ахмети со ограноците се одржа Централен совет на кој се избра новото претседателство, во кое дел од тие што негодуваа, добија високи партиски позиции.

The post Долга ноќ во Мала Речица, се притискало Груби да замине од Владата? appeared first on Република.

Стабилност, скромност, верност, разбирање. Партнер или пријател, во овие хороскопски знаци секогаш може да се најдете поддршка и да се потпрете на нив.

Рак

Скромни, цврсто стојат на земја и се прилагодливи. Искрените Ракови се многу добри пријатели бидејќи ќе ви кажат се во лице, но внимателно. Никогаш не глумат дека се среќни.

Јарец

Одговорноста е една од главните особини кои ги имаат луѓето родени во овој знак, а покрај тоа се многу мудри и трпеливи. Секогаш размислуваат рационални и не ги осудуваат другите. ДОбри пријатели се и сакаат да помогнат.

Девица

Никогаш не се преправаат и не се фалат со работите кои ги имаат. Се трудат да соработуваат со луѓето и да се прилагодат, а секогаш ес тука да ги мотивираат пријателите.

Бик

Биковите исто така се многу стабилни. Многу искрено го изразуваат своето мислење и никогаш не даваат лажна надеж или ветување.

The post За нив зборот е збор: Oвие хороскопски знаци важат за најодговорни appeared first on Република.

Во Македонија, со власта на СДСМ и на ДУИ, се случува тотален распад на системот. Земјава, од сите земји во регионот, па и пошироко, најлошо ја помина пандемијата со ковид-19. Бевме меѓу земјите со најголем број починати на еден милион жители, последни почнавме со вакцинација, две години каскавме зад сите останати. И, како да не ги научивме лекциите, па сега продолжува власта со својата неодговорност и неспособност. Имено, во услови кога цела Европа стравува од нова епидемија, овој пат епидемија од мајмунски сипаници, нашите власти се повторно неорганизирани. Откако излезе во јавноста информација дека едно лице во Македонија е суспектно на оваа болест, следеше уште една потврда за неспособноста и неажурноста на надлежните институции, вели Дафина Стојаноска од ВМРО-ДПМНЕ.

Ова лице, не само што не било тестирано за да се утврди дали е или не е заболено, туку му било дозволено да си оди дома и слободно да се шета меѓу граѓаните. Односно, ова значи дека нема никаков здравствен третман и протокол од страна на институциите. Тоа е недозволиво, бидејќи на ваков начин се загрозуваат општото здравје и животите на граѓаните кои се изложуваат на една заразна болест. Министерот за здравство, Сали тврдеше дека институциите се подготвени, но на дело ја гледаме нивната неспособност. Дали министерот Сали и другите надлежни ќе понесат одговорност, доколку заразата се прошири, изјави Стојаноска.

Таа јавно праша дали институциите ќе бидат виновни доколку се утврди дека суспектното лице е навистина заразено и притоа му било дозволено слободно да се шета, без да се почитуваат протоколите за заштита од заразни болести?

Зошто не се превенира, ако знаеме дека потоа е многу потешко да се заштити општото здравје на граѓаните? Зошто не се донесат конкретни протоколи и според нив не се справуваат со предизвиците, додава таа.

The post Кој ќе одговара доколку се прошири заразата од лицето кое не сака да се тестира? appeared first on Република.

Претседателот на ВМРО ДПМНЕ, Христијан Мицкоски, најавува дека веднаш по формирањето на влада предводена од неговата партија, ќе стартува процес на корекција на сите грешки од актуелното државно раководство, но и одговорност за процесите кои се случуваат во овој период.

Ќе имаме многу за корегирање кога ќе ја преземеме владата и ќе имаат што да одговорат овие политичари кога ќе бидат изведени на одговорност. Ако некој мисли дека ова ќе се заборави и дека секоја работа ќе трае два-три дена, се лаже. Наша обврска е тоа прашање да им го поставиме кога ќе дојде денот, бидејќи сега, со оваа заробено судство, обвинителство, органи на прогон, тешко дека може нешто да се направи. Но, ќе дојде денот кога ќе побараме одговор, зошто беше потребно сево ова?, рече Мицкоски.

Вели дека денеска бил и меѓу своите колеги инжинери, на факултетот каде што работи, посочувајќи дека и тие, како и лингвистите се потресени и зачудени од случувањата.

И колегите инжинери, исто како и лингвистите се згрозени. Просто, не им се верува дека кој било македонски политичар може да стави потпис на таков документ како што стави оваа влада. Посебно се потресени од едностраната изјава на владата за значењето на македонскиот јазик. Не знам зошто е потребно македонската влада да го појаснува македонскиот јазик кога тој има своја јасна антропологија, уште во времето на многу преродбеници во минатото. Кодифициран е тогаш кога е кодифициран, стандардизиран е тогаш кога е стандардизиран, и не ја гледам потребата на нашата влада да го ограничи на територијата на денешна Македонија. Небаре овие кои зборуваат македонски во околните држави зборуваат некој друг јазик, изјави Мицкоски при денешната посета на скопската општина Аеродром.

The post Сега не можеме, но штом дојдеме на власт, ќе бараме одговорност за ова што се случува, вети Мицкоски appeared first on Република.

Никој нема да биде поштеден од одговорност по спроведената координирана акција на повеќе институции во Казнено поправната установа-КПУ „Идризово“ каде биле претресувани 25 ќелии и се пронајдени мобилни, ножеви и дрога, соопшти денеска министерот за правда Никола Тупанчески.

Тој заедно со директорот на Управата за извршување на санкции Марјан Спасовски информираа за акцијата која била спроведена вчера наутро во шест часот од страна на четири институции, а при претресите биле пронајдени поголема сума на парични средства од законски дозволените кои осудените лица можат да ги поседуваат во различни валути и апоени, 50-тина мобилни телефони, компјутерска галантерија, 37 ножеви и повеќе други остри предмети, дрога во прашкаста, течна состојба и таблетки и други предмети.

Резултатите од акцијата, првичните резултати се навистина дека се направи добра проценка и уште еднаш се реагираше на начин на којшто всушност би требало да биде, како во иднина треба да се реагира доколку се појават такви девијантни однесувања. Се разбира никој нема да биде поштеден од одговорност. Се работи за количина на мобилни телефони, ладно оруќје итн. Без оглед на се, зборуваме за затворска популација или зборуваме за казнено поправна установа од затворен тип. Само по себе пред се тоа подразбира одговорност, не станува збор за некаква дисциплинска повреда и не се работи за некоја лесна форма на криминалитет, самото по себе тоа подразбира дека одговорност треба да има. Меѓутоа сепак да го оставиме тоа да го завршат институциите коишто се надлежни, истакна Тупанчески.

Министерот информираше и за извештајот на  Комитетот за превенција за заштита од тортура, при Советот на Европа чии претставници пред десет дена при посетата на нашата земја констатирале дека не се најсјани условите во Казнено поправните установи во државава

Укажувањата на Комитетот за заштита на превенција меѓу другото беше дека практично треба да се интервенира во делот Казнено поправните установи каде што имаат конкретни укажувања дека меѓудругите интервенции или корекциите што треба да бидат направени, е во делот каде што може слободно да наречеме се работи за менаџирање на затворите, затворскиот менаџмент каде што укажувањето беше или сугестијата во таа насока дека има одредени лица коишто се именувани , а не ги исполнуват условите да бидат на таа позиција, појасни Тупанчески.

Забелешката, додаде тој, беше прифатена затоа што на многу експлицитен начин беше пренесена и Министерството за правда заедно со другите останатите институции коишто се надлежни за имплементација на таа сугестија, веќе почнуваме да ги отстрануваме недостатоците коишто претставуваат непочитување на некоја одредба од позитивните законски прописи.  

Директорот Спасовски нагласи дека направен е неселективен претрес во повеќе одделенија во 25 простори на затворот и дека се уште постојат индиции дека има мобилни телефони.

Ние редовно, на редовно ниво се вршат претреси на одредени ќелии, меѓутоа станува збор за најголем затвор и не е можно во една акција да бидат опфатени сите ќелии, истакна Спасовски.

Појасни дека претресот бил со наредба на обвинител и бил наменет за влез во 25 ќелии и точно таргетирани лица.

The post Тупанчески: Никој нема да биде поштеден од одговорност по претресот во КПУ „Идризово“ appeared first on Република.

Градоначалничката на Град Скопје, Данела Арсовска во вечерашното гостување на Канал 5 телевизија на прашање зошто има толку напади во изминатиот период истакна дека тоа е обид да се превенира покренување на постапки за одговорност во градот.

Не верувам дека за пет месеци може да се оцени нечија успешност или неуспешност. Сите овие напади се само резултат на тоа дека сите работи кои беа индиции во време на кампањата, сега ги откриваме и следи одговорност за секој кој извршил извесни злоупотреби во буџетот на градот. Не се откажувам и покрај сите напади, може да напаѓаат колку сакаат. Знам дека притисокот е голем, но граѓаните треба да знаат дека има човек во Скопје кој сака да има ред, сака да направи да има систем и она кое што се случувало во минатото повеќе да не се случува, истакна градоначалничката на град Скопје, Данела Арсовска во гостувањето во Само вистина на Канал 5 телевизија.

Со почит,

Град Скопје

The post Арсовска: Не се откажувам, ќе има одговорност за сите кои го злоупотребиле Буџетот на Градот appeared first on Република.

Владата на Ковачевски ги крши здравствените протоколи и го загрозува здравјето и животот на граѓаните. Во влада не се носат маски, иако тоа е пропишано за секој граѓанин и за секој затворен простор. Лицемерите од СДСМ се водат по правилото слушај ме што зборам, а не ме гледај што правам, се вели во соопштението на ВМРО-ДПМНЕ.

Од партијата велат дека таму кај што застанал Заев со прекршувањето на закони, прописи и ограничувања, продолжи Ковачевски.

Ковачевски треба да биде пример и оттука одговорноста кај него е многу поголема од било кој друг граѓанин. Бидејќи Ковачевски крши закони и правила и загрозува здравје на граѓани сред пандемија, очекуваме Државниот здравствен инспекторат да му поднесе кривична пријава, се наведува во соопштението.

The post ВМРО ДПМНЕ: Ковачевски треба да понесе одговорност за кршење протоколи и прописи appeared first on Република.