Театарскиот и уметничкиот колеџ во Одеса отпуштил 82-годишен професор по музика и историја на уметност поради тоа што на учениците им предавал за музиката на рускиот композитор Пјотр Илич Чајковски.

Според украинските медиуми, наставникот постапил спротивно на наредбата на украинското министерство за култура за бојкот на музиката и делата на Чајковски поради тоа што „руската култура е дел од државната политика на Русија“.

Во меѓувреме, Киевскиот балет е на турнеја со славното дело на Чајковски „Оревокршачка“ во Франција.

The post 82-годишен професор по музика во Одеса избркан од работа зашто предавал за музиката на Чајковски appeared first on Република.

Шефот на европската дипломатија, Жозеп Борел денеска пристигна во украинското пристаниште Одеса, каде што повтори дека ЕУ и дава воена, економска, политичка и дипломатска поддршка на Украина.

Тој нагласи дека оваа поддршка е неопходна за да се постигне мир кој е праведен и ги почитува интегритетот и независноста на Украина.

Борел нагласи и дека е неопходно да се поддржи Украина во извозот на жито, бидејќи Русија со попречување на тој извоз загрозува голем број луѓе во најранливите земји во светот.

The post Борел во посета на Одеса appeared first on Република.

Рано утринава Русија изврши трииполчасовен напад со беспилотни летала врз јужните делови на областа Одеса, погодувајќи ја пристанишната инфраструктура на реката Дунав, објавија украинските воздухопловни сили на комуникациската платформа Телеграм.

Украинските системи за противвоздушна одбрана соборија 22 од 25-те ирански дронови „Шахед“ кои Русија ги користеше за напад на Одеса во раните утрински часови во неделата, напишаа воздухопловните сили на Телеграм.

Украинската јужна воена команда на социјалните мрежи објави дека најмалку двајца цивили се повредени во нападот на, како што ја нарекоа, „цивилната инфраструктура на Дунав“. Дунав стана главна рута за извоз на жито на Украина, откако во јули пропадна договорот спонзориран од Обединетите нации, кој му дозволи на Киев да го транспортира своето жито преку Црното Море.

The post Одеса нападната со руски дронови, погодено пристаниште на Дунав appeared first on Република.

Рано утринава Русија изврши трииполчасовен напад со беспилотни летала врз јужните делови на областа Одеса, погодувајќи ја пристанишната инфраструктура на реката Дунав, објавија украинските воздухопловни сили на комуникациската платформа Телеграм.

Украинските системи за противвоздушна одбрана, како што наведоа на Телеграм, соборија 22 од 25 дронови „Шахед“ од иранско производство што Русија ги користеше за напад на Одеса денеска во раните утрински часови.

Украинската јужна воена команда на социјалните мрежи објави дека најмалку двајца цивили се повредени во нападот на, како што ја нарече, „цивилната инфраструктура на Дунав“. Некои украински медиуми објавија дека има експлозии во пристаништето Рени, едно од двете главни пристаништа на Дунав со кои управува Украина.

Откако во јули истече договорот со кој Украина безбедно го извезува своето жито преку Црното Море, Русија ги засили своите напади врз регионите Одеса и Миколаев во јужна Украина, каде што се наоѓаат пристаништата и другата инфраструктура од витално значење за трговијата со храна.

Во август, првиот товарен брод што го премина Црното Море стигна до Истанбул, и покрај тешкотиите, а вчера украинскиот претседател Володимир Зеленски рече дека уште два брода поминале низ „привремениот коридор за жито на Црното Море“ создаден од неговата земја.

The post Украинските воздухопловни сили тврдат дека собориле 22 руски дронови во областа Одеса appeared first on Република.

Најмалку три лица се повредени во синоќешниот напад врз украинскиот пристанишен град Одеса, соопшти гувернерот на украинскииот црноморски регион Олех Кипер.

„Како резултат на непријателскиот напад на Одеса, избувнаа неколку пожари, предизвикани од паѓање на делови од ракетата. Прозорците на зградите се скршени од силината на експлозијата“, напиша Кипер на својот профил на Телеграм.

Одеса е најголемото пристаниште и поморска база во Украина и постојано беше цел на напади и гранатирање со руски беспилотни летала откако Русија го напушти Договорот за извоз на жито преку Црното Море.

The post Најмалку три лица се повредени во руски напад врз Одеса appeared first on Република.

Кремљ денеска негираше дека руските сили погодиле црква во Одеса, која беше оштетена во текот на ноќта во нападите што го погодија историскиот центар на градот во јужна Украина.

„Нашите вооружени сили никогаш не ја таргетираат социјалната инфраструктура, а уште помалку црквите... Ги негираме тие обвинувања, тоа е апсолутно погрешно. Станува збор за (украинските) противвоздушни ракети кои беа лансирани и ја уништија црквата“, рече портпаролот на Кремљ, Дмитриј Песков.

Претседателот на Украина, Володимир Зеленски вчера изјави дека во претходната ноќ Русија истрелала 19 ракети кон пристаништето Одеса, при што едно лице загина, а околу 15 лица се повредени.

Според извештаите, над 200 години старата црква на Преображение Господово, која е дел од светското наследство на УНЕСКО, била погодена и оштетена.

The post Кремљ негира дека руските сили погодиле црква во Одеса appeared first on Република.

Организацијата за образование, наука и култура на Обединетите нации (УНЕСКО) денеска ги осуди „жестоките удари нанесени од руските сили“ кои погодија неколку локации вброени во светското културно наследство во центарот на Одеса, вклучувајќи ја и црквата Преображение Господово, изградена пред повеќе од 200 години, пренесува БТА.

Овие страшни уништувања се уште една ескалација на насилството врз светското културно наследство во Украина, изјави генералната директорка на УНЕСКО, Одри Азулеј.

Таа ја повика Руската Федерација „да преземе конкретни чекори за исполнување на своите обврски според меѓународното право во однос на заштитата на културното наследство“.

The post УНЕСКО ги осуди нападите врз културните знаменитости во Одеса appeared first on Република.

Проектил го уништи централниот олтар на црквата „Преображение“ во Одеса, поради што храмот е делумно уништен, информира Одеската епархија на Украинската православна црква.

Ноќта на 23 јули 2023 година, за време на руски терористички напад врз градот Одеса, непријателски проектил ја погоди црквата „Преображение“, пишува Укринформ.

Забележано е дека се уништени простории во долниот дел на црквата.

Се прецизира дека во нападот е повреден чуварот на црквата.

Одеската епархија на Украинската православна црква уште еднаш ја осудува руската агресија врз Украина, овој терористички чин против главното светилиште и духовното срце на градот Одеса – црквата „Свето Преображение“, околу која живеат мирни граѓани, а самата катедрална црква на никаков начин не е поврзана со воени објекти, додаваат од епархијата.

The post Со ракета уништен централниот олтар на црквата „Преображение“ во Одеса appeared first on Република.

Руските сили ноќеска, четврта ноќ по ред, го нападнаа украинскиот пристанишен град Одеса. Гувернерот на регионот Одеса, Олех Кипер, наведе дека Русите ноќеска напaдите ги префрлиле од пристанишната инфраструктура кон земјоделските комбинати во регионот.

Русите ја нападнаа Одеса со крстосувачки ракети „Калибaр“ од Црното Море. Обидувајќи се да ги заобиколат системите за противвоздушна одбрана, непријателот ги насочи ракетите на минимална висина, користејќи ги карактеристиките на теренот, По три последователни ноќи на моќен ракетен терор против пристанишната инфраструктура, тие ноќеска се префрлија на земјоделските комбинати во регионот, напиша Кипер на каналот Телеграм.

Уништија 100 тони грашок и повредија двајца вработени, додаде тој.

Две ракети ги погодија силосите на една од земјоделските компании. По првиот напад избувна пожар и додека пожарникарите го гасеа огнот, беше издадено предупредување за втор воздушен напад. Втората ракета ја погоди истата компанија, при што беше оштетена земјоделска и спасувачка опрема. Пожарот на површина на повеќе од 200 квадратни метри е изгаснат, изјави гувернерот на Одеса на Телеграм, додавајќи дека „непријателот уништи 100 тони грашок и 20 тони јачмен“.

The post Уништени 100 тони грашок и 20 тони јачмен: Нов руски ракетен напад врз Одеса appeared first on Република.

Трета ноќ по ред Русија го гранатираше и го уништува пристаништето во Одеса, изгореа 60 илјади тони жито. Ова гранатирање предизвика не само цивилни жртви, туку и големо уништување на силосите во пристаништето. Ова е варварско однесување, изјави високиот претставник на ЕУ за надворешна политика и безбедност, Жозеп Борел, пред почетокот на денешниот состанок на европските министри за надворешни работи во Брисел.

Тој истакна дека тоа ќе создаде огромен недостиг на храна ширум светот и укажа на потребата да се обезбедат дополнителни капацитети за воздушната одбрана на Украина. Борел рече дека ќе предложи значително зголемување на европските средства наменети за воена поддршка, без да ја прецизира сумата додека не се постигне политички договор.

Ако украинските поморски патишта се затворени, треба да извезуваме повеќе жито преку нашите пристаништа, тоа значи повеќе напори од соседите на Украина, тие треба да ги отворат границите и да го олеснат трансферот на жито, рече Борел во врска со одлуката на Москва да се повлече од договорот за извоз на украинско жито преку Црното Море.

Според него, на денешната средба ќе биде и американскиот државен секретар Ентони Блинкен, со кого ќе се разговара за односите со Кина и потребата од нивно преиспитување. Борел изрази надеж дека неговата посета на Кина, која досега двапати беше откажана од „здравствени причини“, ќе се случи по летната пауза.

Тој додаде дека за првпат по долго време, министрите за надворешни работи на ЕУ ќе разговараат за очекувањата на Турција за заживување на пристапните преговори. Ќе разговараме како да ги продолжиме односите со Анкара, долго време не сме разговарале за тоа, изјави Борел. Според него, треба да се разгледа и ажурирањето на царинскиот договор со Анкара и да се разговара за прашањето за визите за турските граѓани кои патуваат во ЕУ

The post Борел: Руското гранатирање на Одеса е варварско appeared first on Република.

Најмалку три лица загинаа, а 13 се ранети во руски ракетен напад врз јужниот украински пристанишен град Одеса извршен утрово, соопштија властите.

Русија истрела четири ракети од брод во Црното Море, објави на Телеграм Серхи Брачук, портпарол на воената администрација во регионот.

„Во напад врз магацин на малопродажен синџир загинаа тројца вработени, а седум беа ранети. Шест други лица беа ранети откако беа оштетени деловен центар, продавници и станбен комплекс во центарот на градот како резултат на воздушната борба и бранот на експлозијата“, рече тој.

Силите за воздушна одбрана соборија два проектила над градот, соопшти градската управа на апликацијата за пораки Телеграм. Засега не е јасно колку проектили биле насочени кон Одеса

The post Русите мавнаа и на Одеса appeared first on Република.

Три лица загинаа, а најмалку 10 се повредени во денешниот утрински напад со дрон на руските сили врз украинскиот регион Одеса, јави украинската Јужна команда.

Во нападот била погодена висококатница, предизвикувајќи пожар што е изгаснат. Експлозивниот бран ги оштетил и околните станбени згради.

Руските сили користеа беспилотни летала од иранско производство во нападот врз регионот, а сите беа уништени од украинските сили, се наведува во извештајот.

The consequences of Russia's night attack on Odesa. pic.twitter.com/QH1Fm8R7OP

— UkraineWorld (@ukraine_world) June 10, 2023

The post Тројца загинати и 10 повредени лица во руски напад со дрон врз Одеса appeared first on Република.

Украинската армија објави интересно видео снимено со дрон во југозападниот украински регион Одеса.

Како што соопштија од Јужната команда на вооружените сили на Украина, на снимката се гледаат остатоци од згради, опрема и други работи на брегот на Црното Море во регионот Одеса поради огромната поплава предизвикана од уништувањето на Нова Каховка, брана во хидроцентралата северно од градот Керсон.

Поради уништувањето на браната, огромно количество вода се излеа од акумулацијата и го поплави југот на делумно окупираната област Херсон, а дел од водата преку Црното Море стигна до бреговите на Одеса.

The post Објавени снимки од дрон: Ова се бреговите на Одеса по уништувањето на браната appeared first on Република.

Пристаништето во Одеса повторно работи со полн капацитет по вчерашниот прекин на работата предизвикан од руското гранатирање на енергетски објекти во регионот на Одеса.

Одеса е едно од трите пристаништа што Украина може да ги користи за извоз на жито според руско-украинскиот договор.

Ројтерс вчера објави дека за време на прекинот на работата на пристаништето Одеса, извозот бил извршен од пристаништата Черноморск и Јужни, односно другите две пристаништа опфатени со договорот.

Украинскиот министер за земјоделство, Микола Солски, претходно за Ројтерс изјави дека главната причина за исклучувањето на пристаништето е тоа што генераторите не биле вклучени откако регионот Одеса остана без струја по гранатирањето што остави околу 1,5 милиони жители на областа без струја.

Претседателот на Украина Володимир Зеленски изјави дека ситуацијата во регионот Одеса е многу тешка.

За жал, потребно е долго време да се стави во функција електричната мрежа на целата област. Не зборуваме за часови, потребни се неколку дена“, изјави Зеленски.

The post Пристаништето во Одеса повторно работи со полн капацитет appeared first on Република.

Украинскиот град Одеса е во мрак.

Поради масовниот напад на руските беспилотни летала врз електроенергетскиот систем, милион и пол жители на Одеса останале во мрак, тврди украинскиот претседател Володомир Зеленски.

Русите со дронови ја напаѓаат Одеса. Жестоки борби се водат околу Бахмут и Авдеевка, а руските трупи, како што вели Москва, напредуваат кон Лиман. Денеска е 291 – от ден од почетокот на војната во Украина.

Според извештаите, уништени се 10 од 15 дронови, пренесува Unian.

Дроновите биле соборени над регионите Херсон, Николаев и Одеса.

1,5 millones de personas sin electricidad en #Odesa

Los ataques rusos dejaron la ciudad ucraniana sin luz. Según el presidente, Volodímir Zelenski, #Moscú empleó drones iraníes para golpear dos instalaciones eléctricas.

Solo la infraestructura crítica sigue conectada. /jpc pic.twitter.com/uAZqIkr5ZF

— DW Español (@dw_espanol) December 11, 2022

The post Русите со ирански дронови ја нападнаа Одеса, 1,5 милиони луѓе во темница appeared first on Република.

Русија утрово изврши голем ракетен напад врз Одеса, јавуваат светските медиуми, а кабинетот на украинскиот претседател Володимир Зеленски и шефовите на регионалните администрации ги потврдија нападите врз критичната инфраструктура во Одеса и Дњепар.

Локални функционери рекоа дека во Киев и Дњепар работат системите за противвоздушна одбрана со цел соборување на проектили. Според неофицијални информации, експлозии се слушаат и во неколку други градови, кои најверојатно потекнуваат од системот за противвоздушна одбрана.

Познавачите претпоставуваат дека се работи за уште еден напад врз украинската енергетска инфраструктура.

– Непријателот мисли дека ќе ја ослабне нашата одбрана со удар на енергетската инфраструктура. Тоа е наивна тактика на кукавици и губитници, но ние сме подготвени на тоа, изјави шефот на кабинетот на украинскиот претседател Володимир Зеленски, Андриј Јермак“.

– Украина веќе претрпе исклучително тешки удари, кои ги немаа резултатите на кои се надеваа руските кукавици. Нема да успеат, ние ќе ги згазиме, додаде Јермак.

The post Голем ракетен напад на Одеса и Дњепар, сирени во Киев appeared first on Република.

Руска ракета го погоди пристанишниот град Одеса, јавија странските агенции.

Засега нема информации за евентуални жртви или материјална штета.

Неколку украински региони денеска се во состојба на готовност поради ракетни напади, а сирените за воздушен напад се огласија во Одеса, Полтава, Днепропетровск, Суми и Николаевската област, како и делови од Кировоградската област.

Исто така, сирените се огласија и во Запорожје и Херсон, кои се под контрола на Киев.

The post Руска ракета ја погоди Одеса, сирени низ цела Украина appeared first on Република.

Човек со непознат идентитет е снимен како плива во морето на брегот во областа на Одеса во Украина, кога морска мина ненадејно експлодирала и го разнела пред очите на целото негово семејство.

На видеото се гледаат луѓе кои трчаат преку плажата кон водата непосредно пред експлозијата.

Посмртните останки на несреќниот маж подоцна биле однесени на брегот каде пред неговата смрт неколку моменти седеле неговата сопруга, син и пријател.

https://twitter.com/GoranMickesson/status/1536686220977266690?ref_src=twsrc%5Etfw%7Ctwcamp%5Etweetembed%7Ctwterm%5E1536686220977266690%7Ctwgr%5E%7Ctwcon%5Es1_&ref_url=https%3A%2F%2Fwww.alo.rs%2Fukrajina%2Fvesti%2F640692%2Fcovek-poginuo-na-plazi-u-odesi%2Fvest

Локалните власти го забранија пливањето во овој дел од морето поради војната во земјата и големиот број мини во водата.

Во соопштението, полицијата на регионот Одеса апелираше до жителите на оваа област строго да се придржуваат до правилата за вонредна состојба и да не пливаат во минираното море.

Денеска занемарувањето на безбедносните правила доведе до трагични последици. Додека пливал во морето во едно од селата во областа Одеса, експлозија на непознат предмет усмрти маж (50) пред неговите сопруга, син и пријатели.

 

Строгите забрани за посета на брегот и пливање во морето се безбедносни мерки кои се опасни по живот доколку се занемарат - се вели во соопштението на полицијата.

https://republika.mk/vesti/balkan/morski-mini-od-ukraina-lutaat-po-crno-more-i-se-priblizuvaat-kon-bregot-na-bugarija/

The post Човек разнесен од морска мина додека пливал на плажа во Одеса (вознемирувачко видео) appeared first on Република.

Руската Влада планира да им дозволи на бродовите што превезуваат жито да го напуштат пристаништето Одеса, во Украина, со што ќе ја ублажи блокадата која предизвика страв од недостиг на храна и глад, пренесува ДПА.

Руските власти се договориле со Киев и Анкара за шема за ослободување на пратки со жито од Одеса, која беше под блокада, објавил провладиниот весник Известија, цитирајќи владини кругови.

Во територијалните води на соседната земја, турските воени сили ќе го преземат деминирањето и тие исто така ќе ги придружуваат бродовите до неутрални води, се вели во денешниот извештај.

Руските воени бродови потоа ќе ги придружуваат бродовите што пренесуваат жито до Босфорот.

Овој чекор доаѓа откако цените на храната постојано се зголемуваат по војната на Москва против Украина што доведе до огромни турбуленции на светските пазари. Украина е еден од најголемите светски извозници на жито, а падот на нејзините испораки по руската инвазија тешко ги погоди африканските земји.

Рускиот претседател Владимир Путин неодамна го прими претседателот на Африканската унија и Сенегал, Меки Сал со кого разговараа за ова прашање, потсетува ДПА.

Додека Путин негираше дека Русија е одговорна за високите цени, тој рече дека е подготвен да ја олесни испораката на жито.

Рускиот министер за надворешни работи Сергеј Лавров се очекува во среда во Анкара на разговори за ова прашање. По разговорите, шемата за ослободување жито од Одеса треба да биде официјално одобрена, пишува весникот.

The post Москва ќе дозволи извоз на жито од пристаништето Одеса appeared first on Република.

Министерството за одбрана на Русија соопшти дека руската авијација соборила украински ловец МиГ-29, а единиците за противвоздушна одбрана срушиле транспортен авион Ан-26, кој превезувал оружје и опрема.

За време на воздушната битка во регионот Славјанск, во Доњецката Народна Република, беше соборен авион МиГ-29 на украинските воздухопловни сили. Руските ПВО системи во регионот Одеса срушиле авион АН-26 кој пренесувал воена опрема - соопшти официјалниот претставник руското минисетсртво за одбрана, генерал-мајор Игор Конашенков.

Тој додаде дека во последните 24 часа биле уништени 10 дронови, меѓу кои и еден „Бајрактар ​​ТБ2“.

The post Во воздушна битка соборен украински Миг-29, во Одеса срушен транспортен авион со странско оружје за Украина appeared first on Република.