Хрватска заедно со Србија ќе бидат домаќини на Светското јуниорско првенство за одбојкарки во 2025 година.
Турнирот ќе се одржи од 7 до 20 јули идната година, објави денеска Хрватската одбојкарска федерација.

Светското одбојкарско првенство 2025 за јуниори ќе се одржи во Узбекистан од 21 јули до 3 август, додека СП за одбојкарки до 21 година ќе се одржи во Индонезија, а за мажи во Кина.

Овие првенства се одржуваат на секои две години, а во 2025 година ќе учествуваат рекорден број од 24 земји од сите пет континентални конфедерации.

The post Хрватска и Србија заедно ќе го организираат јуниорското СП за одбојкарки appeared first on Република.

Популарното музичко дуо, ДНК, потпочно Панчо и Андреј денеска подготвија специјално видео со нашата машка одбојкарска репрезентација за претстојниот квалификациски меч кој нашите одбојкари в недела ќе го одиграат со селекцијата на Грција.

Одбојкарската федерација на Македонија на почетокот на оваа недела најави дека влезот во салата ќе биде слободен, па Панчо и Андреј заедно со нашите одбојкари ги покануваат сите искрени љубители на одбојката и спортот в недела да дојдат во „Јане Сандански“ и со својата громогласна поддршка да им дадеме „ветер в грб“ на нашите одбојкари да ја остварат посакуваната победа која уште по ова 2. коло од квалификациите може да ја однесе Македонија на завршницата на уште едно Европско првенство.

The post Панчо и Андреј од ДНК со специјално видео заедно со одбојкарите пред мечот со Грција! appeared first on Република.

Бранителките на олимпиското злато од Токио, одбојкарките на САД, се пласираа во полуфиналето на Игрите во Париз победувајќи ја вечерва Полска со 3-0 (25-22, 25-14, 25-20) во четвртфиналето.

Во полуфиналето в четврток Американките ќе играат против Бразилките кои претходно денеска убедливо ја совладаа Доминиканската Република со 3-0 (25-22, 25-13, 25-17).

Тоа ќе биде реприза на финалето од Токио 2021, во кое Американките победија со 3-0 за својата прва титула.

Во првото четвртфинале Турција ја победи Кина со 3-2 (23-25, 25-21, 26-24, 21-25, 15-12) и првпат во историјата избори олимписко полуфинале.

Противник на турските одбојкарки ќе биде победникот од дуелот меѓу Италија и Србија.

The post САД – Бразил, прва полуфинална двојка на олимпискиот турнир за одбојкарки appeared first on Република.

Македонската одбојкарска репрезентација претрпе пораз од Белгија во мечот од 4. коло во Европската златна лига.

Белгијците ги добија првиот и третиот сет, ние одговаравме во вториот и четвртиот за да во решавачната рунда диктираме темпо, водиме и со четири разлика, меѓутоа домашните одбојкари се врати и се влезе во егал завршница во која ние не искористивме две меч топки и на крајот стигна казна за 17-15 и конечни 3-2 (25-22, 22-25, 25-17, 24-26,17-15)

Капитенот Ѓоргиев се истакна со 28 поени, а двоцифрен беше и Савовски со 10 поени.

Сега популарните „спартанци“ имаат учинок 1-3, следниот натпревар го играме против Хрватска.

The post Македонската одбојкарска репрезентација загуби од Белгија appeared first on Република.

Поранешниот македонски репрезентативец и интернационалец Хари Наковски е нов селектор на македонските одбојкари, објави Спорт.мк.

Во пресрет на Европската златна лига и квалификациите за Европското првенство во 2026-та, ОФМ реши Наковски да ја преземе улогата на Јошко Миленкоски, кој лани ја предводеше Македонија до најголемиот репрезентативен успех, а тоа е осминафиналето на континенталниот собир, против Италија во Бари.

„Сакам да упатам благодарност до ОФМ, голема чест е да се наследи и да се работи со Јошко како наше најголемо тренерско име. Се надевам дека со добро здравје и со добра работа ќе ја исполниме целта“, е првиот коментар на Наковски, кој минататa година му беше асистент на Миленкоски.

Миленковски ќе остане во репрезентацијата но само ќе помага во стручниот штаб.

The post Хари Наковски нов селектор на машката одбојкарска репрезентација appeared first on Република.

На натпреварот од турското женско одбојкарско првенство во борбата за третото место, помеѓу „Вакифбанк“ и „Турк Хава Џолари“, се случи сцена која ги разбранува социјалните мрежи.

Во еден момент кога одбојкарките на „Вакифбанк“ славеа поен, Али Франати ја зграпчи својата соиграчка Чансу Озбај за лицето и „страствено“ ја бакна.

Останува мистерија дали бакнежот беше случаен, но и двете изгледаа изненадени откако се бакнаа.

На крајот „Вакифбанк“ победи со 2:0 во серијата во борбата за третото место во турскиот шампионат.

https://youtu.be/JatlUlWcEBM?t=6

The post Две одбојкарки се бакнаа среде меч, нивната изненаденост од бакнежот стана хит appeared first on Република.

Немили сцени на мечот од женската одбојкарска лига меѓу  Работнички – Струмица .Блокерот на Струмица,Александра Шчекиќ ја поздравува публиката на Работнички со „среден прст“ а недолично се однесуваше и кон домашните играчи.

Бранителот на титулата во домашниот одбојкарски шампионат во женска конкуренција, екипата на Работнички, ја оствари и втората победа во финалето на плеј-офот против големиот ривал Струмица. Вечерва на домашен терен во малата сала на СЦ „Борис Трајковски“, одбојкарките на Работнички и вторпат за само неколку дена славеа против неприкосновениот лидер во регуларниот дел од сезоната со 3:0 и дојдоа на чекор до новата шампионска титула.

Струмичанки како и на првиот меч одиграа цврсто, но во решавачките моменти немаа нерви за да дојдат до полн успех. Вистинска драма имаше во првиот сет кој Работнички го доби на разлика, но и во следните два видовме неизвесна одбојка до самиот крај.

The post Одбојкарка на Струмица ја поздрави публиката со „среден прст“ appeared first on Република.

На одбојкарското дерби меѓу Олимпијакос и Панатинаикос, две фракции се судрија пред салата „Мелина Меркури“.Околу 150 навивачи некаде по 22 часот излегле надвор од салата, по штом како што соопшти полицијата, фрлиле молотов коктел, а полицијата возвратила со солзавец кој стигнал до оние кои биле внатре, поради што натпреварот е прекинат во вториот сет.

Во судирите е повреден и еден полицаец, кој се уште е во критична состојба. Од левата надколеница извадена е метална топка со димензии 5х2х2 сантиметри, што предизвика обилно крварење.

Нешто пред полноќ бил однесен во операционата сала кога доживеал срцев удар, но медицинскиот персонал успеал да го оживее и потоа да ја изврши хируршката процедура.

Οι προσαγωγές συνεχίζονται στο κλειστό του Ρέντη! pic.twitter.com/CqfrYamgSk

— Sportal.gr (@SportalgrG) December 7, 2023

The post Еден повреден полицаец, над 400 уапсени на одбојкарскиот натпревар во Грција appeared first on Република.

Македонскиот одбојкарски првак Струмица со три порази го заврши квалификацискиот турнир за пласман во ЦЕВ Лигата на шампиони.

Струмичките одбојкари во воведното коло на квалификацискиот турнир во бугарскиот град Бургас во петокот претрпеа поради од домаќинот Нефтохимик, по што изминатиот викенд беа немони и во дуелите со црногорска Будва и унгарски Капошвар и без освоен сет го завршија настапот на европската сцена.

Пласман во втората рунда од квалификациите во Лигата на шампиони од турнирот во Бургас обезбедија Будва, како првопласирана, и Бургас, како второпласирана екипа.

The post Одбојкарите на Струмица елиминирани во Лигата на шампиони appeared first on Република.

Со преостанатите осминафинални натпревари во кои Србија ќе игра против Чешка, а Полска против Белгија, денеска ќе бидат познатите последните два четвртфиналисти на Европското првенство во одбојка во машка конкуренција.

Македонските одбојкари вчера во Бари беа поразени од бранителот на трофејот и актуелен светски првак Италија со 3-0 и го заврши настапот во осминафиналето.

Пласман меѓу осумте најдобрите селекции обезбедија и Словенија, Украина, Холандија, Романија и Франција.

Четврт-финалните натпревари ќе се играат во Бари, а финалето е на 16 септември во Рим.

The post Денеска се комплетираат четврт-финалистите на Европското одбојкарско првенство appeared first on Република.

Македонската одбојкарска репрезентација го заврши настапот на Европското првенство (ЕП), откако вечерва во Бари беше поразена во осминафиналето од домаќинот Италија со 3-0.

Актуелниот светски и европски првак се покажа пресилен противник за избраниците на селекторот Јошко Миленкоски, кои и пред почетокот на натпреварот ставија до знаење дека натпреварот со Италија ќе биде за уживање и круна на нивните кариери.

Италијанците го добија првиот сет со 25-20, вториот со 25-12, а третиот го решија во своја корист со 25-15.

За македонските одбојкари ова беше трето и најуспешно учество на европските првенства.

Во рамки на групната фаза, која се играше во Скопје, македонските одбојкари го освоија четвртото место во групата Ц и прв пат во историјата обезбедија осминафинале и пласман меѓу 16 најдобри европски селекции.

The post Македонските одбојкари поразени во осминафиналето од Италија appeared first on Република.

Македонската машка одбојкарска репрезентација од 18 часот во Спортскиот комплекс „Полифлорио“ во Бари ќе се соочи со Италија во рамки на осминафиналето на Европското првенство (ЕП).

Во својот дебитантски натпревар во завршницата на големите турнири на меѓународната сцена, македонските одбојкари го добија, веројатно, најсилниот противник, кој е актуелен европски и светски првак, а дополнително и домаќин на нокаут фазата на ЕП 2023.

Според последните информации од македонскиот табор во Бари, дел од репрезентативци имаат симптоми на настинка, но лекарскиот тим вложува максимални напори играчите подготвени да влезат во вечерашниот дуел против големиот фаворит за златниот медал.

Осминафиналните натпревари на ЕП почнаа вчера, а први четвртфиналисти се Романија и Франција.

Романците со 3-2 беа поуспешни од Хрватска, додека Франција со максимални 3-0 ја елиминираше Бугарија.

Нешто подоцна, со почеток од 20.45 часот, македонската фудбалска репрезентација е домаќин на Италија на арената „Тодор Проески“ во Скопје.

The post Двоен дуел против Италија: Македонските одбојкари во историско осминафинале против европскиот и светски шампион appeared first on Република.

Македонските одбојкари пристигнаа во Бари, каде в недела против Италија не очекува историското осминафинале на европските првенства.

По победите над Данска и Црна Гора во Скопје и освоеното 4. место во групата „Ц“, нашите најдобри одбојкари сега ги очекува најголемиот предизвик на ова ЕП, дуел со актуелниот светски и европски шампион и тоа на гостински терен.

Одбојкарите по неколку часовен лет пристигнаа во Бари, каде веќе утре ќе ги имаат официјалните тренинзи пред саботниот дуел со „аѕурите“ закажан од 18 часот.

The post Македонските одбојкари пристигнаа во Бари appeared first on Република.

Македонската одбојкарска репрезентација во осминафиналето на Европското првенство ќе игра против кодомаќинот Италија или Србија, а противникот ќе биде познат по исходот од вечерашниот дуел на „црвено-жолтите“ против Чешка со почеток во 20 часот во СЦ „Борис Трајковски“ во Скопје.

Во случај на победа, македонските одбојкари ќе го освојат третото место во групата Ц и во својот дебитантски осминафинален натпревар ќе играат против Србија на 10 септември во Бари, додека во случај на пораз, противник во нокаут фазата ќе им биде Италија ден порано, исто така, во Бари.

Претходно, во рамки на завршното коло во групата Ц ќе играат Полска и Црна Гора.

Избраниците на селекторот Јошко Миленкоски во досегашните четири натпревари на Европското првенство ги совладаа Данска (3-1) и Црна Гора (3-0), а загубија од Полска и Холандија со идентични 3-0 во сетови.

The post Македонските одбојкари во осминафиналето на ЕП ќе игра против Италија или Србија appeared first on Република.

Без најдобриот наш одбојкар Никола Ѓорѓиев, македонската одбојкарска репрезентација не можеше ништо повеќе од пораз во три сета од Холандија (19-25, 19-25, 16-25), но без оглед на поразот, избраниците на Јошко Миленковски одиграа машки против големиот фаворит и најавија дека утревечер со подготвениот свој капитен може да ја победат Чешка за трето место во групата.

Македонија која веќе го оствари зацртаното и избори историско осминафинале покажа и многу повеќе од очекуваното откако остана без својот најдобар играч, па посебно радува карактерот и камбекот во вториот сет кога на сервис на Александар Љафтов, црвено-жолтите направија серија од 7-0, за веќе загубениот втор сет да го претворат во неизвесна завршница.

Кај Холанѓаните Абдел-Азиз заврши со 15 поени, додека Љавтов кај нас имаше 14.

The post Македонија без Никола Ѓоргиев поразена од Холандија appeared first on Република.

Македонскиот одбојкар, Александар Љафтов, на престојното Европско првенство кое ќе се одржи во Скопје, ќе настапи со специјално дизајнирана опрема. Ќе игра со патики на кои се напишани делови од македонската химна и на кои е нацртано македонското знаме.

Љафтов, кој ќе биде еден од главните адути на македонската репрезентација, објави фотографии со новите патики.

 

View this post on Instagram

 

A post shared by LvL Custom Footwear 👟 (@lvlcustom)

Македонија во среда го почнува настапот на Европското првенство во салата „Борис Трајковски“, а противник ќе ѝ биде селекцијата на Данска.

The post Одбојкарот Александар Љафтов на Европско ќе игра во патики на кои ќе ги има македонската химна и знаме appeared first on Република.

Подготвена и максимално мотивирана пред домашната публика да ја мине групната фаза, македонската машка одбојкарска репрезентација го очекува утрешниот старт на Европското првенство и воведниот натпревар против Данска во Скопје.

Селекторот Јошко Миленкоски претпладнево на средба со новинарите во Скопје порача дека одбојкарите ќе го дадат својот максимум на теренот и апелираше за голема поддршка од трибините.

Овие момци секој ден даваат сè од себе за да ја претстават државата во најдобро светло. Ова е најголем настан на нашa почва и можност да ја претставиме нашата држава и нашиот спорт, рече Миленкоски.

Селекторот порача дека за успешен настап на македонските одбојкари ќе им биде потребна и силна поддршка од трибините со Спортскиот центар „Борис Трајковски“.

Со нашата желба, мотивација и борбеност сакаме да постигнеме што повеќе, поточно пласман во следниот круг. Макотрпно работевме, но не зависи само од нас зависи и од противниците. За да постигнеме добри резултати потребна ни е поддршка од сите страни, пред сè од навивачите, за да се претставиме во најдобро светло и да сториме сè за да се пласираме во втората фаза, додаде селекторот на македонски одбојкари.

На настанот организиран од Одбојкарската федерација на Македонија (ОФМ) и НЛБ банка, своите очекувања ги изнесе и капитенот Никола Ѓорѓиев.

Групата е доста тешка, прв фаворит е Полска, а тука се Холандија и Чешка, па Данска и Црна Гора кои се на наше ниво. Утре за нас е голем ден, мора да влеземе малку позрело за разлика од претходните две европски првенства. Се надевам дека ќе бидеме мудри и ќе имаме трпение, заедно со цела Македонија ќе успееме да се радуваме на убава победа. Можам да ветам дека ќе дадеме се од себе и се надевам дека утре ќе успееме да ве израдуваме, порача Ѓорѓиев.

The post Македонските одбојкари се максимално мотивирани пред утрешниот меч со Данска appeared first on Република.

Македонската одбојкарска репрезентација претстојниот викенд ја очекува настап на меморијалниот турнир „Бранко Хаџииљоски Чајка". Трите натпревари за избраниците на селекторот Јошко Миленковски ќе бидат убава можност да се види моменталната форма на репрезентативците. На 47-то издание на традиционалниот турнир покрај домашната ќе настапат и репрезентациите на Јапонија, Египет и Грција со што натпреварувањето добива интерконтинентален карактер.

Директорот на Агенцијата за млади и спорт Наумче Мојсовски на денешната прес-конференција им посака успешен настап на македонските одбојкари, како на „Чајка“ така и на Европското првенство.

Овој август со право може да го наречеме месец на одбојката. Во Скопје ни следува „Чајка“ па натпревари од Европското првенство. Се надевам дека се ќе помине во најдобар ред. АМС е генерален покровител, но апел и до компаниите да се вклучат во помагање на репрезентацијата. Македонските одбојкари заслужуваат поддршка од сите. Тие цело лето се посветени на репрезентацијата, жртвувајќи го приватниот живот, се во насока на достојно претставување на Македонија, истакна Мојсовски кој од ОФМ доби подарок дрес

Селекторот Миленковски вети максимално залагање на сите негови избраници кои ќе добијат шанса за настап.

Ќе се обидеме на турнирот и на Европското првенство да го искажеме својот квалитет и достојно да ја претставиме нашата земја.

Капитенот Никола Ѓоргиев очекува најпрво да се освои трофејот на „Чајка“, а потоа по можност да се помине групата во Скопје и да се обезбеди пласман во втората фаза на Европското првенство.

Гордост е да се носи македонскиот дрес. Одиме по трофејот на турнирот „Чајка“ иако нема д абид елесно против квалитетни репрезентации какви што се нашите противници. Потоа целта ни е пласман во втората фаза на ЕП, тоа за нас ќе претставува како да сме го освоиле овој пехар кој е овде со нас, а наменет за победниците, рече Ѓоргиев.

Турнирот „Чајка“ е закажан да се одржи од 18-ти до 20-ти август, 2023 година, во Спортската Сала "Борис Трајковски" во Скопје, а натпреварите на македонската репрезентација во групната фаза на Европското првенство ќе се играат од 30 август до 6 септември исто така во СЦ „Борис Трајковски“ во Скопје.

The post Турнирот „Чајка“ генерална проба за македонските одбојкари пред настапот на ЕП appeared first on Република.

Македонската одбојкарска репрезентација ја победи Полска синоќа во Скопје во првиот тест-натпревар во рамките на подготовките за претстојното Европското првенство.

Избраниците на селекторот Јошко Миленковски победија со 3:1, по сетови 25:23, 21:25, 25:18 и 25:21.

Пред овој натпревар двете репрезентации одржаа заеднички тренинг.

Македонската и романската репрезентација се подготвуваат за Европското првенство од 30 август до 6

септември на кое Одбојкарската федерација на Македонија ќе биде коорганизатор.

The post Победа над Полска за македонските одбојкари во контролен натпревар appeared first on Република.

Во периодот од 9 до 15 јули во Хотел „Далјан“ во Охрид, екипата на ГОК Борец традиционално го органзира нивниот летен камп. Како што најавуваат организаторите, станува збор за масовен настан (учествуваат околу 100 деца) со меѓународен карактер.

На кампот гостуваат деца на Македонци вработени во Австрија, САД, Данска и Финска, коишто лани гледале слики од кампот и решиле годинава да бидат дел од случувањето.

Пресреќна сум од целокупната атмосфера на кампот. Имаме деца на наши иселеници од повеќе држави, така што кампот има интернационален карактер. Покрај тренинзите, во вечерните часови организираме забави во хотелот и прошетки низ македонскиот бисер Охрид“- за "Одбојка.мк", истакнува преседателката на клубот и еден од тренерите на кампот, Весна Николова.

Покрај Николова, како тренери работат уште Петре Жабев, Дејан Гиновски и Дарко Николов.

Во четврток, пак, своето искуство во кариерата на идните одбојкари и одбојкарки ќе им го пренесе Роман Волков.

Фото: Одбојка.мк

The post Преку 100 деца на меѓународен одбојкарски камп во организација на ОК Борец appeared first on Република.