Инцидент се случил синоќа пред дискотека во Скопје, кога 20-годишно момче завршило со дупната глава, а на неговата девојка, исто така 20 години, и била расцепена устата. Тие тврдат дека ги нападнало обезбедувањето на дискотеката која се наоѓа во центарот на градот.

Вечерта биле во болница, каде што им биле третирани раните, а случајот е пријавен во полиција.

Нападнатата девојка за „Фактор“ вели дека на ниту еден начин не придонеле за да бидат нападнати. Вели дека само затоа што нејзното момче зборувало со хостесата, човекот од обезбедувањето ги нападнал.

Сите тројца беа на возраст од околу 25/26 години, едниот од нив прво го удри момчето, па мене, но јас откако бев удрена не можев да помогнам“, вели таа. Потоа, како што вели, уште двајца од обезбедувањето му се фрлиле на момчето.

Вели дека откако повикале полиција, напаѓачите избегале. Според неа биле вратари во дискотеката.

Од Министерството за внатрешни работи велат дека „денеска (01.11.2024) во 01.30 часот во СВР Скопје, М.М.(20), М.С.(20) и Н.Ч.(22) сите од Скопје пријавиле дека пред угостителски објект на подрачјето на Центар М.М. и М.С. биле физички нападнати од едно лице, а Н.Ч. бил физички нападнат од две лица. Се преземаат мерки за расчистување на случајот“, информираат од МВР.

The post Инцидент пред дискотека во Скопје, момче заврши со дупната глава, а неговата девојка со расцепена уста, тврдат дека ги нападнало обезбедувањето appeared first on Република.

СВР Охрид поднесе кривична пријава против А.А.(49) од Скопје, поради постоење основи на сомнение за сторено кривично дело „злоупотреба на службената положба и овластување“ и Џ.Б.(54) од Кичево, за  „несовесно работење во службата“.

А.А. во својство на в.д. директор на Управа за водење на културно наследство – Скопје, со пропуштање на должен надзор, односно без да изврши контрола кај локалитетот „Плаошник“ во Охрид, дали избраната агенција за обезбедување имоти и лица со седиште во Кичево, се придржува на потпишаниот договор и дали врши физичко и техничко обезбедување на локалитетот како што било предвидено, свесно и овозможил  да се стекне со противправна имотна корист во вредност од 4 926 250 денари. Второпријавениот, вработен како одговорно лице во агенцијата, по склучување на договорот со управата не постапил по истиот и целосно не ги исполнил предвидените технички услови и ангажирал помал број на вработени лица. Исто така, не се придржувал на законот за приватно обезбедување, каде јасно е предвидено дека секој вработен треба да поседува лиценца и легитимација, соопшти МВР.

The post Како директор и обезбедување дрпнаа 80.000 евра од Плаошник appeared first on Република.

„Кривична пријава и отстранување од работното место за полицискиот службеник кој предизвика инцидент на Меѓународниот Аеродром Скопје“, објави министерот за внатрешни работи, Панче Тошковски.

„Одделот за внатрешна контрола, криминалистички истраги и професионални стандарди при МВР, до надлежното Основно јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластување и припадници на затворската полиција, поднесе кривична пријава против С. С., началник на Одделение за лично обезбедување на претседател на Собрание поради постоење основи на сомневање дека сторил кривично дело “Загрозување на сигурноста“ по член 144 од КЗ и кривично дело “Спречување службено лице во вршење службено дејствие“ по член 382 од КЗ.

Пријавениот С.С. на ден 01.08.2024г. околу 10:30 часот на Меѓународен Аеродром Скопје на паркингот пред ВИП салонот пристигнал со возило со поставени ротациони светла, излегол од возилото и од појасот го извадил пиштолот, го репетирал и повторно го вратил во појасот, а на полицискиот службеник од ПС за ГП Меѓународен Аеродром Скопје кој извршувал работни задачи пред вратата на ВИП салонот му се обратил на висок тон, го турнал наназад со двете раце и заканувајќи му се го спречил полицискиот службеник како службено лице во извршување на неговите службени дејствија.

Пријавениот С.С. бил испратен на Меѓународен Аеродром Скопје од страна на претседателот на Собрание со цел надминување на недоразбирањето кое настанало со претседателката на Косово во врска со безбедносните процедури за преглед на багаж и електронски уреди при летање со комерцијални летови.

Потоа, заедно со уште двајца полициски службеници од Секторот за обезбедување на личности влегол во ВИП салонот и движејќи се во простории каде немал овластување за движење и престој, на присутните вработените на ТАВ-Скопје, полициски службеници од граничната полиција и Одделот за заштита на определени личности и објекти почнал да им се заканува по животот, водено барајќи да ја спроведе претседателката со возило до авионот.

ОВККИПС согласно своите надлежности и овластувања ќе поднесе Предлог за поведување на постапка за утврдување на дисциплинска одговорност против полицискиот службеник С.С. и ќе изрече задолжителни мерки за отстранување од работното место – суспензија до завршување на дисциплинската постапка, а против полициските службвеници С.Р. и Н.Б. ќе поднесе Предлог за поведување на постапка за кршење на работниот ред и дисциплина поради извршување на незаконита наредба, несовесно извршување на работни задачи и рушење на угледот на полицијата.

Како министер, секогаш цврсто ќе се залагам за еднакво применување на законот за сите. Секој мора да го почитува законот, а особено полициските службеници мора да бидат пример за почитување на законите и професионалните стандарди, бидејќи нивната одговорност е клучна за одржување на довербата на јавноста во институциите.

The post Кривична пријава и суспензија за членот на обезбедувањето на Гаши кој извадил пиштол на скопскиот аеродром appeared first on Република.

Одделот за внатрешна контрола, криминалистички истраги и професионални стандарди при МВР, до надлежното Основно јавно обвинителство за гонење на организиран криминал и корупција - Специјализирано одделение за гонење на кривични дела сторени од лица со полициски овластување и припадници на затворската полиција, поднесе кривична пријава против С. С., началник на Одделение за лично обезбедување на претседател на Собрание поради постоење основи на сомневање дека сторил кривично дело „Загрозување на сигурноста“ по член 144 од КЗ и кривично дело “Спречување службено лице во вршење службено дејствие“ по член 382 од КЗ, соопшти предмалку министерот за внатрешни работи Панче Тошковски.

Пријавениот С.С. на ден 01.08.2024г. околу 10:30 часот на Меѓународен Аеродром Скопје на паркингот пред ВИП салонот пристигнал со возило со поставени ротациони светла, излегол од возилото и од појасот го извадил пиштолот, го репетирал и повторно го вратил во појасот, а на полицискиот службеник од ПС за ГП Меѓународен Аеродром Скопје кој извршувал работни задачи пред вратата на ВИП салонот му се обратил на висок тон, го турнал наназад со двете раце и заканувајќи му се го спречил полицискиот службеник како службено лице во извршување на неговите службени дејствија, информира Тошковски.

Пријавениот С.С., додава, бил испратен на Меѓународен Аеродром Скопје од страна на претседателот на Собрание со цел надминување на недоразбирањето кое настанало со претседателката на Косово во врска со безбедносните процедури за преглед на багаж и електронски уреди при летање со комерцијални летови.

Потоа, заедно со уште двајца полициски службеници од Секторот за обезбедување на личности влегол во ВИП салонот и движејќи се во простории каде немал овластување за движење и престој, на присутните вработените на ТАВ-Скопје, полициски службеници од граничната полиција и Одделот за заштита на определени личности и објекти почнал да им се заканува по животот, водено барајќи да ја спроведе претседателката со возило до авионот, вели Тошковски.

ОВККИПС согласно своите надлежности и овластувања ќе поднесе Предлог за поведување на постапка за утврдување на дисциплинска одговорност против полицискиот службеник С.С. и ќе изрече задолжителни мерки за отстранување од работното место - суспензија до завршување на дисциплинската постапка, а против полициските службвеници С.Р. и Н.Б. ќе поднесе Предлог за поведување на постапка за кршење на работниот ред и дисциплина поради извршување на незаконита наредба, несовесно извршување на работни задачи и рушење на угледот на полицијата.

Како министер, секогаш цврсто ќе се залагам за еднакво применување на законот за сите. Секој мора да го почитува законот, а особено полициските службеници мора да бидат пример за почитување на законите и професионалните стандарди, бидејќи нивната одговорност е клучна за одржување на довербата на јавноста во институциите, порача Тошковски.

The post Кривична и суспензија за обезбедувачот на Гаши за инцидентот на скопски аеродром appeared first on Република.

Околу 45.000 полицајци ќе го обезбедуваат отворањето на Олимписките игри во Париз на 26 јули, на кое ќе присуствуваат над сто шефови на држави и влади.

На церемонијата, која првпат ќе се одржи надвор од стадион, ќе учествуваат околу 80 бродови ќе превезуваат спортисти од целиот свет на речната рута покрај Сена до Ајфеловата кула, изјави шефот за планирање и координација на ОИ, Ламбис Константинидис.

Се очекува 300.000 гледачи да бидат на кејот на Сена, што претставува сериозен безбедносен предизвик, особено во време на војна во Појасот Газа и Украина.

Рутата е долга шест километри, така што тоа е огромна област која мора да биде под безбедносен надзор. Затоа ни требаат толку многу луѓе, истакна Константинидис, додавајќи оти француските безбедносни служби соработуваат со американските безбедносни служби

Во мај годинава во францускиот град Сент Етјен беше уапсен маж осомничен дека планирал напад во име на Исламската држава врз фудбалскиот стадион во градот за време на Олимпијадата.

The post Отворањето на ОИ во Париз ќе го обезбедуваат 45.000 полицајци appeared first on Република.

МВР поднесе кривична пријава за сторено кривично дело „предизвикување на општа опасност“, против полицаец вработен во ПС Струмица, кој бил на службена должност како обезбедување на поранешниот премиер Заев. Покрај ова против него е изречена и мерка за остранување од работното место, до завршување на дисциплинската постапка, пренесува Скопје1.мк.

,,Одделот за внатрешна контрола, криминалистички истраги и професионални стандарди при Министерството за внатрешни работи до Основното јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворска полиција, поднесе кривична пријава против Т.А., полициски службеник во Полициска станица за безбедност на патниот сообраќај Струмица, поради постоење основи на сомнение дека сторил кривично дело „предизвикување на општа опасност“, по член 288 став 1 од Кривичниот законик.

Пријавениот на 29.06.2024 околу 06.20 часот, во својство на полициски службеник, напуштајќи го работното место, заминал на ул.„Бетовенова“ каде се сретнал со едно лице, по претходен договор за средба, и во еден момент пријавениот Т.А. со службениот пиштол испукал неколку пати, со што предизвикал општа опасност за граѓаните во околината. Именуваниот полициски службеник не го пријавил настанот во СВР Струмица, повторно се вратил на работното место и по завршување на смената во СВР Струмица се раздолжил со опремата и си заминал.
Пријавениот преку неговите колеги, полициските службеници П.П. и С.Д., кои биле испратени од страна на СВР Струмица по поднесена пријава од страна на граѓанин за истиот настан, се обидел да делува за прикривање на настанот, што не било пријавено од нивна страна.

Одделот за внатрешна контрола, криминалистички истраги и професионални стандарди, согласно своите надлежности и овластувања, ќе поднесе Предлог за поведување на постапка за утврдување на дисциплинска одговорност против полицискиот службеник Т.А. и ќе изрече задолжителни мерки за отстранување од работното место до завршување на дисциплинската постапка, а против полициските службеници П.П. и С.Д. ќе поднесе предлог за поведување на постапка за кршење на работниот ред и дисциплина.”, се вели во соопштението на МВР.

The post Пријава против полициски службеник кој го обезбедувал домот на Заев: Го напуштил работното место и пукал со пиштол appeared first on Република.

The post Полицајци и приватна фирма за обезбедување со нов тендер го чуваат М-НАВ appeared first on Република.

Хрватскиот портал „24 сата“ објави вознемирувачко видео од тепачка во ноќниот клуб „Оникс“ на Крк.

Се вели дека снимката морала да се скрати поради бруталноста, но на неа се гледа како обезбедувачите тепаат четворица млади момчиња од Словенија, а еден од нив лежи онесвесте во локва крв додека некој го врти за да не се задуши.

Во позадина се гледа лице од обезбедувањето кое нокаутира млад човек во бела кошула со два удари.

Страшно е тоа што им го направија. Тепајќи ги така… Па, му го отворија черепот на момчето. Тие треба да ги заштитат луѓето и на крајот да ги исфрлат оние што предизвикуваат неред, а не ова – изјави шокирана читателка за тој портал.

Друг читател кој исто така случајно се нашол во тој ноќен клуб вели дека „младите момчиња ги однела брзата помош“ и дека „лицата им биле деформирани од ударите што ги добиле“.

Биле тепани и додека биле во несвест. Се надевам дека ќе одговораат за ова – додаде тој читател на хрватскиот портал „24 сата“, кој тврди дека обезбедувањето не било пронајдено во клубот кога дошла полицијата таму.

Од полициската станица Крк го потврдија инцидентот во „Оникс“ што се случи ноќта меѓу петокот и саботата.

Од полицијата во Риека за порталот Индекс изјавиле дека „четворица странски државјани, Словенци, се повредени и пренесени во КБЦ Риека“.

Тие во меѓувреме се пуштени од болница, но сѐ уште трае кривичната истрага за да се утврдат сите околности на овој настан – потврдиле од полицијата во Риека за хрватскиот портал.

https://www.youtube.com/watch?v=X4zzE6lB0kI&t=3s

The post Обезбедување крвнички претепа четворица Словенци во клуб во Крк: „Му го отворија черепот“ appeared first on Република.

На 13.06.2023 во 18.00 часот на подрачјето на Аеродром, полициски службеници од Единицата за интервентна полиција при СВР Скопје го лишиле од слобода Ф.С.(24) од Кичево затоа што во угостителски објект физички нападнал вработен од агенција за обезбедување, кој извршувал работни задачи.

По целосно документирање на случајот ќе следи соодветен поднесок.

The post Кичевец нападнал обезбедување во локал во Аеродром, го уапсиле припадници на интервентната полиција appeared first on Република.

Кристијано Роналдо, како еден од најпопуларните и најбогатите спортисти во светот привлекува големо внимание.

Не е невообичаено ваквите личности да бидат нападнати од крадци, криминалци или луѓе со психички проблеми, па популарниот CR7 не сакаше ништо да препушти на случајноста.

Каде и да се појави, славниот Португалец го чуваат двајца близнаци. Тоа се Серхио и Хорхе Рамалеиро, кои во минатото се бореле во Авганистан како војници, пишува „Сан“.

Откако браќата се вратиле од пеколот на Блискиот Исток во Португалија, тие работеле во полиција и биле задолжени за чување на судии и политичари. После тоа решиле да работат приватно и ги ангажирал Роналдо.

The post Роналдо и во Саудиска Арабија не се откажува од близнаците кои му се обезбедување appeared first on Република.

Денеска СДСМ ќе има партиска трибина во салата Борис Трајковски, а уште од вчеравечер салата е под големо обезбедување. На оваа тема свој коментар даде и Александар Николоски, потпретседател на ВМРО-ДПМНЕ на гостување во емисијата Вечерно шоу со Богдан Илиевски што се емитува на телевизија Алфа.

Со цел и да стигне маил со закана за бомба, да кажат дека за нив има решение, има решение кога станува збор за нивна трибина, трибина на СДСМ, но не ги интересира државата, вели Николоски.

Следно прашање е дали не е злоупотреба што се ангажира полицијата толку за заштита на партиски настан, а не за државен објект како училишта и слично.

Значи решение има само се употребува за партиски настани, дециден е тој.

Мое лично мислење е, не партиско, рече Николоски, дека намерно структури на власта ја стимулираат оваа тема. „Бидејќи скапите странски експерти како оние од Израел имаат проценето дека секој тема која не е економија, енергетика, корупција, на Владата и одговара и дека треба да имаат теми за дефокус“, рече Николоски.

Доколку сметаме дека ова е еден вид на терористички акт зошто закана за поставена бомба не може да биде друго и без разлика кој го прави тоа, тоа е закана и е тероризам, рече Николоски. „Целта за дефокус може да ја постигнат ако има области каде се добри, но бидејќи нема им се случува бумеранг ефект бидејќи покажуваат колку се неспособни во сите сегменти, вели Николоски.

The post Николоски за големото обезбедување на партиски настан на СДСМ: Има решение за нивната трибина, но не ги интересира државата appeared first on Република.

Пожарникари да бидат обезбедување во средните училишта предлага Град Скопје. Според информации од учесници на координативниот состанок, градот го свикал кризниот штаб да изнајде решение за проблемот поради кои два месеци училиштата останаа без агенција за обезбедување. Ова трае веќе два месеци а изминатите денови допринесе за поголема паника и страв откако се појавија лажните дојави за поставени бомби. Град Скопје ги свика сите јавни претпријатија на координативен состанок за да најдат начин како да превенираат и овозможат учениците безбедно да ја посетуваат наставата.

МВР се одговорни за општата безбедност. Поради лажните дојави за бомби, нивното присуство во средните училишта е зголемено и се на готово. Град Скопје има обврска да обезбедува и чува објекти. А за закани од ваков тип мора да се преземат соодветни мерки, велат од Град Скопје.

Од противпожарната служба за сител велат тие имаат доволен број на пожарникари но не за да бидат поставени како обезбедување. Според нивните надлежности тие и до сега но и по барање на градот можат да интервенираат во делот на превенција и заштита од пожари и поплави.

Во средните училишта деновиве е зголемено присуството на полицијата согласно проценките на службите за јавна безбедност. Така ќе биде и во наредниот период велат за Сител од МВР. Во меѓувреме се уште се работи на пронаоѓање на сторителот кој лажно пријавува дека во средните училишта се поставени експлозивни направи. До сега беше приведено едно лице, но беше утврдено дека нема никакав поврзаност со случајот. Инаку во последните две недели 4 пати беа евакуирани учениците и вработените откако на официјалните маилови им пристигна лажна дојава.

The post Градот Скопје планира пожарникари да ги обезбедуваат училиштата appeared first on Република.

Општина Центар ќе ангажира обезбедување за детските игралишта на нејзината територија за да се спречи честото оштетување на реквизитите.

Децата во Општина Центар добиваат безбедни, сигурни и сочувани детски игралишта!

 

По честото оштетување и уништување на реквизитите, припадниците на Друштвото за обезбедување „Екот Гард“ ќе патролираат во близина на парковите и детските игралишта во Центар, ќе водат евиденција и по потреба, ќе соработуваат со надлежните служби во МВР.

 

Ги охрабрувам сите граѓани кои ќе забележат било какви оштетувања и уништувања на реквизитите и останатите елементи на детските игралишта, да ги пријават до општината на телефонскиот број 075 219 142, за да спречиме поголемо оштетување и уништениот реквизит да биде брзо и навремено заменет - порачува градоначалникот на Центар, Горан Герасимовски.

The post Центар ќе ангажира обезбедување за детските игралишта и парковите во општината appeared first on Република.

Обезбедувањето на турскиот претседател Реџеп Таип Ердоган е единица надалеку позната по својот „краток фитил“. Тие се сенката на Ердоган. Незаменлив дел од секое негово патување низ земјата и странство. Со оглед на честите „инциденти“, би се рекло дека е највпечатлив елемент на турската државна делегација.

Станува збор за полицискиот оддел за контранапад КAT (Karşı Atak Timi), специјална единица посветена на заштита на претседателот или премиерот на Турција.

Нејзините членови работат во рамките на Одделот за заштита на претседателот. Предметното одделение е подредено на Генералната дирекција за безбедност.

https://www.youtube.com/watch?v=qez6QwUoK28&feature=emb_title

Единицата е формирана во 1970-тите како засилување на специјалните антитерористички единици. Првично, природата на одредот била слична на СВАТ тимовите од САД, но со акцент на операциите кои вклучуваат киднапирање авиони.

Кандидатите за влез во единицата по завршување на обуката одат на дополнителна обука во Одделот за дипломатска безбедност во САД.

По неуспешниот обид за државен удар во 2016 година, целта на одделот се промени. Наскоро беше трансформиран во единица за блиска заштита, заменувајќи го полкот на претседателската гарда, елитна претседателска безбедносна единица формирана во 1920 година од Мустафа Кемал Ататурк, еден од најголемите државници во турската историја.

Во рамките на истрагата и обвиненијата за велепредавство беа уапсени над 300 гардисти. Гардата бешр реорганизирана, а опсегот на нејзините задачи е намален исклучиво на церемонијални активности.

Елитните полицајци добија предимство во обезбедувањето на турскиот државен врв. Меѓутоа, во последните неколку години, импулсивните реакции на „Преторијанската гарда“ на Ердоган при официјалните посети станаа предмет на внимание и осуда на меѓународната јавност.

Одред кавгаџии - од САД до Сараево

Членовите на КAT повеќепати ја преминаа границата на ревност и на тој начин обезбедуваа материјал за странските медиуми. Најзвучниот инцидент се случи во Вашингтон.

За време на посетата на Ердоган на САД во мај 2017 година, неговото обезбедување се судри со курдски емигранти и симпатизери на турската опозиција пред резиденцијата на турскиот амбасадор во Вашингтон.

Курдите и поддржувачите на опозицијата се собраа пред зградата за да протестираат против шефот на турската држава. Нивното присуство го изнервира обезбедувањето кое не ги штедеше ударите и покрај интервенцијата на вашингтонската полиција.

https://www.youtube.com/watch?v=LraNlv__AU4&feature=emb_title

Билансот на тепачката беше 11 повредени, а двајца од телохранителите на Ердоган се уапсени. Турската страна го оправда тепањето со самоодбрана, посочувајќи дека припадниците на КАТ биле испровоцирани. Дури одбија и официјално да му се извинат на домаќинот.

Судирот во близина на Вашингтон имаше свој претходница во 2011 година во зградата на Генералното собрание на Обединетите Нации. Ердоган (тогашен премиер) се упати кон влезот, кој не беше наменет за учесниците на Генералното Собрание, туку беше галерија за посетителите.

Реагираше еден од членовите на обезбедувањето на зградата на ОН, кој не му дозволи на турскиот лидер да помине. Потоа, наводно дошло до туркање во која Ердоган бил оттурнат. Неговите телохранители ги употребиле тупаниците и настанал општа метеж. Епилог - еден од обезбедувањето на зградата на ОН бил префрлен во болница со повреда на ребрата. Неофицијалните информации говореа дека на подот биле видливи дамки од крв.

Високи претставници на ОН, вклучително и тогашниот генерален секретар Бан Ки Мун, ја смируваа ситуацијата и го упатија Ердоган до соодветниот влез. Турски функционер се извини, а Кореецот за возврат суспендираше десетици стражари.

Во низата инциденти треба да се додаде и оној од Сараево во 2019 година. На почетокот на дводневната посета на Ердоган на Босна и Херцеговина, се случи инцидент на аеродромот во Сараево. Оперативците на КAT во таа прилика одбија да го предадат оружјето на аеродромската полиција.

Непочитување на безбедносниот протокол предизвика кавги и пцовки. Според директорот на граничната полиција, телохранителите биле агресивни и се однесувале како да се во својата земја.

Во нивните досегашни задачи, специјалците на КAT докажаа дека за нив важи само една девиза - ништо не оставајте на случајноста. Па, дури и кога ќе се надминат границите на овластувањата.

The post Обезбедувањето на Ердоган е елитна единица подготвена да прави хаос од САД до Сараево appeared first on Република.

Документите пронајдени во подземните простории на Клиничкиот центар во Љубљана открија шокантни детали за Јосип Броз Тито. Во тој Центар доживотниот претседател на Југославија ги помина последните месеци од животот.

Иако се мислеше дека целата документација поврзана со неговото лекување е пренесена во Белград, во 2019 година во подрумот на Центарот зад железна врата беа пронајдени документи од времето на неговото лекување.

Како што пишуваат словенечките медиуми, тоа се претежно сметки за лекување и списоци на луксуз во кои живеел персоналот кој се грижел за здравјето на Тито, но и членовите на неговото обезбедување.

Така, еден документ открива дека за само еден месец изеле сто килограми свинско месо, 31 килограм младо телешко месо, 18 килограми буѓоле, повеќе од 15 килограми пршута, 90 килограми конзервирана шунка и 54 килограми банани. Јасно е дека после сето тоа што го изеле, биле доста жедни, па во тие месеци испиле 91 шише виски, 20 шишиња рум, 11 шишиња вотка и 100 литри вино.

The post Додека Тито бил на смртна постела во болница неговите доктори и обезбедување изеле сто килограми месо и испиле 90 шишиња виски appeared first on Република.

Бугарската делегација не беше со воодушевување пречекана во Битола. Премиерот Петков, потпретседателката Јотова и добро познатата Екатерина Захариева беа дочекани со свирежи и негодување и со транспаренти дека „администраторите не се добредојде“ „кога ќе ги признаете Македонците“ како и „Гоце е Македонија.

Македонската полиција мораше да ги брани странските гости а пак обезбедувањето на Петков во стилот на филмовите на Џејмс Бонд не го испуштаа ни секунда, надледуваа кој се движи и со слушалки во ушите ја држи состојбата на Широк Сокак под контрола.

Погледнете

https://republika.mk/vesti/ekonomija/policija-go-brani-petkov-od-revoltot-na-makedoncite/

The post Обезбедувањето не го испушта Петков ни секунда на Широк Сокак appeared first on Република.

Украинските медиуми објавија дека досега се спречени најмалку четири атентати на претседателот Зеленски.

За неговата безбедност се грижи елтина единица на украинската војска. Тие секогаш се до него без разлика дали дава изјава во неговиот кабинет или пак е на терен. Зеленски носи и заштитен елек.

https://www.youtube.com/watch?v=ORM1uASLC8k

Панцирот некогаш е дискретно ставен под маслинестата маица а често и се гледа над облеката како што беше случај при посетата во Буча.

The post Кој го чува Зеленски: Eлитна единица на украинската војска се грижи за безбедноста appeared first on Република.