Министерот за здравство Фатмир Меџити присуствуваше на првата министерска конференција на 28. Конференција на страните на рамковната конвенција на ООН за климатски промени, што од 30 ноември до 12 декември се одржува во Дубаи, Обединетите Арапски Емирати (ОАЕ).

Меџити, истакнува дека целта на овој министерски состанок, на кој присуствуваат над 100 земји од светот е унифицирање на активностите и пристапот на климатските промени на глобално ниво.

Во рамки на COP28, министерот Меџити оствари средба со министерот за здравство и превенција на ОАЕ, АбдулаРахман Бин Мохамед Аловаис, која воедно се случува првпат меѓу министрите на Македонија и Обединетите Арапски Емирати.

На средбата покажавме ентузијазам за соработка, со што се одлучи да се формира комитет под двете министерства, кој ќе работи на изготвување меморандум за соработка. Овој меморандум ќе ја зајакне соработката во областа на здравството, со цел меѓусебна размена на искуства и знаења за унапредување на здравствените системи во двете земји, вели Меџити.

The post Македонија и Обединетите Арапски Емирати ќе ја зајакнат соработката во здравството appeared first on Република.

Шеикот Мохамед Бин Рашид Ал Мактум е седумдесет и двегодишен милијардер, владетел на Дубаи и потпретседател на Обединетите Арапски Емирати. Тој е познат по тоа што жените бегаат од него, а јавноста беше особено изненадена кога неговата ќерка Латифа во тајно снимено видео го обвини нејзиниот татко дека ја држи заробена од 2018 година. Таа наводно се обидела да побегне од Дубаи, поради што била заробена.

Контроверзниот шеик беше во брак неколку пати, а од сите бракови имаше дваесет и пет деца. Една од неговите омилени е принцезата Махра, најпоз која често се појавува во јавноста. Додека другите жени во семејството главно остануваат во позадина, што е вообичаено во арапскиот свет, Махра присуствува на најважните настани во земјата.

The post Жените бегаат од него: Шеикот Мохамед ги оплодува со поглед, има 25 деца appeared first on Република.

Едно лице во Обединетите Арапски Емирати (ОАЕ) е позитивно на тест за МЕРС или Блискоисточен респираторен синдром, соопшти Светската здравствена организација (СЗО).

Нов случај на МЕРС, познат и како МЕРС-КоВ, бидејќи е вирус од семејството на корона вирус, е регистриран во Ал Аин, дел од Абу Даби, но се уште не е познат изворот на заразата.

Пациентот (28) е примен во болница на 8 јуни, но дијагнозата му била одредена дури на 23 јули откако тестот покажал дека е позитивен на МЕРС. ОАЕ за овој случај веднаш ја информирале СЗО. Детали за здравствената состојба на мажот не се објавени, но се знае дека мажот не е здравствен работник или државјанин на ОАЕ.

Сите 108 лица кои биле во контакт со заразеното лице биле тестирани за вирусот и резултатите се негативни.

МЕРС е главно респираторно заболување кое предизвикува симптоми како што се висока температура, кашлица и отежнато дишење. Во некои случаи, тоа може да доведе до пневмонија.

Инфекцијата МЕРС првпат е забележана во 2012 година на Блискиот Исток, каде имаше најголем број случаи.

The post Во ОАЕ потврден случај на зараза со МЕРС appeared first on Република.