Во рамки на посетата на Министерството за внатрешни работи на Обединетите Арапски Емирати, министерот Панче Тошковски оствари работни посети и на Одделот за менаџирање на сообраќајот, системот “Safe City” и Академијата за цивилна одбрана.

„Имав одлична можност одблиску да видам како функционира еден современ систем за побезбеден град во кој се имплементирани највисоките технолошки достигнувања како што е вештачката интелигенција, а во функција на поголема безбедност, помалку криминал, како и помалку жртви од сообраќајни незгоди. Имајќи предвид дека сме во фаза на имплементација на ваков сличен систем и во нашата држава, од особена корист ќе биде поголема соработка со МВР на ОАЕ сѐ со цел користење на искуствата кои ги имаат стекнато во овој дел.“, потенцираше министерот Тошковски.

Во Академијата за цивилна одбрана министерот Тошковски се запозна со капацитетите за обука кои ги имаат во делот на справувањето со пожари, особено во делот на специјализирани тренинзи во симулирани ситуации на пожар во различни објекти.

The post Тошковски: За пофункционален систем „Сејф сити“ отворена можност да ги искористиме искуствата од ОАЕ appeared first on Република.

Апсењето на основачот на социјалната мрежа Телеграм, Павел Дуров, во Париз, предизвика непредвидени финансиски пробеми за Франција.

Поради тоа што Дуров е државјанин на Обединетите Арапаски Емирати (ОАЕ), од Емиратите побараа Франција да им дозволи пристап до нивниот државјанин.

Истовремено, поради апсењето на Дуров, ОАЕ го замрзнаа спроведувањето на договорот за набавка на 80 борбени авиони од Франција вреден 17 милијарди долари.

The post Поради апсењето на Павел Дуров, ОАЕ го откажаа договорот за купување авиони од Франција вреден 17 милијарди долари appeared first on Република.

Се отвора првата легална пивница во Обединетите Арапски Емирати (ОАЕ).

Властите во емиратот Абу Даби му дадоа дозвола на гастропабот „Kraft bi Side Hustle“ да продава точено пиво кое се приготвува на лице место.

Планирано е производството да почне пред крајот на 2023 година.

Основањето е во сопственост на „Balmaghie Beverage Group“, која ќе стане првата компанија која легално произведува алкохол на Блискиот Исток по олеснувањето на законодавството во ОАЕ во 2020 година.

The post Се отвора првата легална пивница во Абу Даби appeared first on Република.

Едно лице во Обединетите Арапски Емирати (ОАЕ) е позитивно на тест за МЕРС или Блискоисточен респираторен синдром, соопшти Светската здравствена организација (СЗО).

Нов случај на МЕРС, познат и како МЕРС-КоВ, бидејќи е вирус од семејството на корона вирус, е регистриран во Ал Аин, дел од Абу Даби, но се уште не е познат изворот на заразата.

Пациентот (28) е примен во болница на 8 јуни, но дијагнозата му била одредена дури на 23 јули откако тестот покажал дека е позитивен на МЕРС. ОАЕ за овој случај веднаш ја информирале СЗО. Детали за здравствената состојба на мажот не се објавени, но се знае дека мажот не е здравствен работник или државјанин на ОАЕ.

Сите 108 лица кои биле во контакт со заразеното лице биле тестирани за вирусот и резултатите се негативни.

МЕРС е главно респираторно заболување кое предизвикува симптоми како што се висока температура, кашлица и отежнато дишење. Во некои случаи, тоа може да доведе до пневмонија.

Инфекцијата МЕРС првпат е забележана во 2012 година на Блискиот Исток, каде имаше најголем број случаи.

The post Во ОАЕ потврден случај на зараза со МЕРС appeared first on Република.

Напорите на Владата ги прави за ублажување на последиците од енергетската криза и важноста од нови инвестиции за земјава, беа меѓу темите на средбата на премиерот Димитар Ковачевски со потпретседателот и премиер на Обединетите Арапски Емирати, шеикот Мухамед бин Рашид Ал Мактум.

Како што соопшти владината Прес-служба, по средбите со раководствата на инвестициските фондови во рамки на посета на ОАЕ, премиерот Ковачевски во разговорот со Ал Мактум, кој воедно е и министер за одбрана, искажа благодарност за приемот и за добрите односи меѓу двете земји со потенцијал за уште поголема соработка во иднина.

На средбата станало збор за напорите кои ги прави Владата за ублажување на последиците од енергетската криза, за важноста од нови инвестиции за нашата земја во услови на економско-енергетска криза, како и за важноста од поддршката од Фондовите за развојни проекти што ќе значат стимул за домашната економија.

Беше констатирано дека ОАЕ гледаат потенцијал за инвестиции во нашата земја и тоа во обновливи извори на енергија, агробизнис со фокус на производство на храна, туризам и инфраструктура - се додава во соопштението.

Како што посочуваат од владината Прес-служба, оваа средба значи потврда за продлабочување на натамошната соработка и продолжување на разговорите со инвестициските Фондови на Абу Даби за реализација на развојни инвестициски проекти.

The post Ковачевски во Емиратите: ОАЕ гледаат потенцијал за инвестиции во Македонија appeared first on Република.

Напорите на Владата ги прави за ублажување на последиците од енергетската криза и важноста од нови инвестиции за земјава, беа меѓу темите на средбата на премиерот Димитар Ковачевски со потпретседателот и премиер на Обединетите Арапски Емирати, шеикот Мухамед бин Рашид Ал Мактум.

Како што соопшти владината Прес-служба, по средбите со раководствата на инвестициските фондови во рамки на посета на ОАЕ, премиерот Ковачевски во разговорот со Ал Мактум, кој воедно е и министер за одбрана, искажа благодарност за приемот и за добрите односи меѓу двете земји со потенцијал за уште поголема соработка во иднина.

На средбата стана збор за напорите кои ги прави Владата за ублажување на последиците од енергетската криза, за важноста од нови инвестиции за нашата земја во услови на економско-енергетска криза, како и за важноста од поддршката од Фондовите за развојни проекти што ќе значат стимул за домашната економија.

Беше констатирано дека ОАЕ гледаат потенцијал за инвестиции во нашата земја и тоа во обновливи извори на енергија, агробизнис со фокус на производство на храна, туризам и инфраструктура, се додава во соопштението.

Како што посочуваат од владината Прес-служба, оваа средба значи потврда за продлабочување на натамошната соработка и продолжување на разговорите со инвестициските Фондови на Абу Даби за реализација на развојни инвестициски проекти.

The post ОАЕ гледаат потенцијал за инвестиции во обновливите извори на енергија, агробизнисот и туризмот appeared first on Република.

Обединетите Арапски Емирати и Србија потпишаа договор, според кој Белград ќе добие една милијарда долари под исклучително поволни услови, со само три отсто камата, соопшти српскиот претседател Александар Вучиќ.

За време на дводневна посета на ОАЕ, Вучиќ, за ТВ Пинк изјави дека според тој договор Србија добива една милијарда долари „под неверојатни услови“, и оцени дека тоа е „практично подарок“.

Вучиќ објасни дека во јануари доспеваат обврските од старите кредити кои Србија треба да ги врати, а за да не се трошат парите што ги има сега, а мора да купува скапа енергија на пазарот, со овие пари се обезбедува целосна ликвидност со солвентноста што ја има државата.

Вучиќ, кој во посета на ОАЕ замина на покана на шефот на таа земја, шеикот Мухамед бин Зајед, потсети на одличните односи меѓу двете земји и им се заблагодари на ОАЕ за поддршката.

Според него, секогаш кога е тешко, Србија може да се потпре на ОАЕ.

Тој рече дека Србија ќе добие финансиска поддршка со половина од каматната стапка од онаа по која се задолжуваат западните земји и тоа, како што наведе, е огромна поддршка за домашниот буџет и финансии.

Вучиќ додаде дека членките на ЕУ, како Унгарија и Романија, се задолжуваат со каматна стапка од шест отсто.

Изрази очекување дека Србија ќе постигне „стендбај“ аранжман со Меѓународниот монетарен фонд и дека таму ќе обезбеди дополнителна поддршка.

Тој рече дека разговарал за енергетската криза и нафтата и гасот со шеикот Мохамед бин Зајед Ал Нахјан.

Тоа е една од причините зошто дадовме ваква поддршка, рече Вучиќ.

Повторно оцени дека следната зима, по претстојната, ќе биде уште потешка, а ќе има и криза со храна.

Тој рече дека и Србија мора да се подготви за тоа и оцени дека затоа пријателството со ОАЕ е од суштинско значење.

Во Абу Даби се и претставници на воената индустрија на Србија, бидејќи ОАЕ се заинтересирани за многу српски производи.

The post Вучиќ од Обединетите Арапски Емирати доби една милијарда долари со само три отсто камата appeared first on Република.

Обединетите Арапски Емирати ќе воведат федерален корпоративен данок на доход за првпат во историјата на земјата, соопшти Министерството за финансии.

Данокот на добивка ќе се применува од 1 јуни 2023 година.

„Корпоративната даночна стапка во оваа земја ќе биде 9,0 отсто на добивката над 375.000 дирхами (102.000 американски долари), додека на заработката до тој износ ќе остане нула отсто, за поддршка на малите претпријатија и почетниците на бизниси”, соопшти Министерството за финансии.

Министерството истакнува дека „корпоративниот данок во ОАЕ ќе продолжи да биде меѓу најконкурентните во светот”.

Поединци чии профити се остварени од вработување, недвижен имот, капитални инвестиции или други лични приходи кои не се поврзани со трговија или бизнис во ОАЕ сè уште нема да подлежат на данок.

The post ОАЕ воведува корпоративен данок од 2023 година, првпат во историјата на земјата appeared first on Република.