Куферот „Чегет“, во кој се чуваат шифрите за лансирање на руското нуклеарно оружје однадвор изгледа како обична актовка и тежи околу 11 килограми. Еден од трите нуклеарни куфери го носи офицер-врска, кој секогаш е во близина на шефот на државата. Службениците на кои им е доверена ваква важна задача поминуваат низ ригорозни психофизички тестови и се сметаат за едни од најиздржливите луѓе во земјата.

Познатиот куфер го нема класичното црвено копче за лансирање нуклеарни проектили (како што е претставено во филмовите), но има систем кој ги пренесува наредбите до Генералштабот.

Другите два вакви куфери се наоѓаат кај министерот за одбрана и началникот на Генералштабот, исто како во времето на СССР.

Сите три куфери се меѓусебно поврзани и заштитени со посебен систем за кодирање „Агат“, кој штити од прислушување и злоупотреба. Сигналот за лансирање на ракетите може да се активира само ако се иницира на сите „Чегети“, но се верува дека конечната одлука, сепка, ја има претседателот.

https://republika.mk/vesti/svet/atomskiot-kufer-na-putin-mozhe-da-go-unishti-svetot-za-shest-minuti/

The post Што навистина се крие во рускиот нуклеарен куфер „Чегет“ appeared first on Република.

Пензионираниот полковник на Федералната служба за безбедност, Вадим Зимин, (53) е пронајден со прострелни рани во кујната на неговиот стан во Красногорск во Московската област. Според извештаите, тој е во критична состојба и е на интензивна нега.

На јавноста и е позната само една фотографија од мистериозниот руски полковник, кому му беше доверено да го носи куферчето со шифри од рускиот нуклеарен арсенал.

Зимин ја продолжи својата кариера во службата за безбедност, добивајќи ја позицијата на полковник во времето на Владимир Путин, но неговата точна улога во администрацијата на Путин не е сосема јасна.

Во моментот на нападот, неговата сопруга, медицински работник, била отсутна од дома и ги лекувала војниците ранети во војната во Украина.

The post Мистериозниот полковник кој ја носеше нуклеарната актовка на Путин пронајден речиси мртов со прострелни рани appeared first on Република.