Рускиот претседател Владимир Путин денеска истакна дека не кажал дека руската армија веднаш ќе оди во Донбас, додавајќи дека договорот од Минск веќе не постои.

Украинските разговори околу нуклеарните амбиции беа насочени кон Русија и ние ја добивме пораката. Москва е во досегот на украинските нуклеарни проектили, изјави Путин, пренесуваат британските медидуми.

Тој, исто така, кажа дека „Украина, вооружена до заби, е антируски настроена, што е неприфатливо.

Невозможно е да се предвидат конкретните акции на руската армија во Донбас. Украина треба да се демилитаризира. Најдобрата одлука што може да ја донесе Киев е да се откаже од своите амбиции да се приклучи на Алијансата, истакна Путин.

Рускиот претседател додаде дека Договорот од Минск повеќе не постои и дека веќе нема што во него да се исполни.

The post Путин: Москва е во досегот на украинските нуклеарни проектили, Договорот од Минск веќе не важи appeared first on Република.

Претставникот на кинеското Министерство за надворешни работи, Фу Конг, им порача на САД да не се трудат да прават проценки за кинескиот нуклеарен арсенал врз основа на сателитски снимки.

Обидите да се користат сателитски снимки за да се открие каков нуклеарен арсенал има Кина се несериозни за САД - изјави Фу, директор на одделот за контрола на оружјето.

Неколку американски медиуми минатата година објавија дека Кина гради силоси за интерконтинентални балистички ракети на најмалку три локации, а „Вашингтон Тајмс“ тврди дека таков заклучок е донесен во разузнавачките извештаи врз основа на сателитски снимки направени во 2021 година.

Според извештаите на американските медиуми, американските власти сметаат дека во трите ракетни бази ќе бидат распоредени 350 до 400 нуклеарни проектили со долг дострел.

Меѓутоа, кинескиот весник „Женмин Жибао“, повикувајќи се на кинески воени експерти, соопшти дека американските аналитичари погрешно процениле дека темелите за турбините на ветер се силоси за интерконтинентални балистички ракети.

The post Официјален Пекинг: Сателитските снимки нема да им помогнат на САД да дознаат колкав е кинескиот нуклеарен арсенал appeared first on Република.