Иранскиот претседател Ебрахим Раиси изјави дека официјален Техеран не се надева на тековните преговори во Виена, кои имаат за цел да го оживеат нуклеарниот договор постигнат меѓу Иран и шесте светски сили во 2015 година.

Ние ги имаме нашите надежи на истокот, западот, северот и југот на нашата земја, а немаме надеж во Виена и Њујорк - посочи Раиси во телевизиското обраќање по повод 43-годишнината од Иранската револуција во 1979 година.

Тој порача дека Иран ќе се потпре на домашниот економски потенцијал, наместо да очекува поддршка од странство и од нуклеарните преговори со светските сили.

Иран и САД ги продолжија индиректните разговори во австриската престолнина на 8 февруари по 10-дневна пауза, но не е познато дали преговарачите се поблиску до решавање на различни прашања.

Рускиот министер за надворешни работи Сергеј Лавров вчера изјави дека има уште долг пат до обновувањето на нуклеарниот договор.

The post Иран нема големи надежи за нуклеарните преговори во Виена appeared first on Република.