За првпат по распадот на СССР, САД го обновуваат производството на нуклеарни боеви глави, пишува ННСА.

Според Националната администрација за нуклеарна безбедност, во 2023 година САД ќе произведат неколку десетици најнови нуклеарни боеви глави.

Конкретно, оваа година се планира производство на 80 јадра од плутониум, кои се клучниот елемент на стратешките и тактичките нуклеарни бомби.

Покрај тоа, Американците сакаат да го продолжат животниот век на нуклеарните бомби Б61-12 стационирани во Европа. Тие ќе ги модернизираат и боевите глави на интерконтиненталните балистички ракети „Тридент 2“.

The post САД го обновуваат производството на нуклеарни боеви глави appeared first on Република.

Генералштабот на вооружените сили на Украина, соопшти дека Русија распоредила мобилни ракетни системи „Искандер“ на 60 километри од украинската граница.

Непријателот го зголеми бројот на војници во регионот на Белгород со префрлање и концентрирање на дополнителни единици.

Според достапните информации, лансерите „Искандер-М“ се наоѓаат на 60 километри од границата со Украина - соопштија украинските вооружени сили, без да се наведат повеќе детали за локацијата на системот.

Нема потврда или демант на овие извештаи од Москва, ниту можат да се проверат од независен извор.

Белгород е град и административен центар на руската област Белгород, северно од границата со Украина.

„Искандер“, мобилен балистички ракетен систем со кодно име „SS-26 Stone“, го замени советскиот проектил Скад. Неговите две наведувани ракети имаат дострел до 500 километри и можат да носат конвенционални или нуклеарни боеви глави.

The post Русија во близина на Украина поставила ракетни системи кои може да носат нуклеарни боеви глави appeared first on Република.