Русија распореди нова интерконтинентална балистичка ракета „Јарс“ во базата Козелск во регионот Калуга, југозападно од Москва, пренесоа руски медиуми, повикувајќи се на Министерството за одбрана.

Русија ја опиша ракетата „Јарс“, која може да носи повеќе термонуклеарни боеви глави, како едно од нејзините понови оружја способни да ја нарушат ракетната одбрана на САД и нивните сојузници.

The post Русија распореди нова нуклеарна ракета – „Јарс“ appeared first on Република.

Руското Министерство за одбрана денеска објави дека нејзините сили вежбаат симулирани нуклеарни ракетни напади во Калининград, западна енклава лоцирана меѓу Полска и Литванија.

Според соопштението, се практикувале симулирани „електронски лансирања“ на мобилните балистички ракетни системи Искандер.

Руските сили практикуваа поединечни и повеќекратни напади врз замислени цели – лансери на ракетни фрлачи, аеродроми, заштитена инфраструктура, воена опрема и непријателски командни пунктови. Исто така бил извршен маневар за промена на позицијата за да се избегне можна одмазда. Борбените единици вежбаа и „акции во услови на радијација и хемиска контаминација“.

Во воената вежба учествуваа повеќе од сто војници.

Русија ги стави своите нуклеарни сили во состојба на висока борбена готовност веднаш откако рускиот претседател Владимир Путин го објави почетокот на специјалната воена операција во Украина на 24 февруари.

The post Руските сили вежбаа симулирани нуклеарни ракетни напади appeared first on Република.

Франција во средата успешно тестираше модернизирана верзија на својата балистичка ракета со среден дострел АСМПА, кој може да носи нуклеарно полнење, соопшти во четвртокот француското Министерство за одбрана. Француската министерка Флоренс Парли, рече дека е многу задоволна од тестирањето на таа стратешка ракета лансирана од авионот Рафал, кој полета од воената база Казо во Атлантскиот Океан.

Француската програма за вооружување е во согласност со целта на претседателот Емануел Макрон „да се одржи оперативниот кредибилитет на вооружените сили на ниво кое го бара меѓународната средина“, соопшти Министерството.

По успешното тестирање АСМПА оди во пошироко производство, а потоа во француската армија.

Ракетниот систем АСМПА во сегашната форма датира од 2009 година, а иако новиот систем треба да го наследи во 2035 година, акцентот во моментов е на модернизирање на постоечкиот.

Откако Британија ја напушти Европската унија, Франција остана единствената членка на тој сојуз со нуклеарно оружје.

The post Франција успешно тестираше нуклеарна ракета appeared first on Република.