Во близина на украинската нуклеарна централа Запорожјe, која е под руска окупација, вчера одекнаа силни експлозии, соопшти агенцијата за нуклеарна енергија на ОН, МААЕ.

Претседателот на МААЕ, Рафаел Гроси, кој ја посети Украина минатата недела, изјави дека вчера Агенцијата регистрирала силни експлозии во близина на најголемата нуклеарна централа во светот и уште еднаш повика околу нуклеарката да се воспостави „безбедна зона“.

Руските сили вчера извршија масовен ракетен напад врз Украина, при што беа истрелани повеќе од 50 проектили кон цели низ целата земја. Украинската војска соопшти дека соборила повеќе од 40 руски проектили, додавајќи дека Русите во нападот користеле хиперсонични ракети од типот Кинжал. Руските напади беа извршени еден ден откако САД и Германија најавија испорака на модерни тенкови Леопард 2 и Абрамс во Украина

The post Eксплозии околу нуклеарката Запорожје appeared first on Република.

Рускиот претседател Владимир Путин го извести шефот на нуклеарната агенција на ОН, Рафаел Гроси дека е „отворен за дијалог“ за нуклеарната централа Запорожје на територијата контролирана од силите на Москва во јужна Украина.

Во телевизиските коментари со Гроси пред нивниот состанок во Санкт Петербург, Путин му рече на шефот на МААЕ дека е „подготвен да разговара за сите прашања од заеднички интерес или причина за загриженост, на пример, во врска со ситуацијата околу АЕЦ Запорожје“.

The post Путин со порака до Гроси од МААЕ: Москва е „отворена за дијалог“ за нуклеарната централа во Украина appeared first on Република.

Шефот на Меѓународната агенција за атомска енергија (МААЕ), Рафаел Гроси, побара ослободување на директорот на најголемата нуклеарна централа во Украина, кој бил киднапиран од руска воена патрола.

Повикот на Гроси дојде два дена по „притворањето“ на Ихор Мурашов.

Мурашов е приведен на патот меѓу електраната во Запорожје и градот Енерходар во Украина. „Беше изваден од автомобилот и со врзани очи одведен во непознат правец“, објави на Фејсбук „Енергоатом“, украинската државна компанија која управува со електраната Запорожје.

Гроси „изрази надеж дека Мурашов брзо и безбедно ќе се врати кај своето семејство и дека ќе продолжи да ги извршува своите важни функции во електраната“, објави МААЕ на Твитер.

Нејасно е зошто е приведен Мурашов. Руските власти се уште не соопштуваат информации за неговото приведување.

Електраната Запорожје и нејзината околина се под контрола на руските сили од март, додека украинскиот персонал продолжи да управува со централата.

The post МААЕ ја повикува Русија да го ослободи притворениот шеф на украинската нуклеарна централа appeared first on Република.

Лидерите на САД, Франција, Германија и Велика Британија во денешниот телефонски разговор упатија апел на „воздржаност“ по прашањето за украинската нуклеарна централа Запорожје, која е под контрола на руската армија.

Претседателите Џо Бајден и Мануел Макрон, канцеларот Олаф Шолц и премиерот Борус Џонсон исто така побараа инспектори на Меѓународната агенција за атомска енергија (МААЕ) набрзо да ја посетата централата Запорожје, соопшти Кабинетот на германскиот канцелар.

Тие исто така се согласиле да продолжи поддршката за Украина во „нејзината одбрана од руската агресија“.

Елисејската палата вчера соопшти дека рускиот претседател Владимир Путин се согласил инспектори на МААЕ да ја посетата нуклеарната централа Запорожје.

The post Бајден, Макрон, Шолц и Џонсон повикаа на воздржаност за нуклеарната централа Запорожје appeared first on Република.

Портпаролката на руското Министерство за надворешни работи Марија Захарова денеска изјави дека Русија ќе направи сè што е потребно експертите од Меѓународната агенција за нуклеарна енергија (МААЕ) да ја посетат нуклеарната електрана Запорожје.

– Таа ги осуди „обидите да се попречи пристигнувањето на мисијата“.

– Остро ги осудуваме обидите да се попречи пристигнувањето на мисијата. Во тесна соработка со МААЕ и нејзиното раководство, ќе направиме сè што е потребно експертите на Агенцијата да ја посетат нуклеарната централа и да дадат вистинска оценка за деструктивните дејствија на украинската страна, посочи Захарова.

Таа додаде дека официјален Киев „несоодветните изјави кои доаѓаат една по една од Европската Унија во обид да се освојат имагинарни политички поени“ ги разбира како „зелено светло“ за создавање пречки за пристигнувањето на мисијата на МААЕ во Запорожје

The post Русија ќе дозволи посета на експерти во нуклеарката Запорожје appeared first on Република.