Директорот на украинската компанија „Енергоатом“ Петро Котин денеска изјави дека Украина планира да купи два нуклеарни реактори од Бугарија во јуни.

Нови реактори, со опрема од руски дизајн, ќе бидат инсталирани во нуклеарната централа Хмелницки во западна Украина, во обид да се компензира загубата на шест реактори во електраната Запорожје на територијата окупирана од Русија.

Поставувањето на првиот реактор ќе се изврши веднаш штом пристигнат во јуни, а вториот подоцна, рече Котин и додаде дека првата договорена цена била 600 милиони долари, иако „постои постојана желба на бугарската страна да постигне повеќе корист за себе“.

Котин изјави дека „Енергоатом“ планира да изгради уште два реактори по углед на американскиот реактор АП-1000. Тој посочи дека Украина не се откажала од плановите еден ден да ја рестартира нуклеарната централа „Запорожје“ и дека, за разлика од Русија, тоа ќе може да го направи по „деокупацијата“. Запорожје е најголемата нуклеарна централа во Европа.

The post Украина купува два нуклеарни реактори од Бугарија appeared first on Република.

Последниот оперативен реактор на нуклеарката Запорожје е исклучен од украинската мрежа откако електричните столбови беа оштетени при руското гранатирање, соопшти „Енергоатом“.

Најголемата електрана во Европа е заземена од руските сили, но со неа и понатаму управува украинскиот оператор „Енергоатом“.

Како резултат на пожарот предизвикан од гранатирањето, денеска е прекинат последниот далновод за пренос, соопшти „Енергоатом“ на Телеграм.

Оттаму додадоа дека „како резултат на тоа, реакторот шест, што ја снабдува електраната со струја, исклучен е од мрежата“.

Подрачјето на електраната изминатите месеци постојано се гранатира, а Москва и Киев за тоа меѓусебно се обвинуваат.

The post Исклучен и последниот реактор на нуклеарката Запорожје appeared first on Република.