Бидејќи Димитар Ковачевски последниве денови милува да ја споредува НСДП со ЗНАМ, а денес во Струмица истакнал дека сме „минорен коалиционен партнер“ мислам дека се има збунето и го фаќа лоша еуфорија.

На VI Конгрес на НСДСП го промовиравме како лидер на Коалицијата за европска иднина и овие 550 делегати му ракоплескаа и му доадоа ветер во грб и секако имаше многу подостоинствена и демократска атмосфера од Конгресот на СДСМ, ама изгледа има кратка меморија

Овој статус на социјалните мрежи го објави Мики Милковси, генералниот секретар на НСДП – Нова социјалдемократска партија. Неговата реакција доаѓа откако лидерот на СДСМ, Димитар Ковачевски од Струмица порача дека ЗНАМ бил направен единствено за лична корист и поддршка на ВМРО-ДПМНЕ, исто како НСДП, која е коалиционен партнер на СДСМ, во 2006 година.Тој кракто по објавата на статусот истиот го избриша.

– На истиот начин како што беше направен и политичкиот субјект НСДП во 2006 година и политичкиот субјект Демократска алтернатива во 1998 година. Последниве два што ги спомнав, едниот не постои, а другиот е минорен коалиционен партнер на СДСМ, бидејќи на крајот сите се враќаат таму од каде што потекнале, затоа што предавникот не што не го сакаат дома, предавникот најмалку го сакаат таму каде што отишол да предаде. И затоа ви кажувам ќе ги гледате овие од ЗНАМ кога ќе ги стават во последна клупа во Собрание после 8 мај и со наведнати глави, не што ние нема да им правиме муабет, овие од ВМРО помалку ќе им прават муабет. Но на крајот и тие и нивните поддржувачи и оние кои се сѐ уште во нашите редови и кои што ликуваат на резултатот кои тие го освоиле, а нивните другари со кои седат на маса не го освоиле, на крајот ќе се соочат со реалноста. Ќе бидат отфрлени, ќе бидат заборавени и на крајот, повторно ќе треба да се вратат во СДСМ, како стожерна, најсилна и најголема и единствена социјалдемократска партија во Македонија“, рече Ковачевски.

The post Генералниот секретар на НСДП: Ковачевски се има збунето, го фаќа лоша еуфорија! appeared first on Република.