05 јануари - петок, Преподобен Наум Охридски

09.00 часот: Царски часови во ман. „Св. Наум Охридски“ – н. Радишани.

06 јануари - сабота, Бадник - Св. мч-чка Евгенија

07.30 часот: Утрена; Златоустова литургија.

17.00 часот: Велико Повечерие.

07 јануари - недела, Рождество Христово - БОЖИК

09.00 часот: Архиерејска литургија на Св. Василиј Велики. Неговото Блаженство Архиепископот г. г. Стефан, ќе богослужи во Соборниот храм „Св. Климент Охридски“.

08 јануари - понеделник, Собор на Пресвета Богородица, втор ден Божик.

09.00 часот: Архиерејска Златоустова литургија во црквата „Рождество на Пресвета Богородица“ - Центар.

09 јануари - вторник, Свети архиѓакон и првомач. Стефан - трет ден Божик.

09.00 часот: Архиерејска Златоустова литургија во црквата „ Св. Петка“ – н. Црниче.

14 јануари - недела, Обрезание Господово; Свети Василиј Велики; Православна Нова Година.

09.00 часот: Архиерејска литургија на Св. Василиј Велики и Молебен по повод Новото лето Господово 2024. Неговото Блаженство Архиепископот г.г. Стефан, ќе богослужи во црквата “Св. пр. Илија“ – н. Аеродром.

18 јануари - четврток, Водокрст; св. мч-ци Теопемпт и Теона; св. пр. Михеј.

07.30 часот: Утрена; Царски часови; литургија на Св. Василиј Велики со Вечерна и Голем Водосвет.

19 јануари - петок, Богојавление - ВОДИЦИ

09.00 часот: Златоустова Литургија и Голем водосвет. Неговото Блаженство Архиепископот г.г. Стефан, ќе богослужи во храмот „Рождество на Пресвета Богородица“. Богојавленските литии во 11,45 да бидат на мостот кај „Холидеј Ин“. Околу 12.00 часот Поглаварот на Македонската православна црква ќе го спушти Светиот и животворен Крст во водите на реката Вардар.

20 јануари - сабота, Собор на Св. Јован Крстител.

09.00 часот: Архиерејска Златоустова литургија во храмот „Св. апостоли Петар и Павле“ - н. Ѓорче Петров.

Од канцеларијата на Скопската Православна Епархија

The post Празнична програма од Бадник до Св. Јован Крстител на Скопската православна епрахија appeared first on Република.

За време на новогодишните празници, ЈЗУ „Здравствен дом на Скопје“ ќе се грижи за здравствената состојба на граѓаните во текот на 24 часа, потврдија за МИА од оваа установа.

На 31 декември, недела, во текот на денот и вечерта за новогодишната ноќ, како и на 1 јануари, дежурни и достапни ќе бидат дежурните ординации за здравствена заштита во трета смена, недела и празници во поликлиниките Јане Сандански, Чаир, Ченто, Шуто Оризари, Ѓорче Петров, Драчево и Бит Пазар. За претстојните божиќни празници - 7 и 8 јануари, за граѓаните кои имаат потреба од медицинска помош, ќе работат дежурните ординации за здравствена заштита во трета смена, недела и празници во поликлиниките Јане Сандански, Чаир, Ченто, Шуто Оризари, Ѓорче Петров, Драчево и Бит Пазар, велат во пишана изјава за МИА од ЈЗУ „Здравствен дом на Скопје“.

Со секојдневно работно време за новогодишните и божиќните празници ќе функционира и единицата за домашно лекување.

Поради претстојните прослави на новогодишните празници, Службата за Итна медицинска помош препорачува редовно земање на терапија кај хроничните болни, да се внимава со внес на храна кај оние лица кои се придржувале на божиќниот пост, умерено користење на алкохолни пијалаци како би се избегнале несаканите последици - алкохолни труења, тепачки и сообраќајни незгоди. Посебно се апелира до младата и малолетна популација да не се користат алкохолни пијалаци, заради нискиот праг на толеранција кон алкохолот. Исто така воздржување од користење разни пиротехнички средства и огнострелно оружје заради избегнување на несакани повреди, изгореници и други потешки последици.

ЈЗУ „Здравствен дом на Скопје“ изразуваат надеж за беспрекорно почитување и придржување кон дадените препораки, со цел новогодишните празници да се дочекаат во весело и пријатно расположение за сите.

The post Oвие скопски поликлиники ќе работат и за празниците appeared first on Република.

Според истражувањето на француската компанија Фотобокс, европскиот лидер во печатење фотографии, која неодамна спроведе истражување за најпопуларните дестинации за одмор, Будимпешта, главниот град на Унгарија, е најпосетуваното место на Инстаграм кога е Европа во прашање.

Photobok го анализираше бројот на слики и хаштагови на божиќните пазари во секој град.

Под Хаштаг – #budapestchristmasmarket Корисниците на оваа социјална мрежа споделија дури 10.601 пати, што претставува убедлива победа, бидејќи следната на листата, Краков, има помалку од 2.000.

Проверете ја листата:

Будимпешта – Унгарија 10.601

Краков – Полска 1.647

Инсбрук – Австрија 1.622

Цирих – Швајцарија 1.375

Копенхаген – Данска 340

Photobook исто така спроведе истражување за најдобрите градови за посета на овој Божиќ, а на врвот се најдоа Амстердам и Будимпешта.

Критериумите вклучуваа колку божиќни пазари и настани има во градот, како и други фактори кои помагаат да се создаде божиќна атмосфера.

Во Будимпешта има три големи божиќни пазари, неколку терени за лизгање на отворено, божиќни украси, неколку видови варено вино и секако прекрасна елка.

Будимпешта, еден од најубавите централноевропски градови, е создаден со спојувањето на Буда, старата унгарска престолнина на десната страна и Пешта на левиот брег на Дунав (1873).

За само неколку децении, Будимпешта прерасна во вистинска метропола, втора по важност во Австро-унгарската империја, достојна за Виена, со импресивни јавни згради, добро испланирани авении, пространи паркови на речните острови, прекрасни мостови и метро ( 1896) втор во Европа и трет во светот по Лондон и Њујорк.

The post Кој европски град е најпопуларен за новогодишните празници? appeared first on Република.