Ноќва околу 02.00 часот, полициски службеници од СВР Струмица - Полициско одделение Ново Село го лишиле од слобода Д.С.(45) од село Долно Лакочереј, охридско.

Како што објаснуваат од МВР, рој, околу 01.50 часот, носејќи пиштол, влегол во продажен објект во село Ново Село, струмичко, со намера да изврши разбојништво, при што со пиштолот пукал кон сопружниците Б.М.(48) и М.М.(46).

Тој бил фатен на местото на настанот и бил задржан во Полициската станица Струмица, а повредените биле пренесени во Медицински центар Струмица.

Известен е јавен обвинител од Основното јавно обвинителство Струмица. Увид на местото на настанот извршила екипа на СВР Струмица, при што биле пронајден пиштолот и чаури.

По целосно документирање на случајот, против Д.С. ќе биде поднесена соодветна пријава, велат од МВР.

The post Брачен пар повреден во пукотници во продавница во струмичко Ново Село appeared first on Република.

Во забавен парк во струмичко с. Ново Село малолетник се здобил со тешки телесни повреди откако врз него паднал рефлектор.

Како што информираат од МВР, денеска во 00.30 часот во СВР Струмица, од Медицинскиот центар Струмица било пријавено дека кај нив со тешки телесни повреди бил донесен малолетник од струмичко.

Според пријавеното, малолетникот се здобил со повредите во забавен парк во с.Ново Село, откако врз него паднал рефлектор. Во врска со настанот од слобода бил лишен Б.К. (40) од Прилеп, се вели во соопштението од МВР.

Извршен бил увид од увидна екипа на СВР Струмица и по целосно расчистување и документирање на случајот ќе биде поднесена соодветна пријава.

The post Рефлектор во забавен парк паднал врз малолетник, тешко повредено момче во Ново Село appeared first on Република.

Силен пожар попладнево изби во плевна на куќа во општина Ново  Село кој потоа брзо се проширил на соседните три куќи.

Огнот се шири многу бргу а во близина има бензинска пумпа.

Триесетина струмички пожарникари се обидуваат да ја изгаснат огнената стихија но во дворовите на куќите има многу горлив материјал поради што гаснењето е отежнато. Кон пожарот се упатени и еден полициски и еден армиски хеликоптер. Полицискиот започнува со дејство а армискиот во секој момент ќе биде таму. Горат куќи од левата страна на главниот пат низ Ново Село од насока на Струмица.

The post Горат куќи од левата страна на главниот пат низ Ново Село од насока на Струмица appeared first on Република.

Во драматично обраќање преку фејсбук градоначалникот на Ново Село, Ѓорѓе Божинов заедно со тим на пожарникари од ТППЕ Струмица и неколку цивили побара помош да бидат евакуирани од местото на пожарот над селото Бадилен каде од сите страни се заробени од огнената стихија.

Од сите страни околу нас гори и очекуваме двата хеликоптери кои го гаснат пожарот да изгаснат еден негов дел за да можеме да се евакуираме или да дојдат по нас да не земат, бидејќи сите копнени врски се прекинати, изјави Божинов.

Како што изјави Божинов тие се опколени од огнот во радиус од 500 метри и очекуваат што побргу да бидат извлечени.

The post Градоначалникот на Ново Село, пожарникари и цивили се заробени од пожарот на планината Огражден и бараат помош: Гори на сите страни околу нас! appeared first on Република.

На 09.09.2022 во 17.15 часот во Полициска станица Гевгелија е пријавено дека на локалниот пат 1108, с.Ново Конско – Старо Конско, патничко моторно возило „мерцедес“ со швајцарски национални ознаки, управувано од Ц.Ч.(37) од Гевгелија, изгубило контрола и се превртело на коловозот.

-По несреќата возачот Ц.Ч. е пренесен во Јавна здравствена установа Гевгелија каде му се констатирани тешки телесни повреди, информира МВР.

Увид на местото извршила екипа од Полициска станица Гевгелија.

The post Се преврте автомобил кај Ново Село, возачот тешко повреден appeared first on Република.

ЈП Водовод и канализација - Скопје информира дека денеска прекинато водоснабдување ќе имаат корисниците од Ново Село.

Прекинот во водоснабдувањето е поради уличен дефект на крстосницата Шарпланинска/ Тиранска и ќе трае од 10:40 часот до завршувањето со санацијата на дефектот.

The post Прекинато водоснабдување во Ново Село appeared first on Република.

The post Мицкоски: Идната влада на ВМРО-ДПМНЕ ќе спушти половина од парите за капитални инвестиции, околу 15 милијарди денари, на локално ниво appeared first on Република.

Од утрово од 6 часот граничниот премин Ново Село, на македонско-бугарската граница, го преминаа 10-ина автомобили, најголем дел од нив се упатуваат кон Струмица каде денеска е пазарен ден и во блиските населени места до границата, јавува МИА.

Според евиденцијата од ГП Ново Село, синоќа до 24 часот границата ја преминале вкупно 593 патници, од кои 327 се странци, а 266 домашни.

На преминот е забележливо засилено полициско обезбедување, а сите возила кои влегуваат се евидентираат и се претресуваат.

Според изјавите на бугарски граѓани, денешниот ден го искористиле за посета на пазарот во Струмица, а некои пак одеа и по стоматолошки услуги.

-Одам во Струмица на стоматолог, бидејќи имам закажано. Имам поголема рана во устата и денес треба да одам на интервенција, рече бугарска државјанка од Петрич.

Други двајца Бугари на прашањето дали ќе одат за Скопје и каков е нивниот став за одбележувањето на роденденот на Гоце Делчев, изјавија дека нив тоа не ги интересира, дека тие се земјоделци и дека во Струмица доаѓаат по работа.

Инаку, до 9 часот и 30 минути нема поголема фреквенција на моторни возила и патници, а пограничните служби велат дека така ќе остане и до крајот на денот.

The post На граничниот премин Ново Село нема поголема фреквенција на возила и патници appeared first on Република.

Телевизијата „М Нет“ објави видео на кое може да се забележи како се води лицитација во црква во штипско Ново Село.

Попот го понуди светиот крст на лицитација, чија крајната цена стигна 95.000 денари.

Парите од продажбата на крстот ќе бидат потрошени за сметките за струја, но и за други дополнителни трошоци, кажа попот.

The post На лицитација за 95.000 денари продаден светиот крст во Ново Село appeared first on Република.

Сообраќајот на магистралниот пат с.Ново село – Граничен премин Ново село е нормализиран, информира АМСМ.

Патот беше затворен од 17:30 часот поради сообраќајна незгода.

The post Повторно се одвива сообраќај на магистралниот пат кон граничниот премин Ново Село appeared first on Република.

Магистралниот пат с.Ново село – Граничен премин Ново село од 17:30 часот е затворен поради сообраќајна незгода, информира АМСМ.

ОД АМСМ информираат и дека поради асфалтирање, од денеска до петок од 10 до 16 часот, во прекин ќе биде сообраќајот во двата правца на патниот правец R2335 од Подвис до Кривогаштани.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

The post Поради тешка сообраќајка затворен патот кон граничниот премин Ново Село appeared first on Република.

На денешната седница на Советот на општина Ѓорче Петров мнозинството предводено од ВМРО-ДПМНЕ и коалицијата, изгласаа одлука за воспоставување на меѓуопштинска соработка помеѓу општина Ѓорче Петров и Град Скопје.

https://www.youtube.com/watch?v=0TMMVUynSkU

Со одлуката се предвидува партерно уредување и озеленување помеѓу реката Лепенец и прочистителната станица во општина Ѓорче Петров, односно изградба на мега парк кој што ќе биде за сите жители на општина Ѓорче Петров.

Ова е значаен чекор за нашата општина бидејќи просторот од 30.000 метри квадратни кој што беше до скоро дива депонија, сега станува парк, со многу модерни содржи за спорт и рекреација.

Со ова скопјани ќе добијат ново место за рекреација. Вредноста на оваа меѓуопштинска соработка изнесува 68.5 милиони денари, при што Град Скопје учествува со 67 милиони денари, а нашата општина со 1,5 милион денари.

Продолжуваме да го реализираме она што го ветивме пред граѓаните во предизборието. Во завршна фаза е уредувањето на локалитетот Крст во Кучково при што ѓорчевци и скопјани за многу брзо ќе можат да уживаат во новите содржини.

Покрај тоа, во тек е и градежна офанзива со која се врши асфалтирање на над 20 улици во општина Ѓорче Петров, со што жителите ќе добијат соодветни услови за живот.

Сето ова го реализираме во првите 8 месеци од нашиот мандат. Во текот на летото продолжуваме со започнување на реализација и на останатите ветени проекти.

The post На место на депонија во Ново Село ќе се гради мега парк appeared first on Република.

Дали ЈО од Струмица сакало да ја забошоти истрагата за убиството на младото момче од Ново Село затоа што трагите водат до структури блиски до власта?!, прашуваат од најголемата опозициска партија ВМРО ДПМНЕ.

Со денови власта молчи, и повторно се обидува да забошоти убиство.

Според информациите кои излегоа во медиумите, дури ЈО кој излегол на терен, извесен Златко Иванов, констатирал дека обдукцијата врз телото на убиеното момче била вршена нереално, односно било манипулирано со трагите од насилство. Но случајот тука завршил. Зошто и дали некој наредил во Судска медицина да биде изготвен таков извештај со цел случајот да се затвори како несреќа?, се вели во партиското соопштение.

Според ВМРО ДПМНЕ, Целиот случај бил воден со големи пропусти. И индицира дека буквално се внимавало да не се дојде до некој.

Ова е втор случај во кој власта се обидува да прикрива убиство, како што беше случајот со убиството на ракометарот Тот. Премногу е, протест за промени на 18 јуни во 20 часот пред влада, велат од ВМРО ДПМНЕ.

The post ВМРО-ДПМНЕ: Власта молчи и повторно се обидува да забошоти убиство, овој пат во Ново Село appeared first on Република.

Деновиве изминуваат 100 дена од моментот кога ја презедов функцијата Градоначалник. 100 дена кои беа исполнети со многу предизвици и препреки, но и можност за обезбедување нови понуди и решенија. Општина Ново Село има голема територија – но премал буџет. Јас знам дека очекувањата на граѓаните се големи, и затоа мојата заложба е голема. Секојдневното работам и инсистирам во постапките да се донесат нови содржини и проекти. Општина Ново Село да добие можност за реализација на својот потенцијал, а граѓаните да го најдат својот интерес и обезбедат егзистенција за себе и своите семејства, истакна Ѓорѓе Божинов, градоначалник на општина Ново Село на регионалниот отчет „Промени што носат иднина – 100 дена локална власт отчет на ВМРО-ДПМНЕ“.

Божинов додаде дека веднаш по доаѓањето на функција се отпочна со чистење на дивите депонии. Досега се исчистени околу 300 декари, и тоа во Сушица, Колешино, Мокрино, Дражево, а во периодот кој претстои ќе бидат исчистени и другите во останатите населени места. Покрај уредувањето и чистењето на парковите во сите населени места, се исчисти и Колешинскиот водопад, кој повеќе години беше заборавен и а во неговото срце беше создадена депонија која на туристите им предизвикуваше одвраќање наместо восхит од овој наш прекрасен дар од природата.

„Во тековното работење спроведовме и неколку асфалтирања на улици кои се од голема важност за нашите сограѓани:

-Асфалтирана е улица Првомајска во Ново Село во должина од 300 метри;

-Асфалтиран е дел од улица Огражденска во Ново Село во должина од 50 метри;

-Асфалтирани се сите ударни дупки во Ново Село и Мокриево“, појасни Божинов.

Божинов посочи дека се изврши санација на речното корито на реката Песен, кое во последните 30 години никогаш не било чистено, и беше главен виновник за излевањето на огромни количества вода во домаќинствата во Мокрино.

На крајот од годината беше асфалтиран и училишниот двор од 1800м2 во ООУ Мануш Турновски во Ново Село, а во соработка со Светска Банка и министерството за транспорт и врски отпочната е постапка за асфалтирање на улици во Ново Село од 1460 метри, Колешино од 980 метри и во Мокриево 670 метри. Овие градежни работи, очекувам да отпочнат на крајот на месец март“, рече Божинов.

Божинов укажа дека младите во општина Ново Село ќе бидат основата на работењето, па затоа во тек е реконструкција на спортската сала „Христо Татарчев“ во Ново Село. Ќе бидат целосно променети искршените стакла и ќе биде поставен видео надзор со цел да се превенираат ваквите настани во иднина.

„Во перспектива пред нас, за оваа година ќе бидат асфалтирани околу 2.000 метри улици во 10 населени места, а ќе бидат изготвени и проектни документации за пешачка патека од Мокриево во Ново Село, за уредување на речното корито на реката Песен и реката Новоселка. Веќе следниот период ќе биде спремна и проектната документација за нова мотокрос патека. Најавувам и инвестициона пролет. Голем дел од моите ветувања ќе станат реалност оваа пролет, каде на наши сограѓани ќе им овозможиме да инвестираат во фотоволтаични централи и во лесна незагадувачка индустрија на новата индустриска зона во Ново Село“, нагласи Божинов.

Божинов додаде промените се случуваат и мора да се случат во својата полна форма, тоа го гледате и препознавате секојдневно. Општина Ново Село ќе биде пример за многу општини во регионот и земјава.

The post Божинов: Во Ново Село ќе започне инвестициона пролет, младите се основата на моето работење, во тек е реконструкција на спортската сала „Христо Татарчев“ appeared first on Република.

Со почетокот на мандатот на градоначалникот на Ѓорче Петров Александар Стојкоски во општината се изведуваат капиталните проекти ветени во изборната програма.

Стојкоски истакна дека на локацијата во Ново Село, на околу 11 хектари земјиште, каде што претходно имало дива депонија ќе започне со изградба на нов мега парк, истакнувајќи дека како општина не може да се ослонат само на средствата од општината, туку дека бараат и дополнителни извори на финансирање преку ИПАРД и Светска Банка.

Успеавме да го санираме течението на реката Лепенец и почнуваме со реализација на проект за нов мега парк во Ѓорче Петров,на локацијата на поранешната депонија во Ново Село. Не можеме да се ослониме само на средствата од нашиот буџет, бараме и други извори на финансирање. Ги јакнеме капацитетите на Секторот за локален економски развој, бидејќи како општина сме поволни за меѓугранична соработка и веќе тераме проект за изградба на нова пречистителна станица во село Орман, истакна Стојкоски.

Општината има услови да ги користи средствата од ИПАРД-компонентата, достапни ѝ се средства од Светска банка, така што, инфраструктурно ќе се насочи да бараме средства за долгорочно финансирање преку овие институции.

The post Депонијата во Ново Село ќе прерасне во мега парк appeared first on Република.

Даски покриени со камења и снег, наместо споменици на една бурна историја. Ова се остатоци од неколку куќи во штипско Ново Село, заштитени со закон што ги изеде времето и негрижата на институциите.

Жителите на штипско Ново Село подолго време алармираат дека опасност по нивното здравје се старите куќи, во кои има безброј приказни. Во нив се родени околу 50 македонски познати научници, лекари, војводи, комити, револуционери, но и атентатори.

Кога поминувате низ штипско Ново Село секоја куќа, сокаче има своја приказна. Токму оваа куќа стара над 300 години во секој момент може да се урне и да падне во дворот на Ленче Ѓеоргиева. Објектот иако евидентиран како културно наследство е во фаза на распаѓање и сега е само бледа слика на некогашниот сјај.

По секоја најава за невреме семејството Ѓеоргиеви стравува за сопствените животи.

Секој момент од невреме може да се урниса и да падне и да ми направа огромна штета. Еве каде ни е кровот. Ќе падне врз него, а и дворот цел ќе се наполни со камења. Видете колку сме блиску! Страшно е да живееме овде, посебно во задниот дел од куќата,ама што да правеме, не можеме ние ништо - вели Ѓеоргиева.

Taa pојаснува дека пред три години дел од руинираниот објект се урнал и завршил во дворот и спалната соба. За среќа не биле дома. Неколку пати ја информирале и општината.

Имаме пријавувано повеќе пати. Една власт, друга власт. Ветуваат дека ќе дојдат ќе го решат проблемот, но само празни ветувања.Не советуваа да им кажеме на газдата, ама сега и тој почина. Каде сега да тражеме чаре? Нема каде! - вели Ѓоргиева.

Со години се губи сјајот на оваа стара штипска населба. Но, пред еден месец заврши валоризацијата на куќите во Ново Село. Директорот на Заводот за заштита на споменици и Музеј на град-Штип, Митко Штерјов појаснува дека валоризацијата ќе значи заштитата на автентичната староградска архитектира и да се вклопи и во Деталниот урбанистички план(ДУП), како и во Генерален урбанистички план(ГУП).

Така да сите куќи што се заштитени, односно Ново Село е заштитен како целина и сите куќи, целата населба се става под заштита и сите куќи кои со текот на времето ќе се реконструираат, секој објект, што ќе се прави ќе ја има онаа потребна заштита и ќе биде вклопен во урбанистичкиот план - вели Штерјов.

Со валоризацијата се знае секоја куќа колку може да чини, до каде може да се изгради, колку може да се реконструира, потоа да се креваат и спратови или како да се заштитуваат фасадите.

Немањето пари е причина за пропаѓање на старите куќи.

Повеќето од старите куќи во Штип, особено во штипско Ново Село се во приватна сопственост. За реконструкција потребно е самите сопственици да одвојат финансиски средства, но и да изготват проект, што ќе го приложат до Општината. Според нив, причина за состојбата на распаѓање на куќите е и комплицираната постапка.

Според директорот на НУ Завод и Музеј, Митко Штерјов, најчесто проблем се финансиските средства.

Таа процедура е многу едноставна. Меѓутоа, пак ќе потенцирам дека тоа се приватни куќи и вообичаено луѓето сакаат да направат нешто повеќе, а не да го зачуваат ликот и процедурата, односно законските регулатива според кои има одредено што сè треба да содржи реконструкцијата на една куќа. Инаку, постапката е многу едноставна. Тие само поднесуваат барање до Управата, а таа се обраќа до НУ Завод и Музеј Штип, каде што ние ги даваме условите и само треба да направат проект за реконструкција. За таа постапка може да поминат неколку денови, најмногу до еден месец. Меѓутоа, главното е тоа што сопствениците треба да направат проект со кој ќе се обратат до Општината. Проблемот е и во средствата, бидејќи тоа се приватни куќи и секој работи врз основа на својот буџет - вели Штерјов.

Надлежните од штипскиот Музеј ја следат состојбата на секоја од куќите за да не дојде до нивно рушење врз минувач или возило. Штерјов вели дека во Штип нема ваква ситуација, но во случај да дојде до истата, штетата ќе биде на товар на сопствениците, бидејќи тоа се приватни куќи и обврската за одржување на истите е нивна, според него, општината нема одговорност во такви случаи.

Ако навистина дојде до тоа, тоа е обврска на сопствениците, бидејќи тоа се приватни куќи, а не се под надлежност на државата или на НУ Завод и Музеј Штип. Оној кој ја поседува има и обврска. Ако е споменик на културата, тој како сопственик има обврска врз основа на препораките од Општината. Одговорноста секогаш ќе биде на оној кој е сопственик. Ние како институција може само да даваме насоки, а некогаш сме и преблаги во тој дел - додава Штерјов.

НУ Завод и Музеј Штип како надлежна институција со вработени стручни лица може да помогне во изготвувањето на проектот, но иницијативата треба да дојде од сопствениците. Во штипско Ново Село има барем десетина куќи кои веднаш бараат реконструкција, но за нов лик на оваа славна населба ќе треба соработка помеѓу Општината и сопствениците, а и финансиски средства, бидејќи станува збор за поголема инвестиција.

Приказната за штипско Ново Село треба да ја продаваат сите институции

Старата штипска населба Ново Село е позната како револционерен центар и по учителствувањето на Ѓорче Петров, Петар Поп-Арсов, Дамјан Груев и Гоце Делчев. Овде на мостото на реката Брегалница е снимен и филмот „Господ постои, името и е Петрунија“ на сестрите Лабина и Теона Митевски. Филмото е инспирирана од 31-годишната Борислава Васкова која го фати крстот на Водици, по што имаше инцидент. Пред овој филм, овде се снимени и сцени од Среќна нова ’49. Македонски филм од 1986 година режиран од Столе Попов. Овој филм се смета за едно од најуспешните македонски филмски остварувања и е единствениот македонски фил покрај „Црно семе“ на Кирил Ценевски, што е избран да биде Југословенски кандидат за Оскар.

Но според Штерјов, за да се продаде оваа приказна за Ново Село потребно е да соработуваат повеќе институции. Една институција не може да го направи тоа, но преку заедничка соработка може да се искористи потенцијалот на Штип.

Сакаме да соработуваме со сите институции, бидејќи тоа со такви историски содржини и личности од штипско Ново Село треба да го искористиме. Тоа е бенефит на нашиот град за да можеме да ги пренасочиме и приватните финансиери, државните финансии и меѓународните проекти, да одиме на тоа дека во еден град има толку многу содржини и многу личности коишто придонеле и за развојот на државата. Историски гледано, го имаме првиот епископ, првите премиери. Навистина, Ново Село покрај историскиот аспект, го има и материјалниот амбиент. Се трудиме ние колку можеме во тој дел, но треба една соработка помеѓу сите институции, државните, приватните компании, невладините организации, како и ИПР. Сите заедно треба да се пренасочиме во тој дел, бидејќи не само Ново Село, ние го имаме и Исарот - вели Штерјов.

Автентичната македонска куќа има свои особености кои ја карактеризираат. Староградскиот стил од 19 век ги прави посебни и уникатни и како такви зрачат не само во Штип и штипско Ново Село, туку и во другите градови низ државата. Сепак, токму поради специфичните прописи за тоа како треба да изгледа една стара куќа, тешко оди процесот на реконструкција.

Тоа е староградски стил од крајот на 19 век и почетокот на 20 век. Во Ново Село, па и во повеќе градови во државата карактеристиката е таа што во долниот дел се изградени со камен, а горниот дел е со дрво. Има карактеристични сводови, карактеристични прозори, капаци на прозорите. Меѓутоа, тешка е одржливоста на старите куќи, бидејќи токму таа градба ја прави тешка реконструкцијата - појаснува Штерјов.

НУ Завод и Музеј Штип има изготвено проект и за целосна реконструкција на тврдината Исар, како и проекти за Саат кулата, Хусамедин Пашина Џамија, локалитетот Баргала и Уметничката галерија Безистен, кои се културни споменици на градот. Сепак, за реализација на истите потребни се финансиски средства.

Викторија Димитрова-Јованова за МИА

The post Висат даски и пропаднати кровови на куќите во штипско Ново Село каде што се родени македонски научници, војводи, комити и револуционери appeared first on Република.