Основното јавно обвинителство Скопје до Основниот кривичен суд Скопје денеска достави Обвинителен предлог против 31-годишен жител на селото Грчец за кривично дело – Загрозување на сигурноста од член 144 став 5 во врска со став 4, како и ставовите 1 и 2 од Кривичниот законик.

Обвинетиот по пат на информатички систем сериозно ѝ се заканувал на една оштетена дека кон неа ќе изврши кривично дело за кое е пропишана казна затвор од пет години или потешка казна. Заканите ги упатувал поради нејзиниот општествен статус како новинарка, а во врска со вршењето на нејзините професионални задачи кои ги презела во рамките на своите овластувања. Со намера да ја вознемири и исплаши, тој упатувал заканувачки пораки кон новинарката преку лажен профил на една социјална мрежа, барајќи од неа да избрише текст што го напишала и објавила, со што кај оштетената предизвикал чувство на загрозување, несигурност и страв, соопштуваат од ОЈО.

По издадени наредби на јавен обвинител, МВР го идентификуваше сторителот на кривичното дело, за кое согласно Кривичниот законик е запретена затворска казна од една до пет години.

Со ова, од вкупно пет регистрирани напади врз новинари и медиумски работници во текот на 2023 година за кои алармираше Здружението на новинари на Македонија, во три случаи сторителот е идентификуван и е поведена постапка. Од нив, во два предмети, врз основа на поднесените обвиненија, веќе е изречена и пресуда против сторителите на кривичното дело, се вели во соопштението на обвинителството.

The post Жител на Грчец ѝ се заканувал по живот на новинарка поради објавен текст appeared first on Република.

Албанскиот премиер Еди Рама за време на прес-конференцијата ја оттурна новинарката бидејќи, според локалните медиуми, не му се допаднало прашањето што таа му го поставила.

Како што пренесува „Газета 10“, Еди Рама ја турнал репортерката на телевизијата СИРИ откога таа му поставила прашање.

Наводно новинароката го прашала премиерот „зошто парите на албанските даночни обврзници одат во новото пристаниште, а во сегашното пристаниште Драч се продаваат станови на приватни инвеститори“.

По тоа, дошло до физички контакт, а сè се случило додека бил опкружен со новинарски екипи

Ве молам, не допирајте ме повеќе, рекла новинарката додека Рама си заминувал по инцидентот, пренесува „Блиц“.

A disgusting, yet no surprising gesture of #Albania PM, @ediramaal harassing a female journalist today. pic.twitter.com/0DFuUOzDwX

— Xhemajl Rexha (@xhemajl_rexha) March 19, 2024

The post Го молеше да на ја допира повеќе: Еди Рама оттурна новинарка appeared first on Република.

За време на пресот што го одржа независниот синдикат на геријатрија пред министерството за информатичко општество и администрација се случи физички напад врз претседателот на независниот синдикат на полицијата Гоце Делчев од страна на Александра Дуковска која се представува како новинар, објави Телевизија 24. 

https://youtu.be/JYZwp9MKnQ4

Со зборовите кој си ти зошто ме следиш јас сум новинар кој си ти започа вербалната расправија по што прерасна во физички напад.

По инцидентот претседателот на независниот синдикат на полицијата постира на социјалните мрежи статус во кој вели:

Додека во цел свет НОВИНАРИТЕ се тие што се напаѓани, во Макдеонија Агресивна новинарка го нападна претседателот на независниот синдикат на полицијата. Го губи ли некој трпението и со физички напад се обидува да го заплашат независното синдикално постоење – пишува во статусот на фејсбук.

Самостојниот синдикат на новинари и здружението на новинари на Македонија порачаа дека треба да има нулта толеранција за секаков вид на насилство.

По повод денешниот инцидент во рамки на настанот на полициските синдикати ЗНМ заедно со ССНМ остро го осудуваат секој вид на насилство од која страна и да доаѓа. Повикуваме на смиреност на страстите, јавноста ја замолуваме да се воздржи од коментари и реакции и бараме проблемот да се реши институционално!

Ова не е прв испад на Дуковска пред некој ден влезе во вербална расправија и со министерот за економија Крешник Бектеши во владиниот медиа центар.После денешниот инцидент ја прашавме владата дали на Дуковска ќе и биде одземена акредитацијата за влез во Влада но не добивме одговор.

Од МВР пак велат дека инцидентот е регистриран кај нив, но не кажуваат дали и за што ќе се терети Дуковска во случајов. Инаку Дуковска беше меѓу приведените во собранието на 27 април кога толпа луѓе од протестите влегоа во законодавниот дом.

The post Новинарката што се скара со Бектеши физички го нападна претседателот на независниот полициски синдикат за време на прес конференција appeared first on Република.

Новинарката Маја Богоевска, основач и уредник на порталот „Читај.бе“ е годинашен добитник на наградата за новинарска репортажа „Тоде Петрески“ именувана според новинарот на Радио Скопје, дописник од Битола, Тоде Петрески.

На свеченост во Битола, Богоевска истакна дека време е да се врати достоинството на професијата за да се каже: новинар – колку гордо тоа звучи.

-Голема е честа за мене што ја добивам наградата која го слави името и делото на доајенот на битолското и македонското новинарство, Тоде Петревски, синоним за храброст, пример како треба еден новинар да се бори за вистината. Изразувам огромна благодарност до семејството на Тоде Петревски и нашиот хроничар „Битолски весник“. Оваа награда ја чувствувам како залог да се борам, особено против полуписмените, кои го киднапираа новинарството и ја унаказија професијата новинар заради лични интереси. Да се борам во просторот каде манипулацијата со вистината е огромна – интернетот. Затоа знаењето и искуството кое сум го стекнала овие две децении, ревносно и несебично го пренесувам и ќе го пренесувам на младите генерации, истакна Богоевска.

Да го вратиме достоинството на професијата, порача таа. За еден ден, како што рече, да кажеме: Новинар – колку гордо тоа звучи!

Новинарката Маја Богоевска во својата богата кариера работела во повеќе локални, регионални, национални и интернационални медиуми, а оваа година одбележува 20 години активно новинарство.

The post Новинарката Маја Богоевска добитник на наградата за новинарска репортажа „Тоде Петрески“ appeared first on Република.

Според дел од украинските медиуми, голем скандал ја тресе Русија откако во јавноста протече писмо од руската телевизија НТВ, во кое се споменува и Кадиров.

Имено, во писмото до НТВ се наведува дека нивната новинарка кој била испратена да известува од украинскиот град Мелитопол била силувана.

Според „Јутарњи лист“, станува збор за новинарката Олга Зенкова, која важи за пропагандист на Путин.

Таа отишла во Мелитопол, кој на почетокот на војната е под контрола на Русите, да направи извештај, се посочува подоцна во текстот. Меѓутоа, како што се наведува, таа налетала на озлогласената чеченска бригада предводена од Хасан Ибрахимов, братучед на чеченскиот лидер Рамзан Кадиров, а војниците наводно ја силувале новинарката и го претепале снимателот.

Украинците пишуваат дека за овој страшен инцидент дознале сосема случајно, бидејќи во јавноста протече жалба од НТВ, во која раководството на таа телевизија го повикала Истражниот комитет на Руската Федерација да го истражи случајот.

Официјалниот документ бил испратен до шефот на тој Истражен комитет, а самата телевизија не сакала ништо да коментира за да избегне „дискредитација на руската армија“.

The post Чеченци силувале руска новинарка во Украина, а камерманот го претепале appeared first on Република.

Дописничката на ЕСПН и радио програмата Перос де Кале, аргентинската новинарка Софија Мартинез известувала во живо од Светското првенство во Катар кога ѝ пришол катарски милионер и ја поканил во своето луксузно Ламборгини.

Притоа, на едно од автомобилските седишта имало црна кутија со мала верзија на трофејот од Светското првенство.

„Дали е за мене? прашала Софија, а богаташот ѝ одговорил: „Да, твое е“.

Кога ја отворила кутијата, Софија видела мобилен телефон вреден најмалку 1.000 евра.

https://twitter.com/perroscalleok/status/1598305216805347335?ref_src=twsrc%5Etfw%7Ctwcamp%5Etweetembed%7Ctwterm%5E1598305216805347335%7Ctwgr%5E9fa14ecec84900f6cdac2acb1cced8f33b90ab5f%7Ctwcon%5Es1_&ref_url=https%3A%2F%2Fulica.mk%2Fd0bad0b0d182d0b0d180d181d0bad0b8-d0bcd0b8d0bbd0b8d0bed0bdd0b5d180-d0bfd0bed0b2d0b8d0bad0b0-d0bdd0bed0b2d0b8d0bdd0b0d180d0bad0b0-d0b2%2F

Новинарката го прифатила подарокот, но многумина ја предупредиле дека тоа не требало да го направи тоа, бидејќи, како што тврдат, зад сѐ се крие намерата на богатиот Катарец.

Инаку, Софија е во врска со новинарот Диего Леука, кој исто така деновиве е во Катар, од каде известува за првенството.

The post Катарски милионер покани новинарка во неговото Ламборгини и ѝ подари вреден пакет appeared first on Република.

Новинарката од Косово, Зана Авдиу е на мета на навреди, па дури и смртни закани поради критики кон швајцарскиот репрезентативец Гранит Џака и неговото однесување во натпреварот во групната фаза против Србија.

Потегот на Гранит Џака е срамен. Ретко кој не ја сподели таа фотографија, тоа значи нулта ниво во некоја наша држава, искоментира новинарката за непримерниот гест на Џака.

Со тој коментар таа го навлече гневот на косовската јавност, па дури добивала и смртни закани. Во медиумите се огласи и нејзиниот адвокат Арианит Кочи.

Нормално е да имаме различни ставови и да не се согласуваме за некои работи, но вакви закани се недозволиви во еден цивилизиран свет. Тоа што кон неа се вперува прстот и од јавни личности само се зголемуваат заканите, објасни Кочи.

The post „К*рво, да ми го јадеш“: Навреди и смртни закани кон косовската новинарка што го критикуваше Џака appeared first on Република.

Аргентинската новинарка Доминик Мецгер била ограбена додека известувала во живо од Миндијалот во Катар. Нејзе и бил украден новчаник во кој имало документи, картички и пари.

Таа го пријавила случајот во полиција, и било кажано дека на многу локации има камери со висока резолуција, па крадецот ќе биде фатен и работите ќе и бидат вратени.

Но таа се изненадила кога полицијата ја запрашала каква казна сака да му биде изречена на крадецот. Во прв момент мислела дека се работи за грешка во преводот, но Катарците во вториот обид биле појасни.

Ме прашаа дали сакам сторителот да биде осуден на 5 години затвор, или пак сакам да биде депортиран…. Инсистираа да кажам каква сакам да биде казната, јас да одлучам. Но не, им кажав дека сакам само да ми се вратат работите. Не сакам правдата да биде во мои раце. Ми се наежи кожата, раскажува Доминик Мецгер.

The post Новинарка ја ограбиле во Катар, па полицијата ја прашала каква казна сака за крадецот appeared first on Република.

На 63 годишна возраст, почина долгогодишната новинарка и поранешен генерален директор на Македонската радиотелевизија, Гордана Стошиќ.

Стошиќ беше дел од Националната телевизија како репортер, а подоцна и како водител и уредник на вести. Одреден период беше раководител на телевизијата А1, за потоа да се врати во МРТВ на позицијата генерален директор. Краткотрајно, беше и директорка на скопската телевизија Скај нет.

Голем број млади новинари ја поминаа нејзината школа низ редакциите кои ги раководеше како уредник и главен и одговорен уредник.

The post Почина новинарката Гордана Стошиќ appeared first on Република.

Полициски службеници од Полициската станица Неготино ѝ дошле на домашната адреса на новинарката Вики Клинчарова од „Фокус“ за да извршат службен разговор со новинарката поради „предупредување поради поплака од страна на жената која пред три дена во центарот на Неготино со автомобил удри 11-годишно дете“, пишува „Фокус”.

Од МВР, за „Фокус“ само накратко одговориле дека одделот за внатрешна контрола ќе го испита случајот и дека ќе бидат преземени соодветни мерки, а новинарката случајот како што им било кажано, треба да го пријави во Внатрешна контрола. „Фокус“ пишува дека според Предупредувањето кое полициските службеници го доставиле на новинарката за потпис, а кое таа не го потпишала, жената возач, која инаку не е именувана во текстот, барала новинарката да биде предупредена дека објавила невистинита содржина за случената сообраќајка.

Мајката на повреденото дете, Билјана Малиминова за ,,Фокус” вели дека е потресена од настанот, и јавно прашува до кога ќе се газат деца во Неготино и дали некогаш ќе бидат преземени конкретни мерки за да се обезбеди безбедност на пешаците во градот.

Станува збор за текст објавен во Фокус на 8 август, во кој новинарката пенесува изјава од мајката на повреденото момче. Мајката појаснува дека во тие моменти на страв и вознемиреност по настанот, жената која го удрила нејзиното дете со автомобил, дури и започнала вербална расправија со неа.

-Син ми заедно со другарче ја преминувал улицата кога жената го удрила со возилото. Го ставила во кола, и наместо во болница, со сите тешки и очигледни повреди, тргнала да го носи кај нас дома. Ми се јави телефонски, и кажав дека тргам кон итната помош во градот, и нема што да бара дома кај нас. Но, сепак, таа запрела попат, и му рекла на син ми да излезе од возилото за да види дали може да оди!

Кога најверојатно увидела дека станува збор за сериозни повреди, го донесе во итната помош, каде започна вербална расправија со мене. Барав да се повика полиција, но ми рече дека нејзиниот сопруг е полицаец и таа го удрила син ми со брзина од 20 километри на час. Што треба да значи тоа?
Јавно прашувам, дали е важно чиј сопруг е полицаец во ваков случај? Нели сме сите исти пред законот? Јас сум самохрана мајка, треба ли да бидам оставена незаштитена поради тоа? Дали е важно кој е и што е било кој возач кој ќе прегази дете? – прашува мајката.

Додава дека потоа била повикана полиција, а детето било препратено во кавадаречката болница. Од таму, поради сериозноста на повредите, тоа веднаш било пренесено на скопските клиники.

Реакција со осуда за настанот пристигна од Здружението на новинари на Македонија (ЗНМ) од каде побараа одговорност од службениците и поведување на дисциплинска постапка.

„ЗНМ смета дека постапката на МВР да се предупредуваат новинари поради објавен текст е непримерна, несоодветна и непотребна, бидејќи на тој начин се врши притисок врз слободата на изразување на новинарите. Бараме одговорност од полициските службеници кои ги злоупотребиле своите овластувања да одговараат за истите, односно против нив да биде поведена дисциплинска постапка“, пишува во соопштението на ЗНМ.

Од ЗНМ воедно велат дека ќе поднесат претставка до Секторот за внатрешна контрола и професионални стандарди при МВР, со што ќе се бара одговорност за прекршување на полициските овластувања и додаваат дека очекуваат санкции за одговорните лица што е можно поскоро.

The post Жената која прегазила 11-годишно дете во Неготино ѝ испратила полиција за „опомена“ на новинарката која ја објавила веста appeared first on Република.

Ал Џезира денеска го обвини Израел за смртта на новинарката која беше убиена додека известуваше за израелски напад на Западниот Брег.

Како што е наведено, Ширин Абу Аклех, позната палестинска новинарка, била погодена со куршум во главата и набргу потоа починала.

Уште еден палестински новинар кој работи за Ал Кудс со седиште во Ерусалим е ранет, но е во стабилна состојба.

Катарската телевизија го обвини Израел и во соопштение објавено на својот канал ја повика меѓународната заедница „да ги осуди и да ги смета израелските окупаторски сили одговорни за намерното таргетирање и убиство на колешката Ширин Абу Аклех“.

На видеото од инцидентот се гледа како Абу Аклех носи син заштитен елек на кој јасно пишува „ПРЕС“.

Израелската армија соопшти дека нејзините сили биле цел на силен оган и експлозиви за време на операцијата во Џенин и дека возвратиле.

Се додава и дека „армијата го истражува настанот и ја испитува можноста новинарите да биле погодени од вооружени Палестинци“.

The post Ал Џезира го обвини Израел за смртта на новинарката на Западниот Брег appeared first on Република.

Израелските сили на окупираниот Западен Брег ја убиле новинарката на Ал Џезира, Ширин Абу Аклех, соопшти палестинското Министерство за здравство.

Новинарката била убиена додека известувала за израелските напади во близина на градот Џенин, информира Нида Ибрахим од Ал Џезира.

– Она што досега го знаеме е дека палестинското Министерство за здравство ја објави нејзината смрт. Ширин Абу Аклех известуваше за настаните во Џенин, поточно израелскиот напад на градот во северниот дел на Западниот брег, кога беше погодена со куршум во главата, изјави Ибрахим од палестинскиот град Рамала.

The post На Западниот брег убиена новинарка на Ал Џезира додека известувала за израелските напади appeared first on Република.

Новинарката и продуцентка на Радио Слободна Европа, Вера Гирич, загина во Киев откако руска ракета вчера ја погодила нејзината куќа, соопштија од медиумската куќа.

Нејзиното тело утрината беше пронајдено под урнатините на куќата.

Вира Гирич започнала со работа во киевското биро на Радио Слободна Европа на 1 февруари 2018 година. Пред тоа, таа работела во водечките украински ТВ канали.

Во длабока тага сме поради смртта на нашата вработена новинарка во украинското биро, Вера Гирич, оваа ноќ. Изгубивме драга колешка која ќе ја паметиме по професионализмот и посветеноста на нашата мисија. Шокирани сме и бесни поради бесчувствителната природа на нејзината смрт во својот дом во земјата и градот кој го сакаше. Нејзиниот спомен ќе ја инспирира нашата работа во Украина и пошироко во иднина, стои во соопштението на претседателот на Радио Слободна Европа, Џејми Флај.

Како резултат на вчерашното ракетирање на Киев од руската војска делумно се уништени првите два ката од 25-катна станбена зграда, каде избувнал и пожар. Според градските власти, четири лица се хоспитализирани.

The post Новинарка на Радио Слободна Европа загина во рускиот напад на Киев appeared first on Република.

Силен земјотрес ја погоди Босна и Херцеговина и беше почувствуван во целиот регион. Колку бил силен земјотресот можеме да видиме од видеото кое е снимено во моментот кога се случил земјотресот- за време на преносот на Дневник на црногорски канал.

„Би траеле преговорите за малцинска влада, тие се … Па, во овој момент се случува земјотрес. Се надевам дека се ќе биде во ред“, рече водителката Милица Павичевиќ и продолжи да го води Дневникот.

Zemljotres uživo - Pavićević gospođa i profesionalac pic.twitter.com/BdPuRUXEIX

— Serenity Drop (@StrijelacLav) April 22, 2022

The post Новинарка се затресе во живо во вечерните вести appeared first on Република.

Украиснките сили во Мариупол нападнале руска новинарска екипа при што имало повредени меѓу претставниците на медиумите.

Руските медиуми јавуваат дека репортерката на руската државна телевизија „Первиј канал“ (Канал 1“), Ирина Куксенкова била ранета во овојк напад во Мариупол.

Новинарката и нејзините колеги се нашле под непријателски оган, а повредите ќе беа многу потешки доколку не беа покриени од војниците кои ги придружуваа. Тие го презедоа најголемиот дел од ударот и сега се во болница - соопшти водителката на „Канал 1“, Алена Лапсина.

The post Руска репортерка ранета во Мариупол при напад на украинските сили врз новинарската екипа appeared first on Република.

Русија додаде уште осум лица на својата црна листа, обвинувајќи ги дека се „странски агенти“. Меѓу нив е и Eлизавета Осетинскаја, поранешна уредничка на неколку руски весници кои објавуваа извештаи за комерцијалните интереси на луѓе блиски до рускиот претседател Владимир Путин.

На списокот се најдоа и писателот и видео блогер Евгениј Понасенков и ТВ репортерката Марија Борзунова.

Понасенков е познат по неговите духовити забелешки на социјалните мрежи насочени кон владата и ток-шоуа на државните ТВ канали. Марија е репортерка на независниот ТВ канал Рајн, кој исто така е прогласен за „таен агент“ и ја прекина својата работа од почетокот на инвазијата.

Терминот „странски агент“ носи негативни конотации од советската ера и ги подложува овие лица на строги барања за финансиско известување. Исто така ги обврзува да се изјаснат дека се „странски агенти“ за се што објавуваат.

The post Русија на црната листа стави и позната руска новинарка appeared first on Република.

Руската новинарка, Оксана Баулина, загинала при бомбардирање во Киев.

Според информациите, таа загинала при гранатирање додека снимала уништување на еден трговски центар.

Оксана Баулина работеше за рускиот портал „Инсајдер“, кој најмногу известувал за корупција во руската Влада.

Заедно со Баулина загинало уште едно лице, а двајца се повредени.

The post Руска новинарка загинала во Киев appeared first on Република.

Уредничката на рускиот Канал 1 Марина Овсијаникова соопшти дека дала отказ, но и дека одбила да ја прифати понудата за азил во Франција откако на руската државна телевизија истакна транспарент со порака „Стоп за војната!“ и „Тука ве лажат“.

Овсијаникова набргу потоа беше уапсена и казнета со 30.000 рубли (290 долари).

Во интервју за Франс 24, Овисијаникова соопшти дека ги „предала документите“ за раскинување на работниот однос во Канал 1. „Тоа е законска процедура“, рече таа.

Овисијаникова, која има две деца, вели дека „со овој гест го променила животот на своето семејств “, при што нејзиниот син покажал посебна вознемиреност. – Но, мораме да ставиме крај на оваа братоубиствена војна, за ова лудило да не се претвори во нуклеарна војна. Се надевам дека со текот на времето син ми ќе сфати зошто го направив тоа, рече таа.

Таа додаде дека и некои нејзини колеги дале отказ, но дека многумина не можеле да го сторат тоа од финансиски причини. – Среќна сум што луѓето го кажаа своето мислење, но финансиската состојба е многу тешка и тешко е луѓето да престанат да работат, рече таа.

Во одвоено интервју за германски „Шпигел“, Овсијаникова рече дека нема да ја прифати понудата за азил од францускиот претседател Емануел Макрон и дека ќе остане во Русија. – Не сакам да ја напуштам мојата земја. Јас сум патриот, и мојот син. Во никој случај не сакаме да ја напуштиме земјата, не сакаме да одиме на друго место, рече таа.

И покрај нејзиното ослободување, Овсијаникова би можела да се соочи со дополнително гонење, ризикувајќи повеќегодишна затворска казна, согласно законите донесени на 4 март со кои се ограничува слободата на говорот за војната во Украина.

Овсијаникова за германскиот весник изјави дека повеќето нејзини колеги се свесни за нивната улога во ширењето дезинформации. – Тие многу добро знаат дека прават нешто погрешно, рече таа.

The post Уредничката која на руска телевизија протестираше против војната, дала отказ и одбила азил appeared first on Република.

Украинска новинарка и активистка гневна до солзи на денешната прес -конференција во Полска, побара од британскиот премиер, Борис Џонсон западните земји со сила да воведат забрана за летање над Украина.

Моите колеги стравуваат дека ќе бидат застрелани. Харков денеска беше бомбардиран. Украинските жени и деца се плашат од бомбите и ракетите кои паѓаат од небо. Украинците од очај го молат западот да го заштити воздушниот простор, а вие зборувате дека тоа ќе предизивика Трета светска војна. Која е алтернативата премиере? Речиси е невозможно да се помине границата, колоните се долги 30 километри. Замислете да мора да ја преминете границата со деца. Велика Британија ни гарантираше безбедност. Зошто тогаш сте во Полска, а не во Киев. Се плашите, НАТО не сака да се вклучи бидејќи тоа може да предизвика Трета свеска војна. Таа веќе почна, а украинските деца се тие кои ја трпа, му се обрати новинарката на Џонсон.

The post Украинска новинарка до Борис Џонсон: Велика Британија ни гарантираше безбедност. Зошто тогаш сте во Полска, а не во Киев? appeared first on Република.

Цветанка Зојчевска, истакната театарска критичарка и новинарка од културата, почина завчера во Скопје, потврди семејството за СДК.мк. Имаше 76 години. Ќе биде погребана денеска во 12 часот на градските гробишта Бутел во Скопје.

Родена во Прилеп, Зојчевска е дипломец на Филозофскиот факултет во Скопје, а долгогодишната новинарска кариера ја почна во весникот „Вечер“. Од 2000 година беше уредничка на културната рубрика во весникот „Вест“ каде и се пензионира.

Во богатиот критичарски опус има напишано над 700 театарски критики. Авторка е на двотомната книга интервјуа „Идентитетот не е нејасна магла“.

The post Почина новинарката и театарска критичарка Цветанка Зојчевска appeared first on Република.