По новиот скок на бројките на пациенти од Kовид-19, во Македонија официјалниот број на активни случаи изнесува 4.535, но се претпоставува дека бројката на заразени и е неколкупати повисока.

Ковидот повторно беснее и во Грција и во Србија, но повеќето заразени поминуваат со поблаги симптоми.

Ситуацијата е таква што мнозинството од заразените со Ковид-19 немаат никакви симптоми. Кога ќе се појават првите знаци на вирусот, тие обично се благи и често тестот не ги открива, односно е негативен, а пациентот е всушност позитивен на Ковид. Младите се инфицираат на исто колку и постарите, но нивната клиничка слика е обично поблага од грипот и изгледа како обична настинка, иако не е. Има малку покачена температура, болно грло кое трае ден-два. Сепак, важно да се тестираме, и за себе и за другите, рече д-р Александар Стојановиќ, директор на Здравствениот дом „Палилула“ од Белград во утринската програма „Редакција“.

Тој додава дека забележан е нов симптом кај овој сој на коронавирусот, на кој досега никој не се пожалил.

Еден од симптомите е болка во 'рбетот, речиси секој втор, трет пациент над 40 години нема други потешкотии, туку само болка во грбот. Со овие симптоми се среќаваме за првпат. Овој вид е специфичен. Имаш болки во кичмата, немаш температура, правиш тест и си позитивен. Имаме заразени и бебиња од еден месец, месец и пол. Тинејџерите го поминуваат на нозе. Симптомите ќе бидат поблаги. Но, возрасните уште се најранливи, изјави д-р Стојановиќ.

The post Д-р Стојановиќ: Се појави нов симптом на ковидот, на кој досега никој не се жалеше appeared first on Република.

Корона вирусот повторно дивее, бројот на заразени се зголемува, а експертите предупредуваат на сосема нови симптоми.

Дека сè уште не треба да се опуштиме и дека ни се заканува нов бран, докажуваат загрижувачките бројки на новозаразени со корона вирусот. Тоа го поткрепува и тоа што за десет дена двојно се зголемил бројот на пациенти со Ковид во болницата, а се промениле и симптомите.

Високата температура, треската, губењето на мирис или вкус сега се поретки. Според податоците собрани од 17.500 луѓе кои тестирале позитивно на Ковид оваа недела, главниот симптом што укажува на вирусот е болки во грлото.

Освен тоа, во малку поголема мера се јавуваат засипнатост, кивање, замор, болки во мускулите и вртоглавица. Еве ги најчестите симптоми:

– болки во грлото – 58 проценти
– главоболка – 49 проценти
– затнат нос – 40 проценти
– кашлица без слуз – 40 проценти
– течење на носот – 40 проценти
– кашлица со слуз – 37 проценти
– рапав глас – 35 проценти
– кивање – 32 проценти
– замор – 27 проценти
– болки во мускулите – 25 проценти
– вртоглавица – 18 проценти
– отечени жлезди на вратот – 15 проценти
– болка во окото – 14 проценти
– промени во сетилото за мирис – 13 проценти
– затегнатост во белите дробови – 13 проценти
– треска – 13 проценти
– потреси – 12 проценти
– скратен здив – 11 проценти
– болка во увото – 11 проценти
– губење на мирис – 10 проценти

Оваа фреквенција на симптоми кај заразените се совпаѓа со наодите на други истражувачи. Научниците веруваат дека ова може да покаже како вирусот се менува и мутира.

Да потсетиме, новиот сој на корона има неверојатен број мутации и го доби „прекарот“ кентаур. Се појави во десет земји ширум светот, но најголем дел е во Индија. Светската здравствена организација сè уште не го нарекува причина за загриженост, а неговото име е кентаур BA.2.75.

The post Ова се новите симтпоми на коронавирусот appeared first on Република.

Официјалната листа на симптоми на ковид-19 е проширена и сега вклучува девет нови знаци на зараза со коронавирусот

Британската Агенција за здравствена безбедност ја ажурираше листата на симптоми кои сега вклучуваат болки во грлото, болки во мускулите и дијареја, пишува Би-би-си.

Промената се случува повеќе од две години по почетокот на пандемијата и само неколку дена откако беше прекинато бесплатното тестирање во Англија.

Сепак, агенцијата предупредува дека многу од новите симптоми се многу слични на оние кај настинката и грипот.

Оригиналните симптоми на заразата со коронавирусот кои се идентификувани во Велика Британија се:

– температура

– континуирана кашлица

– губење на мирисот и вкусот

Од почетокот на пандемијата, познато е дека овие три симптоми се само врвот на ледениот брег. Светската здравствена организација (СЗО) веќе некое време користи подолг список на симптоми.

Сепак, во Британија веќе извесно време се води дебата за тоа кои симптоми треба да се сметаат за индикација за тестирање на ковид. Главоболката е, на пример, познат симптом на ковид, но нема да се тестира секој човек што има главоболка.

Новата листа на симптоми во Британија ги вклучува следните девет:

– краток здив

– чувство на замор и исцрпеност

– болки во телото

– главоболка

– воспалено грло

– затнат нос или течење на носот

– губење на апетитот

– дијареја (пролив)

– чувство на гадење или повраќање

The post Ажурирана листата на симптоми на Ковид-19, има девет нови appeared first on Република.