Неформална група студенти на Академијата за уметности во Нови Сад најави блокада на сите три згради на академијата во тој град, за да се солидаризираат со колегите од Факултетот за драмски уметности во Белград.
Блокадата ќе трае 12 часа, од 9 до 21 часот, јавија локалните медиуми.

Студентите на Факултетот за драмски уметности побараа МВР на Србија да поднесе кривична пријава против лица познати во јавноста и да ги идентификува другите членови на организираната група која физички нападна студенти и професори за време на петнаесетминутната почит кон оние кои загинаа во Нови Сад.

Наведувајќи дека ќе ја продолжат блокадата на факултетот додека не се исполнат овие барања, ги повикаа и останатите студенти да иницираат блокади на нивните факултети.

Студентите на Универзитетот во Белград денеска планираат 12 часа да организираат блокада на зградата на Ректоратот. За време на таа акција ќе им се придружат и дел од професорите.

Планот е блокадата да започне во 11.52 часот кога падна бетонската настрешница на железничката станица во Нови Сад и да трае до 23.52 часот.
Опозицијата во Нови Сад ја одложи најавената блокада на судот и Обвинителството во Нови Сад, но денеска во тој град, како и во другите градови во Србија, во 11:52 часот ќе се организира акцијата „Застани, Србија“, со цел уште еднаш да им оддадат почит на жртвите на железничката станица по падот на настрешницата.

The post Србија и Нови Сад и денеска во 11:52 часот застануваат за почит на жртвите во трагедијата appeared first on Република.

Две тела се пронајдени во напуштен објект на улицата Косовска во Нови Сад. Како што изјави изворот за „Блиц“, сѐ уште не е познат идентитетот на лицата чии тела се пронајдени, како и причината за смртта.

Истрагата е во тек – вели изворот на „Блиц“.

Според првите неофицијални информации, на телата не се пронајдени траги кои би укажувале дека смртта настапила насилно. Вистинската причина за смртта ќе се знае дури по обдукција. На терен се пожарникари, спасувачи, полиција и форензичари.

The post Две тела пронајдени во напуштен објект во Нови Сад appeared first on Република.

Зградата на Железничката станица во Нови Сад била отворена иако одредени работи сè уште биле во тек и за тоа не било известено Одделението на Републичката градежна инспекција. Вака може да се заклучи според кривичната пријава против српскиот министер за градежништво и транспорт Горан Весиќ и неговата заменичка Анита Димоски која била задолжена за надгледување на проектот за реконструкција, доградба и адаптација.

Српска Нова пишува дека зградата на железничката станица во неколку наврати е реновирана, а иако властите од самиот почеток на трагедијата во Нови Сад тврдеа дека натстрешницата не е во изградба, судејќи по кривичната пријава против осомничените, на објектот се работело.

Дека не е извршен технички преглед на објектот и дека за наведениот објект не е издадена употребна дозвола, како и заради примена на една или повеќе мерки од надлежност на Одделението за републичка градежна инспекција, иако знаеле дека градежните работи сè уште се во тек, истите до 5 јули 2024 година не биле регистрирани од инвеститорот „Инфраструктура железнице Србија“ а.д. Белград, пред почетокот на работите согласно Законот за планирање и градење“.

Весиќ започна штрајк со глад во притвор минатата недела, а денеска беше примен во болница откако му се влоши здравјето. Тој рече дека ќе докаже дека не сноси никаква кривична одговорност за трагедијата и дека не бил уапсен туку сам им се предал на органите на власта.

Уривањето на натстрешницата во Нови Сад на 1 ноември одзеде 15 животи и предизвика политички хаос во Србија со протести на улиците и инциденти во собранието. Весиќ беше меѓу 12 уапсени лица за трагедијата.

Премиерот на Србија, Милош Вучевиќ изјави дека сега не е моментот за реконструкција на Владата и дека во вторник ќе соопшти кој од министрите ќе ги преземе министерствата предводени од Горан Весиќ и Томислав Момировиќ, кои поднесоа оставки поради трагедијата во Нови Сад, а кои вчера Собранието ги прифати, јави дописникот на МИА од Белград.

– Ни претстои пат да поставиме двајца нови министри, а во вторник ќе кажам кој ќе ги преземе тие две министерства, додека не се изберат нови членови на Владата – изјави синоќа Вучевиќ за Јуроњуз.

The post Весиќ не викнал градежна инспекција навреме – поднесена кривична пријава за несреќата во Нови Сад appeared first on Република.

Српскиот премиер Милош Вучевиќ денеска изјави дека сите што се виновни за падот на бетонската настрешница на железничката станица во Нови Сад, кога загинаа 15 лица, ќе одговараат „но не затоа што некој го побарал на улица“, туку ќе се утврди нивната вина од страна на судот. Вучевиќ за Радио телевизија на Србија (РТС) изјави дека Србија мора да продолжи да функционира како држава и општество.

Народот мора да продолжи понатаму, тоа не значи дека е заинтересиран за утврдување одговорност, бидејќи животот мора да продолжи и Србија не смее да запре, ниту семејствата кои ги загубија своите најблиски, мора да продолжат да живеат. За доброто на загинатите треба да продолжиме и да се погрижиме тоа никогаш да не се повтори, а виновниците ќе бидат кривично гонети затоа што тоа ќе го утврди судот, а не затоа што некој на улица го кажал тоа, посочи Вучевиќ.

Тој потсети дека Обвинителството приведе 13 лица и додаде дека „работи онака како што мисли дека треба да работи, а не под влијание на извршната власт“.

The post Вучевиќ: Виновниците ќе одговараат ако судот утрвди вина, не зошто некој од улица го побарал тоа appeared first on Република.

Вишото јавно обвинителство во Нови Сад соопшти дека е уапсена 13. осомничена за уривање на настрешницата на Железничката станица во Нови Сад, јави дописникот на МИА од Белград.

– Вишото јавно обвинителство во Нови Сад ја информира јавноста дека е уапсена и приведен тринаесеттиот осомничен Ј.С.М., која на денот на апсењето не била достапна за органите на прогонот, а која е опфатена во Наредбата за постапување од истрагата, поради основи на сомнение дека сторила кривично дело Тешко дело против општата сигурност од член 288 став 2 од Кривичниот законик во врска со кривичното дело Непрописно и неправилно извршување градежни работи, се наведува во соопштението на Вишото јавно обвинителство.

Вишиот суд во Нови Сад и одреди притвор до 30 дена на уапсената Ј.С. М.

На 23 ноември, Вишиот суд во Нови Сад им одреди притвор до 30 дена на министерот за градежништво Весиќ и на поранешниот директор на Железничката инфраструктура на Србија, Небојша Шурлан.

Весиќ штрајкува со глад над 60 часа, но неговиот живот не е во опасност.

The post Уапсено уште едно лице поради уривањето на настрешницата на Железничката станица во Нови Сад appeared first on Република.

Вишото јавно обвинителство во Нови Сад, по распит на 12 осомничени за несреќата на железничката станица во тој град, донесе наредба за спроведување истрага и поднесе предлог за приведување на 13 од нив, меѓу кои и едно лице кое е во странство, јави дописникот на МИА од Белград.

Меѓу нив се и министерот во оставка Горан Весиќ, поранешната министерка и в.д директорката на Железничката инфраструктура на Србија, Јелена Танасковиќ, како и поранешниот директор на Железничката инфраструктура на Србија, Небојша Шурлан.

За сите нив е предложен притвор за да не се мешаат во постапката со влијание врз сведоци и соучесници, за да не го повторат делото, како и поради вознемирување на јавноста.

Според осомничената Ј.С.М., покрај наведените основи, а поради тоа што е недостапна за органите на прогонот, по неа е предложено да се распише и потерница.

Осомничените Ј.Т, Г.В, А.Д. и Н.Ш. сториле кривично дело тешко дело против општата сигурност од Кривичниот законик во врска со кривичното дело предизвикување општа опасност, а осомничените С.Н, М.Ј, Љ.М.М, М.С, Д.Ј, М.Г, З.С.М, Ј.С.М. и Д.Т. сториле кривично дело тешко дело против општата сигурност од Кривичниот законик во врска со кривичното дело Непрописно и неправилно изведување градежни работи, се вели во соопштението на ВЈТ.

Вишиот суд во Нови Сад претходно и одреди притвор до 30 дена на Љ. М.М. Порталот Нова економија пред два дена објави дека меѓу уапсените е и Љиљана Милиќ Марковиќ, која е потпишана како Главен проектант. Таа воедно е предавач на Архитектонско-градежниот и геодетски факултет во Бања Лука.

Уапсен е и Слободан Наумовиќ од Сообраќајниот институт ЦИП, проектантот на изградбата на реконструкцијата и адаптацијата на зградата на станицата во Нови Сад.

Како што дознава Нова економија, уапсени се и Дејан Тодоровиќ и Марина Гавриловиќ, инженери вработени во француската компанија Ежис.

Тодоровиќ беше ангажиран на функцијата Надзорен орган за инфраструктурни објекти на службени места, а Гавриловиќ беше Надзорен орган за архитектура на делницата 1, која ја опфаќа Железничката станица во Нови Сад.

Српскиот огранок на францускиот Ежис изврши директен надзор над работите на Железничката станица.

Засега никој не е уапсен од компанијата Проект Биро Утибер, српската филијала на истоимената унгарска компанија и главен член на конзорциумот кој ја доби работата да ја надгледува работата на целиот железнички проект од Белград до границата со Унгарија.

Според дел од српските медиуми министерот во оставка Весиќ од вчера стапи во штрајк со глад.

Во трагедијата што се случи на 1 ноември, кога се урна настрешницата на Железничката станица во Нови Сад, загинаа 15 лица, а двајца сè уште се во критична состојба.

The post Министер, поранешна министерка, директорката на Железници меѓу 13 осомничени за несреќата во Нови Сад appeared first on Република.

Сите уапсени поради падот на настрешницата на Железничката станица во Нови Сад денеска ќе бидат сослушани, објави српски Блиц. Како што јавуваат, после тоа судот ќе донесе одлука за евентуален притвор.

Вишото јавно обвинителство во Нови Сад вчера соопшти дека се уапсени и приведени вкупно 12 лица во врска со трагедијата во Нови Сад, кога падна настрешница на железничката станица во Нови Сад, а вкупно 15 лица го загубија животот, додека двајца се тешко повредени.

Меѓу уапсените се Горан Весиќ, до неодамна министер за градежништво, транспорт и инфраструктура, потоа Анита Димовски, в.д. помошник министер за железници и интермодален транспорт и Јелена Танасковиќ, до неодамна вршител на должноста директор на „Српска железничка инфраструктура“. Горан Весиќ поднесе оставка на 5 ноември, додека Јелена Танасковиќ во средата.

Порталот Република јавува дека меѓу уапсените е и Небојша Шурлан, поранешен директор на „Српската железничка инфраструктура“, кој на оваа функција беше до март годинава, кога поднесе оставка.

The post Денеска ќе се одлучува за притворот за 12 уапсени поради трагедијата во Нови Сад appeared first on Република.

Вишото јавно обвинителство во Нови Сад соопшти дека во врска со уривањето на настрешницата на Железничката станица во Нови Сад, уште едно лице е уапсено, додека уште еден осомничен е недостапен за органите на прогонот, јави дописникот на МИА од Белград.

Обвинителството соопшти дека е уапсена З. С. М. поради основи на сомнение дека сторила кривично дело Тешко дело против општата сигурност од чл.288 ст.2 од Кривичниот законик во врска со кривичното дело Непрописно и неправилно вршење градежни работи.

Оттаму додаваат дека е констатирано дека едно лице кое се сомничи дека го сторило истото кривично дело во моментов е недостапно за органите на прогонот.

Претходно денеска 11 лица беа уапсени во врска со трагедијата во Нови Сад, кога при падот на настрешницата на железничката станица во тој град загинаа 15 лица, а двајца беа тешко повредени.

Меѓу 11-те уапсени се и министерот за транспорт во оставка Горан Весиќ, неговата помошничка задолжена за железнички и интермодален транспорт Анита Димоска, Јелена Танасковиќ која вчера поднесе оставка од функцијата в.д. директор на „Железничка инфраструктура“, како и нејзиниот претходник Небојша Шурлан.

The post 12 уапсени за уривањето на настрешницата на Железничката станица во Нови Сад appeared first on Република.

Меѓу уапсените за падот на настрешницата во Нови Сад се Небојша Шурлан, поранешен директор на компанијата „Инфраструктура железнице“ и Јелена Танасковиќ, која до пред неколку дена беше директор на истата фирма, објави Нова.рс.
Мондо пак поранешниот министер за градежништво, транспорт и инфраструктура, Горан Весиќ, како и помошничката на Весиќ задолжена за железнички и интермодален транспорт, Анита Димоски.

Горан Весиќ на социјалната мрежа Х напиша дека не е уапсен, туку дека „доброволно се јавил на повикот на полицајците и им е на располагање на полициските органи“.

Не бев уапсен, доброволно се одзвав на повикот на полицајците со кои дојдов во Нови Сад и се ставив на располагање на истражните органи за целосно да се истражат сите околности кои довеле до несреќата во Нови Сад. Секогаш, како и досега, ќе бидам на располагање на надлежните органи и ќе докажам дека не сносам никаква кривична одговорност за овие трагични настани
- напиша Весиќ.

Тој поднесе оставка од функцијата неколку дена по несреќата во Нови Сад.

Вишото јавно обвинителство во Нови Сад денеска соопшти дека се уапсени и приведени вкупно 11 лица поради постоење основано сомнение дека се одговорни за падот на настрешницата од зградата на Железничката станица во Нови Сад. За наведените кривични дела е пропишана затворска казна од две до 12 години.

Настрешницата на станицата се урна на 1 ноември. Загинаа 15 лица, а две лица се уште се борат за живот. Меѓу загинатите е и 45 годишниот македонски научник, Васко Саздовски.

По трагедијата во Србија беше следеа протести на граѓаните кои бараа одговорност за катастрофата што се случи.

The post Поранешниот министер Весиќ меѓу уапсените за падот на настрешницата во Нови Сад appeared first on Република.

Вишото јавно обвинителство во Нови Сад денеска соопшти дека вкупно 11 лица се уапсени и приведени во врска со трагедијата во Нови Сад, кога 15 лица загинаа, а двајца беа тешко повредени при падот на настрешницата на железничката станица во тој град.

По деталната анализа на сета потребна документација, разговори со поголем број граѓани, како и по извршеното вештачење за утврдување на причината и околностите под кои паднала натстрешницата, кои се доставени до обвинителството на 20.11.2024 година и запознавање со наодите и мислењето на вештак од градежната струка, по наредба на Вишото јавно обвинителство во Нови Сад, на 21.11.2024 година се уапсени и приведени вкупно единаесет лица поради тешко дело против општата сигурност од член 288 ст.2 од Кривичниот законик во врска со кривично дело предизвикување општа опасност од чл.278 ст.2 од Кривичниот законик.

Осомничените С.Н., М.Ј., Љ.М.М., М.С., Д.Ј., М.Г. и Д.Т. сториле кривично дело Тешко кривично дело против општата сигурност од член 288 став 2 од Кривичниот законик во врска со кривичното дело Неправилно и неправилно извршување градежни работи од член 281 став 1 од Кривичниот законик, стои во објавата.

The post 11 лица се уапсени поради трагедијата на железничката станица во Нови Сад appeared first on Република.

По повод трагичната смрт на Ања Радоњиќ, општина Параќин прогласи тридневна жалост. Ања Радоњиќ беше тешко повредена во несреќата по паѓањето на повеќетонската настрешница на железничката станица во Нови Сад, јави дописникот на МИА од Белград.

Дваесет и четиригодишната Радоњиќ почина вчера во Клиничкиот центар во Војводина (КЦВ), и таа е петнаесеттата жртва во несреќата во Нови Сад.

Лекарите од Клиничкиот центар во Војводина продолжуваат со комплексно интензивен третман со континуирано следење на виталните функции на останатите двајцата пациенти кои се примени со тешки политрауматски повреди.

-Пациентите Ц. В, роден 2006 година и М. Т, родена 2000 година се наоѓаат во многу тешка здравствена состојба. Мултидисциплинарен конзилијарен тим од лекари секојдневно донесува одлука за понатамошно лекување, изјавија од Службата за односи со јавноста на КЦВ.

Новосадската опозиција поднесе барање за разрешување на градоначалникот на Нови Сад, Милан Ѓуриќ.

Во уривањето на настрешницата на железничката станица во Нови Сад на 1 ноември загинаа 15 лица, додека двајца се борат за живот.

Оставката на Ѓуриќ е едно од барањата од серијата протести кои беа покренати по трагедијата.

The post Тридневна жалост во Параќин поради смртта на петнаесеттата жртва од несреќата во Нови Сад appeared first on Република.

Девојката која беше тешко повредена при падот на настрешницата на железничката станица во Нови Сад почина во Клиничкиот центар во Војводина, изјави директорката на Клиничкиот центар во Војводина (КЦВ), Весна Туркулов, јавува Н1.

Се работи за пациентката со најтешки повреди. Петнаесеттата жртва во несреќата што се случи на 1 ноември во Нови Сад. И покрај борбата и напорите на лекарите, дојде до смртен исход, изјави Туркулов.

Таа додаде дека повредите биле опасни по живот од самиот почеток и дека лекарите сè уште се борат за животот на две сериозно повредени лица.

Во име на сите вработени во КЦВ сакам уште еднаш да изразам длабоко сочувство до семејството и благодарност до лекарите кои дадоа сè од себе“, рече Туркулов.

Младата кошаркарка и ученичка на кинески јазик, Ања Радоњиќ од Параќин, почина 17 дена борба. Таа се здобила со сериозни повреди при падот на настрешницата на железничката станица во Нови Сад, од која не можела да се опорави. Имала внатрешно крварење, раката и била ампутирана и била приклучена на дијализа.

Семејството и нејзиното момче деноноќно биле во болница и се молеле за нејзино опоравување, но за жал, Ања не можела да се справи со нејзините страшни повреди.

Дечкото, кој бдееше покрај болничкиот кревет, беше и последниот со кој Ања разговарала пред да се случи несреќата на железничката станица. Имено, двајцата разговарале на телефон додека таа излегувала од станицата во Нови Сад каде тој ја чекал, а потоа на само неколку метри од него се случила трагедија.

На сите им е тешко, а тој, како што рече, бил на неколку метри од неа. Ја чекаше да излезе од железничката станица. Во моментот кога се случила несреќата, кога паднала настрешницата, двајцата разговарале на телефон... Видел се, секој момент - изјавил за Информер роднина на починатото девојче.

Настрешницата на железничката станица во Нови Сад се урна на 1 ноември, кога 14 лица загинаа на лице место, а три беа тешко повредени.

The post Неколку чекори ги делеле од прегратка на железничката станица, остана со неа до крај: Почина 15 жртва од настрешницата во Нови Сад appeared first on Република.

Една од тројцата пациенти тешко повредени поради уривање на настрешницата на железничката станица во Нови Сад почина на 17.11. во 15 часот во Клиничкиот центар на Војводина, соопшти в.д. директор на Клиничкиот центар на Војводина, д-р Весна Туркулов.

„Се работи за пациентка со најтешки повреди. Таа е петнаесеттата жртва во несреќата што се случи во Нови Сад на 1 ноември. И покрај сите напори на лекарите, таа почина“, рече Туркулов.

Таа додаде дека повредите биле опасни по живот од самиот почеток и дека лекарите продолжуваат да се борат за животот на уште две тешко повредени лица.

„Во името на сите вработени во КЦВ сакам уште еднаш да изразам најдлабоко сочувство до семејството и благодарност до лекарите кои дадоа се од себе“, подвлече Туркулов.

Настрешницата на железничката станица во Нови Сад се урна на 1 ноември, кога 14 лица загинаа на лице место, а тројца беа тешко повредени.

The post Почина една од повредените во несреќата на железничката станица во Нови Сад appeared first on Република.

Граѓаните на Нови Сад денеска во 11 часот и 52 минути застанаа во знак на солидарност со семејствата на четиринаесетте жртви пред две недели во Нови Сад и побараа одговорност за уривањето на настрешницата на Железничката станица, јави дописникот на МИА од Белград.

Пратениците на парламентарната опозиција на Собранието на Србија им се придружија на Новосаѓани, кои пред зградата на Парламентот во Белград развија црно знаме и 14 минути молчејќи стоеја на улица.

На акцијата за оддавање почест за настраданите од 11:52 до 12:06 часот повика новосадската опозиција, која наведе дека ги повикала граѓаните на индивидуален протест и граѓанска непослушност, бидејќи Обвинителството се уште не именувало никого како осомничен за трагедијата на железничка станица.

Нека застане цел Нови Сад барем за тие 14 минути, се вели во заедничкото соопштение на девет опозициски партии и граѓански движења.

Граѓаните застанаа на 14 минути и во автомобилите, како и пешаците. Повеќето од нив застанаа на главните раскрсници и во центарот на градот, како и на главните улици и булевари.

Тие се собраа и пред железничката станица, каде што се случи трагедијата. Таму беше развеан голем црн транспарент и беа пуштени 14 црни балони.

На „Кнез Михајлова“ помали групи граѓани симболично им оддадоа почит на жртвите, застанувајќи на улица.

Акцијата започна во 11 часот и 52 минути во моментот кога на 1 ноември се случи трагедијата во Нови Сад.

The post Новосаѓани застанаа 14 минути барајќи одговорност за несреќата на железничката станица appeared first on Република.

Речиси две недели откако се урна бетонска настрешница на железничката станица во Нови Сад и загионаа14 лица, а тешко повредени три - се уште нема уапсени. Во Нови Сад речиси секој ден има протести и акции - а се најавуваат нови, јавија српски медиуми.

По прошетката во Белград, протестите се враќаат во Нови Сад - Нови Сад стои на 14 минути, во 11:52 часот. Во моментот кога 14 дена претходно биле згаснати 14 животи, јави Н1.

„Поминаа 14 дена од трагедијата, не само што никој не одговара, никој не е гонет, многумина се сослушани, а немаме ниту осомничени. Затоа ги повикавме граѓаните да покажат отпор кон избегнувањето на одговорност од страна на одговорните“, вели Стеван Бабиќ од Крени-Промени.

Додека опозицијата најавува стопирање на Нови Сад в петок, младите најавуваат прекин на сообраќајот в недела на шест часа и бараат - одговорност.

„Таа барикада е придружена со содржина насочена кон активирање и слушање на граѓаните во однос на целата ситуација и падот на настрешницата. Ќе имаме гости говорници, перформативни акции - но и ќе поканиме и вклучуваме граѓани како  да покажеме граѓанска непослушност“, вели Јелена Божиќ од групата Свиќе.

The post Во Нови Сад нов протест за трагедијата на железничката станица appeared first on Република.

Двајца од тројцата пациенти кои беа тешко повредени како последица од уривањето на настрешницата на Железничката станица во Нови Сад се во свесна, но се уште тешка состојба, изјави за „Танјуг“ в.д. директор на Клиничкиот центар на Војводина, д-р Весна Туркулов.

Двајца пациенти се свесни и на кислородна поддршка, комуницираат со очите. Еден пациент сè уште е на апарати за вештачко дишење, рече Туркулов.

Таа додаде дека проблем се секундарните инфекции, а нема опуштање бидејќи повредите се обемни.

Секој ден се преврзуваат во холот, имаше по некоја ортопедска корекција, фиксирање на коските, а семејствата можат да ги гледаат секој ден, рече Туркулов.

Се организира и психолошка поддршка за свесните пациенти, бидејќи тие се вознемируваат кога ќе ги видат своите семејства.

The post Kомуницираат со очи, но се вознемируваат кога ќе ги видат семејствата appeared first on Република.

Новосадската опозиција денеска ги повика граѓаните на 15 ноември да прекинат со работа на четиринаесет минути и да го изразат своето незадоволство преку индивидуален протест и граѓанска непослушност бидејќи обвинителството се уште нема осомничени за падот на настрешницата на железничка станица во тој град, при што животот го загубија четиринаесет лица. Активистите од групите „СвиЧе“ и „СТАВ“ најавија протест и демонстрации во Нови Сад и в недела на 17 ноември напладне, каде ќе побараат одговорност за падот на настрешницата на железничката станица, јави дописникот на МИА од Белград.

Сите опозициски советнички групи во Градското собрание најавија дека во петок, кога се навршуваат четиринаесет дена од падот на настрешницата, граѓаните треба од 11:52 до 12:06 часот да покажат емпатија и солидарност со семејствата кои ги загубија своите најблиски.

Доколку сте во кола застанете во 11:52, запалете ја светлосната сигнализација и излезете од колата, ако сте на работа излезете од зградата каде што работите на улица во тоа време, ако сте на факултет, напуштете ги часовите и вратете се подоцна, учениците тие 14 минути да ги поминат во училишниот двор, нека прогласат пауза лекарите во тој момент, приватните претприемачи исто. Секој во тоа време треба само да застане, бидејќи животот на тие 14 луѓе застана во секунда!, се наведува во повикот на опозицијата.

Оттаму посочуваат дека „обвинителството, кое е изложено на притисок и опструкции на властите“, се уште не прогласило никого за осомничен за трагедијата на Железничката станица, но оти тие „нема да дозволат режимот да ги заборави жртвите“.

Пратеникот и поранешен градоначалник на Нови Сад, Борислав Новаковиќ од Народното Движење на Србије (НПС), ги повика и другите градови во Србија во петок да застанат тие 14 минути.

Огласот го потпишаа НАДА за Нови Сад - Нови ДСС - ПОКС, Крени прамени - Нови Сад, Србија Центар - БРАВО Нови Сад, Националното движење на Србија - Еколошко востание, Партијата за слобода и правда (ССП) и Движењето за пресврт, Демократска партија (ДС), Движење на слободни граѓани (ПСГ) и Зелено левиот фронт, Граѓанската група Херои - Миша Бачулов и советник на Лигата на социјалдемократите од Војводина.

Во меѓувреме, групата „СвиЧе“ и „Став“ најавија дека во недела на 17 ноември ќе организираат протест и барикади на раскрсницата Булевар Јаша Томиќ и Булевар на ослободувањето пред Железничката станица во Нови Сад.

Дотогаш го поддржуваме повикот на новосадската опозиција дека во петок, на 15 ноември, „14 дена по злосторството, сè да застане на 14 минути – од 11:52 до 12:06 часот“, наведуваат во соопштенето, додавајќи дека продолжат понатаму се додека не се исполнат сите барања и ослободување на уапсените.

The post Опозицијата од Нови Сад повика на 14-минутна граѓанска непослушност в петок, а блокади в недела appeared first on Република.

Српскиот премиер Милош Вучевиќ синоќа изјави дека должност и одговорност на владата е да не дозволи атмосферата на анархија да се прошири од социјалните мрежи на улиците, а очекува уште оставки поради трагедијата во Нови Сад, пренесе Бета.

На состанокот на Главниот одбор на владејачката Српска напредна партија (СНС) Вучевиќ додаде дека обврска и одговорност е да не се дозволи некој да ја пали, уништува и урива државата и општеството затоа што е бесен и лут.

Многу граѓани се разочарани и исплашени. Некои се дури и лути. Но, тоа не значи дека треба да си ја урнеме куќата, да ја запалиме. Дотолку повеќе што одговорноста на СНС е најголема затоа што доби најголема поддршка од граѓаните, нагласи Вучевиќ.

Вучевиќ, кој е и претседател на СНС, по седницата изјави дека во наредните денови очекува уште оставки.

Тој додаде дека на Претседателството на партијата се разговарало за конкретни имиња кои треба да сносат политичка одговорност, јави ТВ Н1.

Кога велиме дека очекуваме од нашите членови политички да се борат, тоа не значи дека некој некого аболира или амнестира од кривично-правна одговорност, или од политичка одговорност, рече Вучевиќ.

Како што наведе, кога кажуваат дека мора да ја спасат државата, тоа значи дека на несреќа не можеме и не смееме да ја уништиме државата.

Запрашан дали на состанокот на раководството на СНС се разговарало и за конкретни имиња кога станува збор за оставки, на кои тој и Вучиќ претходно инсистираа, тој одговори потврдно.

Што се однесува до одговорноста, на претседателството разговаравме конкретно и со имиња. Очекувам дека во наредните денови уште некои луѓе ќе сносат политичка одговорност за тоа што се случи. Станува збор за луѓе кои се членови на претседателството и на извршната власт очекувам уште оставки, нагласи тој, пренесе Бета.

The post Српскиот премиер очекува уште оставки поради трагедијата во Нови Сад appeared first on Република.

Вршителката на должност директорка на Клиничкиот центар на Војводина, Весна Туркулов, утрово изјави дека состојбата на тројцата тешко повредени во уривањето на настрешницата на Железничката станица во Нови Сад на 1 ноември се уште е непроменета.

Седми ден од борбата за живот, состојбата се уште е непроменета. Тие се уште витално загрозени, секој ден контролираме, секој ден Советот се состанува неколку пати во текот на денот, изјави Туркулов.

Таа додаде дека внимателно се следи нивната здравствена состојба, се прават дополнителни наоди, лабораториска дијагностика и така се одлучуваат понатамошните чекори.

The post Состојбата на тројцата тешко повредени во несреќата во Нови Сад не е променета appeared first on Република.

Поради нереди на протестот во Нови Сад, девет лица се уапсени на барање на Вишото и Основно јавно обвинителство во тој град, се наведува во заедничкото соопштение на двете обвинителства, јави дописникот на МИА од Белград.

Според соопштението, од деветмината уапсени за нереди на вчерашниот протест, шест лица се осомничени за сторено кривично дело -Насилничко однесување на спортски настан или јавен собир, едно лице за кривично дело -Уништување и оштетување на туѓ имот, едно лице за кривично дело -Напад врз службено лице при вршење на службена должност и едно лице за кривично дело -Предизвикување општа опасност.

Во соопштението се додава дека се уште трае потрагата по сторителот на кривичното дело- Оштетување на угледот на Република Србија, додека интензивно се работи на утврдување на идентитетот и на други лица за кои постојат основи на сомнение дека имаат сторил кривично дело -Напад врз службено лице при вршење на службена должност, односно кривично дело -Уништување и оштетување туѓ имот.

Обвинителството посочува дека во врска со кривичното дело предизвикување општа опасност, кое било вршено со истурање фекалии од цистерна пред Градското собрание на Град Нови Сад, на место каде што биле собрани поголем број луѓе, предизвикана е опасност од ширење на инфекција, а на лице место е извршен увид при што вработени во Институтот за јавно здравје од Војводина земале мостри, чија анализа е во тек.

-За време на протестот имаше насилство и уништување имот, како и оштетување на самата зграда на Градското собрание од повеќе лица, заштитната ограда на блиското градилиште на подземната гаража, службениот влез во просториите на Кривичниот суд во Нови Сад и просториите на Српската напредна странка на Булеварот на ослободувањето, каде што беше искинато и знамето на Република Србија, а учесниците на протестот нападнаа неколку полицијски службеници, изјавија од Обвинителството

The post Деветмина уапсени за нередите во Нови Сад appeared first on Република.