Вооружени полицајци и пожарникари упаднаа во станот во кој живеел терористот, објави српски „Блиц“, кој денеска со самострел рани припадник на Жандармеријата пред Амбасадата на Израел во Белград.

Имено, полицијата почнала да трага по неговите соработници и истомисленици, додека силни полициски сили почнале да пребаруваат повеќе локации во Нови Пазар, каде терористот живеел со сопругата.

Сè уште не е познато каде се наоѓа таа. Во станот влегле специјалци и пожарникари.

Последните денови двојката не била во станот што го изнајмиле, а соседите рекле дека не ги забележале.

Во Белград денеска околу 11 часот терористот Милош Жујовиќ (34) го нападна жандармот пред Амбасадата на Израел, во кој напаѓачот, кој е преобратен во ислам и е вахабист, извадил самострел од чантата и пукал кон него. Тој, пак, иако тешко ранет, возвратил и го ликвидира напаѓачот.

Терористот е родум од Младеновац, но го сменил местото на живеење и живеел во Нови Пазар.

The post Опсадна состојба во Нови Пазар, полицијата упадна во станот на терористот, се трага по неговите соработници appeared first on Република.

Таткото на четирите деца кои утринава загинаа во пожарот во Нови Пазар жив горел додека се обидувал да ги спаси своите деца, велат за српските медиуми очевидци на трагедијата. Несреќниот маж преку терасата се обидел да влезе во собата во која биле неговите деца, но не успеал да ја отвори вратата.

Лекарите од болницата во Нови Пазар соопштија дека телата на трите деца практично биле јагленосани при приемот, додека четвртото дете давало знаци на живот, но изгорениците биле толку страшни што ни реанимацијата не можела да го спаси.

Соседите на ова семејство велат дека не паметат ваква голема трагедија во нивниот крај. Еден од нив случајно поминал покрај зградата и го видел таткото на детето како гори на терасата – вели соседот и додава:

Човекот жив гореше, огнот му беше на телото! Тој повика помош и се обиде да ја отвори вратата од терасата за да дојде до своите деца и да ги спаси, но за жал не успеа, а бидејќи и самиот бил во пламен скокнал од терасата.

Некои од случајните минувачи втрчале во зградата и се обиделе да им помогнат на несреќните луѓе, а целата сцена имала застрашувачки ефект.

Tаткото на семејството, според непотврдени информации, египетски државјанин, е префрлен во болница во многу тешка состојба и лекарите се борат за неговиот живот. Повредена е и мајката А.А., но има изгореници кои не се опасни по живот и е во стабилна состојба.

The post Таткото жив горел на терасата обидувајќи се да си ги спаси децата, на крај морал да скокне appeared first on Република.

Вонредна состојба е прогласена во српските градови Пријепоље, Сјеница и Нови Пазар поради обилни дождови и излевање на реки. Во Нови Пазар се трага по две лица. На реката Лим е изграден уште еден насип за заштита на селото Бродарево. Реката Бјелица се излеа и во драгачевските села, како и реките во Чачак и Тутин. Се излеа и Ибар во Косовска Митровица, а над 50 куќи во општина Звечан се поплавени, јавија српските медиуми.

Како последица на обилните врнежи кои траат повеќе од 15 часа на северот на Косово, реката Ибар се излеа во близина на главниот мост во северна Косовска Митровица. Во општина Звечан се излеаја потоци и реки, а поплавени се повеќе од 50 куќи.

Командирот на противпожарната станица во Звечан, Владан Радомировиќ вели дека ниту најстарите жители на Звечан не се сеќаваат на ваква состојба со поплави.

Ситуацијата е најтешка во последните 50 години. Имаме големи проблеми со поплавите, а нивото на реката Ибар расте речиси на сите точки. Се е во опасност. Поплавени се повеќе од 50 куќи, моментално најмногу тешко е во Грабовац, каде имаше голем одрон кој исто така ги откорна бандерите и среќа е што тие не паднаа врз куќите, бидејќи ќе имаше жртви, рече Радомировиќ.

Тој посочи и дека се ангажирани сите тимови, но и дека надлежните служби не можат се да постигнат бидејќи постојано добиваат нови пријави од граѓаните.

Патот кој води од северна Косовска Митровица и Звечани кон Зубин Поток е блокиран поради свлечиште и во моментов е непрооден, а како што јави Косово онлајн, во тек се обиди за негово оспособување и се очекува дополнителна механизација.

Вонредна состојба е прогласена и во Нови Пазар. Две лица кои паднале во реката Трнавица се водат како исчезнати и потрагата по нив се уште трае, додека лицето кое се обидело да ги спаси по интервенција на спасувачите е згрижено и е во добра општа здравствена состојба, потврдија од градскиот штаб за вонредни состојби.

Како што пишуваат српските медиуми, станува збор за двајца соседи кои се обиделе да си ги спасат семејствата и имотите од надојдените води.

Прво во водата паднал еден маж, а неговиот сосед тргнал да го спасува својот пријател, но за жал водата го повлекла и него. Кога синот го видел тоа, тргнал по својот татко, но и тој паѓа во вода. Останатите новопазарци успеале да го спасат синот, но не и другите сограѓани од водата.

https://youtube.com/watch?v=MKR2PlQTNOE&feature=shares

Штабот донесе одлука за прогласување вонредна состојба на територијата на Нови Пазар.

Од штабот апелираат граѓаните да избегнуваат движење и престој во близина на реки и други водотеци, како и да не поминуваат по импровизирани мостови. Тие ги информираа средношколците на територијата на Нови Пазар кои живеат во загрозени подрачја дека се ослободени од обврската да посетуваат настава во втора смена.

The post Син не успеа да го спаси татко си од надојдените води, тој пак се фрлил за да му помогне на соседот кој паднал appeared first on Република.

На социјалните мрежи се појави видео снимено во неделата во Нови Пазар на кое се гледа како граѓаните буквално се грабаат за шеќер во продавница.

„Дајте ми пакет, за волја на Бога. Дај ми едно пакување“, се слуша како плаче една жена од снимката.

Српските медиуми јавуваат дека недостигот од основни производи е честа појава во Србија во последните неколку месеци, но дека состојбата се влошува со ваквите грабежи во продавниците и трупањето залихи.

Недостигот на шеќер во продавниците низ Србија трае веќе со недели, а во многу продавници има барања граѓаните да купат не повеќе од пет килограми шеќер по набавка.

Инаку, Србија минатата година веќе ги ограничи цените на некои прехранбени производи за да ги заштити пазарот и потрошувачите, но годинава имаше недостиг, главно на шеќер и млеко.

.

The post Во Нови Пазар се „тепаат“ за шекер appeared first on Република.

Џемо Еминовиќ (79)  ја уби снаата Зумрета (44) во селото Црноча кај Нови Пазар oткако слушнал дека таа има љубовник.

По расправијата Џемо пукал во Зумрет во дворот каде што живеат двајцата а соседите слушнале истрели

Соседите слушнале вкупно четири истрели, а се верува дека Џемо испукал три истрели во Зумрет, а потоа се застрелал и самиот. Во моментот на злосторството, свекрвата на Зумрета била на терен, а нејзиниот син на училиште

Соседите повикале брза помош и полиција која можела само да констатира смрт на свекорот

Според зборовите на соседите, свекорот и снаата со години биле во лоши односи.

- Живееја во две куќи во ист двор, но со години не разговарале поради некаква кавга. Сопругот и деверот на Зумрета работеле во странство и доаѓале во Србија 15 до 20 дена во годината, па таа останувала да живее со свекорот и свекрвата.

The post Се сомневал дека го изневерувала неговиот син: Свекорот си ја уби снаата appeared first on Република.