Во Министерството за внатрешни работи денеска до 14:40 часот било пријавено дека на електронските адреси на 16 училишта во Скопје и четири училишта во Прилеп е упатена закана за поставена експлозивна направа.

- Веднаш по добиените пријави, од полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаите, соопштија од МВР. 

The post Нов ден нови дојави за бомби, сега и во Прилеп appeared first on Република.

Заврши седницата на собраниската Комисија за одбрана и безбедност на која министерот за внатрешни работи Оливер Спасовски го презентираше Извештајот за мерките и активностите кои МВР ги презело во врска со лажните дојави за поставени експлозивни направи.

– На мое барање како претседател на Комисијата и на барање на пратеничката група на ВМРО-ДПМНЕ поднесовме до МВР да ни достави информација за сите мерки и активности кои МВР ги има преземено во делот на она што значи електронски напади во објектите на подрачјето на целата држава. Од страна на министерот за внатрешни работи во петокот ни беше доставена комплетната информација и јас веднаш свикав Комисија која денеска се одржа. Од страна на министерот беа детално презентирани сите мерки и активности што МВР ги има преземено во делот на откривање и спречување на сите овие напади, изјави претседателот на Комисијата Миле Талевски.

Тој вели дека информацијата што стигнала од страна на МВР била класифицирана како државна тајна.

– Жалам што пратеничката група на ВМРО-ДПМНЕ не учествуваше во работата на Комисијата за одбрана и безбедност со оглед на тоа дека и претходно јас како претседател на Комисијата имав координација со пратеници од ВМРО-ДПМНЕ и го усогласивме и договоривме терминот за одржување на оваа Комисија, но од за мене неразбирливи причини ја напуштија работата на Комисијата и не учествуваа во целата дебата односно презентација на Извештајот од страна на министерот, рече Талевски.

The post Заврши седницата на собраниската Комисија за одбрана и безбедност-кој ги постави одговор нема appeared first on Република.

Лажни се сите дојави за поставени бомби 19 училишта во Скопје што биле доставени попладне на нивните електронски адреси. -Направени се сите потребни проверки во врска со денешните пријави од училишта во Скопје по добиените пораки на електронските адреса со закана за поставена експлозивна направа  и утврдено е дека станува збор за лажни пријави, потврдија за МИА од Министерството за внатрешни работи.

Како што посочуваат од МВР, веднаш по добиените пријави, од полициски службеници се преземени мерки за безбедно евакуирање на објектите, а потоа се извршени и детални проверки од тимови за антитерористички проверки и утврдено е дека станува збор за лажни пријави

The post Сите дојави во училиштата за среќа се лажни appeared first on Република.

Утрово до дел од скопските средни училишта повторно пристигнаа дојави за поставени бомби. Според медиуми, има дојави за бомби во две средни училишта, „Раде Јовчевски Корчагин“ и „Јосип Броз Тито“.

Дел од учениците ги напуштаат училиштата, друг дел веќе се заминати и во тек се антитерористички проверки.

На терен пристигнуваат екипи на полицијата за проверка.

Во изминатиот период имаше повеќе пријави за поставени бомби во средните училишта во Скопје како и во основно училиште во Крива Паланка.

Претходно, малолетник беше уапсен од полицијата поради испраќање меилови со заканувачки содржини за поставени бомби во неколку средни училиштата во Скопје.

The post Нови дојави за бомби во средни училишта appeared first on Република.