Во фоајето на Националната опера и балет се одржа прес-конференција по повод отворањето на новата сезона во Националната опера и балет со моќната и возбудлива сценска кантата „Кармина бурана“ од германскиот композитор Карл Орф на 16 октомври како и за богатата програма што ќе следува на репертоарот.
На прес-конференцијата беа присутни: Оливер Арсовски, в.д. директор на НУ Национална опера и балет, Христо Саракинов, уметнички раководител на Опера, Кире Павлов, уметнички раководител на Балет и Бурхан Дибрани, раководител на секторот Маркетинг.

Националната опера и балет не е Универзална сала. Изминатите години прво се гледало да се даде за изнајмување, па после да има простор за претставите од репертоарот. Тоа веќе нема да се случува. Прво ние ќе го пополниме календарот, па ако има место, ќе ја изнајмуваме за други проекти“, кажа Арсовски. Од јануари, додаде тој, сигурно ќе има по 2 оперски и 2 балетски претстави од железниот репертоар, а сѐ останато ќе бидат концерти, рецитали, претстави на мала сцена.

Ноември ќе биде посветен на одбележување на 100 години од смртта на италијанскиот композитор Џакомо Пучини. На 8 ноември е најавена „Боеми“, на 16 ноември е „Мадам Батерфлај“, на 23 ноември е „Тоска“ и на 29 ноември е закажана „Турандот“. Претставите ќе бидат со странски диригенти и пејачи.

The post Националната опера и балет ја отвора сезоната со моќната и возбудлива сценска кантата „Кармина бурана“ на 16 октомври appeared first on Република.

Како што беше најавено, Македонскиот народен театар, новата театарска сезона 2024/2025 година ќе ја започне со отворање на новата сцена - летната сцена „Славиша Кајевски“, со патувања и гостувања надвор од државата, гостувања во МНТ, како и реализирање на премиерни изведби.
На 4 септември официјално започнаа подготовките за претставата „12“ во адаптација и режија на Синиша Евтимов, работена по мотивите (12 Angry Men) од Реџиналд Роуз.
Приказната ја следи поротата од 12 луѓе додека размислуваат дали да осудат или да ослободат 18-годишен обвинет врз основа на разумно сомневање, принудувајќи ги поротниците да ги испитаат сопствените морални вредности.
Одбраната и обвинителството ја завршиле својата работа, а поротата е испратена во посебна просторија за да одлучи дали младиот човек е одговорен за убиството на сопствениот татко. Она што изгледа како лесна одлука, наскоро станува бура од емоции во која на виделина излегуваат сите мани и предрасуди на поротниците.  Единствениот кој се противи на смртната казна и се сомнева во доказите што ги изнесува обвинителството е поротникот број 8.
Во претставата, која е дел од годишната програма на националната установа МНТ за 2024 година, ќе игра моќна машка актерска екипа: Тони Михајловски, Никола Ристановски, Игор Џамбазов, Јордан Симонов, Владо Јовановски, Сашко Коцев, Оливер Митковски, Сенко Велинов, Ѓорѓи Јолевски, Александар Микиќ, Гораст Цветковски и Благој Веселинов.
Асистент на режисерот е Борјан Стојков, костимограф е Александар Ношпал, сценограф и дизајнер на светлото се на Мартин Манев, а музиката е на ПМГ Колектив.
Премиерата е закажана за октомври.
Списокот на претставите кои ги режирал Евтимов е обемен и разновиден, и во жанровска смисла и во однос на театарските куќи во кои работел. Хронолошки ги издвојуваме претставите кои ги има режирано во МНТ: „Едмонд“ (1996) од Дејвид Мамет, „Венко“ (2000) по текст на Благоја Ристески-Платнар, „Дипломец“ (2004), „Сомнително лице“ (2007) од Бранислав Нушиќ, „Така било пишано“ (2010) по текстот на Сашко Насев, (праизведба), „Кој се плаши од Вирџинија Вулф?“ (2012) според Едвард Олби, и последните две комедии „Не се клади на Енглези“ (2014) според Владимир Гурѓевиќ - претстава која е на репертоарската програма веќе десетта година и сѐ уште ги полни салите, како и претставата „Мој термин“ (2019) по мотивите на Лорен Бафи и Висенте Виљануева.

The post Во МНТ почна пробата за најновата претстава: „12“ со моќна машка актерска екипа, во адаптација и режија на Синиша Евтимов appeared first on Република.

По назначување на новиот в. д. директор Никола Кимовски на најголемата театарска куќа во Република Македонија – Македонскиот народен театар, беше најавено дека пре‭т‬стојната сезона 2024/2025 г‭од‬. свечено ќе биде започната со ‭отворање ‬на летната сцена ‭„‬Славиша Кајевски‭“.

Програмата ќе започне на 17.‭9.2024‭ ‬г‭одина ‬и ќе заврши со свечено затворање на ‭1.10.2024‭ ‬г‭од‬ина.

Ве покануваме заедно да поминеме незаборавни моменти и да уживаме во најпосетуваните и најпопуларни театарски претстави, како и нашите ценети македонски изведувачи и DJ.

Наскоро билети во продажба.‬

The post МНТ сезоната 2024/2025 свечено ќе ја започне со ‭отворање ‬на летната сцена ‭„‬Славиша Кајевски‭“ appeared first on Република.

Националната опера и балет во Скопје на 16 септември ја отвора новата сезона со операта „Лидија од Македонија“, во продукција на академик Пламен Карталов, информираат од Софиската опера.

„Лидија Македонска“ е напишана во 2001 година. Нејзин автор е Ристо Аврамовски и важи за една од најдобрите македонски опери. Создаден е по налог на тогашниот Македонски народен театар. Либретото е на Гај Шели и Дора Петрова од Франција.

„Ова е библиска приказна за животот на Света Лидија, која се смета за прва христијанка во Европа“, вели Пламен Карталов. Своите сеќавања ги комплетира со приказна за местото каде што се наоѓа храм во нејзина чест, кој се наоѓа во близина на античкиот град Филипи, недалеку од Кавала. Таму, на прекрасниот антички амфитеатар, на покана на градоначалникот на Кавала - Константинос Симитсис, во 2013 година софиската опера ја претстави операта „Дон Карлос“ од Џузепе Верди како дел од фестивалот „Филипи Тасос“.

Во Скопје претставата „Лидија од Македонија“ ќе ја диригира Иван Еминовиќ, а режисер е Трајко Јордановски. Сценографијата е на Панче Минов, а костимите на Елена Дончева. Во улогата на Лидија ќе настапи Наде Талевска Спасовска, а Свети Павле ќе биде Игор Дурловски.

Операта повеќепати се враќаше на репертоарот на театарот по нејзината премиера под диригентство на Пламен Карталов. Беше претставен и на меѓународниот фестивал „Охридско лето“.

Преданијата за светицата водат до првите денови од воспоставувањето на христијанската вера. Лидија, која ја боела пурпурната ткаенина за римските сенатори, го засолнила апостол Павле за време на неговите патувања опишани во „Делата на апостолите“.   Таа и нејзиното семејство го прифатиле христијанството и биле строго казнети од Римјаните. Се верува дека Лидија е првата европска христијанска светица.

The post Националната опера и балет на 16 септември ја отвора новата сезона со операта „Лидија од Македонија“ appeared first on Република.