Рап пејач е уапсен во Грција, обвинет е дека употребил експлозив за да ограби банкомат, а со парите си ги плаќал музички спотови, соопштија грчките власти.

28-годишникот викендов бил уапсен заедно со уште двајца осомничени откако полицијата упадна во имот во близина на Атина.

Во полициската акција полицијата запленила 1,5 килограми експлозив, автоматска пушка М16, четири пиштоли и нешто повеќе од 200.000 евра во готовина.

Портпаролката на тамошната полиција изјавила дека бандата е поврзана со 10 напади на банкомати во повеќе делови на Грција, главно на изолирани локации, а досега украла вкупно околу 710.000 евра.

The post Со експлозив ограбувал банкомати, па со парите ги плаќал своите рап спотови appeared first on Република.

Македонската металкор група SMUT, основоположник на овој музички стил во регионот, објави нов видео спот со кој го претставува синглот „ЕДЕН ДЕН“. Новото видео е во режија на Владимир Митревски – Ѓуле, кој имено се потпишува зад сите спотови на SMUT

Помислата да ја преточиш болката преку мастило во зборови, преку тонови во музика, преку слика во видео и тоа да ја опише истата за нас беше незамислива.

Благодарение на целиот тим кој работеше на овој проект, дојдовме до видеото за ‘Еден Ден’!

Има две причини кои беа пресудни зошто се одлучивме да снимаме спот за оваа песна, реакцијата на публиката на нашиот последен настап - Д Фестивал и сугестијата на режисерот Владимир Митревски - Ѓуле, по преслушување на песната.

Владимир е режисерот кој е потпишан на сите наши спотови и претежно тој е оној кој одбира кои песни ќе добијат видео запис.

Тематиката и снимање спот каде главната тема е загубата, е исклучително тешка, имајќи предвид дека треба да се опише тагата, празнината. Целиот товар падна на нашиот режисер и на главниот лик, балерината Мила Ниновска, која својот лик го одигра во вистинското светло како што беше замислено од режисерот.

А за нас, празната голема соба не беше доволно празна за да ја опишеме празнината на нашата загуба…“ – велат SMUT.

Групата SMUT  постои повеќе од 25 години со пет култни студиски албуми зад себе и важи за една од најценетите хардкор/металкор групи во овој дел од Европа. Најновиот сингл „Еден Ден“ кој SMUT денеска го претставува со видеозапис, беше објавен во аудио формат на 3 мај годинава, а два месеци подоцна премиерно беше изведен и во живо на нивниот настап на Главната бина на „Д Фестивал“ во Дојран.

https://www.youtube.com/watch?v=01Ohox3MO8Y

The post Групата SMUT со нов видео спот appeared first on Република.