Нема место за паника, досега во државава нема потврден случај на сојот на коронавирусот „кракен“, изјави за МИА Александар Петличковски, претседател на Комисијата за заразни болести.

Сѐ уште нема регистрирано кај нас, бидејќи последното секвенционирање на позитивните примероци на ковид е направено на 5 декември и во таа рунда на секвенционирање, не е откриен овој сој, „кракен“. Засега нема точна информација кога би било следното, отприлика на месец дена се прават тестирањата. Веројатно следните денови би имало нова рунда на секвенционирање, појасни Петличковски.

Но, од податоците што ги имаат од САД и од Европа, како што нагласи, не се очекува некаков драматичен пресврт ни со оваа нова варијанта.

Таа е малку повеќе заразна од претходните, како што сите нови варијанти што се појавуваат во изминатите месеци се однесуваат, стануваат малку повеќе заразни и малку поблага клиничка слика предизвикуваат на болеста. Така да, не очекуваме некој драматичен пресврт ниту со таа варијанта, истакна Петличковски.

Тој информираше дека Комисијата за заразни болести следната недела ќе има состанок и в среда ќе се разгледува состојбата.

Но, на терен, извештаите од болниците укажуваат на навистина стабилна состојба. Вкупно 30 хоспитализирани лица минатата недела, ниедно од нив на инвазивна вентилација, вкупно два смртни случаи, сѐ е како во последните три-четири месеци. Многу стабилно. Апсолутно нема простор за паника, додаде Петличковски.

Доминантниот сој на коронавирусот, омикрон, доби подваријанта ХББ.1.5, позната како „кракен“, што брзо се шири низ САД, како и низ дел од европските држави.

Од балканските држави, во Србија засега нема официјални информации за присуство на кракен, но, како што пишуваат дел од српските медиуми, се очекува да има наскоро, бидејќи подваријантата веќе се појави во Романија.

The post Петличковски: Досега нема потврден случај на сојот на коронавирусот „кракен“ кај нас appeared first on Република.

Првиот случај на нов вид на коронавирус под името XE е откриен денеска во Индија, во градот Мумбај, соопшти Општинската управа.

Откриен е и еден случај на сој Капа (што се појави во Индија во 2020 година), а индиските медиуми јавија дека пациентите заразени со новиот вид засега немаат сериозни симптоми.

Светската здравствена организација минатата недела соопшти дека новиот мутиран вид XE може да биде позаразен од кој било претходен.

Овој вид е откриен на почетокот на 2022 година, а Британската здравствена агенција на 3 април објави дека XE првпат бил откриен на 19 јануари и оттогаш во Велика Британија се потврдени 637 случаи.

XE е „рекомбинантен“ и мутацијата е BA.1 и BA.2 омикронски подсоеви. Рекомбинантните мутации се појавуваат кога пациентот е инфициран со повеќе видови на коронавирус. Видовите потоа го мешаат генетскиот материјал за време на репликацијата и формираат нов сој, објаснуваат британските експерти во документот објавен во „Бритиш медикал журнал“.

СЗО проценува дека XE е 10 отсто позаразна од подсојот на омикрон BA.2.

Прелиминарните проценки покажуваат дека ширењето на заразата е за 10 отсто поголемо во споредба со BA.2, меѓутоа, овие наоди бараат дополнителна потврда, соопшти здравствената агенција на ОН.

Од 230 пациенти во Мумбај чии примероци се секвенционирани, 228 се позитивни на Омикрон, еден на сојот Капа и еден на XE.

Вкупно 21 пациент се хоспитализирани, некои од нив со кислородна поддршка. Од 21 пациент, 12 биле невакцинирани, додека девет примиле две дози

The post Во Мумбај откриен сојот ХЕ на коронавирусот, позаразен од претходните appeared first on Република.

Министерството за здравство на Израел денеска објави дека во земјата се откриени два случаи на зараза со досега непознат сој на коронавирусот.

Новиот сој е комбинација на доминантната омикрон подсој БA.1 и друг подсој БA.2, кој предизвикува благи симптоми, без покачена телесна температура, со болки во мускулите и главоболки и не бара посебен третман.

Според израелското Министерство за здравство, овој сој сè уште не е познат во светот, а откриен е со ПЦР тестирање на патниците на меѓународниот аеродром Бен Гурион, Тел Авив.

Од почетокот на пандемијата во Израел починале 10.401 лице.

The post Во Израел откриeни два случаи на досега непознат сој на коронавирусот appeared first on Република.

Делтакрон официјално стана нова варијанта на Ковид, со потврдени случаи во Франција и САД.
Станува збор за комбинирани мутации на корона вирусите од соевите омикрон и делта, а една лабораторија во Кипар веќе го истражувала овој вид на почетокот на годинава, потсетува „Скај њуз“.

Сега, виролозите од Институтот „Пастер“ во Париз го секвенционираа геномот на видот делтакрон.

Случаите се потврдени во неколку региони на Франција, каде сојот циркулира најверојатно од почетокот на јануари.

На брифинг на 9 март, Светската здравствена организација соопшти дека сојот бил откриен и во Холандија и Данска. Потврдени се и два случаи во САД. Научниците нагласуваат дека денес луѓето имаат значителен имунитет на двата вида и дека нема причина да се мисли дека тоа ќе претставува дополнителна закана за вакцините.

The post Делтакрон и официјално е нов сој на Ковид-19, има потврдени случаи во Франција и САД appeared first on Република.

Во Кина е детектиран нов сој на коронавирусот.

Истражувачите, од кои повеќето потекнуваат од Универзитетот во Вухан, „неочекувано открија“ дека сојот NeoKoV откриен во Јужна Африка и неговиот „близок роднина“ PDF-2180-CoV „може ефикасно да користи некој тип на ензим 2 кој го конвертира ангиотензинот на лилјаците (ACE2) и човечки ACE2 за влез“, пренесува „RT“.

Научниците предупредија на „потенцијална закана за биосигурноста“ од новиот сој на коронавирусот, кој може да се пренесе од животни на луѓе. 

Порталот „biorxiv“, пишува дека инфекцијата со сој кој сега ги таргетира лилјаците „не може да биде вкрстено неутрализирана со антитела кои го таргетираат SARS-KoV-2 или MERS-KoV“.

Коронавирусот прв пат се појави во Вухан во Кина пред повеќе од две години. Во светот подоцна се појавија различни соеви кои станаа доминантни. Нови соеви скоро беа откриени во Јапонија и Франција. Претходно, и во други европски земји беа детектирани соеви на коронавирусот.

The post Во Кина е детектиран нов сој на коронавирусот appeared first on Република.

Научниците се загрижени поради појавата на нова варијанта на коронавирус во јужна Франција.

Откритието дојде откако 12 пациенти во истиот регион беа позитивни, а нивните тестови покажаа „нетипична комбинација“.

Експертите се сомневаат дека случајот можеби дошол од Камерун, бидејќи првото заразено лице пристигнало од патување од таа земја. Тие рекоа дека идентификувале 46 мутации во оваа варијанта која го добила името Б.1.640.2.

Неговото присуство први го открија експерти на „IHU Mediterranee Infection“ во Марсеј. Претходно овој месец тие на својот Твитер објавија дека откриле нова варијанта кај пациенти со ковид.

Она што ја прави варијантата поопасна е нејзината способност да се репродуцира поради бројот на мутации што ги има во однос на оригиналниот вирус. Останува да видиме во која категорија ќе спаѓа оваа нова варијанта.

Франција објави 219.126 нови инфекции во саботата, со што стана шестата земја во светот што надмина вкупно 10 милиони регистрирани случаи на ковид.

The post Пристигна нов сој на корона, има дури 46 мутации appeared first on Република.